قال بفكر اغيب

[النحال]

قال بفكر اغيب



اغيب ازاى ويغيب عن عينى الهم وألم الحبايب من بيه يهتم ، ومين يبكى قتلى شعبى ومين يجهز الاكفان للمقتولين اللى جايين .
حضورى وبكاى يمكن ميغيرش زى ما بيغيروا ناس تانيين .
لكنى لا ممكن اغيب واسيب ارضى وحربى قوسى وكربى مين يسيبنى اجافيه . رحت انام . اصلى انا لما بكيت على الواد محمد ابن علاء مبارك ريس المحروسه من يومين
جالى صداع من الهم والغم رفعت المخده فوق دماغ اللى خلفونى وان يجيى النوم . النوم مجافينى
روح يا مبارك امريكا او تعالى يا اوباما من هناك متخفوش انتو الاتنين اصلى احنا بنحس الالم ومن يقدر يحس بالالم غير اللى اتكوه بيه .
بس عايز اقول كلمتين اتنين . تعالو نعد اطفالنا المقتولين ابداء بحسب التاريخ ولا بحسب الحروف ولا بحسب المكان او السنين مين يقوم يفتح المزاد واخبره وادريه .
خوفى على المخده من الالم لا من الدموع خلونى افط اقوم اخد حبية الضغط واقول حسبنا الله ونعم الوكيل
الله يرحمك يا محمد يا ولد علاء مبارك ياملاك يا صغير انت فى السما .. تقبل يجليك اطفالنا مقتولين .
روح يا ابنى اتوكل على الله هنيالك وسلملى على مايسون غطاس تلاتشر سنه مقتوله فى الكشح سنه الفين .
ومتنساش ابن عمتى صفوت فايق مشرقى اتقتل فى المحرق عمره وقتها كان كمان تلاتشر سنه ولما تلعب مع العيال هناك دور على الواد بخيت نبيل اللى اتقتل فى مذبحة ابوقرقاص هو كمان زييك كان فى الاعداديه واتقتل جوه الكنيسه يا حبة عين امه شالته متقطع وابوه شهلق مالعياط ومحدش خد فيه حتى شهرين
وه هو مين اتحبس فى عيل مسيحى اتقتل !!!

تتصور يا محمد : مايسون غطاس محدش يعرف مين قتلها ولا الواد ابن عمتى الغلبان ملهوش قاتل ياريت وانت هناك تسأله قوله ياواد مين اللى ضربك بالندقيه محططش منطق يا نن العين ويا ورده على الخدين .

وكمان ياواد يا محمد سلم على اخوك مايكل صبرى اللى اتقتل فى سنه تسعين كان فى حجر امه ومعاه خاله قسيس واضرب بالنار فى المطامير . اوعى تزعله ان لعبتوا هناك فى السما مع بعضيكوا . هو اصغر منك وانت الكبير .
واحب اعرفك يا محمد متخافش من العيال دول المقتولين دول شهدا فى السما فرحانين زقطط والعب ياعم مهو اكيد يا ولدى مش هتلاقى الدم على جتتهم قاعد دا اصلى بقاله سنين . وزقطط كمان يا سى محمد ما هو الاقباط سابو جدك كمان يجى خمس سنين عقبال لما سيدك مبارك ولا سيدك اوباما يفكر فيهم وفينا . وواحد يزور التانى
وقال ايه نتظاهر ونعيط على المقتولين
تفتكر يا محمد جدك مبارك هيقدر الاحساس !!!
اه يا بو يا قلبى يانا ..... اشد طرف الجلبيه وامسح بيه دموعى لا حسن المخده تتعفر . اوعوا تقولوا انى بعيط على اللى راحوا . سيبونى فى حالى . انا بعيط على الرايحين .
قال بفكر اغيب قال !!

اغيب وشعب ظالم مشفتش واحد يوحد فيه بكى على عيالنا الميتين .

دولقتى ....
نشفت دموعى واقوم افط على قلمى وكراستى انا مش هفرط فى دم قبطى واحد ولو سيبونى كل مشاغلى ان شغلتى وشاغلى ان العيل من دول لما يموت ميموتش مرجوف من ضرب النار عليه يا مؤمنين . روحوا منكم لربنا هو احكم الحاكمين اقول تنضروا فى عيالكم ؟. ميهونش علينا الدعا يطلع من القلب و حماده ينجرح فى صباعه الصغير مش عارف انتو ليه على ولادنا قاسيين .

( هذا هو رأى المتواضع فى وقف التظاهرة الاليكترونيه على زيارة اوباما الى القاهره مع احترامى الكامل للموقف المقابل والذى تقوم به الاستاذه الفاضله / هاله المصرى - مع خالص اسفى لرحيل الطفل محمد علاء مبارك )