|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
#1
31-12-2010
|
|||
|
|||
|
حوار مع قبطية ترى نفسها عربية
بقول على طول يمسيك بالخير يا فلان ويا فلان ويا فلان يمسي كل واحد هنا دخل جوا دماغي بافكاره واتجاهاته ورباني من اول وجديد واللي خلاني اكتشف اني مكنتش اعرف حاجة عن الدنيا قبل كده وانتو اللي فتحتوا دماغي على الحقيقة المهم دار بيني وبين حد في منتدى شقيق حوار مدهش لدرجة تثير الاندهاش حبيت افرجكو عليه عشان نعرف احنا رايحين على فين: (ملحوظة دي مش الردود الوحيدة اللي تشل وفيه من كده كتييير ده مثال بس، اصلا اللي فتح الموضوع هو ان القبط اللي في المنتدى انهالوا شتايم على وليد شعيبات بس كلام كان مكتوب عنه في جرنان اسمه عرة) أبرهة العصبي بخصوص وليد شعيبات مساء الخير، ممكن اعرف موقفك من وليد شعيبات بناء عن ايه؟ Happy New Year **** أخ أبرهة العصبي من يأمر بقتل الأطفال أو قتل الناس هو خارج دائرة الإنسانية ويعتبر حيوان بل الحيوان أفضل منه وأي إسرائيلي يقتل أطفال غزة ولبنان هو حيوان بالمثل ، بالمثل أي مسلم إرهابي يقتل طفل أو إناس مسالمين أو يحرض علي ذلك يعتبر حيوان ولا يستحق المعاملة الطييبة بل يجب التبري منه إن كان مسيحي أبرهة العصبي الراجل مظلوم والناس صدقت المسلمين وهاجمته هو ازاي بيدعو للقتل وهو بيفضح الاسلام عن طريق فضح ارهابه؟ مش هيصدقوه لو عمل كده المسلمين من مصلحتهم اووووي انهم يشنعوا عليه لانه 1 متنصر 2 لانهم فلس طينيين وهو بيفضح كدبهم **** لا أنا متابعه تصريحاته وهو أصلا مش إنسان كويس ده بيحاول بتصريحاته يضحك علي المسيحيين وبيعمل بموضوع تنصره سبوبه عشان يتلقي الأموال والهبات والرضي لكن رضي الرب إستحالة ,,, وبعدين أنا شايفاك معجب بالإسرائيليين وبتكره أخواتا الفلسطينيين ، الفلسطيني فيه المسيحي الطيب والمسلم الطيب ، وعمر الدم ما يبقي ميه ، لكن اسرائيل الدولة المتعصبة القتلة عمري ما أحبهم وأتمني زوالها بإذن الرب أبرهة العصبي لا الفلسطينيين مش اخواتنا وعمرهم ما كانوا اخواتنا لو على مسيحيين فلسطين ادعيلهم ربنا يفتح عيونهم على حقيقة المسلمين اللي بيثقوا فيهم وفي الاخر هيئذوهم كل افكارنا عن اسرائيل بنيناها او بمعنى اصح اتظغطناها من المسلمين وكل الكلام ده مش حقيقي لو اسرائيل عنصرية يبقى المسلمين ايه؟ على العموم انا بترجم فيلم دلوقتي وهطلب من الادمنز انهم يحطوه على المجلة ويا رب سنة 2011 تبقى سنة معرفة للقبط وتبقى سنة سعيدة عليكي *** يا أخ أبرهه بالنسبة للفلسطينين بالنسبة لك هما مش إخواتك براحتك لكن هما إخواتي وأنا عن نفسي عندي الفلسطيني المسلم زي المصري المسلم أخويا ودمه هو دمه لكن الإسرائيلي السفاح قاتل الأطفال وقاتل أخوك المسيحي والمسلم المصري في حرب 56 ، 67 ، 73 ولا نسيت مجازرهم في أسري المصريين أنا قبطية مسيحية مصرية عربية ولي الفخر ، ومش عارفه ليه بتحب الإسرائيلين ,, وده شيء غريب طب الاسرائيلي سفاح والفلسطيني ملاك؟ زي ما ه(ندين) الاسرائيليين يبقى (ندين) الفلسطينيين الفلسطينيين بشعين جدا مع المسيحيين وفيه كتير هناك مش حاسس بكده لو حضرتك من الجيل اللي فات وعاصرتي البروباجندا اللي اتعملت لفلسطين فانا مراعي ده انا عارف ان طريقتي اجريسف ومش هتخلي حد يثق في كلامي او يسمعني كتير بس صدقيني انا عرفت ناس هناك وقريت بالهبل وكل حاجة احنا عارفينها غلط أبرهة العصبي انا بالنسبالي ان "اخويا المسلم" بقى حلم وكان خدعة كبيرة الواحد كل ما بيفتكر انه في يوم من الايام صدقها بيحزن انا اخويا اللي يعيز يعش في سلام معايا اللي ميبصليش باحتقار او تعالي اللي ميقولليش انت هتدفع غرامة عشان انت مش على ديانتي أبرهة العصبي انا مش بحب اسرائيل ولا بكرهها هي دولة زي اي دولة بس انا بايدها 100% فيه مذبحة عملوها المسلمين في مسيحيين لبنان اسمها الدامور سنة 1976 واشترك فيها مسلمين من كل البلاد الاسلامية منها مصر وتونس واليمن وسوريا (اخوتنا المسلمين) وياسر عرفات اعتدى على كنيسة ونجسها والفلسطينيين حولوا الكنيسة لجراچ وحطوا صورة عرفات على المذبح فوق صورة المسيح... كرشوا المسيحيين من بيوتهم والمدينة كلها كانت مسيحيين اسرائيل لما دخلت لبنان دافعت عن المسيحيين ورجعتهم بيوتهم وعالجت اللي اخوتنا المسلمين عملوه أبرهة العصبي اما حكاية انك عربية فانت طبعا حرة في تحديد هويتك بس عايز اقوللك حاجة ده فيه ظلم واجحاف لجودك اللي المسلمين ذلوهم وخدوا اراضيهم واملاكهم وخلوهم يلبسوا زي الاراجوزات... احنا عرب؟؟ اخر مرة قريت اننا كنا في شمال افريقيا وان چيناتنا تبعد تماما عن چينات العرب!! احنا بنتكلم عربي؟ ده عربي اللي بنكتبه؟ حروف عربي اه! درسنا عربي اه لكن لغتنا فارسي وقبطي وتركي وانجليزي وكلمات عربية محورة لا تمت للعربي الاصلي بصلة يا ترى ده راي اخواتنا المسلمين بردو وللا رايهم ان احنا احفاد الرومان واننا مش مصريين وان مسيحيي "الشام" هما احفاد الصليبيين وان العراقيين المسيحيين احفاد اليونان وارمينيا؟ مش ده كلام اخوتنا المسلمين بردو؟ أبرهة العصبي متزعليش اني بناقشك في توجهاتك بس احنا محتاجين فعلا نتخلص من كل الافكار اللي اتفرضت علينا من المسلمين واللي احنا سمعناها منهم وقبلناها ببساطة وطيبة قبطية *** للأسف يا أخي أبرهة أنا حزينه عليك علي كم الكره والحقد الي في قلبك ، مش معني إن في مسلم سبب ليك أذي أو سبب لأحد من معارفك أذي يبقي خلاص نبيعهم ونردم عليهم ونتمني أعدائهم يخلصوا عليهم ، المصري يا أبرهة لازم يحب بلده بكل ما فيها ويعادي من يعاديها ، عندك شك في إن إسرائيل طمعانة في بلدك ، وعملت أيه إسرائيل حبيبتك للمسيحين الي في إسرائيل وفي فلسطين ، إسرائيل يا عصبي لا تفرق بين مسيحي ومسلم كل همها حرق الكل وهي الي تبقي في الآخر *** أنا ليا يا أبرهة أحد أقارب أبي كان أسير في إسرائيل وتم ذبحة مع إخوته المصريين المسلمين لم تفرق إسرائيل بيننا في القتل ، حتي حفرة الدفن لم تفرق الكل سواسية عندها ، أعيدهالك مرة أخري أنا مسيحية مصرية عربية عندي جزمة أخي المسلم المصري برقبة مية *** إسرائيلي خاين أبرهة العصبي انا اسف لقريبك بس المسلمين بردو مبيفرقوش بين يهودي ومسيحي كلنا كفرة احفاد قردة وخنازير واحنا الاتنين مكروهين منهم بالظبط وبيتمنولنا اننا نختفي "مش معني إن في مسلم سبب ليك أذي أو سبب لأحد من معارفك أذي يبقي خلاص نبيعهم ونردم عليهم ونتمني أعدائهم يخلصوا عليهم" طب ليه مطبقتيش الكلام ده مع اليهود بردو؟! طمعانين في بلدي؟ انا اخر حاجة عرفتها انهم عايزين يعيشوا في سلام طمعانين في ارضي؟ طب ما اخوتنا المسلمين العرب طمعانين في سينا كجزء من سوريا الكبرى!!!  أبرهة العصبي ssnp الحزب السوري القومي الاجتماعي **** هههههههههه واللهي إذا كان الحزب السوري الإجتماعي ده هياخد سينا ومعاها إسرائيل ويخلصنا منها ، فأنا أول المؤيدين يا أبرهة إسرائيل إذا دمرت المسلمين ستسحق المسيحين بعدهم ، أنا مستغربة الحقيقة من كلامك وحاسة حقيقي إنك وما تزعلش مني مش مصري ، لأن مافيش مسيحي مخلص أخي الحبيب بيحب الإسرائيلي أكتر من الفلسطيني أو المصري وإسأل ذهبي الفم البابا شنوده أبرهة العصبي بقيت مش مصري عشان مبكرهش اسرائيل؟ ماشي مش هزعل بس انا اللي حزين ان فيه ناس لحد دلوقتي مخدوعين يا ريت تراجعي الكلام اللي فات وتشوفي ان امنيتك ان اسرائيل تختفي عكس الكلام اللي قلتيه مع المسلمين Happy New Year **** الرب يباركك ابرهــة يا عصبي وMerry Christmas وخلص الكلام!!!! 
|
|
#2
31-12-2010
|
|||
|
|||
|
مشاركة: حوار مع قبطية ترى نفسها عربية
أولاً كل عام و أنتم بخير
عندما كنت صغير كنت أكره إسرائيل بسبب كلام المسلمين عنهم و لكن بعد ان كبرت أيقنت أن كل ما تريده إسرائيل هو العودة لأرضها المقدسة أورشليم بعد سنوات من التشتت و المذابح التي تعرضوا لها و كل ما يريدونه العيش بسلام و المضحك أنه عندنا بسوريا مناهج التعليم مليئة بدروس فيها حقد و تحريض و شتم على اليهود و إسرائيل و خصوصاً بمادة القومية بل حتى بالجامعة هناك بمادة العربي المفروضة على كل الكليات بالسنة الأولى فهناك نص بعنوان اللؤم طبع لأبي حيان و النص كله تحقير و شتم لليهود !! تحياتي لك
|
|
#3
31-12-2010
|
|||
|
|||
|
مشاركة: حوار مع قبطية ترى نفسها عربية
نقطة أخرى أحب إضافتها
ما يحزنني كثيراً هو الإثارة الدائمة للمسلمين لموضوع الجولان و احتلال اسرائيل فما يحزنني هو أنهم يبكون ويصرخون دائماً على الجولان و هي قرية صغيرة و ينسون تماماً إحتلال تركيا لانطاكية العظيمة التي يشهد التاريخ أنها رمز سوريا الأول و كانت عاصمتها لسنوات طويلة مع ذلك يسكت كل المسلمون في سوريا عن إحتلال إنطاكية من قبل تركيا و يصرخون على إحتلال إسرائيل للجولان !! لماذا يا ترى ؟؟ هل لأن تركيا مسلمة فيجوز لها بينما إسرائيل يهودية فلا يجوز ؟!
|
|
#4
27-01-2011
|
|||
|
|||
|
مشاركة: حوار مع قبطية ترى نفسها عربية
Georgios حبيبي اشكرك على ردك ده واشكرك انك موجود على الكوكب ده بجد :)
حسستني بالامل وبالذات كلامك عن الجولان كلام صحيح 100 100 خليك معانا على طول
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
مواضيع مشابهة
|
||||
| الموضوع | كاتب الموضوع | المنتدى | الردود | آخر مشاركة |
| وامرأة مؤمنة وهبت نفسها | churchill2 | المنتدى العام | 8 | 23-12-2008 08:10 AM |
| على هامش الجنان...حوار الاديان هو حوار إلى خرسٌ من طرشان | وطنى مخلص | المنتدى العام | 10 | 08-02-2006 07:03 PM |
| دكتورة نوال السعداوي تقرر ترشيح نفسها لرئاسة الجمهورية | ABDELMESSIH67 | المنتدى العام | 2 | 19-12-2004 07:50 AM |
النمط الخطي
