نبؤة .. تعليق .. أستفتاء ( بمناسبة مرض الرئيس مبارك )......(مدموج)

[ريجان]

بصراحة ياجماعة قطعتوا قلبى ياخسارة حبيبنا مبارك هيموت يالف خسارة مش عارف اعملة اية اول حاجة هعمل وليمة كبيرة جدا على روح المرحوم ادعيلة يبشش الطوبة اللى تحت راسة وراس اهلة ان للات وانة له لاناكحون . ثانيا مرحبا بالاضطهاد وبعصر الشهداء لانة هذا سيؤول لمجد المسيح لانة بهذا سيزول الاسلام وعجرفتة وتنكسر مصر بلا شفاء . ثانيا اذا استلم الاخوان الحكم فسيكون فترة قصيرة جدا وانا لا اظن حدوث ذلك اما الجيش فهو الذى يسيطر على مقاليد الحكم بالقوة . ولكن لماذا نخاف من الاضطهاد اليس المسيح قال فى العالم سيكون لكم ضيق الا تعلمون اننا ينبغى علينا ان نتمسك بايماننا فى احلك الظروف واصعبها ام انكم تريدون دخول الملكوت من الباب الواسع الطريق .لا للخوف ولا للضعف فان الهنا مسيطر ومتسلط فى مملكة الناس وكل ما سيحدث سيكون لخيرنا ولمجد اسمة ولكن علينا انا نستعد لهذة الظروف وعلى الكنيسة والمنظمات القبطية بالخارج وضع سيناريوا لرد الفعل من جانبنا لما سيحدث لنتوحد معا ونصلى بايمان للقادر ان يثبتنا الى التمام فى الايمان بة والثبات فية لاننا بقوة الله محفوظين فى حدقة عينة ويحق لنا ان نهتف قائلين غالبين بيك ** احنا غالبين ** احنا جيوش المفدين . وآمنوا بان الرب هو قوتنا وخلاصنا .

[RAAFATLUNA]

ربنا معانا ومعاكى يامصر من اللى جااااااااااااااااااااى .--- ولكن ثقوا انا قد غلبت العالم............................................ ........................

[garang]

اخوتي لن نهلل لو مات
ولن نهلل لو عاش
لان المستقبل بيد الرب وحدة
ولن نفرض وجودنا با ن يتحنن علينا مبارك او التذلل لجمال مبارك
او ببوس الاقدام
بل بان نفرض بشجاعتنا وجودنا معتمدين علي الرب
وان نكون يد واحدة كلنا اتذكر فتاة قبطية اسلمت( الحق يقال بارادتها وهي فوق ال22)
لم يكن سوي انا وابن عمها فقط نبحث عنها ولم نري باقي اقاربها للاسف
المطلوب ان كل الاقباط يكونوا يدا واحدة مع بعضهم
ولايهمنها من سيحكم لان الرب في يدة السلطان
والا فسنضيع

[الحمامة الحسنة]

المشاركة الأصلية بواسطة shosho_angl

مدام انا حر

انتى عارفة اما قريت الخبر قلبي انقبض عارفة ليه وحسيت انى هاعيط

فى وعظة للانبا مكاريوس اسقف قنا الله ينيح روحه كان فى واحد صعيدى بيقولوه يا سيدنا احنا زهقنا من الريس مبارك لانه وحش وم بيساعد المسيحين

عارفة رد قال ايه صلوا يا ابنى ربنا يطول فى عمره لان لو جراله حاجة هايجى بعديه واحد هايرجع عصر الشهداء زى شهداء زمان وساعتها ناس كتير هاتسيب المسيح

الناس اليوم ده بكت بكاء وانا اول ما سمعتها فعلا بكيت


ايوة فى اضطهاد وقرف بس احسن من اللى جاى ويارب يكون الخبر غلط يارب

اللى يعرف اخبار يبقى يقولى بليز

عزيزتى شوشو
سلام ونعمة

اشكرك على ردك جدا..لأنك وضحتى وجهة نظرى، وشعورى تجاه مسيحى مصر هو نفس شعورك بالقلق،وانا فعلا خايفة من بكرة ومابعد حسنى مبارك..وخايفة أن نكون لقمة صائغة فى فم وحوش البلد من أخونجية لتعصب أعمى لأغتصاب بناتنا واسلمتهم إجبارا تحت سمع ونظر رجال الحكومة الكلا ب.. تأكدى أن هذه الحوادث فى طريقها للزيادة وسوف تكون علنية اكثر من حوادث اليوم ...ياجماعة متفرحوش باللى راح لما تشوفوا اللى جاى،وربنا اولا وأخيرا يحافظ علينا من هذه الذئاب المتوحشة الخاطفة.

[abomeret]

2- اسناد السلطه الي مبارك
3- اضطرابات واستعمال السلاح في زعزعه الاستقرار من قبل الاخوان
ضرب الاقباط وتهييج الشارع والغوغاء مستغلين سؤ الاحوال الاقتصاديه وتفشي الفساد في
طبقات المجتمع العليا
4- تثبيت شعار الاسلام هو الحل في تخدير الشعب الجاهل بآن الاسلام قادم ويحمل عصا سحريه
في ثراء المجتمع
صعود الاخوان الي الحكم بعد قتل جمال
5-نقض جميع الاتفاقات الدوليه والمعاهدات مع اسرائيل وتصبح مصر احد دول المنطقه في صراع مع اسرائيل

الأخوة الأحباء
عصر مبارك هو فعلا عصر سىء جدا على البلد كلها وعلينا بالذات.
ولكن دعنا ننظر ماذا ممكن أن يحدث؟؟
الأخوان جاهزون للقفز على السلطة والشعب سيرحب بهم فى الأول وسيساندهم الجيش.
هل نسيتم تصريحات مهدى عاكف؟ بخصوصنا وبخصوص الإقتصاد والسياحة والجهاد.هل نسيتم تحدية للسلطة والكام (طز) بتوعة؟ هل نسيتم العرض العسكرى لميلشيات جماعتة فى جامعة الأزهر.
صدقونى أغلبنا مش خايف من الإضطهاد(لإننا مضطهدون بالفعل) إحنا خايفين على أولادنا ومستقبلهم....يايسوع إسترها بشفاعة العدرا والقديسين.

[Mrs 2ana 7or]

سلام ونعمة للجميع

اخواتى الاعزاء القصة مش تفاؤل وتشاؤم القصة طول ماحنفضل نفكر ان ليس بالامكان احسن مما كان حنفضل محلك سر

بعد السادات ما مات قلنا حيجى اكيد الاحسن منه واهو جه سى مبارك ولا احسن ولا نيله
والان نفترض من سياتى بعده العن منه !!!

اذن الموضوعية مفقودة
اعتقد اننا تعودنا ان نخضع للامر الواقع واصبحنا نرفض التغيير
بس الفكرة انه حيموت حيموت بغض النظر فرحنا زعلنا اتشائمنا
يبقى السؤال تصوراتنا ايه لمن سيأتى بعده؟؟؟؟؟؟؟؟؟

هل توريث الحكم لجمال هو للمصلحة؟؟ نظام من ريحة الحبايب يعنى؟؟
هل الاخوان حيقلبوها حرب ويجيبوا عاليها واطيها؟؟
هل وهل وهل

المهم هل الاقباط مستعدون للاتى مستقبلا ؟؟؟

هل سنظل ننعى ونقول عصر الاستشهاد على الابواب ؟؟

وهل لهذه الدرجة نخاف الاستشهاد؟؟

وهل الان لا يموت الكثيرين ؟؟ وان قلنا غدا سيموت اكثر فسؤالى مش كله موت ولا ايه ؟؟

هل انتم معتقدون ان من يموت بسبب اضطهاد عمره نقص يوم عن من مات بالسكتة القلبية؟؟

اسئلة كتيييييييييير مخى حيشت :(

بس المحصله النهائية لو مكناش مستعدين لبكره حنشوف ايام اسود من قرن الخروب ...

وكمان بسلامته زى القرد وجابوه بيفتتح معرفش ايه فى برج العرب متخافوش عليه يعنى :))

[sky]

صدقونى أغلبنا مش خايف من الإضطهاد(لإننا مضطهدون بالفعل) إحنا خايفين على أولادنا ومستقبلهم

فعلا كلامك صح الواحد مش خايف الا علي اولاده .... ربنا يسترها مع الجميع يارب ... يارب ارحمنا وكون ويانا الايام الجاية .... امين

[sky]

المشاركة الأصلية بواسطة shosho_angl

انتى عارفة اما قريت الخبر قلبي انقبض عارفة ليه وحسيت انى هاعيط

فى وعظة للانبا مكاريوس اسقف قنا الله ينيح روحه كان فى واحد صعيدى بيقولوه يا سيدنا احنا زهقنا من الريس مبارك لانه وحش وم بيساعد المسيحين

عارفة رد قال ايه صلوا يا ابنى ربنا يطول فى عمره لان لو جراله حاجة هايجى بعديه واحد هايرجع عصر الشهداء زى شهداء زمان وساعتها ناس كتير هاتسيب المسيح

الناس اليوم ده بكت بكاء وانا اول ما سمعتها فعلا بكيت


ايوة فى اضطهاد وقرف بس احسن من اللى جاى ويارب يكون الخبر غلط يارب

اللى يعرف اخبار يبقى يقولى بليز

انتي عارفة انا كمان قلبي اتقبض وربنا يسامحني علي تفكيري لأني ندمت علي يوم مجئ اولادي لهذه الدنيا .... انا بجد حسيت برعب من قدوم هذا اليوم الاسود ... بجد ياريت ماكنتي حكيتي القصة دي

[Jene]

المشاركة الأصلية بواسطة sky

انتي عارفة انا كمان قلبي اتقبض وربنا يسامحني علي تفكيري لأني ندمت علي يوم مجئ اولادي لهذه الدنيا .... انا بجد حسيت برعب من قدوم هذا اليوم الاسود ... بجد ياريت ماكنتي حكيتي القصة دي

سلام ونعمة انتوا لية خايفين قوى كدة وبتحسبوا لبكرة وعايلين همة قوى ولية بتندموا ان اولادكم جم للدنيا انتوا نسيتوا اهم حاجة اولادكم دول هدية من ربنا وربنا هيحافظ عليكم وعليهم ماتنسوش اننا ممسوكين ف ايدين قوىة دة ربنا ما بينساش العصافير وبيهتم بيها هينسي اولادة صنعة يدية مش قال نقشتكم علي كفى وقال من يمسكم يمس حدقة عينى صلوا بس ان ربنا يرحمنا وما تقلقوش انا واثقة ومؤمنة اننا ممسوكين ف ايدين قوية مهما حصل مش ممكن تقدر علينا اى صعاب واحنا واياة

[Mrs 2ana 7or]

المشاركة الأصلية بواسطة jene

سلام ونعمة انتوا لية خايفين قوى كدة وبتحسبوا لبكرة وعايلين همة قوى ولية بتندموا ان اولادكم جم للدنيا انتوا نسيتوا اهم حاجة اولادكم دول هدية من ربنا وربنا هيحافظ عليكم وعليهم ماتنسوش اننا ممسوكين ف ايدين قوىة دة ربنا ما بينساش العصافير وبيهتم بيها هينسي اولادة صنعة يدية مش قال نقشتكم علي كفى وقال من يمسكم يمس حدقة عينى صلوا بس ان ربنا يرحمنا وما تقلقوش انا واثقة ومؤمنة اننا ممسوكين ف ايدين قوية مهما حصل مش ممكن تقدر علينا اى صعاب واحنا واياة

هو ده الكلام ربنا يفتح عليكى يا جين
يا احبابى خايفين على اولادنا ليه هو احنا اللى بنحميهم ونحافظ عليهم وبس ؟؟
احنا واجبنا نسعى ان يكون حياتهم افضل اه ونوفر ليهم سبل الامن اه ونسعى انهم يعيشوا فى بلد محترمة اه الخ الخ

لكن مش احنا اللى فى ايدينا مستقبلهم احنا وسيله بايد ربنا
وعلينا اننا نقوم بواجبنا قدام ربنا لان اطفالنا دول مسئوليه حنسائل عنها امام الرب يوما ما

وعشان نسعى ان ولادنا يعيشوا فى بلد محترمة تحترم اداميتهم مينفعش نقبل يعيشوا فى بلد يحكمها عصابه حماده وتوتو او مبارك وسوزى واولادهم !!

مينفعش نقبل بالمصايب ونقول ده احسن من اللى جاى

نسعى للافضل ونسيب الباقى على ربنا مش نفضل للابد راضيين بالهم والهم مش راضى بينا

وهل ابنائنا كتير على ربنا لو حسب كلامهم جه عصر الاستشهاد ناسيين الست رفقة وحصل لولادها ايه امامها؟؟

على فكرة انا ام ل3 اطفال ومقتنعه ان الاقباط مش حيبقالهم قيمة الا يوم ما يكون خوفنا على ولادنا مش عائق اننا نقدمهم فداء لمسيحيتهم يمكن كلامى صعب ويمكن ناس كتير تقول ده كلام وبس بس حقول باختصار شيئ كان سبب تغيير تفكيرى

تعرفوا بيير الجميل ابن الرئيس اللبنانى الاسبق اللى تم اغتياله قريبا ؟؟ يوم ما اغتيل بيير ظهر ابوه متماسك الجأش بطريقة غريبة وقالها بعلو حسه لو دم بيير كان فداء للبنان وللقضية اللى بنحارب عشانها فده تمن بسيط وظهر حتى قداس الصلاه على ابنه بدون دمعة واحده وعمته كانت راهبة كان طول الوقت على وشها ابتسامه هادئة جميله تحسسك بمدى السلام جواها

يومها قلت يوم ما نحس ان ولادنا مش خسارة فى ربنا وفى قضيتنا يومها حنعرف نرفع راسنا ويبقى لينا قيمة فعلا

مبارك وابنه واى واحد بعده مش حيكون كويس لان مصر قدرها ان لا يأتى لها حاكم امين يدبر شعبها ...

ومِصْرُ يُضَلِّلُها زُعماءُ شعبِها. 14مزج الرّبُّ في داخلِهم روحَ دُوارٍ، فجعَلوا مِصْرَ تتَرنَّحُ في كُلِّ أعمالِها كما يترَنَّحُ السَّكرانُ في قَيئِهِ. 15فلا يبقَى لمِصْرَ مَنْ يقدِرُ أنْ يعمَلَ شيئًا، سواءٌ في ذلِكَ الرَّأسُ أوِ الذَّنبُ، والرَّفيعُ أوِ الوضيعُ.

[el chife]

السلام والنعمة لكم جميعا
انا عايز اقول لكم حاجة على مر العصور واضطهاد المسيحية موجود بتعدد حكام مصر ولم ينتهى بعد
والرؤية واضحة بما حدث بالماضى ويحدث الان بل وتزداد الحالة سوءا سواء فى الاضطهادات
او المعيشة او الحياة اليومية التى نعانى فيها من اشياء كثيرة واذا كنا نعتبر ان هذا العصر وهو عصر
مبارك احسن من العصور السابقة فأن موت الرئيس مبارك سيعطى فرصة اكثر للذئاب البشرية لآلتهام لحم الشعب اكثر من ذلك واذا كان الحاكم الجديد هو جمال مبارك فلا جديد تحت الشمس وابن الوز عوام وانا الان لم استطيع ان اكون متفائلا سواء مات مبارك او لم يمت .

ولكن يجب ان نعلم جميــــــــــــــــــــــــــــــعا ماقالة السيد المسيح :ـــــ فى انجيل متى الاصحاح 10

28وَلاَ تَخَافُوا مِنَ الَّذِينَ يَقْتُلُونَ الْجَسَدَ وَلكِنَّ النَّفْسَ لاَ يَقْدِرُونَ أَنْ يَقْتُلُوهَا، بَلْ خَافُوا بِالْحَرِيِّ مِنَ الَّذِي يَقْدِرُ أَنْ يُهْلِكَ النَّفْسَ وَالْجَسَدَ كِلَيْهِمَا فِي جَهَنَّمَ. 29أَلَيْسَ عُصْفُورَانِ يُبَاعَانِ بِفَلْسٍ؟ وَوَاحِدٌ مِنْهُمَا لاَ يَسْقُطُ عَلَى الأَرْضِ بِدُونِ أَبِيكُمْ. 30وَأَمَّا أَنْتُمْ فَحَتَّى شُعُورُ رُؤُوسِكُمْ جَمِيعُهَا مُحْصَاة

[سيدهم بشاى]

احنا مش خايفين من ايلى جاى حتى لو كان اسود من ايلى فات لاننا واثقين ان ربنا معانا فان كان الرب معنا فمن علينا

[sky]

وهل ابنائنا كتير على ربنا لو حسب كلامهم جه عصر الاستشهاد ناسيين الست رفقة وحصل لولادها ايه امامها؟؟

يا جماعة انتوا كلامكوا صح ... لكن يمكن انا اكون خوافة علي ولادي زيادة شوية وده اللي مخليني افكر فيهم كده .... وبعدين مش كلنا القديسة رفقة ( وان كنت اتمني ان اصبح مثلها طبعا ) لكن لكل واحد قوة احتماله .... انا مش خايفة علي نفسي ابدا لكن هما نقطة ضعفي بصراحة .... كلامكوا صح ان الهنا هو اللي بيحمينا ... لكن هو خوف الام علي اولادها ... غصب عني صدقوني صلولي انا الضعيفة

[Mrs 2ana 7or]

المشاركة الأصلية بواسطة sky

يا جماعة انتوا كلامكوا صح ... لكن يمكن انا اكون خوافة علي ولادي زيادة شوية وده اللي مخليني افكر فيهم كده .... وبعدين مش كلنا القديسة رفقة ( وان كنت اتمني ان اصبح مثلها طبعا ) لكن لكل واحد قوة احتماله .... انا مش خايفة علي نفسي ابدا لكن هما نقطة ضعفي بصراحة .... كلامكوا صح ان الهنا هو اللي بيحمينا ... لكن هو خوف الام علي اولادها ... غصب عني صدقوني صلولي انا الضعيفة

الحبيبة سكاى
انتى واخدة موقف دفاعى ليه محدش فالدنيا يقدر يغلطك فى شعورك وكلنا زيك وكلنا بنترعب عليهم لو مسهم شر وخوفك كأم لو مش موجود تبقى مش ام صالحة لكن الفكرة خوف من ايه؟
خوف من مرض خوف من اعتداء وهكذا لكن صدقينى كلامى اللى قلته سابقا كان نتيجة موقف شفت فيه اب ابنه ضاع منه فى لحظة شاب زى الفل وله مركزه فجأة راح بسبب ايمانه بقضية وعشان بيحارب اعتداء بلد زى سوريا على بلده
كام ام راح ليها ابن فى حروب خاضتها مصر ؟ كتيييييييييييييييير
كام ام راح ليها ابن وبنت شهداء عشان اسم المسيح ؟؟ يووووه كتيييييييييييييييييير
صدقينى محدش يتمنى نشوف اليوم ده بس لازم نستعد له لان حدوثه مش بعيد عننا

ربنا يحفظ مصر من كل شر ويحفظ اولادنا وميخليناش نشوف فيهم شر
سكاى انت قوية بايمانك اوعى تقولى انك ضعيفة تانى حبيبتى وربنا يحفظلك بيتك وولادك دايما

نرجع لجمال مبارك ... صراحة احلى شيئ فجمال هى مدام خوخة او خديجة هانم يا سلام ياولاد سيدة مصر الاولى حتبقى ست صاروخ حترفع راسنا فى المحافل الدوليه كلها

قولوا امين

[steven]

است يا رب على اولادك - إجعلنا يارب على اسمك حتى النفس الاخير.
يارب انت وعدت الكنيسه ان ابواب الجحيم لن تقوى عليها - مواعيدك يارب صادقه وامينه.
كرحمتك يا رب ولا كخطايانا.