|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
#16
03-05-2005
|
||||
|
||||
|
إقتباس:
اولا حكاية حالنا احسن من غيرنا سياسة فاشلة عشان نصبر علي البلاوي ديه كلها. يعني مثلا في ايطاليا في مدينة تعداد سكانها 50000 الف نسمة من 70 مليون في ايطاليا كلها سكان هذه المدينة بيتكلموا الماني كلغة اولي الحكومة الايطالية اعطتهم حكم ذاتي و دستور داخلي و معونات للبنية التحتية في الخمسينات و بنت جامعتين المانيتين هناك. و احنا لسه بناعني عشان ناس بتصلي علي مواتهم في الشوارع و مش لاقيين كنيسة يصلوا فيها. اما عن مقارنتك بالسعودية مع الحال في مصر فبصراحة هي لصالح السعودية لأن مفيهاش اقليات و ناس جاهلة و ننتظر منهم الاسواء لكن في مصر التعصب بينبع من المثقفين و مدعي الورع و التقوي. يعني بيكون متعصب و مبسوط بكونه متعصب. صدقني احنا مضيعيين وقتنا في المطالبة ببديهيات زي بناء الكنائس و المسواة في وقت بضحك فيه علي نفسنا وبقول يا نهار اسود هل وصل بينا الحال للمطالبة الرسمية لبعض الحقوق الطبيعية البديهية ياريت تكون فهمت ان الموضوع مش مجرد ان الحكومة الوحشة في مصر بتظلم المسيحي و المسلم لأن الفتنة موجودة في مصر علي المستوي الشعبي اكتر من المستوي الحكومي يعني لما اسرة تقول لأولادها متلعبوش مع ده عشان الواد ده مسيحي و متشتروش من ده عشان ده مسيحي و المسيحي كافر و نجس ابن انجاس. فهمتني يعني الهوان الحقيقي بنشوفه علي المستوي الشعبي مش مجرد حكومة بنت ك ل ب ظالمة. و ناهيك عن الشتيمة و قلة الادب في خطب الجمعة اللي بنسمعها و ياريت تكون صادق و تعترف بالأهانة اللي بتسمعها في حقنا كل يوم جمعة و طبعا مش بقول كل أأمة الجوامع و لكن معظهم بالذات في الاحياء الشعبية. اما عن موضوع العدو و الصديق فأحب اوضحلك شئ انت بتعاني من بعض مواقع الانترنت اللي بتهين دينك و تسب نبيك احنا بنعاني من الدنيا كلها اللي بتسبنا و تسب دينا و نقول امين عشان لو نطقنا هتلاقي امة لا اله الا الله جاية توجب معانا و الضحية مسيحي و يا سلام بقي لما تكون الضحية مسيحي و انت لو صادق مع نفسك هتعرف ان كل الناس ديه هتسكت و هتعمل شئ مفيد للبلد كلها لو المسلمين احترمونا و عاملونا بالمثل بأدب و بأحترام تحت سياسية قبول الاخر اي ان كان. و بعدين مع كل اللي عملوه الاقباط في تاريخ مصر -و لو انت انسان عادل و صريح هتعترف بوطنية الاقباط في مصر- بيتهمونا بالخيانة و العمالة و الكلام اللي بيجرح و يطعنك في وطنيتك و يختزلوا تاريخ امة بحالها لأثبات ان احنا وحشين. يا غلاباوي اعتبر الموقع ده الأي بتاعت 10 مليون قبطي في المحروسة ولا كمان نضرب و منقلش أييي. و بعدين ماهو في 100 موقع و 100 منتدي بيشتموا فينا بزمتك تقدر تخش تقلهم لأ كدة عيب و الله هيشتموك و ****وك للجد السابع. اخيرا عشان ان طولت الدين و العقيدة لن تتأثر ابدا بأهانة احد لها مع اعتقادي التام ان اهانة عقيدة الاخر شئ سئ و غير مقبول. لكن متأكد ان اللي بيحب عقيدته بيعرف يعني اه عدل و يعني اه ظلم و عليه بيعرف اذا كانت الأهانة لمجرد الاهانة ولا تنفيس لمنع الافنجار زي بالظبط واحد وزنة 150 كج ماسك واحد 60 كج و نازل ضرب فيه التاني لازم هيشتمه رغم انه عارف انه كل ما هيشتم كل ما هيضرب لكن من قلة حيلة بيشتم عشان يبرد ناره. اسف عشان طولت و كتبت بالعامية بس اوقات بحس ان العامية بتوصل المعلومة احسن. سلام آخر تعديل بواسطة bolbol ، 03-05-2005 الساعة 08:25 AM 
|
|
#17
03-05-2005
|
|||
|
|||
|
الأخ العزيز غلباوى... مثال السعودية مثال مش ذكى إطلاقا ياعزيزى... السعودية بتمنع الوافدين من ممارسة أى دين غير الإسلام واللى بيدخلها عارف كده لكن الأقباط يامحترم فى بلدهم... انت مش شايف فرق؟؟؟ الأقباط مصريين بيطالبوا بحقوقهم لكن الوافدين فى السعودية مش سعوديين... إسمع ياغلباوى من الآخر ياأخى... النار مش بتحرق غير اللى ماسكها... وانا عاذرك لو انت ماحستش بلسعة لم تجربها.... المهم أنا شايف من الآخر برضه اننا مش مختلفين ... للأقباط حقوق مهضومة من الدولة ومن الشعب ومن الإسلام ذاته... يبقى احسن حاجة الحكم يكون لقانون محايد قانون علمانى لا يفرق بين مواطن وآخر ... إيه رأيك؟
مع خالص حبى واحترامى
__________________
إعط ما لله لله وما لقيصر لقيصر
|
|
#18
03-05-2005
|
||||
|
||||
|
إقتباس:
مصر يا سامي مستحيل تكون لبنان الثمانينيات ابدا ............ ولا هنسمح بكدة إقتباس:
يا اما انا اللي عايش في المدينة الفاضة UTOBIA .. انا متربي وسط اصدقاء وجيران مسيحين وعمر ما اهلي اتكلموا كلمة وحشة في حق جيراننا او قالولي العب او متلعبش معاهم او اشتري او متشتريش منهم ... واهلي ناس عاديين جدا ومع جيرانا في كل وقت عالحلوة والمرة ... اعد لك ليا اصدقاء اد اية اقباط ؟؟ مش هتصدق لو قلت لك ان الانتيم بتاااعي اوي مسيحي .. بس بنتعامل من منطلق لكم دينكم ولي دين ...لا عمري سمعت منه كلمة وحشة على الاسلام والا هو مرة سمع منى كلمة وحشة عن المسيحية ...... يبقي اية تفسير اللغز دة ........ يا اما هما هنا اجبن من انهم يواجهونا باللي جواهم وبيتعاملوا معانا بماسك الحب والاخاء ومن النحية التانية الكراهيية .......... يا اما فعلا الحكومة - لأول مرة تكون صادقة في شيء - صادقة وان الكلام العك دة كله مجرد تقليب في نار خامدة سببها اقباط المهجر اللي للاسف عاييزن يشعلولها ناار من بعيد واللى ايدة في المية مش زي اللى ايدة في النار ......... مالهاش غير الحلين دول ......... إقتباس:
احبوا اعدائكم احبوا اعدائكم احبوا اعدائكم بسمعها كتييير اوي عندكم الكلمة دي .... لكن للاسف مش عارف لية جايين على دي ووقفتوا ..... وكانها اشتماو اعدائكم او سبوا اعدائكم ................... والسؤال اللي سالتة للمرة المليون لحد دلوقت ... هل البابا او الكنيسة الغربية او الشرقية او اي منظمة مسيحية في العالم كلة تمنح نياشين او ميداليات او حتى جوائزة نقدية او عينية بأي صورة .. لافضل شخصية تسب وتلعن في الاسلام ورسول الاسلام (صلي الله علية وسلم ) ؟ سؤال معلق ينتظر الاجابة .... إقتباس:
|
|
#19
03-05-2005
|
|||
|
|||
|
إقتباس:
اما اصدقائى اللى كانوا مسلمين الان ملحديين فيقولون لى انهم محظوظين انهم اتولدوا مسلمين و اعتقد ان الواحد ممكن يفهم قصدهم. يا ريت كل اخواتنا يبقوا زيك
|
|
#20
03-05-2005
|
|||
|
|||
|
كلامك يا عزيزي كروكودايل جميل وبه شيء من الصواب ..... لكن برضة معرضتش حل للمسألة بطريقة سليمة .......وزي ما انا وانت بنأكد ان صوابعك مش زي بعضها وفي الحلو والوحش في كل حتة وكل بلد وكل دين ......
ياريت يا عزيزي تقرأ ردي السابق جيدا وتفهم مغزاة وانا اقصد اية ومنتظر ردك علية .. ودمتم
|
|
#21
03-05-2005
|
|||||
|
|||||
|
العزيز غلباوى،
الحديث مع المسلمين أمثالك زى الموسيقى على ودانى، يا ريت الكل يكون زيك و أنا مش بقول جدة مجاملة. إقتباس:
إقتباس:
لكن برضة أكرر إن الأفضل نكون أصحاب مبدأ يعنى مفيش حاجة إسمها أحسن من غيرنا، إنت كأنك بتقوللى أبقى 80% بنى آدم أحسن ما أبقى 60% بنى آدم و دة كلام ما ينفعش. إقتباس:
إقتباس:
أنا الوم المسلمين المعتدلين أمثالك على لجوءنا للرأى العام العالمى لأننا فضلنا نعانى و نصرخ داخل مصر و لا من مغيث فلا تلومنا و إحنا معندناش إختيار تانى. إقتباس:
لكن أنا بقولك إحنا مش ضعاف و هنفضل ننادى بالمساواة و العدل طول ما فية إضطهاد و ظلم و لن نسكت إلى أن ننال حقوفنا، و إنت إلى هتحدد مسار الرحلة دى لأن لو أمثالك صححوا الخطأ بكرة أنا أوعدك إنى مش هفتح بقى بكلمة و تعيش مصر فى تبات و نبات لكن لو وقفتوا تتفرجوا و تركتوا الساحة للإخوان فإحنا ما قدمناش أى إختيارات و هنعمل إللى بقدرتنا علشان نحمى بلدنا و أهلنا.
|
|
#22
07-08-2005
|
|||
|
|||
|
فلنبدأ موضوعنا
اخى العزيز غلاباوى
بداية لك كل تحياتى و تقديرى و امنياتى لك بكل خير و سلامه . . . . و بعد نحن هنا الان لنتناقش حول مداخله منى انا ارسلتها لشخص وقح متطاول و ذكرت فيها انه فى بلدنا مصر و انه اتى اليها غازى مستعمر , الامر الذى رفضته انت فى ردك و قد فهمت وجهة نظرك كامله هنا فى هذا المنتدى , و رغم اننى قد اتفق معك فى بعض النقاط الا اننى اختلف ايضا فى نقاط هامه كثيره , الخصها كالاتى :- 1- بالطبع لا يمكن ان نضع قاعده جامده تقول ان المسيحيين هم المصريين فقط و ان المسلمين هم الغزاه من العرب فقط و نعممها و نقف عند هذا الحد , اتفق معك فى ذلك . 2- و لكن فى نفس الوقت فلنبحث و نفكر من هم المصريين و من اين اتوا , على حسب معلوماتى المصريين هم من استوطنوا حول نهر النيل سواء فى الوادى او الدلتا منذ قديم الازل , من عصر ما قبل الاسر , و الذين وحدهم مينا فيما بعد ليصبح شمال و جنوب نهر النيل وحده واحده , ربما دخل لمصر بعد الغزاه المحتلين من الهكسوس او الحيثيين او غيرهم , و لكن نسبة اختلاطهم بالمصريين كانت دائما محدوده و ربما معدومه , حتى اليهود الذين اتوا لمصر و احتكوا بأهلها و تدخلوا فى حياتهم و اعمالهم لم يحدث ان اختلطوا مع المصريين فى الانساب طوال الوقت حتى تركوا مصر . 3- لم نسمع ايضا ان الاغريق او البطالمه او غيرهم قد اتوا بحشود اختلطت بالمصريين و مسخت هويتهم و اصبحوا جنسا مخلطا , ربما كان لهم تواجد عسكرى , و لكنهم لم ينسخوا الهويه المصريه . انا بالطبع سأكمل كلامى , و لكنى بحكم اننى لست باحثا فى التاريخ و معلوماتى التاريخيه ليست بالعمق و الوفره الكافيه رأيت ان اقف عند هذا الحد لأسمع مداخلات اعضاء المنتدى سواء بالتأييد لكلامى او بالتصحيح اذا كان فى كلامى اى اخطاء تاريخيه . و للحديث بقيه و الرب يبارك و يهدى الجميع المفدى
|
|
#23
07-08-2005
|
|||
|
|||
|
شكرا يا عزيزي لمداخلتك في هذا الموضوع وسأرد عليك تباعا ......
بخصوص النقطة الاولي ,,, موقفك فيها يبدو غريبا جدا .. لانك تعتبر ان كل الاحتكاك المصري بالعالم الخارجي عن طريق حروب او عن طريق غزو ... وفاتك يا عزيزي ان الاكتر من ذلك هو من خلال الهجرات والتجارة وحتى جلب العبيد نفسهم ..... فلا اعتقد ان موضوع التزواج او اختلاط الانساب يأتي في الحروب بهذه الطريقة السلسة .. اي اننى لو مواطن مصري ولي ابنة لن ازوجها او اتصاهر مع محتل غريب اتى يحتل بلدي بهذه الطريقة ... ولكن كما ذكرت لك كان هناك هجرات متعددة وتزاوج واعمال تجارة اكدت على هذا الامر .. ولكن اذكر لك حادثة الجينرال مينو قائد الحملة الفرنسية بعد اغتيال كليبر واشهارة اسلامة وتزوج من فتاة مصرية مسلمة ... ولكن هناك العديد والعديد من هذه الامثلة على مر التاريخ فعلى سبليل المثال لا الحصر .... لو تتبعت محافظة ما مثل محافظة الشرقية .. ستجد ان اصولها قبائل عربية من شبه الجزيرة العربية جاءت في العصر الجاهلي واستوطنت في مصر بعد عهود جفاف مرت بشبة الجزيرة العربية ..... واستقروا بالشرقية حتى اليوم ... ولو انك نزلت اليوم للشرقية ... ستجد انه حتى الان وبعد مرور مئات السنيل من التناسب والتزاوج تجد انهم مازال بهم بعض العادات العربية القديمة كالكرم الشديد و حتى نطقهم حرف الجيم ( جيم معطشة ) وحتى في الملبس تجد الفتيات والسيدات كبارا وصغارا يرتدون عباءات سوداء فوق ملابسهن .... .. كل ذلك من مظاهر العادات والتقاليد القديمة التى حافظوا عليها حتى بعد مرور المئات والمئات من السنوات على نزوحهم من شبة الجزيرة العربية ..... ارجو ان تكون قد فهمت ما اقصدة ولك تحياتي
|
|
#24
09-08-2005
|
|||
|
|||
|
اشكرك و لنكمل
العزيز جدا غلاباوى
بداية اشكرك على مداخلتك الى اضافت لى معلومات لم اكن اعرفها , اتفق معك يا عزيزى ان الهجرات و الاستيطان داخل مصر كان احد الروافد التى اسمهت فى تكوين الجنس المصرى الحالى , و أعترف لك اننى نسيته فى رسالتى الاصليه , كما اتمنى أن تعذرنى على ضعف معلوماتى التاريخيه , فتخصصى بعيد عن التاريخ تماما , و اعترف لك اننى استفيد بمعلوماتك و علمك فى هذا الحوار . ثانيا : فى حدود معلوماتى التاريخيه فأنا اعرف ان الهجرات و الاستيطان داخل حدود مصر كان محدودا الى حد كبير قبل دخول الاسلام لمصر , ربما نقص فى المعلومات عندى , و لكنى لم اقرأ فى اى مصدر عن ان توافد و هجرة قبائل او جماعات فيما قبل الاسلام قد اثرت فى تكوين مصر البشرى . ثالثا : بالمناسبه ما هو رأيك فى هذا المبدأ , اقصد مبدأ ان تهجر جماعات مكان ما و تستوطن مكان اخر و بلد اخرى , الى اى مدى هو أمر شرعى , هل هو امر محمود للمهاجرين , هل هو محمود لأصحاب البلد الاصليين , انا شخصيا أرى انه لا يمكن التعميم و يجب دراسة كل حاله بحالتها , الا فى مبادئ اساسيه مثل هل مثلا هذا الوجود برضا اصحاب المكان الاصليين ام لا , هل لديهم ما سيفيدون به هذا المكان الجديد ام انهم جاءوا للتطفل على خيراته , كيف ستكون العلاقه بينهم و بين اصحاب المكان الاصليين . . . الخ الخ , عموما يهمنى ان اعرف رأيك فى المبدأ عموما . رابعا : فى حدود معلوماتى ايضا ان اغلب الهجرات الاستيطانيه كانت بعد دخول الاسلام مصر و فى حدود معلوماتى ايضا انها لم تعود بالايجاب على مصر و المصريين , لوجود فرق حضارى هائل بين الفرقتين , اعتقد انك تتفق معى انه حتى اليوم فى القرن الحادى و العشرين تكون زيارات اخوتنا الخليجيين لمصر وبال عليها لما يحملونه معهم من همجيه و بدائيه و و يمكن ان ترى ذلك بنفسك فى الفنادق و المطاعم و حتى كازينوهات شارع الهرم , فما بالك بالحال منذ 14 قرن . خامسا : لم يذكر التاريخ أن أى جماعات مسيحيه ارثوذكسيه قد هاجرت الى مصر او استوطنتها , بالعكس لا يعرف التاريخ ارثوذكس فى اى مكان سوى اقباط مصر , الامر الذى يحد كثيرا جدا من احتمالية اختلاط انسابنا نحن الاقباط بأى عرقيات او جنسيات اخرى , خاصة ان كلنا كأقباط تنحدر اصولنا من جنوب مصر الذى لم يختلط كثيرا بأى هجرات او جماعات . انتظر ردك يا عزيزى و صدقنى انا استفيد جدا من ردودك سواء لعلمك و معرفتك او لنضجك و حكمتك , و اشكرك و الرب يبارك و يهدى الجميع المفدى
|
|
#25
09-08-2005
|
|||
|
|||
|
السيد الفاضل غلاباوى تتبعت كتاباتك فوجدتنى اكن لك الكثير من الاحترام وايضا المحبة لما تملك من اسلوب راقى وامكانيات ثقافية ولغوية تمكنك من جذب الكثيرين للقراءة لك وان امكن مناقشتك كما وتملك ايضا ضميرا يدفعك للعدل ولكن دائما ما يكون عدلك هو عدل الاسلام اى عدل القوة وهنا يكمن الداء فانت تدعو الاقباط للتحلى بالصبر واخذ المسلمين المعتدلين من امثالك عونا لاسترداد حقوقهم وهنا دعنى اسئلك الم يوجد دائما من المسلمين المعتدلين على مدى اربعة عشر قرن فماذا جرى من سوء الى سوء وانا لا ادعو الى الاستعانة بالخارج ولكنى اعرض فشل رؤيتك فى هذا الجانب لحل مشكلة الاقباط من خلال اقناع بعض المسلمين المعتدلين وان بحثت فى سبب اعتدالهم لوجدت انه بسبب نشاتهم واخطلاتهم مع المسيحيين وهذا حسب ما ذكرته عن نفسك من ان نشاتك واقرب اصدقائك من المسيحيين ولعل مشاركتك بالمنتدى خير دليل على انصياعك لما تشعر بارتياح نفسى رغم تجريح بعض الاخوة الثائرين لك ولذلك ارجو ان تدع حقوق الاقباط جانبا وتفكر معى لماذا لم ينجح الاسلام فى القضاء نهائيا على الاقباط فى مصر ابادرك الرد قائلا لانه لو لم يكن الرب معنا لقاموا علينا وابتلعونا احياء.فهل تعرف هذا الرب.
|
|
#26
09-08-2005
|
||||
|
||||
|
على فكرة يا غلباوى انت كويس لكن
بتحب تصبغ الحقيقة بجزء من الهزار شوية علشان يضيع شرعية الحقيقة عند الناس مع العلم ان معظم كلامك حقيقة بس انا نفسى اعرف منك شوية حجات صغيرة الاقباط ليهم حقوق ضايعة والكل معترف بيها حتى انت فى كلامك قولت الكلام دا مين بقى اللى مضيع حقوقهم دى ومين اللى بيساعدوهم علشان ياخدوا حقوقهم من المسلمين مستحيل يكون المسلم اللى واخد حقوق الاقباط هو هو المسلم اللى بيساعد الاقباط اللى علشان ياخدوا حقوقهم هات لى موقف واحد تم مساعدة الاقباط من قبل الاسلام ؟؟؟؟؟ مش هتلاقى بس دور مصر الحد دلوقتى مفهاش قانون يسمح ببناء الكنائس لازم بيكون حالة طارئة وناخد قرار من رئيس الجمهورية منتهى الذل والمهانة وكمان حرب اية اللى نشارك فيها سوا انت مش ممكن تكون وطنى او بتنتمى لمصر اكتر منى ممكن تكون زيى لكن مش اكتر منى انا مستحيل احارب تحت شعار دولة عربية انا عمرى ما حسيت انى جزء منها انا قبطى مصرى ومش هكون غير كدة لكن تؤلى مصر دولة عربية واسلامية وانا مش عربى ومش مسلم يبقى انا مجرد ضيف فى البلد ولو مش عاجبك اطلع برا وكمان تعالى نشوف اللى حاربوا قبل كدة مع الجش فى 67 و73 وغيرها خدوا اية اهاليهم مش لاقيين كنائس يصلوا فيها ولا يعملوا فيها افراح وجنازات زى ما انت قولت حتى المدافن اللى بيدفنوا فيها ممكن اوى يهدوهالهم ويرموا عظامهم على الطريق زى ما عملوا فى مدافن ابو زعبل ولاد الابطال الاقباط اللى ماتوا فى الحروب مش لاقيين شغل انا نفسى ابص فى البطاقة الشخصية بتاعتى الاقى مكتوب فيها ان انا قبطى مش عربى يا ترا دا حقى ولا انا غلطان امريكا بقى اللى انت بتكرها دى هى اللى بتساعد الاقباط علشان ياخدوا حقهم وكلة بالسياسة يعنى ضغط على الحكومة تاخد تصريح كنيسة كتر الف خيرها بتدى معونة لمصر حوالى 12 مليار لية بقى نكرها مع العلم ان المسلم هو اللى بيستفيد بيها مش المسيحى زى ما قال قبل كدة عضوا اخوان ان المعونة الامريكية هى جزية الاقباط اللى فى البلد وجزء كبير منها بيصرف على طلبة الازهر القادمون من دول اخرى زى تركيا وكزخستان وترجمانستان وماليزيا ........... الخ يا ترا امريكا بتدفع الفلوس دى لية لامصر مسكة عليها ذلة ولا حاجة انا عيزك تفكر بأسلوب مختلف شوية وبجد انت كويس وتفكيرك المرة دى اختلف كتير عن الاول
|
|
#27
11-08-2005
|
|||
|
|||
|
العزيز غلاباوى
اخى العزيز غلاباوى
بداية لك كل تحيه و تقدير . . . و بعد لقد ارسلت لك رد و لم احظى بتعليقك عليه لنستكمل الحوار , انا متأكد انك مشغول فى شغلك جايز او مسافر مثلا , لانى اعتدت منك ان ترد دائما و بسرعه و منطقيه . عموما انا حبيت بس اطمن عليك و على اخبارك , و فى انتظار ردك يا عزيزى و الرب يبارك ويهدى الجميع المفدى
|
|
#28
12-08-2005
|
|||
|
|||
|
الاخوة الاعزاء ... بداية انا اسف لتأخري في الرد لظروف خاصة بالعمل جعلت من دخول الانترنت فطق ترفا لا امتلكة ... وكنت فقط ادخل لاتصفح الردود .. وانتظرت بعض الوقت ليتسنى لي الرد عليكم في هذا الموضوع بالذات حتى يكون لدي الوقت الكافي ...
بداية الرد على اخي المفدي : بخصوص مداخلتك .. الحقيقة ان معلوماتك التاريخية ناقصة بعض الشيء بخصوص الهجرات الي مصر قبل الاسلام ...والتى ادت بالتاكيد لتكوين فكرة خاطئة عن الامر لديك .. وسأحاول التحدث بإيجاز فية .. الامر يا عزيزي كما قلت لك لم يكن مقتصرا على الحروب والغزوات والفتوحات فقط .. بل كانت الهجرات قديما بسبب العوامل البيئية المختلفة .. فكما تعلم ان مصر كانت منذ القدم مطمع لجميع جيرانها بسبب نهر النيل وتربتها الصالحة للزراعة ومن ثم قيام الصناعة او التجارة .. فنزوح القبائل العربية بسبب فترات الجفاف التى سادت شبة الجزيرة العربية كذلك هجرات قبائل فلسطينية ومن منطقة الشام عموما .. بسبب القحط والجفاق في تلك المناطق علي مر التاريخ .. ولا ننسي قصة سيدنا يوسف عندما قدم اخوتة الي مصر قاصدين المساعدة والمؤنة بسبب الجفاف .. ايضا لا ننسي الهجرات الحبشية الي جنوب مصر .. وانحسار المصريين في مصر العليا ايام حروب الهكسوس ( قبائل رعوية قادمة من الشام ) لمدة اكثر من 50 عام .. واعتقد ان 50 عام فترة كافية لحدوث بعض الانصهار وان لم يكن انصهار كامل بينهم وبين المصريين .. حتى تم طردهم تماما على يد الملك احمس النوبي العرق المصري الاصل .. وعلى مر السنوات كانت مصر مركز تجاري ضخم لبيع العبيد وشرائهم واعتقاهم ايضا في بعض الحالات .. وحتى في العصر البطلمي كانت الملكة كليوبترا الملكة الغير مصرية تشجع على الاختلاط بين الشعب المصري والشعوب الاوروبية بغرض نشر الثقافة والامتزاج بين هذه الشعوب .. ولا ننسي قديما ايضا الاسكندر الاكبر وفتوحاته لمصر وتمركز اجزاء كبيرة من جيشة وعلمائه وخبرائة وبنائية وبناء مدينة الاسكندرية العظيمة.. الشاهدة حتى الان على عبقرية وعظمة قائد عسكري تاريخي لم يولي الحروب والسيوف والقتال كل تفكيرة فقط بل كان الامر بناء وتشيد حضارة ايضا ... كان لها حظ وفير ايضا في الانصهار بالشعب المصري ... وكما قلت لك في السابق لو سألت اي شخص مهتم بعلوم السلالات البشرية لقال لك ان مصر تعتبر من الدول الفريدة التى تعتبر بوثقة كبيرة انصهر فيها كوكتيلا من الشعوب والاعراق ... فتجد من ذوي الملامح العربية او الاجنبية او الاسيوية او التركية .. الخ .. اذا الامر لم يكن قاصر على الفتوحات العربية ( والتى اصر على تسميتها فتوحات) فحسب ... ولذلك فلا يمكن ان تثبت لي ان مصر قبل هذه الفتوحات كانت مصرية خالصة وكل مافيها من اقباط كانوا مصريين خالصين .. ولنذكر سويا انه قبل الفتح الاسلامي لم تكون مصر محكومة بواسطة المصريين .. فكيف يكون كل من بها مصررين خالصين ؟؟.... اما سؤالك عن شرعية الهجرة او الاستيطان .. فأعتقد انه وان لم اكن غبيا ... هو سؤال محوري ذكي للوصول لمدي شرعية الاسرائليين في استطيان الارض الفلسطينية ؟؟؟ الحقيقة يا عزيزي انه ليس لدي اي شك في ان الارض فلسطينية خالصة رغم ما سمعن عن المزاعم التى تقول بانها ارض بنى اسرائيل وانهم كلما اخطاءوا كان الله يسلط عليهم الكنعانيين ( الفلسطينيين) لتخريب بلادهم وغزوهم ... الخ ... فبالنسبة لي الهجرة والاستيطان تكون فقط بدافع العيش والحياة وبقاء الجنس البشري .. فأنا اهاجر من مصر اذا سدت امامي جميع الطرق للعيش في ظروف كريمة ميسرة وابحث عن مكان اخر .. ولكن كما نعلم جميعا جيدا ان تهجير الاسرائليين لفلسطين بزعم دينى ( ارض الميعاد ) لم يكن الا ستار يكمن خلفة اسباب سياسية واقتصادية بحتة ... بعد تغلغل اليهود في الكيان الاوروبي الرأسمالي مهددا اياه بالسقوط تحت وطأة السلطة الفكرية اليهودية والرأي اليهودي البحت .. الحقيقة يا عزيزي لا استطيع الان وبعد اكثر من 50 عام على احتلال فلسطين ..ايجاد حل . فشلت في ابجادة دول كثيرة لحل القضية .. فتجد الان اللوم لا يقع على الجيل الخامس او الرابع لانك ببساطة ولدت في هذه الارض وعشت عليها وترعرعت في ظل ايدولوجية تؤكد على انك صاحب الارض وهؤلاء العرب مخربين وبرابرة .. وستجد نفسك بدافع الغريزة تقاتل وتستميت في الدفاع عن ارضك التى هي في الحقيقة لم تكن ارضك يوما ما .. وكذلك الفلسطينى يجد ان الاسرائيلي صورة واحدة لا تتغير .. كايان استيطاني يريد الانفراد بالارض ومهددا اياه بالابادة العرقية ... كلا الطرفين من الاجيال الحديثة . يتمسك بأرضة ... وكلاهما لهم حقوقا بها .. والخطأ لم يكن خطأهما منذ البداية وشكرا الاخ rizk nbil .. كلامك كبداية جيد جدا ولكن كعادة الموجودين هنا جميعا الانحراف فجأة عن الحقائق ... انت تؤكد انه لولا ارادة الله لكان المسلميت ابادوا المسيحين تماما .. اقول لك .. اما كان من الاولي بالمسلمين ابادة كل الديانات الاخري في طريقهم الي مصر ؟؟ والا لماذا بقيت كنائس الشام حتى اليوم مع الفتح الاسلامي .؟؟ ... اما مقولات التدمير والابادة فكلها او على الاقل معظمهما اختلاقات ليس لها اي شكل من الصحة ... فبالله عليك كيف تقنعنى ان النبي صلي الله علية وسلم رجل سفك دماء وقتل وتعذيب وهو من عفى عن المشركين والكفار في فتح مكة رغم انه زمام الامر في يدة . وباشارة واحدة منه لكانت استحالت مكة لحمامات من الدم ولكنه عفا عنهم بالكامل وامنهم على اموالهم ونفوسهم .. ( وان جنحوا للسلم فاجنح وتوكل على الله) اما عن الحاكم بامر الله او بعض الخلفاء الاخرين المحوسبين ظلما علينا حكاما مسلمين .. اعود للقاعدة المنطقية المعروفة ( ليس كل الحكام المسلمين مسلمين ) فهناك الكثير والكثير منهم قد حكموا ظاهريا بالاسلام وباطنا كانوا يجيرون على حقوق المسلمين قبل غير المسلمين ... ولسنا في نقاش هذا الامر الان ولكنه فقط ذكرتة للتوضيح .... وأذكرك ان الاسلام لم يدخل مصر مع الفتوحات الاسلامية فقط ... بل سبق ذلك بسنوات كثيرة اثر الحركات التجارية والتنقلات ... الخ اما الاخ ذكي بيأكد ان حقوق المسيحين ضايعة وان المسلمين عمرهم ما هيدورا على حقوق المسيحين ابدا ... ببساطة هقولك اية عندنا في القرأن اللى انت اساسا مش بتعترف بية ( إن الله لا يغير ما بقوم حتى يغيروا ما بأنفسهم) صدق الله العظيم ... اولا احنا حاليا لو كنت بتتكلم عن الوضع الحالي .. الكل واقع تحت سيطرة القانون ... وبالبلدي كدة الكل بياخد على قفاة مسلم او مسيحي ... بس يمكن انوا حساسين للامر اكتر بسبب احساسكم بانكم اقلية .. وحاسين دايما بالظلم والاضطهاد ودة بيزود شعوركم اكتر ..... لكن ارجع واقولكم اذا كنتم انتم مش عايزين تساعدوا نفسكم .. عايزينا نساعدكم ازاي .... البابا شنودة انا شخصيا بحترمة لشخصة .. دون النظر لمركزة الدينى او اي شيء تانى .. من يوم ما اعتلي كرسي الباباوية ... وكلامة كله عن التسامح والوحدة الوطنية وخنقنا من كتر الكلام عن النسيج الوطنى والوحدة الوطنية .... يا اما انتم كلكم كذابين يا اما هو - عذرا - منافق ... لو هو فعلا بيطلع في السنة مرة لما بيهنى الناس بعيد القيامة .. ويثير قضية ولو بسيطة من قضاياكم ... هتلاقي اكيد ليها صدى عند الناس كلها .... لو طلع مثلا السنة دي وقال عايزين برامج مسيحية في التلفزيون .. او عايزين تعديل منهاج .. او او او الخ ... حتى لو الكلام بتاعة اترفض يبقي اسمة عمل اللى علية والقي حجر في الماء الراكد .. لكن هو ساكت والكل مسلمين او مسيحين سامعينة بيؤكد على ان كل شيء تمام ومفيش مشاكل ... هات لي بعد كدة مسلم يصدق منكم كلمة واحدة ان عندكم مشاكل او اضطهاد ... او كلمة هيقولهالكم البابا بتاعكم بيقول كل شي تمام والوحدة الوطنية والنسيج الوطنى .. يبقي نصدقك ولا نصدق البابا ..... ياريت يا ذكي تساعدوا نفسكم صح قبل ما تدورا على حد يساعدكم وشكرا
|
|
#29
12-08-2005
|
||||
|
||||
|
و ماذا حدث للبابا عندما تكلم
شوف من الاخر البابا راهب و مش فارقه معاه اي شي لكننا ندعوه البابا...يعني اب هل تضمن سلامه الاقبآط بعد تصريحات البابا يا غلباوي الامن قوي و بيدي الكل عل قفاه كما تقول لكن عندما تحاولون التصدي للاخوات المسلمين وجماعاث الجهاد بتخافوا ...او بتطنشوا و بالمناسبه ....والابلاش
__________________
مسيحي من الارض المصريه القبطيه المحتله الي الابد قويه يامصر بالمسيح
|
|
#30
12-08-2005
|
||||
|
||||
|
الاخ غلاباوي ببساطة كده ومن غير كتر كلام هل نحن عرب ام مصريون ؟؟ هل توافق علي تدريس الحقبه القبطيه ام لا ؟؟ بما انك مصري وقبطي يعني مصري كيف ياخذ اخوانك المسيحيين حقوقهم ؟؟؟ لماذا تمجد العرب الغزاه (لا اقصد اي واحد جنسيته مصري حاليا ) ؟؟ وفي نفس الوقت انت ضد الانجليز والفرنسيين وامريكا كغزاة ؟؟؟ تعرف اني سالت مره ناس اصحابي ان لو السعوديه حاربتنا هتعملوا ايه ؟؟ عارف الرد كان ايه قالوا ( هنحارب مع السعوديه لان الاسلام هو وطنا ) سالتهم لو امريكا حاربتنا هتعملوا ايه قالوا ( هنحاربها طبعا ) سالتهم للمرة الثالثه لو انتم موجودين في المانيا مثلا ومعاكم الجنسية الالمانيه ولكم كافه الحقوق وقامت السعوديه او اي دوله مسلمه بحرب ضد المانيا هتحابوا مع مين قالوا (مع الدوله المسلمه طبعا لان الاسلام هو الوطن فالمسلم الامريكي قريب لي اكتر من اي حد مش مسلم )) عارف لما سمعت الرد ده قلتلهم ايه قلتلهم تبقوا خونه تخونوا بلدكم وتخونوا البلد اللي ادتكم جنسيتها واكلتكم وشربتكم وصعقت من ردهم لان هذا هو كلام الاصوليين اللي اصبح منتشر الان كثيرا يا اخ غلاباوي دول مش مصدقيين ان المسيحيين عندهم مشاكل خالص بس بيتكلموا علي فلسطين والعراق وافغانستان وبلاد الواء الواء كل ده علشان الدين فقط !!! تخيل انهم بدل ما يقولوا ان فلسطين عربيه بيقولوا فلسطين اسلاميه طيب والمسيحيين اللي فيها يروحوا فين ؟؟؟ ليه الشريعه الاسلاميه هي المصدر الرئيس للتشريع ؟؟؟ ليه مش المسيحيه مثلا ؟؟؟ ومتقوليش علشان الاقليه والاكثريه لانك بهذا تضع قوانين بحسب الدين وتميز بين ابناء الشعب الواحد بسبب الدين . وايه رايك في ان يحكم المسيحي المسلم ؟؟؟؟هل يتعارض ذلك مع ( لا ولايه لكافر علي مسلم ) انا عارف انك مصري مسلم فاهم ان لينا حقوق لكنك للاسف مازلت تمجد دخول العرب مصر وكانهم ليسوا غزاة دخلوا مصر بلدك واستعمروها كاي مستعمر . فكر معايا كده لو كلن لكلام ده هو اللي حصل : الفرنسيين دخلوا مصر واحتلوها واستعمروها مدة الف سنه وغيروا اللسان العربي الي اللسان الفرنسي وازالوا التاريخ العربي من المقررات وضغطوا علي المسلمين لاعتناق المسيحيه فقبل اغلب المسلمين بذلك مع ان ( قلبهم مطمئن ) وقبلوها تقيه لكن مع مرور الزمن ومع كثرة اجبارهم علي ممارسه الشعائر المسيحيه ومخططات التنصير الكثيرة والتزوج بنساء المسلمين غصب عنهم والتنكيل بهم واغلاق فم وقتل المدافعين عن الاسلام من الشيوخ وطباعه وتوزيع الكتب المقدسه وكتب لها اسماء مثل تفنيد القران وزي ماقلنا مفيش حد يدافع ولا يقارن ومع هدم اغلب الجوامع والمساجد ومع تخريب الجامع الازهر حتي لا يحتمي به جنود الدول المسلمه ومع ولادة اجيال جديده والحال هو الحال ومفيش جديد ومع اخماد كافه الثورات تحول هؤلاء الاطفال بسبب حملات التنصير الي المسيحيه وكبرم واجيال ورا التانيه ورا التالته (مع ان جدودهم كانوا اصبحوا في الاول مسيحيين مع ان قلبهم مطمئن او تقيه او خوف او عن يقين ) اصبحت الاغلبيه من سكان مصر مسيحيه فبما انك مصري مسلم فطبعا من غير المتصور ان تطالب بطرد المسيحيين لانهم ببساطه مصريين!!! وطبعا من غير المتصور انك تمدح الغزاه الفرنسيين !!! ومن غير المتصور بعد مرور حوالي الف سنه ان تطالب وتسمح بدخول دوله مسلمه لتحررك من مين ؟؟من المصريين المسيحيين ؟؟!! وطبعا هتزعل لو اصبح دستور الدوله هكذا ( الشريعه المسيحيه هي المصر الرئيسي للتشريع )) وطبعا هتزعل لو ملقتش اي واحد مسلم في مركز قيادي تبعا للقاعده الشرعيه (لاولايه لكافر علي مسيحي ) وطبعا هتزعل لما يتقال طول النهار في الكنائس القران محرف تلاعب به المسلمون وطبعا هتزعل لما تكون راكب عربيه ويشغل السائق شريط للقسيس فلان يسب و ي ل عن المسبلمين فيه وطبعا هتزعل لما تكون ماشي في الشارع ووقفت جنب محل علشان تشرب وعينك تقع علي كتاب يسب وي ل عن في المسلمين ويقول ان قرانهم محرف وطبعا هتزعل لما ينشر في الجرائد ان المسيحيه هي الديانه الوحيد التي لم يتم التلاعب في كتابها المقدس وطبعا هتزعل لما يذاع كل يوم احد القداس وصلاة الجمعه منسيه لانك ببساطه مسلم وطبعا هتزعل لما دماغك تصدع من كتر البرامج المسيحية ومفيش برنامج واحد اسلامي وطبعا هتزعل لما اصحابك في احلي سنين العمر بتقولك الشيخ مات مات والدفنه يوم التلات وطبعا هتزعل لما يقولولك اصحابك المسيحيين الجمله دي ( المصريين اهما حيويه وعزم وهمه قاصدين ) بذلك انك لست مصري وطبعا هتزعل انه يتقالك السعوديه هي اللي حمايكم وانتم عوزينها تدخل مصر وطبعا هتزعل ان المسيحيين الاغلبيه شغلين نفسهم بروسيا وان الشيشان لا يجب ان ينفصل لنه ضمن الدوله الكونفدراليه وان جنوب السودان يجب ان ينفصل لانهم مضطهدون وناسيين خالص هموم اخوتهم المسلمين في الوطن وطبعا تزعل لما يغيروا اسم مصر من جمهوريه مصر الي جمهوريه مصر الاوروبيه وبقت اوروبيه ليه ؟؟ مش عارف علشان يعني بقت بتتكلم فرنسي ؟ وهل اللغه تغير الجنس ؟؟ وهل اللغه تغير ان احنا في قاره افريقيا يعني افارقه مش في قارة اوروبا يعني مش اوروبيين ؟؟ بس هتعمل ايه ؟؟ لما تحس انك بقيت غريب في وطنك مصر الحبيبه أمك اللي تفديها بعنيك ونفسك تعيش مع اخواتك المسيحيين وانت وهم لكم اسم واحد مصريين لكن هتقول لمين الله يجازي كل من رفع الهويه الدينيه علي الوطنيه قولي بقي لو انا مهتم بقضيتك وان ليك حق بما انك مصري تقدر تقولي هتخده من مين ؟؟؟ من الحكومه ؟؟ ام من المناهج الدراسيه ؟؟ ام ان الامر ليس مجرد حكومات بل دستور يساوي فعلا بين كل الديانات الموجوده في نفس البلد وتعليم يحض علي القوميه المصريه ولا يشتتنا وراء هذه القوميه اوتلك وتعليم متسامح سواء في دور العباده ام في المدارس وتعليم الناس كلهم ان مصر تاريخها هو تاريخ كل المصريين وليس تاريخ علي حسب الدين هل هذا ممكن مستني ردك وطالما بتتكلم بعقل خد دي 
__________________
(sml21) ((ليكن اسم الله مباركا من الازل و الى الابد لان له الحكمة والجبروت.و هو يغير الاوقات و الازمنة يعزل ملوكا و ينصب ملوكا )) دا 2 :21-22 (sml21)
آخر تعديل بواسطة مار مينا ، 12-08-2005 الساعة 09:20 PM
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
مواضيع مشابهة
|
||||
| الموضوع | كاتب الموضوع | المنتدى | الردود | آخر مشاركة |
| ردا على موضوع اثاره مسلم فى المنتدى (ادعاء اننا جاليه ) مصطلح خطير هل وصلنا اليه | melo@eygpt | المنتدى العام | 20 | 06-02-2009 08:56 PM |
| حوار حول المنتدى......(مدموج) | iwcab | المنتدى العام | 66 | 19-01-2009 01:37 AM |
| إنضحك عليا من مَسيحي هذا المنتدى .. | زائر بسيط | المنتدى العام | 30 | 18-10-2008 01:34 AM |
النمط الخطي
