ماذا تفعل لو كنت مكان الرئيس مبارك؟؟

[sobhy fouad]

عزيزى سامى
تعرف ان اجمل نعمة ربنا اعطاها الى البشر هى نعمة التفاؤل فبدونة لن يتطلع الناس الى يوم الغد .. بدون التفاؤل سوف يتوقف الناس عن الحلم لانة لن يكون هناك امل او فائدة منة ..
صدقنى يااخى العزيز ..مصر ليست فى حاجة الى جيوش من الملائكة كى تتغير الى الافضل ..هل تذكر ماحدث الى الاتحاد السوفيتى ..هل كان احد يتصور انهيار هذة الامبراطورية الضخمة التى كانت تعد ثانى اقوى قوى عظمة على وجة الارض بعد الولايات المتحدة الامريكية ؟؟
لم يرسل ربك ملائكتة وانما ارسل رجل شجاع اسمة مايكل جورباتشوف استطاع هذا الرجل وحدة ان يغير هذة الامبراطورية التى لم تكن تعترف بالاديان ولاتؤمن بالديمقراطية ولاتقيم وزنا او قيمة للانسان .
ربك قادر على كل شئ ..وثق انك سوف ترى اجلا اوعاجلا تغيرات هائلة فى مصر تعيد اليها مجدها وعظمتها

[sobhy fouad]

أختنا العزيزة ناسا او نوسة
معلش ها اختلف معاكى ..النساء ليسوا ناقصات عقل او دين وانما هم قمة الكمال والعقل والاتزان والحكمة ..هم اجمل مافى الحياة والوجود وبدونهن لكنا لازلنا فى ملل قاتل حتى الان فى الجنة ..
اما عن قولك عن التوسع فى استخدام التكنولوجيا وعمل سفن فضاء مصرية فهذا الكلام جميل ولكن قبل ان تبدا فى تنفيذ هذا المشروع الضخم يا ريت تقنعى بعض ابناء بلدك بان بعض رواد الفضاء الامريكان هبطوا على سطح القمر حيث انهم يعتقدون ان هذا الامر تخريف وكفر ونصب ودجل !!!!!!

[sobhy fouad]

اين مشاركات اخوتنا معتز ووليد المصرى وعنتر وعبد المجيد وبقية اخوتنا المسلمين اعضاء المنتدى من هذة القضية التى تهمنا جميعا ؟؟

[amoni]

اولا يا اخ صبحى انا مصرية كاملة من جهة الاب

ثانيااسم ناسا يشير الى وكالة ناسا الامريكية

نانوسةو اسماء الدلع فا انا لا اسمح لاى حد ينادينى بهم للى انكل kk وانكل pharo

و عن المعتقدات من الشعب الامريكى فدا ينطبق على نسبة 3 فىالمية من الشعب

يعنى لو بلدى وفرتلى العلم والتكنولوجيا كنت ابقى هنا دلوقت

و بعدين فرع شركة بوينج الاسترالى عامل شغل حلو

[ehabamira2010]

صباح الخير
اولا : انا مصري ثانيا مسيحي ارثوذكسي ثالثا بحب مصر جدا
الرئيس مبارك افضل رئيس اتي إلى مصر اسألوا الناس الكبيرة اللي هجرت فى عهد انور السادات وشوفهم لو اتو الي مصر دلوقتت ايقولوا ايه ، ماحدش ينكر ان الرئيس مبارك عمل كتير كتير للبلد لأنه ببساطة مصري وبيحب مصر بدل ما انتو قاعدين تتهموا الراجل اعملوا انتو ما عليكم اتجاه وطنكم وشووفوا الوطن دا ايبقي ايه ، بس بالعكس المسيحين دلوقت اتغيروااحنا عاملين اننا مظلومين ومقهورين ومكسورى الجناح لعملكم الكلام دا كله كدب في كدب انا لا انكر ان في عهد السادات كان في تفرقة لأن الساداات كانت سياسته فرق تسد وللكن مبارك غير كدة
ولعلمكم اللي ينكر الكلام دا يبقي ساذج او بيكدب علي نفسه وبعدين في ايه صريحة في الانجيل قالها رب المجد ( الرب يدافع عنكم وانتم صامتون ) اخيرا اقول لكم يا جماعة حبوا مصر ماتشركوش اللي عايزن يهدوها وتكون سبب معها يضعف مصر دا ربنا قال ( مبارك شعبي مصر ) وياريت تفرزو الكلام اللي يوصلكم كويس وانتو ليكو عيون شوفوا البلد فيها كام مشروع دلوقت كونوا منتجين زمان الامسلمين كانوا بيسمونا اهل الذمة ليه دلوقت اتغيرنا ماحدش يقولوا بسبب الاسلام بل بالعكس لأن احنا اتغيرنا والمسيحية بقت عندنا مجرد قشور

[sobhy fouad]

ياريت يااختنا العزيزة تقولى احب اكتب اسمك ازاى : بنت ناسا او ناسا بنت او ناسا جيرل ؟؟ على فكرة انا لم اقصد ابدا ان ادلعك . اعتقد ان هناك سوء فهم او ربما خطا مطبعى ..مع خالص تحياتى اليكى من استراليا وتحيات جميع العاملين فى شركة بوينج فرع استراليا

[sobhy fouad]

اخى العزيز ايهاب
اشكرك على تعليقك واود ان اؤكد لك اننى مثل كل ابناء مصر فى بلاد المهجر مهما طالت سنوات الغربة بنا فى الخارج الا اننا جميعا نحب بلدنا ونتمنى ان نراها اعظم واقوى واغنى دولة فى العالم ..كما اننى احب ان اقول لك ان انجازات الرئيس مبارك او اى رئيس اخر مهما كانت عظمتها او ضخمتها لا تعطية الحق فى البقاء الى الابد فى مقعد الحكم او توريث الحكم لابناءة ..والتغير هو سنة الحياة وامر طبيعى فى المجتمعات المتحضرة
وايضا احب اقول لك يااخ علاء ان معظمنا يزور مصر بانتظام ونرى كل شئ على الطبيعة ..والواقع الذى نراة يقول ان مصر فى حاجة الى تغير كامل وشامل فى كل المجالات السياسية والاقتصادية والاجتماعية وغيرها ..واعتقد ان الرئيس مبارك قد اعطى الكثير فى حدود الامكانيات المتاحة امامة ..واعتقد ايضا ان من حقة ان يستريح ويتمتع بما كتب اللة من بقية فى العمر..ولك تحياتى