إطلاق قناة قبطية جديدة قناة ctv

[موسي الأسود]

المشاركة الأصلية بواسطة churchill2

ما قولتش حاجة يا عمنا موسي بس لما واحد يبيع شركة بنص مليار دولار وبعدين ييجي يستثمر فلوسة في مشروع non-profit(لا يسعي للربح) يبقي اكيد الراجل دة بيفكر غلط ,كان احسن لة يعمل شركة يلم فيها الشباب القبطي اللي قاعد علي القهاوي

ليس هذا استثمارا ارضيا بل استثمارا سماويا
فثروت باسيلي يذكرني دائما بقديس عاش في الكنيسة يخدم الكنيسة من ماله و له الفضل في ترميم و بناء الكثير من الكنائس وهو القديس ابراهيم الجوهري .
ربنا يعوضه علي نشر كلمة الخلاص و صوت الكنيسة عالميا .

[yonan_opop]

انا شفتها قناه حلوه خالص ويا رب للأمام دائماً
كل ما يعمل يعمل للخير الف مبروك للقناة الجديدة وعقبال التصريح لينا بأعادة بناء كنيسة الانبا انطونيوس بأبوشوشة

صورة للكنيسة بعد الحريق

[BOGY]

وجهة نظرى و اللى ممكن كتير ما يوافقوش عليها هو ان ليه يبقى فيه قناتين قبطيتين تعبانين ؟؟ لو فلوس قناه فيهم راحت للتانيه و بقت قناه واحده قبطيه محترمه كان هيبقى احسن, على الاقل تشد المشاهد.

ثانيا: أغابى لو ما نقلتش للأوروبى , يبقى خلاص هتموت, لان فى مصر الدش الناس بتشتريه ثابت, و تجيب عدسات بعدد الاقمار, فدلوقتى طالما فيه قناه على الاوروبى قبطيه, ما حدش هيجيب غير عدستين, واحده للنايل سات , وواحده للأوروبى عشان كمان بقية القنوات المسيحيه زى سات 7 و الحياه.


و ده بجد تحذير لأغابى عشان ينقلوا القناه من القمر ده للقمر التانى, و الا ماحدش هيشوفها بعد كده

[Kyrillos]

للأسف البدايات توحى أن (سي تي فى) هى أغابى أخرى ، نفس نوعية البرامج ونفس التوجه
كنت أود أن تكون مختلفة ، ليس لأن أغابى وحشة لا سمح الله ، لكن لأن التنوع حلو

[Safnat_Fa3nash007]

مبروككككككككككككككككككككك

قناه دينيه سوبر رائعه


تهانيا والى الامام

[para`o]

أعتقد ان ثروت باسيلى ملوش دعوة بالقناة أنا كنت سامع من زمااااااااااااان أن الكنيسة بتعد لقناة رسمية و كان أسمها ساعتها كوبتيك سات و أن دى هى القناة الرسمية اللى تعبر عن الكنيسة القبطية و كان ليها موقع على الانترنت بيتلقى أقتراحات الناس و بيتهيألى هى دى القناة بس غيرو الاسم من كوبتيك سات إلى كوبتيك تى فى
أنا بيتهيألى أن القناة دى هتخلى عدد المشاهدين لأغابى يقل جدا لأن بصراحة دمها اخف و على الاوربى جنب أخواتها سات 7 و الحياة و النور و الشفاء و معجزة و سبيريت
يعنى أسهل جدا من أغابى
أتمنى أنها تغطى كل الامور الخاصة بالأقباط و خاصة تعليم اللغة القبطية و التاريخ الكنسى
و مرة تانى أعتقد انها تبع الكنيسة و ثروت باسيلى ملوش دعوة بيها ممكن يكون من ضمن الممولين الرئيسيين ليها مش أكتر

[وسيم الكسان]

انا فرحان قوي بميلاد قناه جديده اللي اسمها ctvوعقبال مليون سنه ودي فرحه كبيره للمسيحيين صدقوني فرحه كبيره (اغابي وctv يارب بارك وزيد)

[sky]

وده السايت الخاص بالقناة

http://www.ctvchannel.tv/home/index.asp


ملحوظة
القناة تطلب شباب للعمل من الجنسين .. وربنا يوفق الجميع

[ميشيل ثابت]

المشاركة الأصلية بواسطة sky

وده السايت الخاص بالقناة

http://www.ctvchannel.tv/home/index.asp


ملحوظة
القناة تطلب شباب للعمل من الجنسين .. وربنا يوفق الجميع

اريد فرصة عمل لديكم فى القناة /الاسم/ ################
/ ############# /الموهل/دبلوم المدارس الصناعية حيث احتاج الى فرصة عمل لانى من اسره فقيرة ليس لها اى مورد رزق ولا نملك اى مبالغ لكى ابحث عن فرص عمل /خريج /2002/موقفى من التجنيد/معاف/ ت ###############

[sky]

سلام ونعمة اخي ماركو
بالنسبة للقناة احنا ملناش اي صلة بها لنستطيع ايجاد عمل ليك فيها
لكن انت ممكن تدخل علي السايت اللي انا كتباه فوق وتشوف لو هما لسه عايزين ناس تشتغل
او لو تحب حاجة تانية بعيد عن القناة ممكن تحاول عن طريق مكاتب التوظيف اللي بتبقي موجودة في الكنايس زي كنيسة العدرا المرعشلي بالزمالك وفي زيها كنايس كتير
اسأل وربنا هيقف معاك ان شا الله وتلاقي شغل كويس