|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
#1
31-05-2007
|
|||
|
|||
نجيب ساويرس يتسلم جائزه من فرنسا رفيعه المستوي في السفاره بالقاهره
فرنسا تهدي البشمهندس نجيب ساويرس جائزه تكريم رفيعه المستوي تسلم البشمهندس نجيب ساويرس جائزه تكريم رفيعه المستوي في مقر السافاره الفرنسيه في القاهره في حضور لفيف من رجال الاعمال والمثقفين وبحضور عدد من ال سويرس وكانت في الحضور للتغطيه الاعلاميه القناه الفضائيه المصريه (otv) والتي التقت بالبشمهندس نجيب ساويرس بعد انتهاء كلمته امام الجمع والتي قالها بعد كلمه السفير الفرنسي في القاهره والمندوب عن رئيس فرنسا الاسبق جاك شيراك وفي لقاء الاول من نوعه بين البشمهندس نجيب ساويرس مع قناه otv قال : كيف تري الحياه الاقتصاديه في مصر ؟ اكد سويرس انه متفائل بالمليارات التي تاتي كإستثمارات في مصر وانه لايمدح الوضع لانه كان اكثر الشاكين من الوضع انما الان الوضع سليم وقال انه متفائل جدا ما سبب اعطائك هذه الجائزه ؟ يعني لان لينا دور في التقريب بين مصر وفرنسا في الجامعه الفرنسيه الي دعمتها ومش لقني بحب الفرنساوي انا ثقافتي الماني اوي لكن يعني اي حاجه تجيب فكر جديد للشباب هي المهم وبدل ما الولاد يروحوا يتغربوا في بلاد تانيه يجوا هنا بينا لان هنا في الدين والثقافه لها عامل في التنشأه وده يكون مع مدارس وتعليم علي مستوي عالي لان ده هو الي هيبني المستقبل التعليم اهم حاجه لماذا تدعم العناصر الشابه دائما ؟ قال اعتبر العناصر الشابه هي اساس المجتمع وهي المستقبل القادم ولابد من دعمها وهاذا واضح في قناتكم انا اول مره اقابلها او اطلع فيها لكن كلكم شباب وعندكم حريه العكل فانا بقدس حريه العمل والافكار القويه عند الشباب هو نفس السبب الذي جعلك تدعم الشاب المصري عمرو هشام ليذهب لقمه افيرست؟ اكيد زي مابقولك واحد عايز يروح ويتسلق جبل ويصل الي قمه افيرست ليه مدعموش ويروح ويرفع علم مصر يعني انا عندي حتت الوطنيه دي جامده اوي احب مصر جدا يعني لو حد سالني عن وطنيتك او طائفتك دينك يعني خقولهم وطنيتي الاول وبعديها الطائفه ....(ويكمل بابتسامته المعروفه ضاحكا ويقول )...سامحني يارب لو ده غلط ايه اكثر المزايا الي بتمتع بها نجيب ساويرس والعيوب ايضا ؟ قال انا بشتغل كويس لما اعمل حاجه احب اعملها علي اكمل وجه وكمان لما حد يطلب مني حاجه لو مقدرس اعملها اقول اقدر او مقدرش مالوعش الي قدامي خالص واسرحه ومن عيوبي انا لو حد ظلمني منمش الا لما اخد حقي يعني ربنا يسامحني بقي لكن ده انا كده بقي سوهاجي والموضوع ده عندي مقدرش لازم اخد حقي منه عندي شويه حب لنفسي يعني اهتم بنفسي اوي واخد بالي من نفسي تقدر تقول انانيه شويه علي خفيف حصل لحضرتك تاميم في فتره احكيلنا عن تداعيات الموضوع ده ؟ يعني حصلنا تاميم هنا لفلوسنا وشغلنا روحنا ليبيا اتخانقنا مع ليبيا رحنا مكان تاني وهكذا الحمد لله ايه اكثر العيوب في otv؟ بصراحه خفيفه شويه ورتمها سريع جدا يعني الولاد بتوع شغال دول مثلا رتم كلامهم سريع جدا فده بيخليني ملحقش افهمهم احنا كبار الشباب بيتكلموا بسرعه اهدوا شويه مش كده والرتم الاجنبي فيها كتير اوي زياده شويه وايه اكثر القنوات الي بتحب تشاهدها ؟ اوه تي في اكثر واحده طول النهار حاططتها يعني انا كتير يقولولي ولادي هو مفيش غيرها غيرها هات حاجه تانيه ايه اهم انجاز في حياتك ؟ ولادي اه ...ولادي كويسين اوي طلعوا ممتازين وبحس ان اهم حاجه دي بصراحه انا بشتغل يعني 18 ساعه في اليوم وارجع سعات المكتب بليل وبخرج طبعا للتنفيس يعني وطبعا انت عارف اننا بنشتغل جامد واديك شايف يسمعوا اسم اوراسكم في اي مكان يقولوا يادي الليله الي مش فايته يعني بنحاول نمسك مكانه معينه ايه سبب تواجدك الدائم مع الشباب ؟ انا كده لو حد اكبر مني بسنه واحده مقابلوش يعني ........ويضحك اه بصراحه انا احب يعني اصغر مني بعشرين سنه كده علشان دول المستقبل هما دول الي هيبنوا بكره اهم نصيحه للشباب ؟ اسمع كلام اهلك هما اكثر ناس هيبقةا خايفين عليك اهتم بالايمان والتمسك بربنا وركز في الي عايز تعمله ومتخفش واكيد ربنا هيوفقك 
|
|
#2
01-06-2007
|
|||
|
|||
|
heart heart heart heart
 باقه ورد للسيد البشمهندس نجيب ساويرس نيابه عن كل من يرد اعطائه باقه ورد بمناسبه هذا لمكسب المعنوي له من دوله فرنسا  وعقبال كل الجوائز يا بشمهندس نجيب ساويرس
|
|
#3
01-06-2007
|
|||
|
|||
|
الف مبروك حاجة تشرف وتفرح القلب ، علي المستوي المصري و علي المستوي القبطي .
مبروك يا مصر ، مبروك يا أيها السيد المهندس نجيب ساويروس . مبروك لكل رجل مسيحي شريف مٌكافح علي هذه الأرض .
|
|
#4
04-06-2007
|
|||
|
|||
|
العاشره مساءا والعملاق سويرس
العاشره مساءه :يلتقي بالزعيم الملياردير القبطي البشمهندس نجيب ساويرس تدير الحوار الاعلاميه : مني الشاذلي برنامج العاشره مساءا ... دريم 2 المقدمه : استلم المهندس نجيب ساويرس اغني رجل في مصر وتقدر ثروته باكثر من 10 مليار دولار تسلم جائزه رتبه عسكريه وشرفيه ومعنويه رفيعه المستوي لا تسلم الا لاناس معينين ... من فرنسا وهذه اخر جائزه سلمها له الرئيس شيراك قبل خروجه وتسليم الرئيس نيكولا ساركوزي سده الحكم وكان ساويرس قد ابدي احترامه للجازه وحضر حفل تسليمها في السفاره الفرنسيه بالقاهره مع اسرته واصدقائه والمقربين نرحب بالمهندس ورجل الاعمال القبطي المصري المهندس نجيب ساويرس ازيك يا فندم ؟ اهلا وسهلا ازيك تحب نبدا بايه سياسيه ولا اقتصاد ولا ايه ؟ الي انتي تحبيه نبدا بالاقباط علي طول ؟ اوك الاقباط ديما بيتحمسوا لنجيب ساويرس وبيعرفوه ديما بالرجل الاعمال القبطي ليه يتري ؟ لان في منهم كتير بيحب انه يكون زي ويجتهد علشان يكون زي ودي حاجه كويسه جدا ليه ديما الاقباط بيقولوا علي نفسهم مضطهدين ؟ لانهم ممنوعين في وظائف حكوميه كثيره جدا اولها القيادات كلها في الكليات واللجان والنقابات والاجهزه الامنيه بس ده ميمنعش ان الاقباط عندهم ثروه كبيره كما قالت وزيره القوي العامله ان الاقباط مش محتاجين للوظائف الحكوميه وحالهم احسن من غيرهم وانه لاتفريق بينهم وبين المسلمين ؟ لا معلش ... خانها التصريح المره دي جدا فالاقباط زي مقلتلك ممنوعين في كل الاماكن القويه والاحزاب طبعا فطبيعي بيتجهوا للاعمال الحره حتي اسالي نفسك انتي ليه هما بيتجهوا الي الاعمال الحره لنفس السبب بس الاقباط لديهم نسبه ضخمه من ثروه مصر ؟ ده كلام مش مظبوط وزي ماقالت الوزيره ده تصريج زي مااقولك الطريق ده كده تقوم واخدني في طريق تاني ..... مش فاهم انا ايه علاقه انهم عندهم فلوس بالوظائف يعني هو الي عنده فلوس ميشتغلش وهما بيقولوا حاجه هما ميعرفوهاش ليه طيب يا بشمهندس من اخر تصريحاتك هي رفضك الشديد للماده الثانيه ..؟ طبعا ارفضها لانها ماده اتوضعت غلط ومش في محلها بل بالعكس بتقسم البلد وقالوا مواطنه جمبها وخلاص ولا شفنا مواطنه ولا شيء وبعدين المسيحي بيسال هو انا ايه دوري وقيمتي في البلد يعني انا مش من حقي ابقي في الدستور ولا ايه ليه متبقاش الشريعه المسيحيه موجوده كمان في الماده الثانيه مدام كده الله ولا هو احنا مواطنين ملناش حقوق .... اساليب غلط كلها انا لو في لندن مرضاش ان الدستور يحكم بشريعه المسيحيه او الانجيل لان الغرب فهم ده من زمان وفصل الدوله عن الدين ونفز العلمانيه .... وبعدين ليه بيفتكروا العلمانيه دي كفر بالعكس دي لما تبقي علي الدوله بس يعني ابعاد الاساليب الطائفيه عن الدوله .
|
|
#5
04-06-2007
|
|||
|
|||
|
الا تخشي ان هذا يثير غضب الاخوان المسلمين ويخليهم مش راضيين ؟ انا عايزهم ميرضوش ولا اعترف بيهم اصلا ولا بشعارهم لانه طائفي يعني ايه الاسلام هو الحل يعني انا ليس حل كمسيحي مهو ده هيخلي الناس تقول منترشحش ليه بشعار مسيحي والمسيحين ينتخبونا وخلاص وبعدين الاخوان قلنا لو عايزين تكسبوا الاقباط يبقي تغيروا الشعار ده وتعملوا حزب مدني زي اي حزب والناس تنضملكوا انما كده انتوا شعاراتكوا دي طائفيه ولن ترضي الاقباط وستذيد الوضع سوءا ولكن يا فندم الاخوان صرحوا كتير انهم لن يمسوا امن الوحده الوطنيه ولا المواطنه ؟ مين قال كده كل يوم بتصريح مره جزيه ومره زمين ومره ميدخلوش الجيش وكل واحد فيهم بكلمه وبعدين لحظه ... مين الي قال مهو كل واحد فيهم بكلمه المرشد بتاعهم ولا التاني ولا فلان ....... شوفي هما كل واحد فيهم بكلمه وانا بقي هنا ماشي زي الاسلام مبيقول العين بالعين والسن بالسن مش الي ضربك علي خدك الايمن اديله الايسر لانه الشر لازم معاه شر انا راجل صعيدي ومحبش كده الي هيتكلم انا مبسبش حقي واخدوا من عينه (ضاحكا) يعني دي اصلها حقيقه وهما ماشين في طريق غلط وربنا يجعل كلامنا خفيف عليهم (ضاحكا) احداث العياط كان ليك تصريحات قويه عليها كلمني عن ده ؟ يعني انا ناس ريحه تصلي تعبد ربنا مش ربنا ده لكل الاديان ولا ايه صح؟.. طيب ناس رايحه تعبد ربنا يدخلوا عليهم ويقتحموا بيتهم الي عاملينه مصلي ليهم لانهم مش مسموحلهم يبنوا كنيسه يعني شيء مخذي جدا يضربوهم ويحرقوا بيتهم والي حصل ده حاجه مترضيش حد طبعا الموضوع في حد زاته كاقتحام غلط ولكن حضرتك شفت يافندم الصلح الي حصل ... يعني الناس مش زعلانه ؟؟ ازاي بس انتي بتتكلمي .. دلواتي انا لو في لندن وناس مسلمين بيصلوا في بيت ومجموعات مسحيين بريطانيين قاموا داخلين عملوا فيهم زي الي حصل هتيجي البوليس البيرطاني (ضاحكا ) ويقوم جايب دول وجايب دول ويخليهم يبوسوا بعض وخلاص علي كده لافي قانون ولا محاكمه ولا شيء يبقي هيتكرر تاني وتالت وعاشر وبعدين مهو مضغوط عليهم هو يعني الصلح انتي مفكره لا مضغوط عليهم والناس كلها عارفه يعني الناس خلوهم يتنازلوا ومخدوش اي حاجه ولا تعويض ولا حتي حمايه ولا كنيسه المفروض الموضوع ده خلاص اصبح سيء لازم قانون موحد لدور العباده والناس كلها تمشي عليه وانتهينا يعني بين كل كنيسه والتانيه لازم يكون مثلا خمسه كيلوا والمسجد والتاني مثلا تلاته كيلوا علي اساس العدد ونخلص من الموضوع ده مش كل يوم حاجه زي دي تحصل بس حضرتك عارف ان ده عرف في مصر الصلح وكده يعني .؟ شوفي لايصح الا الصحيح يعني قانون هو الي يحاسب الناس مش صلح مهو هيتكرر تاني وهيعملوا صلح وبعدين الناس ليها طاقه الموضوع بدأ يذيد هل اقباط المهجر هما من جعلوا من الموضوع كبير يمكن علي المواقع وفكره ترويج الاضطهاد للعالم ؟ لا بالعكس الناس الاقباط بره كلهم عندهم مشاكل وخرجوا من مصر بسبب مضايقات قويه وليهم عزرهم انما هما مااعطوش الموضوع في العياط اكبر من حجمه هما اتكلموا عليه بصوره علنيه ولكن هما علشان بره والصوت بتاعهم اقوي فبتحسوا انوا الموضوع تكبير بالنسبه الي الحملات للجامعه القبطيه وذكرت مواقع ونقلت عنها صحف ان نجيب ساويرس احد الاسماء الموضوعه لتمويل مثل هذه الجامعه القبطيه اللاهوتيه ؟ انا مسمعش عن الموضوع ده خالص واي جريده عايزه تقول حاجه تقول انا كل يوم بسمع عليا ميت اشاعاه وميت خبر ايه اكثر اشاعه ديقتك ؟ كنت اشتريت شركه كبيره في الهند للاتصالات ولكن ليها شكره لتتتعدي واحد في المائه من حجم اصول الشركه في اسرائيل قالوا ده نجيب ساويرس بيستثمر في اسرائيل ........ شيء غريب جدا وانا قلت انا مش هستثمر عندهم طول مهما ظلمه لما يعرفو العدل يبقي ساعتها نتكلم ونستثمر هناك ده بينقلني الي شركه عراقنا احدي شركات المجموعه في العراق كيف تدار وكيف رسي عليك العطا وفي كتير بيتهموا اشمعني نجيب ساويرس الي رسي عليه العطا يبقي علشان علاقته بالامريكان ؟ انا يعني اروحج ادخل في شركه في لندن (ضاحكا) يعني هما مستنييني اجي اعملهم اتصالات لكن المشكله ان احنا نجحنا وكسبنا جدا لاننا رحنا الاماكن الصعبه دي وده خلانا نكسب لان الناس محتاجه لمثل الوسائل دي للاتصالات من حق العراقي انه يتكلم ويسال علي بنته او يطمن علي اهله دي شغل وبعدين اميركان ايه انا بحب الامريكان كشعب وبحب الفيلم الاجنبي جدا والتكنولوجيا الي مش عاجبه هو حر انما مش لان في حكومه جت خبطتت يبقي انا ... مهو اصل اليومين دول الي عايز يبقي زعيم قومي ينزل شتيمه في الامريكان لان الشتيمه دي مش بتكبرك بالعكس بتخليك انت في حجمك صغير جدا ....................................... بالنسبه الي اوه تي في قناه نجيب ساويرس شايف فيها ايه ويتري ليه النقد الموجهه لها بانها تبث افلام خليعه ؟ ده مش صحيح احنا قلنا من البدايه ان افلامنا لن ياتي عليها مقص الرقيب وبدانا في حريه الاعلام والمقصود الفيلم الامريكي الي جيه من يومين وكان فيه مشاهد جرئيه شويه وده عادي وموجود والقنوات المتخصصه في الحجات دي برده كثيره الفليم جيه بعد 11 بليل يعني اكيد الكبار الي بيتفرجوا عليه ولا انتوا عايزنا نعمل زي الجماعه اياهم ونشييل كل حاجه من الفيلك بعد كده اي ست نلاقيها في الفيلك نقصها مينفعش !! اوه تي في وجهه لها نقد انها تخاطب الكريم شنتيه المجتمع من الشباب ؟ ده حقيقي كبدايه لاننا اولا عملنا اعلام للشباب بعيد عن تعقيدات تانيه في اعلامنا الحكومي وبعدين الشباب عايز يلاقي نفسه فخلاص ادينالهم القناه وبيشتغلوا فيها والولاد عاملين شغل كويس جدا ومش عشان حتت صحفي طلع في مجلس الشعب قال كلمتين خلاص وهو معروف انه مشكوك فيه لانه كان عميل لصدام وبيتقال انه كان بياخد فلوس منه وشوفي الحقايق علي كل مكان وفي كل المواقع
|
|
#6
04-06-2007
|
|||
|
|||
|
[COLOR="Red"]نرجع تاني لشركه عراقنا ....ايه التحديات الي قابلتكم في المكان الصعب ده وقناه النهرين كمان ؟
اولا سر نجاحنا هو دخولنا الاماكن الصعبه في العالم لاني الاماكن المرتاحه مش محتاجه للاتصالات لانها موجوده بالاضافه الي ان العطي رسي علينا لان مكنش متقدم ناس كتير لانهم خايفين ومعندهمش جراه انما احنا مهمناش اما عن قناه النهرين دي زي ماقلت من حق العراقي انه يتفرج علي افلام واخبار وتلفزيون ويتكلم في الموبايل واهي قناه حره جدا ولا سنه ولا شيعه ولا اي حاجه ايه اصعب موقف يافندم ؟ اولا احنا عندنا 40 مصري و360 عراقي هما دول الي بيشتغلوا في الشركه هناك وحوالي الفين ونص عسكري بيحرسهم يعني كل واحد عليه كام واحد بيحرسوه (ضاحكا) ويتري بيكتبوا تعهدات حمايه وكده ؟ هو كان حصل موقف وقف حياتي تماما وهو ان اتنين من عندنا اتخطفوا في العراق وده خلي كل حاجه تقف عندي في حياتي وتفرغت لاني ارجعهم واهلهم كل يوم في مكتبي وانا علي كتفي مسئوليه واحنا عندنا في الصعيد منقدرش نستحمل المواضيع دي يعني دول رجالتك زي شرفك وكرامتك بالظبط لازم تردها تاني (وسكت قليلا) ( وبدات تزرف الدموع من عينيه ) انا مش مصدقه الي انا شايفاه البشمهندس نجيب ساويرس عنيه تدمع تحب نخرج فاصل ؟ لا عادي (وتمالك نفسه والدموع تريد ان تخرج ومسح دموعه ) نكمل يافندم..؟ ايوه هو اصل الموضوع اثر فيا جامد والولاد غايه في الادب والاحترام ودول ولادي يعني (وسكت قليلا) رحت اتفاوضت بنفسي مع العصابه جماعه هي مش عارف اسمها ايه بنفسك يافندهم .؟ ايوه وانا مفاوض جيد قالولي احنا خطفناهم لانهم كفار وجواسيس وخونه رديت قلتلهم يبقي خلاص اهو عندكوا مدام هما جواسيس احنا ما ندفعش لجواسيس وقمت قافل السماعه في وشه فتصل تاني بعدها بيوم بمدير مكتبي وقالوا ايه المجنون الي بيفاوضنا ده رد المسئول وقالوا مش انتوا بتقولوا جواسيس خلاص فطبعا نزلوا بكل مطالبهم في الارض واخدنا الولاد وربنا يجعل كلامنا خفيف عليهم (ضاحكا) (ابتسم بتثأثر) فوحنا جاين في الطياره قالولي صحيح يا بشمهندس قلتلهم كده فرديت ايوه قالولي طب لو كانوا صدقوك كان ايه الي حصل فقلتلهم متخفوش عمرهم مكانوا هيعملوا حاجه لانهم عايزين فلوس وبس يعني يافندم بصراحه مفاوض جيد ؟ ايوه والولدين عمرو ومصطفي دول معندكيش فكره بيصلوا وطيبين ومؤديبين يعني جواسيس مش ممكن موقف انساني كبير يافندم .! يعني ده ياخدني لموضوع العماله الاقباط اد ايه عماله ؟ والله انا معرفش انا بسال بيقولولي ان المسلمين معظم الي بشتغلوا في الشركات واحنا لو عايزين العدل نطبقوا علي نفسنا الاول والي عايز يظلم يظلم هو ملناش دعوه انما العدل من عدنا الاول انا عندي حوالي 25 الف واحد اقباط ومسلمين وفي مسيحين بيشغلوش غير مسيحين والسبب يقولك مهما مش بيشغلوا غير مسلمين فيعني هنبقي اهلي وزمالك مينفعش خالص وعلي فكره انا من يومين جالي واحد بيديني الكارت بتاعه ومعاه صوره العدرا فخت الكارت ورجعتله صوره العدرا (ضاحكا) اه لانه ميخشليش بالطريقه الملتويه دي لا الشغل مفيهوش كده ....... وطبعا استغفرت للعدرا هي عارفه اني اصدي اعلمه ان الاسلوب الديني غلط في المواقف الي زي دي مش علشان هو مسيحي افضله الكفاءه هي الاساس وزي ماقلت ان اهم شيء العمل علي اساس العمل ايه مواصفات الي تشغله عندك ؟ يكون امين ومؤدب ومؤمن بربنا كويس وعنده مبدأ والله يافندم ده كده في ناس كتير اوي علي المواصفاات دي ؟ زي مبقولك آخر تعديل بواسطة honeyweill ، 04-06-2007 الساعة 10:10 AM
|
|
#7
04-06-2007
|
|||
|
|||
|
طيب يا فندم معانا اتصال من احمد فؤاد نجم
الو يا عم نجم الو ياجماعه الي الكلام الفرافيري الي بتتكلموا فيه ده ايه شغل الخنافس ده يانجيب باشا تعالا ابنلنا مستشفي في المقطم بدل ما انتوا بتتكلموا كده احنا هنا قبطي فوق مسلم كله مدعوك في بعضه اعملوا حاجه تنفع الشعب وشكرا ايه رايك يافندم ؟ معاه حق بس احنا عندنا في مجال المستشفيات شغل كويس بصراحه وربنا معانا تحب تقول ايه كلمه ختاميه ....؟ اقول اذا كان الله معنا فمن علينا آخر تعديل بواسطة honeyweill ، 04-06-2007 الساعة 10:21 AM
|
|
#8
04-06-2007
|
|||
|
|||
|
تحيه طيبه للعملاق الزعيم المؤمن المهندس نجيب ساويرس
والرب يعضدد طلبه دائما في الدفاع عن الحق القبطي المسلوب
|
|
#9
04-06-2007
|
||||
|
||||
|
+++
مثال رائع لشخص يمثل العقليه القبطيه الفرعونيه
ارجوا ان يتمثل به كل الاقباط بدل الاحباط الي هم فيه تهاني للسيد نجيب ومزيد من التطور والتقدم ونرجوا منك دعم القضيه القبطيه حتى تحقيق العدل لاخوتنا اقباط الداخل
__________________
+ لا تخف من الباطل ... ان ينتشر او ينتصر .... إن الباطل لا بد أن يهزم امام صمود الحق مهما طال به الزمن .... وكل جليات له داهود ينتظره وينتصر عليه "بإسم رب القوات" (قداسة البابا شينوده الثالث )
|
|
#10
04-06-2007
|
||||
|
||||
|
احلى باقه ورد للمهندس نجيب ساويرس و مبروك الجايزه و امنى ان يهتم قليلا بمشاكل الاقباط فى مصر مبروك مره تانيه
__________________
يستطيع الإنسان ترويض الوحوش المفترسة أما لسانه فلا يقدر أن يلجمه أذكر لى كلامك الذى جعلتنى عليه اتكل . هذا الذى عزائى فى مذلتى , لأن قولك احيانى ( مز 118 )
|
|
#11
04-06-2007
|
|||
|
|||
|
الحقيقة ردود نجيب و شخصيته "عن معرفة شبه شخصية" تؤكد استحقاقه لاعجاب و احترام الجميع مش بس الوسام.
على الرغم من اختلافى و كذلك بعض الزملاء فى العمل السابق مع سياسته فى العمل الا اننا كلنا و ما زلنا نكن له كل الاحترام و المحبه يا ريت كل مصرى (مسيحى او مسلم) يكون زى الراجل دة.... صعيدى جدع و شهم و مش بيدخل الدين فى كل حاجه صغيرة و كبيرة ملحوظة: يا عم هونى..... احيات النبى يا شيخ بلاش حكايه الزعيم المؤمن دى احسن بتفكرنى بالمجحوم السادات ادخله اللات فسيح نيرانه
|
|
#12
04-06-2007
|
|||
|
|||
|
يستحقها عن جدارة
اللي يشوف ازاي العائلة تدير اوراسكوم يعرف سر نجاحهم الشغل شغل و كمان بيصرفوا كتير في تطوير الافراد العاملين معهم يعني لو ساويرسبقي رئيس وزراء شوف مصر حتعمل ايه
__________________
IN GOD WE TRUST " فأمـست جالية غربـاء و غريبة للمولدين فــيها و أبناؤها هجروهها ." ( ســـــــــــــــفر المكابيين الأول38:1 ). فينك
|
|
#14
04-06-2007
|
|||
|
|||
وأسف لأني ماكنتش متابع من الأول
أحلي مثل للنجاح الأقتصادي في مصر.....أنا أعرف ناس كتير في شركه الأستاذ ساويروس وأعرف نظام الأداره المتبعه ...يماثل كل الشركات العملاقه في الغرب.... ياريت عندنا 3-4 مجموعات أقتصاديه ذي مجموعه ساويرس..... راجل جدع ....برغم ده حيزعل بعض الناس هنا
أنا لم أري مجموعه رأسماليه قبطيه قويه ذي عائله ساويرس بنوا نفسهم من الصفر وعرفوا يستغلوا الظروف الأقتصاديه المتاحه  موضع أكثر من شيق أستاذ honey....وأسف لأني ماكنتش متابع من الأول .... 
آخر تعديل بواسطة El-Basha ، 04-06-2007 الساعة 11:14 PM
|
|
#15
05-06-2007
|
|||
|
|||
|
.....النهارده في مجله Bloomberg Markets....وهي مجله عالميه متخصصه في مجال المال والأق
بمناسبه الكلام عن مجموعه أوراسكوم.....النهارده في مجله Bloomberg Markets....وهي مجله عالميه متخصصه في مجال المال والأقتصاد...عدد شهر June 2007 مقال عن الأقتصاد المصري و عن شركه أوراسكم....
أولا) تناول المقال الحاله الأقتصاديه و دور الحكومه في الخصخصه تحت رياسه دكتور نظيف....وقالت المقاله أن التنميه الأقتصاديه في مصر وصلت إلي 7% وهي نسبه عاليه ولكن أقل من السنه السابقه .... وأشارت المجله إلي فضل وزاره الأقتصاد ودور يوسف بطرس غالي في تحسين المناخ الأقتصادي و تخفيض الضرائب و الجمارك من أجل جذب أستثمارات من الخارج و أوضحت المجله أن أكبر خطر علي التحسن الأقتصادي هو عدم الأستقرار السياسي بسب نفوذ أخوان الخراب علي البرلمان......بمعني أن وصل الأخوان المسلمين علي الحكم سوف يؤدي إلي هروب رأس المال ......يعني موت وخراب ديار ثانيا) نجاح شركه أوراسكوم العملاقه ....بعض الأحصائيات من المجله كانت أكبر مفاجئه لي شخصيا ..... حجم شركه أواسكم في سوق المال وصل إلي 16$ بليون جنيه و حجم العماله وصل عشرين ألف موظف ....ويعمل في عده بلدان من الجزائر إلي أفغانستان.........وعلقت المجله علي أن أهم أسباب نجاح الشركه يرجع إلي الأداره المتجدده لفريق ساويرس مع الأنتاجيه العاليه والكفائه لفريق الأداره. بالضبط ذي مقال الأستاذ COPTIC KNIGHT أنا كنت أعرف بعض هذه الحقائق من خارج مصر...... بس لم أكن أتصور حجم النجاح والقوه الأقتصاديه لأستاذ نجيب ساويرس. حاجه تشرف
آخر تعديل بواسطة El-Basha ، 05-06-2007 الساعة 05:12 AM
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط الخطي
