حذيفه - الشاب الضايع أبو جلابيه طلع أزهرى و حافظ القرأن

[elmafdy]

إنفراد

ننفرد بكواليس و تفاصيل هذا الفيديو الذى انتشر على النت انتشار النار فى الهشيم
فيديو لأول حوار حصرى مع الراجل اللى نزل الاستاد بالجلابيه
موقع الفيديو على النت
http://www.youtube.com/watch?v=vgPRt6TzEJw

اما الفيديو التالى فهو لحادثة نزول الملعب بالجلابيه
http://www.youtube.com/watch?v=V_thD...eature=related

و هنا صفحة الراجل ابو جلابيه على الفيس بوك
http://www.facebook.com/#!/Galabya.UWK

الشاب الضايع أبو جلابيه اللى نزل الاستاد فى ماتش الزمالك , و هو مشلح الجلابيه و ماسك طرفها بأيده كأنه معدى الترعه , و بيتمشى على أرض ملعب الاستاد كأنه بيتمشى قدام الزريبه بتاعتهم فى البلد .
الشاب اسمه حذيفه , أزهرى و حافظ القرأن - بسم الله ماشاء الله - من القناطر الخيريه

القهوه اسمها قهوة جمال عبده , فى منطقه اسمها التقسيم السياحى فى القناطر الخيريه

المذيع اللى بيتحدى مدحت شلبى ده أسمه صابر عبد العظيم و اسم الشهره بتاعه صابر تلوث وعنده محل فشه و كرشه و ممبار فى القناطر .

أنا عارف ان الموضوع كله هزلى و مسخره
بس انا شايف انه محتاج يتدرس و بمنتهى الجديه , مازلت شايف ان مشكلة المصريين انه شعب مش متربى , انا ما اقصدش اشتمه , بس ده وصف , شعب ما اتعلمش يفرق بين الصح و الغلط , بين المسموح و الممنوع , شعب شايف انه كفايه انه يكون ازهرى و حافظ القرأن علشان نقبل منه انه يعمل كارثه زى نزول الاستاد و المنظر الفضيحه قدام العالم كله , و قيس على كده بقى فى كل حاجه

ينفع الموظف ياخد رشاوى طول النهار من كل مواطن بيتعامل معاه طالما لما بييجى وقت الصلاه بيقوم جرى يتوضى و يمشى يطرقع بالقبقاب لغاية المصليه اللى موظفين المصلحه اغتصبوها من مكان المصلحه مخصصاه لحاجه تانيه

ينفع ياكل كل واحده معديه قدامه بعينيه و يتفحصها من رأسها لرجليها من منطلق انه ما اتلفتش يمين و لا شمال و هو بيبصبص لها و بالتالى الربع ساعه اللى فضل ياكلها بعينيه فيها دى تعتبر كلها ضمن النظره الاولى لأنها ما اتقطعتش بالنظر لأى حاجه تانيه , و طبعا النظره الاولى ليه و من حقه .

ينفع يخالف المرور و يكسر الاشارات طالما ماحدش شايفه و يسوق زى العربجيه بمنتهى البلطجه على اللى حواليه
ينفع يدخل من باب مكتوب عليه خروج فقط و يدخل من باب مكتوب عليه دخول فقط طالما ماحدش منعه
ينادى بالشرف و الامانه بينما هو مشترك فى وصلة الدش اللى بتسرق قنوات و بيسرق الواير لس بتاعة النت من حد تانى و بيسرق الافلام و الاغانى وغيرها من على النت.

أنا فعلا شايف ان المصريين دول حاله محتاجه يتعمل عليها دراسات

المفدى

[makakola]

إسمح لي يا أخي الحبيب المفدي
المصريين لا يحتاجون لعمل دراسات عليهم، بل كل مكان يغزوه الإسلام الوهابي

هذا النوع من الإسلام يتبع أهم تعاليم نبي المسلمين والمتلخص في المباهاة، أى التباهي بالأعداد والإنتشار

لذلك فهم يحرصون كل الحرص على إفهام الضحية بأنه بإتباعه حركات معينة وزي معين فهو قد دخل الجنة لأنه تأسى بالحبيب
ولذلك فأنت تجد المجتمع حولك وقد تحولت طريقته في الملبس وفي الحركات، لأنهم مقتنعون أن هذا سيدخلهم الجنة، وما أسهل الملبس والحركات من لعق الأصابع بعد الأكل والجلوس على الأرض وخلافه
وهنا يخرج التيار الإسلامي ليباهي بعدده المتمثل في الشكليات فقط دون المضمون

ويرافق هذا دائما تدهور في مستوى التعليم والتفكير، حتى يصير الجاهل الإمعة دكتور جامعة

هذه المظاهر ليست في مصر فقط، بل إبحث عن الدول الإسلامية الفقيرة التى غزاها البترودولار
فأنت لن تجد هذا في تركيا ولا إيران مع إعتراضي عليهما من نواحي أخرى
وستجد هذا في مصر وباكستان والسودان وأفغانستان

[samozin]

اللهم لا نسألك رد القضاء
بل نسألك اللطف فيه
هؤلاء هم شباب مصر الجديده يابوى
لا تتكلم ولا تناقش
خصوصية الثقافه المصريه المعاصره