قناة المحور القذرة ونجيب جبرائيل وحق التبني

[أبرهة العصبي]

انتو مجبتوش سيرة عن الموضوع دة مع اني كنت مستني حد يفتح الموضوع ونتكلم
نجيب جبرائيل ظهر على قناة المحور في برنامج 90 دقيقة وطالب بعمل قانون جديد يسمح للمسيحيين بممارسة حقهم في التبني اللي مفيش اي سبب منطقي انهم يتمنعه منه بسببه ومفيش عاقل في الدنيا هيشوف سبب لمنع التبني
وجابوا نبيه الوحش الحيوان كالعادة
وجابوا سعاد الصالح استاذة الفقه المقارن
يعني هما كدة اول حاجة غلبوا قناة دريم

على الاقل قناة دريم بتعمل توازن 2 قصاد اتنين او واحد قصاد واحد
انما دول جابوا اتنين قصاد واحد

المشكلة بقى انه للاسف مع احترامي لاستاذ نجيب جبرائيل بس هو مش واسع الحيلة وكان الموضوع دة محتاج واحد اكتر ذكاء وليونة
لان طريقته كانت ضعيفة ولما سالوه هل المسيحية بتمنع التبني قعد يقول هجاوب وفضل يراوغ وفي الاخر قال مش عارف اسالوا رجال الدين
طب ما تقول كدة من الاول كدة هتخلي موقفك يبان ضعيف
وكمان كان فجأة يهاجم سعاد الصالح من غير سبب
وكل شوية يسكتوه ويقولوله انت اكتر واحد اتكلمت
الله ما هو صاحب الموضوع يا دزم
وهو بقيمة اتنين اصلا

وبعدي يقول فيه شرط مش عارف ايه يقولوله احنا مقريناهوش في البنود يقوللهم لا انا عدلته
طب ما كان من الاول!
الراجل حاطط شروط عشان محدش يتكلم وهو ان لو واحد مسيحي اتبنى مسلم يتسجن سنتين وحاجات تانية كتيرة


انا رايي ان الموضوع مش هيتم وكان عايز واحد تاني اكثر حنكة كدة هيبقى دوشة على الفاضي ومش هناخد منه غير رفض لتاني مرة وتضعيب مناقشته مرة تانية قريب


بس اكتر حاجة حرقت دمي اني عرفت ان اليتيم لو مش معروف اهله بيبقى مسلم اتوماتك
طبعا كان من السهل توقع دة بس مجاش في بالي قبل كدة

انتو شايفين ان ممكن الموضوع دة يتوافق عليه في ظل الظروف بتاعة الانتخابات والتعديل الوزاري وللا الموضوع هيبقى اسوا ومحتاج حد تاني غير جبرائيل؟

[أبرهة العصبي]

احنا قاعدين نايمين ومش متابعين مناقشة قانون التبني للمسيحيين في مصر

العنوان مبتذل والناس اللي بيمشوا بالقافية دول عالم فاضية

قانون التبني في مصر هيخلي المسلمين يتجنوا مش عارف ليه مع ان القانون بنوده بتمنع تبني المسيحي للطفل المسلم هو كل الحكاية ان اي واحد مجهول النسب لازم يبقى مسلم على طول
المهم... بدأ المعركة الاستاذ نجيب بس للاسف في المكان الخطا قناة المحور القذرة في برنامج 90 دقيقة ذي الاعداد القذر (استثني من كل دول معتز وريهام وهناء لانهم محترمين) وطبعا نبيه الجحش ناططله جنبه على الكنبة وسعاد الصالح من الناحية التانية ولا جبلاية القرود وعمالين يحوروا عليه وهو المشكلة مكنش جاهز اوي للنقاش وحسيت انه اتهز قدامهم بعكس البطل (مش فاكر اسمه للاسف) اللي ظهر على قناة لورد تي في الاردنية في برنامج اسمه بيت بيوت!!! بتقدمه واحدة ولا مذيعات القناة الخامسة في عز جهلهم اسمها حاجة شوشة (لا مش شرط ميبقاش قلبكم اسود) المهم الراجل كان كلامه جميل جدا ومرتب وعارف يلعب لعبة بنج بونج اللي هما فالحين فيها وللاسف امنة نصير ظهرت على حقيقتها.... لدرجة انها فجأة قالت انا بعيب على المسيحيين انهم بيستغلوا الناس الفقرا وبيخليهم مسيحيين (!!!نعم ياختي) راح رد عليها بامانة مبيحصلش قعدت تآوح قللها وانا كمان بعيب على المسلمين خطف المسيحيات قالتله مش موضوعنا قاللها خلاص دة مش موضوعنا.

كان بجد دماغه جبارة فكرني بـ.... (عايز فراولة ياخد .... عايز منجة ياخد ...) عايزة تدخلي في المواضيع دي براحتك انا معاكي للصبح. المهم المذيعة كانت داخلة في الحوار وغلبت قناة المحور... على الاقل المذيعين في قناة المحور بيقفوا في "الحياد" وبيبقى دورهم الاستفهام وبس (ولو ان مش دايما) انما دي دخلت ضده وتقطع عليه وتستخدم ايدها في الكلام حاجة زفت.

انا كنت كتبت قبل كدة عن الموضوع دة بس اتمسح نتيجة التخريب اللي اتعرضله المنتدى ومستغرب ان مفيش حد هنا بيتكلم عنه مع ان فيه ناس ممكن متكنش سمعت