للاخوة التأسلمين ايه المشكلة بالظبط!!!

[bolbol]

كلامي موجه بالذات لابو نقطة

اه هي بقي مغالاطات القضية القبطية و اه حكاية الاستخفاف بالغة القبطية ياريت توضح عشان نعرف نتحاور و ارجو ان الموضوع ميتشالش بس عشان نحط النننننقط علي الرفوف قصدي الحروف...

بلبل لو تكرمت راجع موضوعي أسئلة وأجوبة عن الأقباط

[bolbol]

المشاركة الأصلية بواسطة عبدالمسيح أبونقطة

بلبل لو تكرمت راجع موضوعي أسئلة وأجوبة عن الأقباط

فين الموضوع ده بالظبط لو سمحت؟؟

[bolbol]

صدقني يا اخ ابو نقطة هعمل حاجة متأسف اني هعملها و هي اني احييك علي طريقة الكتابة الهادئة والموضوع عجبني جدا.


و هرد عليك وياريت نفتح باب النقاش بينا لأن الموضوع مثير جدا و عجبني!!!!!


بس ياريت لما نتناقش نتكلم بموضوعية و من غير الابتعاد عن عصب الموضوع.


غريبة بأمانة متوقعتش ان موضوع زي ده يطلع منك تحياتي فعلا!!!


سلام و مستني منك رد عليا لو كنت عايز تتكلم.

متشكر يابلبل لكن إنت عاوزنا نتكلم هنا ولا نكمل الحوار في الموضوع

[bolbol]

اسمع يا ابو نقطة بخصوص معني كلمة قبطي:

انا مش هخوض في المعني اللغوي لان الكل عارفه بس انا عايز اوضح شئ مهم القبطية كانت عرق بحد ذاتها ايام اليونانيين لكن الان الكلام عن العرق القبطي او مواصفات الاقباط الفسيلوجية كلام لا مجال ليه لان مع اختلاط الشعوب اصبح مستحيل تفريق القبطي عن باقي مواصفات سكان شمال افريقيا او حوض البحر الابيض.


لكن كلمة قبطي بدأت تاخذ معني اخر مع دخول المسيحية مصر و اصبحت مرادف لكلمة مسيحي و الدليل ان ما لا يقل عن 50% من المسلمين اقباط لكن لا يقال عنهم اقباط لان هيكون معناها مسيحي. و احد اهم الاسباب ان كلمةقبطي تعني مسيحي ان بتوع جزيرة العرب مغيروش دينهم لما جاءوا الي مصر.

سبب اخر ان في جميع المجامع الكنسية كان يقال الكنيسة القبطية اي المصرية فبالتالي كان واضح معني الكلمة لكن بعد انتشار الاسلام في مصر بالسيف تغيرت الكلمة كمعني و اصبحت بمعني مسيحي.


اما عن المعني الحالي فهو ليه مغزي ديني فقط لا غير يعني لا يراد ادخال معني عرقي علي الكلمة و هيكون غير لائق. و الدليل ان استخدام كلمة مسيحي مصر واقباط مصر هما ترادف لنفس المعني.

و للعلم مشاكل اقباط مصر ليست مشاكل عرقية و لكن مشاكل دينية بحته لان بالشكل لا احد يستطيع تفريق المصري بين مسلم و مسيحي او حتي يهودي.

اما عن اللغة القبطية هي فعلا لغة ميتة كالاتيني او اليوناني القديم او حتي اللغة الارامية و علي فكرة هي ليست لغة مقدسة و المسيحية لاتعترف بالغة للصلاة او التعبد لكن تاريخيا اللغة العربية فرضت بالسيف كلاسلام و عليه اختفت اللغة القبطية من اطار التعامل داخل المجتمع ، لكن الكنيسة استمرت بالصلاة بالغة الاصلية بالذات ان القداس ترجم بعد قرنين و استمرار الصلاة بالغة القبطية ادي الي عدم موتها دينيا و الدليل ان الي الان الناس تصلي بالقبطي او العربي و في كنائس المهجر يصلون بالقبطي وبلغة اهل البلد.


و منساش ان القبطي كان كأي لغة في شعر و ادب و زجل و حتي شتائم لكن مع العدوان الاسلامي اقتصر علي التعبد و الصلاة و ده اعطاله قداسة معينة عند اقباط مصر و لازم تحترم هذا الشئ.


لكن انا كمسيحي او قبطي في الاول و الاخر مصري و مشكلتي في مصر اني مسيحي مش اني قبطي- بالمعني العرقي للكلمة- اما عن انتمائي فأنا مصري مسيحي بمعني ان وطني هو مصر و ديانتي هي المسيحية.

اما عن موضوعك في الحوار مع قبطي فأنت رحت بعيد بخيالك و شككت في الانتماء الوطني للاقباط و عملت من القبطية عرق سامي و من الاقباط نازيين لان المسيحية لا تهتم بالعرق او اللغة غير ان معظمنا بيحب اللغة العربية لانها ملهاش دعوة بالاسلام و اللغة العربية زي ما كتب بيها القرأن كتب بيها كتب نجيب محفوظ و الجواهري و المعري.


لكن مشكلتك انك بعدت عن مشاكلنا المسيحية و ربطها بشكل عجيب بمشاكل عرقية غير موجودة اصلا.

سلام و منتظر الرد

أهلا وسهلا
أشكرك على الموضوع بلبل وإن كان طريف من ناحية أنه لم يتضح إلا في الرد 5 وأود أن نرسل إلى عزيزنا سيجنال11 لأنه كان بيني وبينه حوار في موضوعي القديم لم أكمل الحوار معه لتضخم الموضوع من جهة ولتشتت فكري من جهة أخرى بسبب طول الموضوع أيضا وحتى نغذي الموضوع ونفتح سبل جديدة لسيالات أفكارنا مما يفيدنا جميعا في النهاية..
طب نقول ايه يارب آه:
1) مصر عمرها ما كانت خالصة لشعب معين إنما كانت مغناطيس بخيراتها تنصب إليها جميع الشعوب من جميع أقطار الدنيا فتعيش مع بعضها بسلام وأمان تجارة وأرزاق وخيرات وطيبات وأين ما مال ميزان القوى يميل يوم ليك ويوم عليك.
2) كموضوع القبط تاريخيا أود أن أفرد ليه موضوع خاص لكن أقول حكم مصر الفراعنة ثم الهكسوس ثم الفراعنة ثم الرومان ثم المسلمين لم نسمع عن كلمة قبط أو ماشابه في التاريخ السياسي لمصر وقد سبق أن اطلعت على موسوعة تقول بأن القبط هم عبيد جلبهم الإسكندر الأكبر من أرض ما بين النهرين للعمل في مصر وللموضوع تفصيل وإفراد.
3) لا يصح أن نقول إن ما لايقل عن 50% من المسلمين يرجعون إلى أصول قبطية إذ إننا في هذه الحالة ننسف الرومان واليهود (الاسرائيلين) البربر والأشوام واليونان والزنوج والنوبة والمغاربة والأحباش كل هاؤلا كانوا في مصر قبل العرب والإسلام حتى لم يكون تحت سلطة سياسية قبطية فمنهم من جاء جنديا للاحتلال ومنهم التاجر ومنهم المزارع ومنهم العبيد والإماء مفصر جذابة لسكنى الاسترزاق من جميع النواحي.
وللحديث بقية بلبل..

[afanous]

المشاركة الأصلية بواسطة عبدالمسيح أبونقطة

كموضوع القبط تاريخيا أود أن أفرد ليه موضوع خاص لكن أقول حكم مصر الفراعنة ثم الهكسوس ثم الفراعنة ثم الرومان ثم المسلمين لم نسمع عن كلمة قبط أو ماشابه في التاريخ السياسي لمصر وقد سبق أن اطلعت على موسوعة تقول بأن القبط هم عبيد جلبهم الإسكندر الأكبر من أرض ما بين النهرين للعمل في مصر وللموضوع تفصيل وإفراد.
3) لا يصح أن نقول إن ما لايقل عن 50% من المسلمين يرجعون إلى أصول قبطية إذ إننا في هذه الحالة ننسف الرومان واليهود (الاسرائيلين) البربر والأشوام واليونان والزنوج والنوبة والمغاربة والأحباش كل هاؤلا كانوا في مصر قبل العرب والإسلام حتى لم يكون تحت سلطة سياسية قبطية فمنهم من جاء جنديا للاحتلال ومنهم التاجر ومنهم المزارع ومنهم العبيد والإماء مفصر جذابة لسكنى الاسترزاق من جميع النواحي.
وللحديث بقية بلبل..

Are you nuts or ignorant or what exactly??? The only people who massivly settled in Egypt besides the Arabs were the Greeks. And the Greeks only settled in large cities, and never in little villages. So don't tell me Romans and Moroccans and Levantines because these never settled massively in Egypt. Ya3ni if Egyptians were 3 or 4 millions at some point and 100 Roman soldiers in total settle in, that makes no difference whatsoever.
As for the idea that Copts were brought from Iraq by Alexander the Great, I have no response but HAHHAHAHAHAAAAAA! Maybe it's April's fool! Alexander himself never returned to Egypt once he was in Iraq, and never remained in Egypt for more than 3 years anyway.
Try Again ya abou nokta, hehe

[bolbol]

علي فكرة يا ابو نقطة كلامك مفيهوش اي دليل من الصحة تماما و ياريت لما تتكلم في التاريخ تجيب المرجع اللي بتستدل منه علي الكلام ده.

طبعا دلوقتي انت اخترعت نظرية بتقول ان الاقباط هم عبيد ما بين النهرين استخدمهم الاسكندر في احتلالة لمصر بيني و بينك انا شكيت في نفسي رحت ادور في قاموس لاتيني عن كلمة مصري وجدت معناها جي من المعني اليوناني يعني نفس جزر الكلمة وهي اجيبتوس و هم سكان مصر.

بس قلت يمكن القاموس جديد و نسيوا يكتبوا اصل الكلمة فقلت يا عم راجع موسوعة فتوحات الا سكندر و ترتيبها الزمني فلقيت مفاجئة يا ابو نقطة من زوات العيار الثقيل اوي ، الاسكندر الاكبر عبر اسيا الصغري و تركيا و عبر بجيوشه عبر سوريا الفارسية لكن لم يحتلها لوجود معاهدة دخل بعد ذلك فلسطين ثم سيناء ثم الاسكندرية بعدها انشاء الاسكندرية وعاود من هناك احتلال السودان ثم صعد مجددا لاحتلال العراق و سوريا و القضاء علي الفرس. يعني مصر كانت هي بداية مهد فتوحات الاسكندر للعالم و لم تكن محطة لتشغيل الاجانب كعبيد من الخارج.

بيني و بينك ان قلت كتاب فتوحات الاسكندر شكله كذاب و مش فاهم حاجة رحت فاتح موسوعة سليم حسن العدد 12 من صفحة 200 لصفحة 356 كله بيعيد نفس الكلام و بيأكد علي الاصل اللغوي لكلمة اقباط بالاضافة لكتابة الكلام بالغة الاصلية.


يعني من الاخر انت بتألف و بتلف و تدور بشكل يأرف جدا.


اما عن موضوع ال50% اللي مزعلك اوي ديه نسبه انا كتبتها لسبب مش
كلام و السلام لان الاقباط او المصريين ايام الحضارة اليونانية لم يخطلتوا بالشعوب الاخري لان الديانة الفرعونية كانت منغلقة جدا وان كان هناك بعض حالات اختلاط بين الجنود و بقيت الشعوب نفس الحال كان في الدولة الرومانية و اللي كان بينها و بين المصريين صراعات كبيرة حسب اللي احنا درسناه في المدرسة و علية كان فيه قهر.

و طبعا ازداد القهر بدخول المسيحية وطبعا انت عارف ان المسيحي لا يمكن له الزواج بغير المؤمن و بعد كده جم عرب الجزيرة و حصل اللي حصل عموما يا سيدي حقك عليا المرة الجاية مش هقول ان 50% من المصريين اقباط.


اما عن حكاية انك مسمعتش عن الاقباط في اي حقبة تاريخية ده كلام لمو اخذه حواري مش كلام ناس متعلمة ليه بقي لما يكون اقباط يعني مصريين لغويا فده معناه انك بتستخدم الماسونية في اثبات نظريتك الجاهلة و انا مش هتكلم عن تاريخ الاقباط و كل الحقب التاريخية اللي ظهروا فيها الا لما تقلي ايه مصدرك في الكلمتين العبط اللي انت كتبتهم فوق.

و كمان خدمة الله يخليك تقولي ايه هدفك من التشكيك في اصلنا المصري كمصريين و ليس كمسيحيين بس ايضاح مش اكتر.


و سلام

[Peace4All]

الصديق بلبل ايه الافحام ده ربنا معاك و يديم ردودك اللى فى المليان دى

[bolbol]

هو عبده طردوه ولا ايه ياريت الادمين يرد علينا

[bolbol]

للا اسف تم طرده يا خسارة كنت عايز اكمل الحوار بالذات ان تأليفه كان غير اعتيادي و كان بيتكلم بطريقة جديدة بس للاسف الادمين طرده
عشان حملة الغباء اللي عملها خلاص مفيش حد يسلينا في المنتدي غير نوني .





حصل خير وتصبحوا علي خير

[قطقوط]

أهلا وسهلا
حصل خير إن شاء الله أنا عرفت خطيئتي بنقلي كلام الإنجيلين وعلى العموم أنا فسرت موقفي قي رسالة عامة إلى أخي وأبي أدمن1
المهم فينك يابلبل أيوا قرأت ردك ويالله نعمل رياضة عقلية خفيفة..
1) بالنسبة لموضوع أصل الأقباط ما تخافش من الناحية دي أنا إن شاء الله أنزل موضوع قريبا.
2) دعنا نقرأ التاريخ بعقولنا وليس بأعيننا بالله عليك الراجل الإسكندر يبني مدينة كاملة طول وعرض سيعجز عن نقل كام ألف عامل إلى مصر وبعدين هو فاتح عسكري إزاي يبني مدينة بأيدي الشعب الذي أذاقه الهزيمة من فترة قريبة ألا تدري إن الذي يقوم بعملية إعادة الإعمار في العراق هي شركات أجنبية على غرار بكتل وهاليبيرتون رغم إن الشعب العراقي لا تنقصه الكفاءات.
3) إذا كنت تريد أن ترجع أصل القبط إلى الفراعنة المنغلقين إذكر ذلك حتى أناقشك بتوسع.
4) بالنسبة للمقطوعة بتاعة 50% وأنا أقرأ ردك تخيلت عربية ماشية في شوارع القاهرة بسرعة كبيرة ويحاول سائقها أن لايصدم بالعقبات التي في الطريق بكياسة وخوف وهو في نفس الوقت متوسط المستوى.
5) سؤال واحد بس بماذا يفيدنا تعلقنا الأخرق بأصول تذكرني بالقبائل البدئية أنا أحترم مصري جده الأول كان تركي أو شامي أو حتى حبشي (لكنه المصري وليس الجد) مخلص لوطنه ومحترم نفسه على قبطي صايع ضايع

[bolbol]

مش فاهم يعني ايه نقراء التاريخ بأعيننا؟؟

يعني نرمي الكتب في الزبالة و نعد نفترض التاريخ و نألفه!!!!



اما عن موضوع الاسكندر الاكبر فأنا مش فاهم برده هتتعب في ايه لو كتبت المرجع بتاعك عشان تكون الامور واضحة.


اما عن موضوع بناء المدينة بأيدي الشعب المهزوم لو رجعت شفت القاهرة الفاطمية في عهد المعز لدين الله اللي استعان بجوهر الصقلي لبناء عاصمة الفاطميين هتلاقي انه مجبش حد من بره.

و بعدين بالمنطق برده يعني الشعب المهزوم مش هيرضي يبني بلده و هيسمح انه يستعبد بضم الياء لبناء مدينة اخري.


وبعدين منطقيا برده لو الاقباط مش مصريين برده مش هيكونوا من بين النهرين لان زمنيا الاسكندرية شيدت قبل غزو العراق و كل الشام و مش عايز اخش في تفاصيل تاريخية بحته عشان انت بتحب المنطق.

اما عن موضوع العراق ده و الشركات الامريكية فلا يوجد وجه مقارنة اصلا بين الحالتين و كلامك في ربط غريب بين الشرق و الغرب طاب سؤال منطقي مين اعاد اعمار اوروبا و اليابان و الصين بعد الحربين العالميتيين يعني فرنسا للمثال لا الحصر مين اللي بناها المقاولين العرب مثلا؟؟؟!!!!


اما عن الاقباط المنغلقين يعني بالمنطق كده يا عم ابو نقطة في شعب هيقابل جيوش العدو بالطبل و الزمر ولا هيكونوا منغلقين بالمنطق كده و السؤال الملح العجيب منين بتنكر مصرية الاقباط و منين بتتكلم عن انغلاق الاقباط اثناء غزو الاسكندر؟؟؟؟!!!!


اما عن احترامك لمصري جدة عن قبطي مش جدع فده يعني احتضار فكري و سطحية و يعني اه اصلا مصري جدة ديه علي فكرة يا ابو نقطة انت عندك مشاكل جادة في موضوع الاجناس و الاعراق و شكلك عايز درس مع داروين.

صدقني انا خايف تطلع انت هندي و من اللي بيركنوا الفيل بره!!!!


بص يا ابو نقطة موضوع المشكلة اللي انت كرزت حياتك ليها عن الجنس القبطي غير مقبولة اصلا لاني قلتلك ان هدف مسيحي مصر هو العيش بكرامة مش اثبات انهم سلالة مقدسة من ايام الفراعنة كمان لان المسيحية لا تعرف لغة ولا مكان يعني افكارك العجيبة دية ممكن تحلها لما ربنا يكرمك و تورث تعمل تحليل DNA للموميوات و تقارنها بل DNA
للصاعيدة ساعتها هنعرف اذا كنا فراعنة ولا تنابلة.

كمان ده هيغير من الواقع ايه هنرجع يعني العراق عشان من 4000 سنة كنا اجانب؟؟

و ياريت تبعت رسائل فيها محتوي منطقي لان الحوار بدأ يكون ممل وكاريكاتيري اكثر منه حوار بين ناس مختلفة فكريا.


تمام يا سيدي كده عملت رياضة عقلية.

المرة الجاية اعمل رياضة عقلية بس حاسب علي الجزمة!!!!

[bolbol]

ملحوظة اخيرة يا ابو نقطة انت ممكن تقولي الكام الف عامل دول الاسكندر جابهم منين؟؟؟

سؤال هسئله للمرة الاخيرة يا ابو نقطة اه الهدف من التشكيك في مصرية الاقباط من قديم الاذل اه اللي انت عايز توصله؟


نصيحة يا ابو نقطة لو عايزني اكمل معاك الحوار لازم تبطل تكون ماسوني في طريقتك و كلامك لازم يكون مثبت بوثائق لان صدقني و بقولها لكل الناس انا مسيحي و بس و اوصولي لا تعنيني في شئ علي الاطلاق اكون من باكيستان من تنزانيا كله زي بعضه لاني في الاخر مولود في مصر وعندي شجرة عائلة كلها مولودة في مصر فأعتقد ان نبشك في قبور الماضي السحيق عبارة عن رغي عالفاضي.

اما موضوع السواق اللي ماشي بسرعةو عمال يفادي العقبات فده تشبيه عجيب صدقني. عموما انا لسه ملقتش عقبات توقفني او حتي تعطلني كونك بطئ فديه مشكلتك انت.