فيلم شفرة دافينشى

[Gregory]

انتقادات كاثوليكية لفيلم "شفرة دافنشي"


وزعت رواية "شفرة دافنشي" أكثر من 30 مليون نسخة
دعت جماعة كاثوليكية تدعى "أوبس دي" الى حذف الاشارات التي تمس معتقدات معتنقي المذهب الكاثوليكي في الديانة المسيحية من النسخة السينمائية لرواية دان براون الشهيرة "شيفرة دافنشي".

وقالت الجماعة في بيان صدر في العاصمة الايطالية روما إن "شيفرة دافنشي تقدم صورة مشوهة للكنيسة الكاثوليكية". لكن الجماعة أضافت أنها لن تدعو الى مقاطعة هذا الفيلم المرتقب بشدة والذي من سيعرض في شهر مايو/آيار القادم.

وتصور الرواية جماعة "أوبس دي" كحركة متعطشة للقوة وتعتمد على إخفاء حقيقة نسل المسيح.

ولم تقل الجماعة ما هي الاشارات التي تريد حذفها من الفيلم، لكن استديوهات سوني أصرت على أن الفيلم مستقى من عمل خيالي.

وقال جيم كينيدي من شركة سوني للترفيه إن الهدف من الفيلم، الذي يقوم ببطولته الممثل الامريكي توم هانكس والممثلة الفرنسية أودري تاتو، لا يحمل انتقادات لأية جماعة دينية.

أوبس دي بدورها قالت إن التغييرات التي تدعو إليها في الفيلم ستكون إن حصلت محل تقدير من الكاثوليكيين، "خاصة في هذه الأيام التي لاحظ فيها الجميع النتائج المؤلمة للتعصب"، وذلك في إشارة الى المظاهرات العنيفة التي اندلعت بسبب نشر رسوم مسيئة للإسلام.

يذكر أن الرواية التي نالت إعجاب الملايين حول العالم تدور حول اثنين من مفككي الشيفرات اللذين يحاولا معرفة حقيقة "الكأس المقدسة".

وقالت الكنيسة الرومانية الكاثوليكية إن كل ما ذكر في هذه الرواية هو خيالي.

وأخيرا فإن جماعة أوبس دي تشكلت في العاصمة الأسبانية مدريد في عام 1928 على يد القسيس خوسيه ماريا إسكريفا دي بالاجر. ويعني اسمها "عمل الرب".

والفكرة الأساسية لهذه الحركة هي تشجيع معتنقي المذهب الكاثوليكي أن الدين هو الشيء الذي يجب أن يحكم كل دقيقة من حياتهم، بدلا من تطبيقه فقط أيام الآحد وفي طقوس الاعتراف.

http://news8.thdo.bbc.co.uk/hi/arabi...00/4719950.stm

[The_Lonley_Wolf]

شوف الحرية ياجدع فلم يمس لب الدين و هاينزل و الناس هاتناقش قصتة اتفقنا أو مااتفقناش معاه من غير مشاكل

انما هما عشان على راسهم بطحة و خايفين تناقضات دينهم تبان و نشوف غسيلهم المخرم كمان مش الوسخ بس يقعدوا بقى يعملوا هوسة و دوشة على اى حاجة تناقش فى دينهم حتى لو قصة صغيرة او كتاب

[Gregory]

up

http://www.aljazeera.net/NR/exeres/C...EA20404C17.htm


شيفرة دافنشي على شاشات السينما الأوروبية والآسيوية

عرض فيلم "شيفرة دافنشي" (دافنشي كود) أمس الخميس في صالات السينما بعدة دول أوروبية وآسيوية، على أن يعرض اليوم الجمعة في نيويورك ولندن رغم محاولات منظمات مسيحية منعه أو حذف المشاهد التي تعتبرها مسيئة للدين المسيحي منه.

ففي اليونان حيث منعت السلطات اليوم الجمعة من هم دون السابعة عشرة من حضور الفيلم، رفض القضاء طلبا تقدمت به مجموعة أرثوذوكسية صغيرة لسحب الفيلم.

ولم تذهب الكنيسة الأرثوذكسية في اليونان غير المنفصلة عن الدولة إلى حد المطالبة بمنع عرض الفيلم، لكنها أدانت مضمونه "الخاطئ كليا والذي يهين بطريقة خادعة الوعي الديني" حسب قولها.

وفي موسكو أدانت الكنيسة الأرثوذكسية الفيلم معتبرة أنه "استفزاز خطير"، وحذرت من ردود فعل عنيفة محتملة من قبل "مؤمنين" بينما أعلنت الكنيسة الأرثوذكسية في صوفيا أنها ستطلب منع الفيلم الذي اعتبرته "مجدفا وخبيثا".

كما دعا ممثلو الكنيسة الكاثوليكية إلى أن يترافق عرض الفيلم مع تحذير للمشاهدين من أن الفيلم كاذب وخادع.

وكان "دافنشي كود" قد عرض للمرة الأولى الأربعاء في مهرجان كان للسينما، وقد تظاهر الخميس نحو مائتي شخص أمام دار للسينما في باريس بدعوة من جمعية كاثوليكية احتجاجا على هذا "العمل المناهض للمسيحيين" حسب تصورها.

وفي الولايات المتحدة دعا ائتلاف جماعات دينية إلى مقاطعة الفيلم معتبرا أنه يشنع المسيحية واليهودية وأنه "كومة قمامة".



أما في الفيليبين التي تدين الغالبية العظمى من سكانها بالمسيحية، فقد أفلت الفيلم من الرقابة التي كانت قد منعت قبل عشرين عاما فيلم المخرج الأميركي مارتن سكورسيزي "تجربة المسيح الأخيرة". ورغم الدعوات المتكررة من مجلس الأساقفة الكاثوليك ضد الفلم فقد نفدت البطاقات في العرض الأول له.

وفي سنغافورة منع من مشاهدة الفيلم مَن هم دون سن السادسة عشرة، وصنف في فئة "أفلام التشويق والخيال" من قبل هيئة تطوير وسائل الإعلام.

وفي تايلند عدلت الرقابة عن حذف عشر دقائق من الفيلم مكتفية بتحذير قبل كل عرض يشدد على طابعه الخيالي.

ولا يزال مصير الفيلم معلقا في الهند حيث ستبت السلطات في إمكانية منعه بعد ورود شكوى من جماعة كاثوليكية.

والفيلم مقتبس من كتاب يحمل الاسم نفسه للكاتب الأميركي دان براون يقول إن يسوع المسيح ومريم المجدلية أقاما علاقة وأنجبا أطفالا، وترجم كتاب "دافنشي كود" إلى 44 لغة وبيع منه حوالي أربعين مليون نسخة في العالم منذ صدوره عام 2003.

[The_Lonley_Wolf]

ياخسارة كنت فاكر ان الازهر هو بس اللى بيمارس الارهاب الفكرى لكن اتضح مؤخرا انها الكنيسة الارثوذكسية كمان

ياخسارة كان نفسى أشوف الفيلم

[Gregory]

كتاب شفرة دافينشى
http://www.christpal.com/shobohat/el...icode/code.pdf

الرد على كتاب شفرة دافينشى القس عبد المسيح بسيط أبو الخير
http://www.christpal.com/shobohat/el...code/index.htm


مريم المجدلية ... هل هى الكأس المقدسة و هل كانت زوجة للمسيح
القس عبد المسيح بسيط أبو الخير
http://www.christpal.com/shobohat/3a...enew/index.htm

[الذهبيالفم]

الرحمة من عندك يارب احنا فعلا في أخر الأيام . الدنيا ماشية بالمقلوب .

[Gregory]

المشاركة الأصلية بواسطة The_Lonley_Wolf

ياخسارة كنت فاكر ان الازهر هو بس اللى بيمارس الارهاب الفكرى لكن اتضح مؤخرا انها الكنيسة الارثوذكسية كمان
ياخسارة كان نفسى أشوف الفيلم

أنا هشوف الفيلم ... و هو فيه حد منع ؟ ؟ ؟
أعتراضات الكنيسة على الفيلم نوع من التوضيح أننا لا نقبل ما فى الفيلم
أصل لو سكتنا يمكن المسلمين يفتكروا أن الفيلم صح فلازم نعترض عشان نوضح أنه غلط بس

فاكر فيلم آلام المسيح بتاع ميل جيبسون ؟ ؟ ؟
البابا شنودة أعترض عليه لأنه ماأظهرش لاهوت المسيح و أظهر فقط جانبه الأنسانى
و لكن مع هذا عرض بكنائس كثيرة فى مصر و البابا لم يمانع
لأن فيه ناس فاهمة و فيه ناس مش فاهمة و ممكن أحنا نكون سبب عثرة ليهم فميعرفوش طريق الخلاص بدم المسيح


+ + +
بهذه المناسبة ...
باكورة محاضرات أبونا عبد المسيح بسيط فى الدفاع عن الكتاب المقدس على البالتوك

شفرة دافنشي: مصادر وخرافات (الجزء الأول)
http://www.christpal.com/frabassit/l...006-may-09.wav

شفرة دافنشي: مصادر وخرافات (الجزء الثاني)
http://www.christpal.com/frabassit/l...2006-May-17.rm

[The_Lonley_Wolf]

أنا هشوف الفيلم ... و هو فيه حد منع ؟ ؟ ؟
أعتراضات الكنيسة على الفيلم نوع من التوضيح أننا لا نقبل ما فى الفيلم

كان مكتوب فى البى بى سى او العربية مش فاكر انه ممنوع فى مصر بناء على طلب الكنيسة الارثوذكسية
طيب دى فكرة خاصة بالكنيسة الكاثوليكية خلوا الكنيسة الكاثوليكية هى اللى تطالب بالمنع او بعدم المنع حاشرين نفسهم ليه بقى ماتفهمش بيفكرونى بالمسلمين لما قالوا نمنع فلم ميل جيبسون لانه بيصور حياة النبى عيسى طيب انتم مالكم برضو دى حاجة خاصة بالمسيحيين

ثم ياسيدى هو لازم تمنع و تحظر عشان تبين اعتراضك؟؟ بتفكرنى برضو باللى بيعترض على فكرة معينة فى مخ واحد فيقوم رايح و هادر دمه

بين أعتراضك بوسيلة متحضرة أنك تبين فى ندوة او بعظة زى ماابونا ده عامل على البال توك

عاوزين رايى؟؟ الكنيسة الارثوذكسية بقيادة البابا شنودة خلاص مابقتش تفرق عن الازهر كتير

[Sandy]

الى الاخ the lonely wolf وكل الاخوان الاعزاء
اولا:- مش شرط ان كل فنان رسم لوحة يبقى وراها شفرات لفكها وكون واحد فكرة انحرف دينيا واخلاقيا واعتقد ان وراء لوحة دافينشى شفرات هو حر كلامة ليس كتاب مقدس لازم نصدقة لان ممكن فكرة المريض اوحى لة بذلك انة يوجد شفرات لازم فكها
ثانيا:- اعتراض الكنيسة الارثوزكسية على عرض الفيلم بسبب ان احداثة غير صحيحة وخوفا على الافكار ان تنحرف خطا وراء بدع وهرطقات مش خوفا من اننا خايفين اننا نظهر غسيلنا المخرم زى ما انت قلت وعلى فكرة المسيحية دين راسخ جدا وهيفضل كدة مهما كان فى بدع او هرطقات تحاول تلويث المسيحية باى شكل وربنا اذا كان بيسمح بهذة الهرطقات للظهور دة علشان ربنا قريب جدا هيظهر مجدة مع اولادة المختارين اما غير المؤمنين فسيطرحهم فى بحيرة النار والكبريت حيث هناك البكاء وصرير الاسنان . فهمت

[The_Lonley_Wolf]

ياأخت لندا انا لما كتبت الرد اللى هو ده :

شوف الحرية ياجدع فلم يمس لب الدين و هاينزل و الناس هاتناقش قصتة اتفقنا أو مااتفقناش معاه من غير مشاكل

انما هما عشان على راسهم بطحة و خايفين تناقضات دينهم تبان و نشوف غسيلهم المخرم كمان مش الوسخ بس يقعدوا بقى يعملوا هوسة و دوشة على اى حاجة تناقش فى دينهم حتى لو قصة صغيرة او كتاب

كتبته فى 22 فبراير 2006 ماكنتش لسه اعرف ان الكنيسة الارثوذكسية فى مصر هاتحظره و تمنعه من العرض و كنت فخور اننا مش بنخاف من أى أفكار مضادة
لكن لما اتصدمت صدمة عمرى من كام يوم و عرفت ان الكنيسة الارثوذكسية أقتداءا بأسوتها الحسنة الازهر قررت تمنعه و تحظره كتبت الرد ده :

ياخسارة كنت فاكر ان الازهر هو بس اللى بيمارس الارهاب الفكرى لكن اتضح مؤخرا انها الكنيسة الارثوذكسية كمان

ياخسارة كان نفسى أشوف الفيلم

و ده كان من يومين أى بعد الاول بحوالى 3 شهور

انتى بتقولى :

ثانيا:- اعتراض الكنيسة الارثوزكسية على عرض الفيلم بسبب ان احداثة غير صحيحة وخوفا على الافكار ان تنحرف خطا وراء بدع وهرطقات

انتى عاوزة تقولى الاقباط قطيع يعنى مايقدروش يفهموا دينهم لوحدهم و لازم وصى يفكر عنهم بالنيابة و ياخدلهم القرارات الدينية المصيرية؟؟؟
الفلم فكرته هبلة جدا مش محتاجة أسقف و لا بطريرك يقوللى انه غلط لانه واضح ان فكرته عبيطة ماتقنعش عيل اهبل
اذا كان من فلم واضح انه هجص زى ده خايفين امال البلاوى اللى اكبر من كده هانتعامل معاها ازاى؟؟

[Gregory]

المشاركة الأصلية بواسطة The_Lonley_Wolf

كان مكتوب فى البى بى سى او العربية مش فاكر انه ممنوع فى مصر بناء على طلب الكنيسة الارثوذكسية
طيب دى فكرة خاصة بالكنيسة الكاثوليكية خلوا الكنيسة الكاثوليكية هى اللى تطالب بالمنع او بعدم المنع حاشرين نفسهم ليه بقى ماتفهمش بيفكرونى بالمسلمين لما قالوا نمنع فلم ميل جيبسون لانه بيصور حياة النبى عيسى طيب انتم مالكم برضو دى حاجة خاصة بالمسيحيين
ثم ياسيدى هو لازم تمنع و تحظر عشان تبين اعتراضك؟؟ بتفكرنى برضو باللى بيعترض على فكرة معينة فى مخ واحد فيقوم رايح و هادر دمه
بين أعتراضك بوسيلة متحضرة أنك تبين فى ندوة او بعظة زى ماابونا ده عامل على البال توك
عاوزين رايى؟؟ الكنيسة الارثوذكسية بقيادة البابا شنودة خلاص مابقتش تفرق عن الازهر كتير

أولا
طلب الكنيسة الأرثوذكسية ... خدت بالك من الجملة دى اللى أنت كتبتها ؟ ؟ ؟
فيه فرق بين الكنيسة و الأزهر فى دى
الكنيسة بس طلبت عدم عرض الفيلم

ثانيا
دى مش فكرة خاصة بالكنيسة الكاثوليكية
الرواية دى فكر غنوسى مالوش دعوة بالكثلكة و لازم المسيحيين كلهم بكل الطوائف يحاربوا الفكر ده

[The_Lonley_Wolf]

أولا
طلب الكنيسة الأرثوذكسية ... خدت بالك من الجملة دى اللى أنت كتبتها ؟ ؟ ؟
فيه فرق بين الكنيسة و الأزهر فى دى
الكنيسة بس طلبت عدم عرض الفيلم

والله العظيم ولا فاهم أى كلمة

[malak2006]

الاخوة الاحباء كلكم تتكلمون عن الفيلم ونسيتم نقطة مهمة جدا وهي ما سبب شهرة الفيلم وانتشارة و تحقيقه لأعلى الايرادات؟ عارفين ما السبب الحقيقي انه نحن السبب الذين نعطي أهمية لاشياء لا تستحق ونجري وراء الضجيج ..
وهذه سياسة التجارة الحديثة وهي كيف تربح الملايين من فيلم لا قيمة له بالتهجم على عقيدة ما وأثارة ضجة...

وأود أن أسألك هل تقبل أن تقرأ رواية أو تشاهد فيلما به ما يضر عقيدتك؟
لا أقصد السلبية فأنت اذا كنت ناقدا أو صحفيا أو واعظا أو مسئولا أو أديبا أو قاضيا أو محاميا يمكنك أن تشاهد وتقرأ بهدف الاصلاح فقط وليس بهدف الفضول.
وأرجو ان يهتم الانسان بما هو نافع له فقط ولا يعطي أهمية لتلك الأشياء حتى لا تزداد وتنمو على حسابنا

[al_karram]

انا مع منع هذا الفيلم من العرض لانه بالغم من ان مصدره خيالي ولكنه فكر منحرف يسيء الي العقيده المسيحية والي شخص الرب يسوع المسيح له المجد وهو انحراف عقيدي وهرطقة يمكن ان تعثر الاف البسطاء من الشعب وكلنا يعلم تاثير السينماالخطير

[الذهبيالفم]

غباء الأجانب لا يقل عن ارهاب المسلمين .