اشترك فى التصويت على الحماية الدولية لمصر

[el chife]

اشترك فى التصويت على الحماية الدولية لمصر

http://www.truthsat.tv/

[H_SRM]

السلام على كل مصري

الحقيقة بستغرب شفت ردود كتيرة مضمونها ان عمر المسيحي ما هيبقي مصلحته دي لو هي مصلحة على مصلحة البلد.؟

مقعول عايزين حماية دولية؟
احنا عشنا كام سنة مع بعض مسلمين ومسيحين؟
الاسلام ما احترمكوش؟

للاسف اللي بتتكلموا فيه كحماية دولية بيبن انه مخطط بس مصر باذن الله محروسة ومحفوظة ولو انتم مش باقيين على البلد فكل المسلمين باقيين عليها وباذن الله مافيش اي رجل هتتمد فيها لان وقتها هتلاقوا كل المسلمين بيسارعوا للشهادة لان التاريخ مش هيعيد نفسه وباذن الله الخير جاي لمصر..

لكن لازم تعرفوا يا مسيحيين يا من تنادوا بالحماية الدولية مافيش حاجة اسمها حماية دولية ده احتلال تحت مسمى حماية دولية واحنا كشباب ومعانا شباب مسيحي كتير مش هنرضى بيه وباذن الله مصر مقبرة الغزاة..

[el chife]

انتم خايفين لية من الحماية الدولية !!
الحماية الدولية هى حماية لكل الناس بقوانين دولية تحرم إبادة الاقليات
كثير من المسلمين المتعقلين بينادوا بالعدل والمساواة والحياة المدنية
ودة مش هيتحقق فى الحكومة المصرية المتطرفة لازم قوانين دولية تحمى حقوق الانسان
فهل هذا حق غير مشروع فى مايحدث فى مصر من حرق وهدم للكنائس واختطاف للفتيات المسيحيات
هل هذا حق غير مشروع لما وصل بة الحال لعدم وجود قانون يحمى شعب مصر من التطرف
هل تستطيع انت وغيرك أن تضمن الامن والامان لكل مصرى ؟!!
ارجوا ان تجاوبنى بعقل ناضج دون شعارات زائفة..

[H_SRM]

انتم خايفين لية من الحماية الدولية !!

مافيش مصري بيعرف مصر بجد بيخاف ياباشا.

الحماية الدولية هى حماية لكل الناس بقوانين دولية تحرم إبادة الاقليات
كثير من المسلمين المتعقلين بينادوا بالعدل والمساواة والحياة المدنية
ودة مش هيتحقق فى الحكومة المصرية المتطرفة لازم قوانين دولية تحمى حقوق الانسان

ياباشا وهي فين الحكومة المتطرفة؟ قصدك اللي كانت متطرفة لو مصممين تبصوا للمجلس العسكري على انه متطرف لو كان كدة كان وقف جنب مبارك وابادنا زي ليبيا او سوريا او اليمن.

فهل هذا حق غير مشروع فى مايحدث فى مصر من حرق وهدم للكنائس واختطاف للفتيات المسيحيات

ياباشا اختطاف فتيات ده اتهام متبادل وللاسف المفروض الجيش يردع اي حد يتطرف مسلم او مسيحي ويعدمه ووالله هيكون خير لانه هيضمن الامن كل مجرم او مثير فتنة لما هيشوف الاعدام في ميدان هيخاف, التطرف او الفتنة حاولت الحكومة اللي فاتت تزرعها بتفجير كنيسة القديسين اللي طلع اصلا ما حصلتش تحقيقا!! يعني مالوش الا تفسير واحد وهو ارتكبها امن الدولة.
لو كان فيه تطرف في النفوس العادية كان بان ايام الثورة, لكن لان الكل كان مشغول واوساخ النظام والمتطرفين لما ليقوا الثورة انتصرت بفضل الله ثم فضل كل مصري شارك فيها بدأو يلعبوا على الارهاب خطف فتيات ووو ثم لما الموضوع هدأ شوية لعبوا على حبل الفتنة اللي لازم يا مسيحين تكونوا عارفين وكل مصري عارف انها لعبة وعيب نقع في الفخ ده

هل هذا حق غير مشروع لما وصل بة الحال لعدم وجود قانون يحمى شعب مصر من التطرف

ان شاء الله الاحكام تكون رادعة في احداث امبارة والكل هيخاف, مش مبرر ضعف الامن في فترة حالية اننا نطلب حماية دولية ودي معناها دخول بلا خروج واحتلال تحت مظلة الأمن .

هل تستطيع انت وغيرك أن تضمن الامن والامان لكل مصرى ؟!!
ارجوا ان تجاوبنى بعقل ناضج دون شعارات زائفة..

لو كل مصري اتصدى للفتنة وكل مصري ركز في شغله بعيد عن الاعتصامات اللي بيتغلغل فيها مشعلي ومثيري الفتن والله هنعدي البر.

هو ايام مبارك كان الامان على أشده؟

ماكنش فيه اختطاف وسرقة وقتل؟

العيب فينا احنا يا باشا مش من الامن بشكل مباشر, لازم نتكاتف ونعدي الفترة دي على خير وباذن الله هنعديها. ودي مش شعارات بس ده صوت العقل.

امريكا اللي عايزينها تأمن حياتنا, أسال اي شخص عايش في امريكا معدل الجريمة اد ايه؟ اصحابي في امريكا بيتكلموا على بلاد عصابة ولاد شوارع فعلاً.


حاجة اخيرة حقوق الانسان ليست الا غطاء بدون ظهر, حقوق الانسان فين من فلسطين والشهداء الفلسطينيين؟ أوباما ال*** خارج امبارح بيقول فلسطين لازم تكون بلد منزوعة السلاح؟ عارف يعني ايه؟

في شرع ومنطق مين ان الاحتلال يبقى معاه السلاح ومايلاقيش مقاومة؟

كلهم اصحاب فكر متطرف ورب الكعبة, وشوف اليابان وهيروشيما وشوف فيتنام وافغانستان والعراق, امريكا فاقدة للشيء فكيف تعطيه؟

تفاؤلوا خاصة انتم يا اخوتنا في الوطن..


وباذن الله خير

[kittyy]

المشاركة الأصلية بواسطة h_srm

مافيش مصري بيعرف مصر بجد بيخاف ياباشا.

ماهى للأسف ياأستاذ h مصر دلوقتى مابقيتش مصر اللى احنا نعرفها بجد ، للأسف الفئران والحشرات السامة اللى كانت مستخبية فى الجحور خرجوا وبينشروا سمومهم وفسادهم دلوقتى عينى عينك ومافيش حد بيقولهم انتوا بتعملوا ايه ، للأسف مرة تانية مصر بتاعة 50 سنة ايام ماكان المصرى مصرى بجد وماحدش كان يعرف ديانة اللى قاعد جنبة فى الجامعة او المدرسة او فى الجيش ايه وهى دى السمعة اللى احنا عايشين على اطلالها دلوقتى.

المشاركة الأصلية بواسطة h_srm

ياباشا وهي فين الحكومة المتطرفة؟ قصدك اللي كانت متطرفة لو مصممين تبصوا للمجلس العسكري على انه متطرف لو كان كدة كان وقف جنب مبارك وابادنا زي ليبيا او سوريا او اليمن

فين الحكومة المتطرفة !!!! أااه هو حضرتك علشان مسلم فا بتلبس نضارة سودا قدام الاخبار اللى بتتعلق بأفعال المسلمين فى المسيحيين حالياً فى البلد ، صحيح اللى ايده فى المية مش زى اللى ايده فى النار ، وعلى فكرة هى الحكومة المتطرفة دى مش حكومة بعد الثورة انت فاهم غلط ، الحكومة المتطرفة دى بقالها بتاع 20 سنة كدا بس اكيد حضرتك تسمع عن درجات الألوان اللى بتبتدى من اول الأبيض مروراً بالرمادى وانتهاءاً بالإسود المنيل بنيلة وهو اللى احنا وصلناله حالياً ، المسيحيين بتتهدم كنايسهم وتتحرق علناً كدا ومافيش نفر واحد يوحد الله اتحاكم ولا سمعنا انه اخد عقوبة عادلة وكله بيخلص يااما بالقعدات العرفية والتصالح الاهبل يااما مستشفى الامراض النفسية والعصبية بتزيد واحد يااما بتتحفظ لعدم اثبات الادلة على الفاعل (رغم ان احداث امبابة الأخيرة جابولهم الناس فى الفيديو بالوشوش ومتصورين وهما بيحرقوا الكنيسة من جوة دكة دكة) وبرضه مافيش واحد منهم اتمسك رغم ان الفاعل معروف ، واللى زاد وغطى عليه اللى حاصل فى عين شمس دلوقتى والكنيسة اللى حضرات المسلمين اخواتنا واشقائنا فى الوطن زى ما بتقول حلفوا على المصحف ان كنيسة العذراء والانبا ابرام هناك مش هتتفتح الا على جثثهم وفرشوا الحصير قدام الكنيسة كمان واقاموا الصلاة فى الشارع قدام باب الكنيسة عشان يضمنوا ان ما حدش هيدخل الكنيسة دى ولا هتتفتح ابداً ..

(هتقولى ان اللى عملوا كدا دول مش مسلمين ، هقولك طب والمسلمين بقى المسلمين اللى تقصدهم فين بقى من دا كله ؟ يعنى هى عين شمس مافيهاش مسلمين كويسين زى حضرتك كدا ولا شيوخ محترمين يعملوا خطب فى الميكروفونات يتكلموا مع الناس ويقولولهم كدا عيب والاسلام كويس وجميل وما قالش نعمل كدا فى اخواتنا فى الوطن وسيبوهم يفتحوا الكنيسة بتاعتهم ويصلوا فيها ايه المشكلة وان الرسول وصانا عليهم اقباط مصر دول اللى انتوا مسودين عيشتهم ليل ونهار ؟ ) يااستاذ h احنا تعبنا من الكلام بتاع احنا اخوات ياجماعة وعايشين من زمان مع بعض مسلمين ومسيحيين ومافيش بينا حاجة وحشة وكل دا كلام فض مجالس كدا وخلاص انما الواقع واللى بيحصل حاجة تانية خاااااالص مالهاش علاقة بالصورة اللى انت حاططها قدامك دى كل شوية تبصلها وبتتكلم وكإنك فاقد الوعى بقالك 20 سنة ولسة صاحى انهاردة من النوم وجاى تتكلم عن حاجة ما بقتش موجودة خلااااص الله يرحمها بقى ..

المشاركة الأصلية بواسطة h_srm

ياباشا اختطاف فتيات ده اتهام متبادل وللاسف المفروض الجيش يردع اي حد يتطرف مسلم او مسيحي ويعدمه ووالله هيكون خير لانه هيضمن الامن كل مجرم او مثير فتنة لما هيشوف الاعدام في ميدان هيخاف, التطرف او الفتنة حاولت الحكومة اللي فاتت تزرعها بتفجير كنيسة القديسين اللي طلع اصلا ما حصلتش تحقيقا!! يعني مالوش الا تفسير واحد وهو ارتكبها امن الدولة.
لو كان فيه تطرف في النفوس العادية كان بان ايام الثورة, لكن لان الكل كان مشغول واوساخ النظام والمتطرفين لما ليقوا الثورة انتصرت بفضل الله ثم فضل كل مصري شارك فيها بدأو يلعبوا على الارهاب خطف فتيات ووو ثم لما الموضوع هدأ شوية لعبوا على حبل الفتنة اللي لازم يا مسيحين تكونوا عارفين وكل مصري عارف انها لعبة وعيب نقع في الفخ ده

المفروووووووض .. برافو عليك ما انت حضرتك كويس وبتقول اهو ... والسؤال هنا هو المفروض دا مش بيحصل ليه ؟؟ لما الجيش والحكومة والبوليس دلوقتى بيقفوا يتفرجوا على المطاوى والسكاكين والسنج والناس بتلعب بيهم البخت فى وش بعض ما بيعملوش حاجة ليه وتحس كدا انهم بقوا موجودين دلوقتى لتشجيع اللعبة الحلوة وعلشان يطلعوا فى التصوير مش اكتر ، وان كنت حضرتك بتتكلم عن الحكومة اللى فاتت ما احنا ما قولناش ان الحكومة اللى فاتت دى كانوا ملايكة بس على الأقل كان كل فترة سنة مثلاً اما تحصل حاجة انما دلوقتى حضرتك بقى كل يوم ويمكن فى اليوم مرتين كدا زى كورس الدوا ياكنيسة بتتحرق يا بنت بتتخطف وتانى يوم تتأسلم يا مش عارف سلفيين دخلوا على مسيحيين فى بيوتهم سرقوها وحرقوها بالجاز دا يومياً كدا لدرجة ان دلوقتى بقى اليوم اللى يعدى وما نسمعش فيه خبر من دول احس ان المسلمين عيانين وصحتهم بعافية شوية وبنقلق عليهم والله.

وسورى يعنى اسمحلى حضرتك انت بتقول لو كان تطرف فى النفوس كان بان ايام الثورة !! انا بختلف معاك كلياً فى الجملة دى ، ساعة الثورة كان فيه هدف واحد لكل الناس حتى للأرهابيين والسلفيين نفسهم اللى دلوقتى بيحرقوا فى البلد ساعتها كان التركيز كله على الايقاع بالنظام والحكومة لأفساح الطريق لهم للتوغل بكل شكل ولون فى البلد واثبات حضورهم وتواجدهم والخروج من الكهف اللى كانوا ملمومين فيه زى الفئران فى ظل وجود قانون ، صحيح هو كان قانون عاجز بس اهو اسمة موجود بشكل او بأخر ، غير دلوقتى بقى مابقاش فيه حاجة اسمها قانون اصلاً واللى عاوز حاجة دلوقتى بيروح ياخدها بدراعة زى الغابة لدرجة ان البوليس دلوقتى هو اللى بقى بيخاف من الناس مش العكس .، ولتحقيق الهدف بقى فى انهم يخرجوا من الجحور استخدموا الوسيلة اللى بتبرر الغاية بتاعتهم واللى هى التلاحم والتداخل بين الناس فى فترة الثورة لتحقيق الهدف الأسمى وهو الايقاع بالحكومة والنظام ..

يعنى من الأخر كل شباب الثورة كان هدفهم تحقيق هدف نبيل وجميل والأرهابيين والسلفيين بقى قالوا نلحم مع الناس دى ونوحد الهدف ونركز دلوقتى فى الايقاع بالحكومة وبعدها بقى وبعد ما دا يحصل نبقى نطلع نلعب براحتنا بقى من غير ما حد يطبق على نفسنا بمعنى انه (توحدت الاهداف واختلفت الغايات)

المشاركة الأصلية بواسطة h_srm

ان شاء الله الاحكام تكون رادعة في احداث امبارة والكل هيخاف, مش مبرر ضعف الامن في فترة حالية اننا نطلب حماية دولية ودي معناها دخول بلا خروج واحتلال تحت مظلة الأمن .

يااستاذ h والله حضرتك دمك خفيف بجد مش بهزر احكام ايه اللى هتكون رادعة فى احداث امبابة ؟ طب انا اهو وحضرتك اهو وماحدش فينا هيسافر لكوكب تانى قريب والايام بيننا .. هما دلوقتى شغالين بيقبضوا على الناس وشوية كدا وهيخرجوهم لتضارب الاقاويل واختلاف القصص بين اذا كانوا داخلين بهدف حرق الكنيسة ام بهدف البحث عن اسلحة موجودة داخل الكنيسة واستخراج الفتيات المحتجزات فى سجن الكنيسة فى الخنادق اللى تحت الارض .. يااستاذى العزيز لا تنسى انه ( لا يؤخذ المسلم بدم الكافر ) ودا كان النظام المعمول بيه حتى فى ظل وجود قانون ايام قبل الثورة حضرتك بقى عاوز تقنعنى دلوقتى ان فى ظل عـــــدم وجود قانون نهائى الأن ولا شرطة ولا حكومة هيبقى فيه احكام ورادعة كمان ، والنبى انت قلبك ابيض وزى العسل.

وبعدين الحماية الدولية لا تعنى تدخل عسكرى فى البلاد وإنما الحمايه الدوليه عبارة عن وجود لجنة تقصى حقائق دائمة بمصر.تقوم هذه اللجنه بمراقبة الاوضاع فى مصر .وفى حالة وقوع حدث مثل احداث امبابه مثلا.تقوم اللجنة بمطالبة المسئولين بعقاب المتورطين بهذا الحدث .فاذا لم تفوم الحكومه بذلك تلجا اللجنة للقضاء الدولى ضد المسئولين اللذين لم يتخذوا اجراء تجاة المتورطين.ويتم محاكمة المسئولين بمحاكمات دولية سريعة.ففى حالة احداث امبابة مثلا وزير الداخلية وطنطاوى . فالذى يقول لا للحماية الدولية يحمى مسئولين مجرمين ولا يحمى الدولة لان الحماية الدولية فى مصر ليس كما يصور الاعلام بانها عملية عسكرية غربية (هل تعلم حضرتك ان من ال190 شخص الذين قبض عليهم فى احداث امبابة من بينهم 120 مسيحى اخذوا من بيوتهم وهم لم يفعلوا شيئا ) هل لوا كانت فى مصر الان حماية دوليه كان ممكن يظلم 120 شخص برئ هل كانوا يخطفون كل يوم بنت او زوجه او ام مسيحية هل كانو يستطيعون حرق الكنائس والدوس على مقدساتنا بارجلهم هل يعقل انهم يقتلوا ويغتصبوا ويحرقوا وفى الاخر يقبض علينا؟ هل نجاملهم على حساب ارواحنا ؟ طب مش مهم ارواحنا ...على حساب شرف بناتنا وهدم كنايسنا ؟...

واحب اعرف حضرتك حاجة مهمة جداً وهى ان الحماية الدولية موجودة بالفعل بين المغرب والجزائر وموجودة بين لبنان وأسرائيل وداخل لبنان وموجودة بيننا وبين أسرائيل على الحدود وموجودة فى السودان وموجودة فى البوسنة والهرسك
الحماية الدولية الآن موجودة فى ليبيا ومن طالب بها كانوا أولهم الدول العربية بزعامة عمر موسى
الحماية الدولية موجودة فى كثير من بلدان العالم فهل كل بلدان العالم خائنة وكفرة ؟...

المشاركة الأصلية بواسطة h_srm

لو كل مصري اتصدى للفتنة وكل مصري ركز في شغله بعيد عن الاعتصامات اللي بيتغلغل فيها مشعلي ومثيري الفتن والله هنعدي البر.

لو بقى كل مصرى اتصدى للفتنة زى ما حضرتك بتقول .. انما لو دا زى ما بيقول المثل المصرى حرف شعلقة فى الجو

المشاركة الأصلية بواسطة h_srm

هو ايام مبارك كان الامان على أشده؟
ماكنش فيه اختطاف وسرقة وقتل؟
العيب فينا احنا يا باشا مش من الامن بشكل مباشر, لازم نتكاتف ونعدي الفترة دي على خير وباذن الله هنعديها. ودي مش شعارات بس ده صوت العقل.
امريكا اللي عايزينها تأمن حياتنا, أسال اي شخص عايش في امريكا معدل الجريمة اد ايه؟ اصحابي في امريكا بيتكلموا على بلاد عصابة ولاد شوارع فعلاً.

حضرتك بس احب اصحح لك معلومة .. الحماية الدولية دى لا تساوى امريكا ، ياريت بس حضرتك تقرا اكتر عن قانون الحماية الدولية علشان تعرف ان الحماية الدولية هى كل دول الغرب وكل دول اوربا مجتمعة على قانون معين لحماية الحقوق وموقعين على اتفاقية بالإلتزام بأحكام هذه اللجنة بعد صدورها بناءاً على موقف او حدث معين ينتهك ويخترق حقوق مجموعات معينة من الأفراد داخل مجتمعاتهم ... الناس للأسف مش فاهمين يعنى ايه حماية دولية وفاكرين انها معناها ان امريكا البعبع هيلموا بعضهم ويحشدوا الجيوش وييجوا يخيموا عندنا ...

المشاركة الأصلية بواسطة h_srm

حاجة اخيرة حقوق الانسان ليست الا غطاء بدون ظهر, حقوق الانسان فين من فلسطين والشهداء الفلسطينيين؟ أوباما ال*** خارج امبارح بيقول فلسطين لازم تكون بلد منزوعة السلاح؟ عارف يعني ايه؟
في شرع ومنطق مين ان الاحتلال يبقى معاه السلاح ومايلاقيش مقاومة؟
كلهم اصحاب فكر متطرف ورب الكعبة, وشوف اليابان وهيروشيما وشوف فيتنام وافغانستان والعراق, امريكا فاقدة للشيء فكيف تعطيه؟

ياعم حرام عليك .. حقوق الإنسان فين من فلسطين ؟؟ اومال هو مين اللى بيبعت قوافل العلاج والطعام والغذاء للفلسطينيين ؟ انت فاكر ان العرب بس هما اللى مهتمين بقضية فلسطين ؟؟

بص يااستاذ h رغم انى ليا وجهة نظر تانية فى موضوع فلسطين دا لأنهم ناس خونة اصلاً بيخونوا حتى بعضهم وانا لن انسى انهم ضربوا فى الجيش المصرى على الحدود واستشهد فيها جندى مصرى زى الورد ولن انسى لما طلعوا قالوا ان مصر دولة عميلة لإسرائيل وخاينين بعد ايام من اغلاق المعبر لأن دا سد عليهم سكة تهريب المخدرات والسلاح الى ومن وبين مصر وفلسطين ، ولن انسى زميل فلسطينى كان معانا فى الجامعة وبيتكلم عن العلاقات الجيدة جداً ما بين الفلسطينيين واليهود داخل البلد وانهم بيشتغلوا وبيتاجروا مع بعض عادى وبيتجوزوا كمان من بعض عادى ولا فى دماغهم قضية ولا بتاع واحنا بس اللى سايبين حالنا ومحتالنا ومشاكلنا اللى ممكن تدمر البلد وبنعمل مظاهرات قدام سفارة اسرائيل من اجل قضية فلسطين فى حين ان الأثرياء الفلسطينيين اللى عايشين فى امريكا واوربا عايشين فى البطاطا وبايعين القضية من زماااان بس سيبك من دا كله

افتكر بس اهم حاجة هى ان الحماية الدولية لا = امريكا وياريت نفصل بين امريكا وبين موضوع الحماية الدولية دا علشان ما نقولش لأ كدا على الفاضى وخلاص واحنا مش فاهمين حاجة..

المشاركة الأصلية بواسطة h_srm

تفاؤلوا خاصة انتم يا اخوتنا في الوطن

الله يخليك يابرنس واللهى كلمة اخواتنا فى الوطن دى طالعة من بقك زى السكر بس وحياة الغاليين عندك ممكن تعربها كدا وتفنطها وتقولى بأمارة ايه ؟

يلا اهى ايام وبنقضيها وهتخلص قريب انشاءالله لأن الرب قريب على الأبواب ... واجمل ايتين بحب دايماً افتكرهم دلوقتى هما :

تصمتون ليتكلم الرب ... والرب يدافع عنكم وانتم صامتون

..

[H_SRM]

kittyy

اولا تحيتي ليك .

ماهى للأسف ياأستاذ h مصر دلوقتى مابقيتش مصر اللى احنا نعرفها بجد ، للأسف الفئران والحشرات السامة اللى كانت مستخبية فى الجحور خرجوا وبينشروا سمومهم وفسادهم دلوقتى عينى عينك ومافيش حد بيقولهم انتوا بتعملوا ايه ، للأسف مرة تانية مصر بتاعة 50 سنة ايام ماكان المصرى مصرى بجد وماحدش كان يعرف ديانة اللى قاعد جنبة فى الجامعة او المدرسة او فى الجيش ايه وهى دى السمعة اللى احنا عايشين على اطلالها دلوقتى.

مصر بتمر بظروف عصيبة, الأولى نقف جنبها ولا نيأس؟ مصر مابقيتش عراق او أفغانستان, لو فكرت في الاحداث اللي بيتقال عليها فتنة هتلاقيها متصممة والله, فيه مكيدة ويارب تعرفوا ده, لان لازم تبقوا عارفين حاجة واحدة, الحق دائماً منتصر دي مش شاعارات ديننا علمنا كدة كويس وأكيد دينكم كمان, لازم تفرقوا بين المتدينين واحنا كمان وليسوا المتطرفين, في كل دين متطرفين ومتشددين, السمعة اللي بتقول عليها دي موجودة يا أستاذ لان مصر محفوظة باذن الله مهما حصل هتفضل محفوظة.

فين الحكومة المتطرفة !!!! أااه هو حضرتك علشان مسلم فا بتلبس نضارة سودا قدام الاخبار اللى بتتعلق بأفعال المسلمين فى المسيحيين حالياً فى البلد ، صحيح اللى ايده فى المية مش زى اللى ايده فى النار ، وعلى فكرة هى الحكومة المتطرفة دى مش حكومة بعد الثورة انت فاهم غلط ، الحكومة المتطرفة دى بقالها بتاع 20 سنة كدا بس اكيد حضرتك تسمع عن درجات الألوان اللى بتبتدى من اول الأبيض مروراً بالرمادى وانتهاءاً بالإسود المنيل بنيلة وهو اللى احنا وصلناله حالياً ، المسيحيين بتتهدم كنايسهم وتتحرق علناً كدا ومافيش نفر واحد يوحد الله اتحاكم ولا سمعنا انه اخد عقوبة عادلة وكله بيخلص يااما بالقعدات العرفية والتصالح الاهبل يااما مستشفى الامراض النفسية والعصبية بتزيد واحد يااما بتتحفظ لعدم اثبات الادلة على الفاعل (رغم ان احداث امبابة الأخيرة جابولهم الناس فى الفيديو بالوشوش ومتصورين وهما بيحرقوا الكنيسة من جوة دكة دكة) وبرضه مافيش واحد منهم اتمسك رغم ان الفاعل معروف ، واللى زاد وغطى عليه اللى حاصل فى عين شمس دلوقتى والكنيسة اللى حضرات المسلمين اخواتنا واشقائنا فى الوطن زى ما بتقول حلفوا على المصحف ان كنيسة العذراء والانبا ابرام هناك مش هتتفتح الا على جثثهم وفرشوا الحصير قدام الكنيسة كمان واقاموا الصلاة فى الشارع قدام باب الكنيسة عشان يضمنوا ان ما حدش هيدخل الكنيسة دى ولا هتتفتح ابداً ..

(هتقولى ان اللى عملوا كدا دول مش مسلمين ، هقولك طب والمسلمين بقى المسلمين اللى تقصدهم فين بقى من دا كله ؟ يعنى هى عين شمس مافيهاش مسلمين كويسين زى حضرتك كدا ولا شيوخ محترمين يعملوا خطب فى الميكروفونات يتكلموا مع الناس ويقولولهم كدا عيب والاسلام كويس وجميل وما قالش نعمل كدا فى اخواتنا فى الوطن وسيبوهم يفتحوا الكنيسة بتاعتهم ويصلوا فيها ايه المشكلة وان الرسول وصانا عليهم اقباط مصر دول اللى انتوا مسودين عيشتهم ليل ونهار ؟ ) يااستاذ h احنا تعبنا من الكلام بتاع احنا اخوات ياجماعة وعايشين من زمان مع بعض مسلمين ومسيحيين ومافيش بينا حاجة وحشة وكل دا كلام فض مجالس كدا وخلاص انما الواقع واللى بيحصل حاجة تانية خاااااالص مالهاش علاقة بالصورة اللى انت حاططها قدامك دى كل شوية تبصلها وبتتكلم وكإنك فاقد الوعى بقالك 20 سنة ولسة صاحى انهاردة من النوم وجاى تتكلم عن حاجة ما بقتش موجودة خلااااص الله يرحمها بقى ..


لا والله مش بلبس نظارة سوداء, ولازم ياباشا نشيل من على بعض اتهامات بالانحياز أو غيره, لاني لما بتكلم هنا في مواضيع دينية حاجة واللي احنا فيه كوطن حاجة تانية.
بص ياسيدي المشكلة انكم مش بتعترفوا بغلط مسيحي بكل أسف, لاننا كمصريين تعودنا في تربيتنا للاسف لو فيه اقلية تبقى اكيد مظلومة ده بنطبقه على كل حاجة, وبلاش الله يكرمك تقول اللي ايده في الماية لان كلنا ايدنا في مكان واحد احنا مصريين.
الحكومة المتطرفة لو تقصد بيها ايام مبارك وغيره, فأكيد تسمع وتعرف ان ازاي اي مسيحي بسهولة كان ممكن يجرجر مسلم على القسم والحكومة بتقف جنبه.
موضوع حرق الكنايس الادلة هتبين اقصد بده اخر واقعة لان مش معنى ان اطفيح حصل فيها كدة يبقى امبابة نفس الشيء لان التحريات لسة جارية وخلينا نشوف هتوصل لايه ولازم تعرف اني كمسلم أقسم بالله لما شفت الكنيسة بتتحرق بكيت, اكيد مش هتصدقني بس انا مش مغصوب اني احلفلك اولاً وثانيا لاني عارف ان الشحناء اللي بينا اللي اتولدت غيرت نظرتنا لبعضنا لكن المهم اننا كلنا مصريين.
موضوع الكنائس والواحد المعروف فالاشارة بتقول ان المسئول عن التحريض وسط المحرضين عادل لبيب وتاجر وولاده, واللي حرقوا كل الشهادات بتقول انهم ناس مجهولين ولو دورت على فيديوهات عالنت هتلاقي مسيحين بيقولوا اللي خرجونا من جوة وتقريبا راعي الكنيسة بالتحديد بيقول اللي خرجنا ناس ملتحيين.

موضوع الكنيسة مش المفروض مقفولة من 3 سنين واكتر؟ هل اتاخدت موافقة المجلس العسكري لفتحها ؟
احنا يا جماعة عايزين نفكر في الامور ببعد مصلحة مصر كل شيء ليه وقته ماينفعش نخرج من دوامة ندخل لدوامة, لو كانت موافقة المجلس العسكري اتاخدت ماكنش اعتقلوا شباب من الطرفين بس الواضح انها محصلتش ده تفسيره انكم قولتوا لازم كل حاجة بالقانون ده لان فيه ناس كانت رايحة الكنيسة وداخلها تطلع البنت بتاعة امبابة الكل ادانهم فدلوقتي هل ده مش اعتداء على القانون؟ وهو محاولة فتح الكنيسة؟

المسلمين اللي اقصدهم من ده كله زهقوا واتخنقوا نفسهم البلد تهدأ, والله يا باشا مصر كلها خير والحق دايما بيغلب دي مش شعارات ده ايمان.

ياباشا انت ليه بتجمع او بتحاول تجمع؟ انت عمرك شفت حد من 20 سنة لو هعمل هرجع معاك ل20 سنة ورا حد ولع في كنيسة؟ هاتلي حادثة واحدة بس من 20 سنة؟

انت ما تجيش تقولي او تستشهدلي بأطفيح دي واقعة بين اتنين, ولو موضوع امبابة متورط فيه مسلمين فبالله ازاي مسلمين دينهم امرهم بالأمان والسلام وهيعملوا كدة؟ فهل دول هيبقوا مسلمين؟ ده لو هما فعلا اللي عملوها ناس ملتزمة مش ناس متطرفة وتطرفة شامل مسيحي ومسلم, وما تجيش تقولي كنيسة ولعت ووو انت مش واخد بالك اننا في تبعات اسقاط نظام زي الطاغوت زي الشيطان ليه مليون ديل؟

المفروووووووض .. برافو عليك ما انت حضرتك كويس وبتقول اهو ... والسؤال هنا هو المفروض دا مش بيحصل ليه ؟؟ لما الجيش والحكومة والبوليس دلوقتى بيقفوا يتفرجوا على المطاوى والسكاكين والسنج والناس بتلعب بيهم البخت فى وش بعض ما بيعملوش حاجة ليه وتحس كدا انهم بقوا موجودين دلوقتى لتشجيع اللعبة الحلوة وعلشان يطلعوا فى التصوير مش اكتر ، وان كنت حضرتك بتتكلم عن الحكومة اللى فاتت ما احنا ما قولناش ان الحكومة اللى فاتت دى كانوا ملايكة بس على الأقل كان كل فترة سنة مثلاً اما تحصل حاجة انما دلوقتى حضرتك بقى كل يوم ويمكن فى اليوم مرتين كدا زى كورس الدوا ياكنيسة بتتحرق يا بنت بتتخطف وتانى يوم تتأسلم يا مش عارف سلفيين دخلوا على مسيحيين فى بيوتهم سرقوها وحرقوها بالجاز دا يومياً كدا لدرجة ان دلوقتى بقى اليوم اللى يعدى وما نسمعش فيه خبر من دول احس ان المسلمين عيانين وصحتهم بعافية شوية وبنقلق عليهم والله.

ياباشا هو كام حريق حصل لكنيسة غير ثلاثة؟

ايوة ثلاثة زي الف لا دين ولا قيم بتحث على حاجة زي دي , فالبديهي نفهم حاجة واحدة انها مؤامرة ومحاولة للوقيعة بين المسيحين والمسلمين.

المجلس العسكري طالع تاريخه مش ملاحق ياباشا, مش هقولك هيعمل ايه ولا ايه بس الامور عمرها ما هتتحل في يوم وليلة, انت ناسي كام بلطجي كانوا بيقفوا ورا **** الحزب الوطني؟

تخيل نفسك في شركة عايش احسن عيشة بعربية ووو, وواحد ضعيف كان السبب في رفدك لانك انسان مش كويس, ماتقوليش مش هيبقى عندك غرض انتقامي وانك ملاك!

ده نفس تفكير ال**** الله ينتقم منهم, اضافة ل**** برا زي اسرائيل وامريكا وحتى ايران..

مش هقولك ان مافيش شحن بين المسيحيين والمسلمين بس اشمعنى ما بانش اوي الا دلوقتي؟

موضوع كل يوم بنت بتتخطف ياريت سيادتك تقولي بالأدلة علشان اعرف الحق فين!!

موضوع السلفيين الناس دي مش متطرفة ولا بلطجية, وهل عمرك ماشفت واحد ملتحي لحية طويلة وطلع حرامي؟
يعني عايز اقولك مش كل اللي بلحى وجلابية تبع الجماعة السلفية اللي بقى اسمهم كدة مع ان المسلمين كلهم سلفيين

وسورى يعنى اسمحلى حضرتك انت بتقول لو كان تطرف فى النفوس كان بان ايام الثورة !! انا بختلف معاك كلياً فى الجملة دى ، ساعة الثورة كان فيه هدف واحد لكل الناس حتى للأرهابيين والسلفيين نفسهم اللى دلوقتى بيحرقوا فى البلد ساعتها كان التركيز كله على الايقاع بالنظام والحكومة لأفساح الطريق لهم للتوغل بكل شكل ولون فى البلد واثبات حضورهم وتواجدهم والخروج من الكهف اللى كانوا ملمومين فيه زى الفئران فى ظل وجود قانون ، صحيح هو كان قانون عاجز بس اهو اسمة موجود بشكل او بأخر ، غير دلوقتى بقى مابقاش فيه حاجة اسمها قانون اصلاً واللى عاوز حاجة دلوقتى بيروح ياخدها بدراعة زى الغابة لدرجة ان البوليس دلوقتى هو اللى بقى بيخاف من الناس مش العكس .، ولتحقيق الهدف بقى فى انهم يخرجوا من الجحور استخدموا الوسيلة اللى بتبرر الغاية بتاعتهم واللى هى التلاحم والتداخل بين الناس فى فترة الثورة لتحقيق الهدف الأسمى وهو الايقاع بالحكومة والنظام ..

ياباشا كل انسان يعرف ربنا كان همه يشيل اوسخ نظام وسوري في اللفظ جه في تاريخ مصر, عايزك تشيل كلمة سلفيين من وراء ارهابيين لان السلفيين مش ارهابيين , ودول على كلمة سلف هتعرف معناها وكل واحد مش بيطبق سنة رسول الله صلى الله عليه وسلم يبقى مش سلفي
وكل من هو غير سلفي فهو غير متدين, لان السلفية معناها باختصار تطبيق نهج رسول الله صلى الله عليه وسلم.

ومعلش قولي كدة السلفيين اللي تقصدوهم ولعوا في البلد ازاي؟

موضوع خوف البوليس شامم فيه تواطؤ ليس اكثر ولا اقل, الضابط اللي يخاف فيقعد جنب مراته ويربي العيال معاها, لانه اقسم على حماية الوطن.

يعنى من الأخر كل شباب الثورة كان هدفهم تحقيق هدف نبيل وجميل والأرهابيين والسلفيين بقى قالوا نلحم مع الناس دى ونوحد الهدف ونركز دلوقتى فى الايقاع بالحكومة وبعدها بقى وبعد ما دا يحصل نبقى نطلع نلعب براحتنا بقى من غير ما حد يطبق على نفسنا بمعنى انه (توحدت الاهداف واختلفت الغايات)

تاني هقولك ما تعملش زي الاعلام العلماني اللي عايز البلد فيها حرية زي اوربا اللي فيها بوي فريند وجيرل فرند شامم الريحة القذرة دي في الاعلام علشان كدة بيشوهوا صورة الاسلام في صورة السلفيين.

وياريت حضرتك توضحلي ايه اللي عملوه السلفيين ونناقشه بمنطق وعقلانية.

يااستاذ h والله حضرتك دمك خفيف بجد مش بهزر احكام ايه اللى هتكون رادعة فى احداث امبابة ؟ طب انا اهو وحضرتك اهو وماحدش فينا هيسافر لكوكب تانى قريب والايام بيننا .. هما دلوقتى شغالين بيقبضوا على الناس وشوية كدا وهيخرجوهم لتضارب الاقاويل واختلاف القصص بين اذا كانوا داخلين بهدف حرق الكنيسة ام بهدف البحث عن اسلحة موجودة داخل الكنيسة واستخراج الفتيات المحتجزات فى سجن الكنيسة فى الخنادق اللى تحت الارض .. يااستاذى العزيز لا تنسى انه ( لا يؤخذ المسلم بدم الكافر ) ودا كان النظام المعمول بيه حتى فى ظل وجود قانون ايام قبل الثورة حضرتك بقى عاوز تقنعنى دلوقتى ان فى ظل عـــــدم وجود قانون نهائى الأن ولا شرطة ولا حكومة هيبقى فيه احكام ورادعة كمان ، والنبى انت قلبك ابيض وزى العسل.

ده من ذوقك ياباشا, والله بص ياباشا انا ببص لواقعة امبابة كمصري وافهم دي كويس لان الحق مالوش علاقة بالدين ولا يمكن أن نناصر الجاني ولو مسلم.

وبجد انت اللي قلبك زي العسل, شوف ياباشا كام جريمة قتل لاشخاص وبالتحديد لفتايات أسلمن.


اكيد هتقولي ازاي ده حصل فين, المشكلة ان مافيش شفافية بصراحة ووضوح وكان سببه النظام الحقير صدقني والله شوفوا انتوا بتقولو ايه وحاسين بظلم ازاي؟؟

المسلمين كانوا حاسين بنفس الظلم يعني بيبصوا على انهم مضطهدين.. ممكن تضحك بس ده اللي كان حاصل النظام اللي فات كرهنا في بعض

وولد في قلوبنا شحناء بس ان شاء الله كل حاجة هترجع زي الاول واحسن لما القانون يتطبق وباذن الله يكون بدايته الحقيقية في احكام للمتهمين في واقعة امبابة.

وبعدين الحماية الدولية لا تعنى تدخل عسكرى فى البلاد وإنما الحمايه الدوليه عبارة عن وجود لجنة تقصى حقائق دائمة بمصر.تقوم هذه اللجنه بمراقبة الاوضاع فى مصر .وفى حالة وقوع حدث مثل احداث امبابه مثلا.تقوم اللجنة بمطالبة المسئولين بعقاب المتورطين بهذا الحدث .فاذا لم تفوم الحكومه بذلك تلجا اللجنة للقضاء الدولى ضد المسئولين اللذين لم يتخذوا اجراء تجاة المتورطين.ويتم محاكمة المسئولين بمحاكمات دولية سريعة.ففى حالة احداث امبابة مثلا وزير الداخلية وطنطاوى . فالذى يقول لا للحماية الدولية يحمى مسئولين مجرمين ولا يحمى الدولة لان الحماية الدولية فى مصر ليس كما يصور الاعلام بانها عملية عسكرية غربية (هل تعلم حضرتك ان من ال190 شخص الذين قبض عليهم فى احداث امبابة من بينهم 120 مسيحى اخذوا من بيوتهم وهم لم يفعلوا شيئا ) هل لوا كانت فى مصر الان حماية دوليه كان ممكن يظلم 120 شخص برئ هل كانوا يخطفون كل يوم بنت او زوجه او ام مسيحية هل كانو يستطيعون حرق الكنائس والدوس على مقدساتنا بارجلهم هل يعقل انهم يقتلوا ويغتصبوا ويحرقوا وفى الاخر يقبض علينا؟ هل نجاملهم على حساب ارواحنا ؟ طب مش مهم ارواحنا ...على حساب شرف بناتنا وهدم كنايسنا ؟...

واحب اعرف حضرتك حاجة مهمة جداً وهى ان الحماية الدولية موجودة بالفعل بين المغرب والجزائر وموجودة بين لبنان وأسرائيل وداخل لبنان وموجودة بيننا وبين أسرائيل على الحدود وموجودة فى السودان وموجودة فى البوسنة والهرسك
الحماية الدولية الآن موجودة فى ليبيا ومن طالب بها كانوا أولهم الدول العربية بزعامة عمر موسى
الحماية الدولية موجودة فى كثير من بلدان العالم فهل كل بلدان العالم خائنة وكفرة ؟...

موجودة بين مش جوا, موجودة بين بلدين مختلفين مش جوا بلد واحدة بين اطياف شعبين, لان مصر عمرها ما هتبقى شعبين..

وعمرو موسى واللي حاصل في ليبيا علشان فيه شبه حرب بين الثوار وانصار ال*** القذافي, شتان بين حادثتين وبين حرب او علاقات دبلوماسية الفرق كبير ياباشا جداً




إقتباس:

حضرتك بس احب اصحح لك معلومة .. الحماية الدولية دى لا تساوى امريكا ، ياريت بس حضرتك تقرا اكتر عن قانون الحماية الدولية علشان تعرف ان الحماية الدولية هى كل دول الغرب وكل دول اوربا مجتمعة على قانون معين لحماية الحقوق وموقعين على اتفاقية بالإلتزام بأحكام هذه اللجنة بعد صدورها بناءاً على موقف او حدث معين ينتهك ويخترق حقوق مجموعات معينة من الأفراد داخل مجتمعاتهم ... الناس للأسف مش فاهمين يعنى ايه حماية دولية وفاكرين انها معناها ان امريكا البعبع هيلموا بعضهم ويحشدوا الجيوش وييجوا يخيموا عندنا ...

والله عارف ياباشا ان الحماية الدولية مش امريكا, بس انت ناسي ان امريكا المسيطر الاول على كل المجريات السياسية في العالم؟ امريكا المتحكم شبه الاول في كل حاجة, وامريكا مين قال انها بعبع اقسم بالله امريكا من وجهة نظري عاملة زي نظام مبارك ضخم ويخوف بس هو هش فاضي, وكنت بقول لاصحابي النهاردة امريكا دخلت الحرب العالمية الثانية وفيتنام وافغانستان والعراق ولا حرب كسبته امريكا في كل دول, حتى اليابان فضربتها لانها اجبن ما يمكن, امريكا = اسرائيل ناس بتخاف على عمرها لابعد الحدود والجبن بيجري في دمهم, وباذن الله خير ياباشا.

ياعم حرام عليك .. حقوق الإنسان فين من فلسطين ؟؟ اومال هو مين اللى بيبعت قوافل العلاج والطعام والغذاء للفلسطينيين ؟ انت فاكر ان العرب بس هما اللى مهتمين بقضية فلسطين ؟؟

حقوق الانسان بتقدر تجيب حقوق؟ اخرها تصريحات وبس لا بتقدر تفرض على اسرائيل عقوبة او احزانون لان المتحكم في كل المنظمات دي من وجهة نظري امريكا والموساد.. اغطية او اقنعة للتعايش.

بص يااستاذ h رغم انى ليا وجهة نظر تانية فى موضوع فلسطين دا لأنهم ناس خونة اصلاً بيخونوا حتى بعضهم وانا لن انسى انهم ضربوا فى الجيش المصرى على الحدود واستشهد فيها جندى مصرى زى الورد ولن انسى لما طلعوا قالوا ان مصر دولة عميلة لإسرائيل وخاينين بعد ايام من اغلاق المعبر لأن دا سد عليهم سكة تهريب المخدرات والسلاح الى ومن وبين مصر وفلسطين ، ولن انسى زميل فلسطينى كان معانا فى الجامعة وبيتكلم عن العلاقات الجيدة جداً ما بين الفلسطينيين واليهود داخل البلد وانهم بيشتغلوا وبيتاجروا مع بعض عادى وبيتجوزوا كمان من بعض عادى ولا فى دماغهم قضية ولا بتاع واحنا بس اللى سايبين حالنا ومحتالنا ومشاكلنا اللى ممكن تدمر البلد وبنعمل مظاهرات قدام سفارة اسرائيل من اجل قضية فلسطين فى حين ان الأثرياء الفلسطينيين اللى عايشين فى امريكا واوربا عايشين فى البطاطا وبايعين القضية من زماااان بس سيبك من دا كله افتكر بس اهم حاجة هى ان الحماية الدولية لا = امريكا وياريت نفصل بين امريكا وبين موضوع الحماية الدولية دا علشان ما نقولش لأ كدا على الفاضى وخلاص واحنا مش فاهمين حاجة..

ياباشا الجندي اللي اضرب على الحدود سيادتك ما عرفتش ان الرصاصة طلعت جت من وراء الجندي؟ ماعرفتش ان اللي ضربه احنا؟؟؟

هتقولي ازاي ومستحيل, هقولك حكومتنا مادستش على 900 شهيد؟ ماضربتهمش بالقناصة ما جرحتش 8000؟

القديسين اللي طلع اللي معتقلين وبيتحقق معاهم مالهومش اصلا اتهامات ولا فيه اي تحقيقات يعني ان الداخلية المتورطة الاولى وكانت عايزة تلبسها لحركة الجهاد الاسلامية.

موضوع تهريب سلاح ومخدرات ما اعتقدش ان ده حقيقي لانهم لو عايزين يهربوا حاجة بيهربوها من تحت, لكن بكفاية ان اسرائيل كانت ممشية ال*** مبارك.

صاحبك الفلسطيني لو هو مش حاسس ومش شايل هم بلاده فمش عارف انا هحترمه علشانك بس لانه مايستاهلش يكون عايش اصلا لو هو بيفكر بالمنطق ده.

موضوع المظاهرة فهقولك ياباشا كمسلمين عقيدتنا بتحثنا على حماية المسجد الاقصى واسترداده, وعلى الاقل لو انتم كمسيحيين مافيش عندكم قيمة كبيرة لكنيسة القيامة تخليكم تحاربوا علشانها فاحنا غيركم عندنا اولى القبلتين ومؤمنين اننا لازم هنحرره ولازم هنبيد اليهود.

والحماية الدولية والله فاهمها ياباشا بس صعب تحصل في مصر ومش هنسمحلها تحصل ياباشا, مافيش اي اجنبي هيدخل بلدنا ويدخل في شئوننا كلامي معاك كمصري قبل ما اكون مسلم.

الله يخليك يابرنس واللهى كلمة اخواتنا فى الوطن دى طالعة من بقك زى السكر بس وحياة الغاليين عندك ممكن تعربها كدا وتفنطها وتقولى بأمارة ايه ؟

بأمارة ان المسيحيين المسلمين عاشوا وسطهم من 1400 سنة لغاية دلوقتي ماحصلتش فتنة ولا نبش في قيم بعض او دين بعض, بلاش نسعى نشوف الدنيا سودا وخلاص.

يلا اهى ايام وبنقضيها وهتخلص قريب انشاءالله لأن الرب قريب على الأبواب ... واجمل ايتين بحب دايماً افتكرهم دلوقتى هما :


تصمتون ليتكلم الرب ... والرب يدافع عنكم وانتم صامتون

ربنا يحسن ختامنا جميعاً ونشوف الخير وهنشوفه لازم نثبت وما نديش فرصة للشيطان يدخل قلوبنا وعقولنا, لان البلد دي لو وقعت في فتنة صدقني مش هننزل من بيوتنا اصلاً.

وثق في أن الحقة منتصر فلقد قال رب العالمين في قوله الحكيم:

بسم الله الرحمن الرحيم:

{وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ }إبراهيم42

تفاءل ياباشا وباذن الله الخير جاي بس نتريث.

[أبرهة العصبي]

ما تريح نفسك يا عم الحج وتشوفلك ساندوتش تاكله؟

. . . . . . . . . . . . . . . . . . . . . . . . . . . . . . . . . . . . . .

[H_SRM]

يا أبرهة باشا انت اللي خليك في نفسك وفي سندويتشاتك

[أبرهة العصبي]

المشاركة الأصلية بواسطة h_srm

يا أبرهة باشا انت اللي خليك في نفسك وفي سندويتشاتك

لا يا راجل بجد؟ كبرت وبقيت تعرف ترد اهو ما شاء اللات عليك

ملكش فيها شيخ اتش ويا ريت تطلب من الادمنز يغيرولك الحروف دي عشان محدش يقراها صرم وفي الاخر ترجع تزعل

[H_SRM]

تصدق عندك حق يا أبرهة!!!

الواحد كبر ماشاء الله, موضوع الحروف فاللي عايز يقراها يقراها زي ما هو عايز كل إناء ينضح بما فيه ياباشا...

[Zagal]

موضوع الحمايه الدوليه دى .... انا غير موافق عليه اطلاقا..
1- حل غير عملى - العراق مثالا
2- حل يخلق مشاكل اكثر - يبعد المثقفين المسلمين من الكلام لصالح الحق
3- حل لايساعد على تهدئة النفوس داخليا

[الخواجه]

[b][center]

سلام المسيح لجميع الاخوة

طلب الحماية الدولية ضرره اكثر من منفعته للاقباط

... روحيا ... ان كان لنا ايمان حقيقي بمخلصنا الصالح . و نثق في قدرة و سلطان الاهنا الحي . علينا بكل ثقه

و بساطة للاعتماد عليه كليا . و الايه تقول ملعون كل من يعتمد علي ذراع بشر

... نحن لا نعتمد عليك يا رب و لا نلجئ لحمايتك ولكن نلجئ للحماية الدوليه فهي اضمن لنا و اكثر فاعليه

فهل هذا يخرج عن اناس فعلا تؤمن بهذا بالاله الحق . الحي . ضابط كل شيئ و القادر علي كل شيئ

... علينا ان نعتمد علي الاهنا اولا ثم علي انفسنا ثانيا . ثم علي من يتعاطف مع قضيتنا و من يتعاطف مع حقوقنا

لذلك انا ارفض و بشدة طلب الحماية الدولية ..

[el chife]

عجبنى إحدى التعليقات للأخوة على الفيس بوك

للذين لايعرفون الحماية الدولية ....
الاجابة هى ان الحمايه الدوليه عبارة عن وجود لجنة تقصى حقائق دائمة بمصر.
تقوم هذه اللجنه بمراقبة الاوضاع فى مصر .وفى حالة وقوع حدث مثل احداث امبابه مثلا.تقوم اللجنة بمطالبة المسئولين بعقاب المتورطين بهذا الحدث .فاذا لم تقوم الحكومه بذلك تلجا اللجنة للقضاء الدولى ضد المسئولين اللذين لم يتخذوا اجراء تجاة المتورطين.ويتم محاكمة المسئولين بمحاكمات دولية سريعة.ففى حالة احداث امبابة مثلا وزير الداخلية وطنطاوى . فالذى يقول لا للحماية الدولية يحمى مسئولين مجرمين ولا يحمى الدولة لان الحماية الدولية فى مصر ليس كما يصور الاعلام بانها عملية عسكرية غربية (الى كل من يقول لا للحماية الدولية هل تعلم ان من ال190 شخص الذين قبض عليهم فى احداث امبابة من بينهم 120 مسيحى اخذوا من بيوتهم وهم لم يفعلوا شيئا )هل لوا كانت فى مصر الان حماية دوليه كان ممكن يظلم 120 شخص برئ هل كانوا يخطفون كل يوم بنت او زوجه او ام مسيحية هل كانو يستطيعون حرق الكنائس والدوس على مقدساتنا بارجلهم هل يعقل انهم يقتلوا ويغتصبوا ويحرقوا وفى الاخر يقبض علينا؟ هل نجاملهم على حساب ارواحنا ؟ طب مش مهم ارواحنا ...على حساب شرف بناتنا ؟...على حساب كنايسنا؟....أستيقظوا كفاية سلبية

[el chife]

أطالب بحماية دولية

بقلم مجدي نجيب وهبة

** نعم أطالب بحماية دولية حينما يعلن السيد اللواء حسن الروينى (قائد المنطقة المركزية العسكرية) ، في إتصال هاتفي مع الإعلامي عمرو أديب ومصطفى شردي مساء يوم الثلاثاء 10/5/2011 في برنامجهم "القاهرة اليوم" .. أن كل الشعب المصري وكل المسلمين سلفيين !!! .. وقد رفض اتهامهم في أحداث إمبابة الأخيرة ، بل وأكد أن الهجوم على الكنائس في منطقة إمبابة حدث من مجموعة بلطجية .. كما أكد اللواء حسن الروينى أن "عبير" قد خطفها أهلها وأخفوها في أحد المنازل القريبة من الكنيسة وقد استنجدت بزوجها .. رغم تأكيد "عبير" التي هربت من منزلها وتعرفت على المدعو ياسين وقد تزوجها عرفيا ثم تركها للبحث عن عمل وأكدت كذلك أنها هي التي اتصلت بأهلها لإنقاذها من الموت جوعا .. وبعيدا عن تصديقها أو تكذيبها فهي سيدة منحرفة وساقطة هربت من زوجها وتركت أطفالها والعرف في الصعيد هو ذبحها للدفاع عن شرفهم ومسح عارهم ، أما أن نجعل من ساقطة بطلة وتحرق الكنائس وتنهب الأموال ويقتل ويصاب العديد من المواطنين وتشتعل منطقة إمبابة بأكملها .. فلا تعد هذه الجرائم إلا وسيلة للسفالة والانحطاط والتعدي على الأقباط والكنائس وفرض البلطجة عليهم .. نعم أطالب بحماية دولية حينما يعلن السيد اللواء (حسن الروينى) أنه لن يحاكم سلفى واحد على جرائمهم ، بل ويحذر من اندلاع أحداث أخرى ..
** نعم أطالب بالحماية الدولية حينما بتأمر الإعلام المصري بالكذب والتضليل وإرغامنا على تصديقه ليخرج العنوان الرئيسي لجريدة الأخبار المتحولة بخبر رئيسي في الصفحة الأولى ليؤكد أن "مرتكبي أحداث إمبابة هم فلول النظام السابق وبعض الملثمين .. في الوقت الذي يصر فيه الجميع على إلصاق كل الجرائم المرتبطة بالإخوان والسلفيين إلى فلول الحزب الوطني وفلول النظام السابق" ..
** نعم أطالب بالحماية الدولية عندما أجد فضيلة الإمام شيخ الأزهر الدكتور أحمد الطيب وهو يهدد بتقديم استقالته فورا لو حكم على سلفى واحد أو تمت ملاحقته أمنيا في تظاهرات قنا .. رغم الجرائم البشعة والشعارات البذيئة التي رفعوها لإهانة المسيحيين ووصفها بالكفر وتخريب طرق السكك الحديدية وتعطيل المصالح الهامة للمواطن وغلق الطريق البرى أكثر من 13 يوما ، والسبب هو رفض تعيين "محافظ قبطي" لمحافظة قنا .. ولم تستطع الدولة أن تفرض القانون وكلمتها بل ضاعت هيبتها بل وهدد شيخ الأزهر بالاستقالة تضامنا مع "سلفيي قنا" ، أما الملايين والخسائر التي تسببوا فيها هؤلاء الغوغاء فليست لها أدنى مشكلة أو مسئولية أو محاسبة ..
** نعم أطالب بالحماية الدولية حينما يخرج الإعلام والحكومة المؤقتة بالدفاع عن السلفيين وفرضهم على المجتمع بالعنف والإكراه ..
** نعم أطالب بالحماية الدولية حينما يتم القبض على الأبرياء من الأقباط في أي أحداث طائفية رغم أنهم هم المعتدى عليهم وبالطبع هو نفس سيناريو النظام السابق للمساومة بهم مع الجناة والقبول بالصلح العرفي وتنازل المجني عليهم عن بلاغاتهم ..
** نعم أطالب بالحماية الدولية حينما يتحول أحد دعاة الفتنة الطائفية والتطرف الديني المدعو "الشيخ محمد حسان" ليصبح هو حلال المشاكل والعقد وينعدم القانون ويتحول الشارع المصري إلى مجموعة من السفلة والإرهابيين والبلطجية دون ردع أو محاسبة .
** نعم أطالب بالحماية الدولية حينما تظل تهدر كرامة الأقباط ويهددون من قبل قلة منحرفة وتخطف الفتيات وتهتك أعراضهم ويجبروا على إشهار إسلامهم وسط "زفة إسلامية" للإعلان عن تحقيق انتصاراتهم الفتوحية ..
** إنها أحداث مؤسفة ومتواصلة لا تتوقف والأقباط صامتون وصابرون ولم يفكر أحد في أن يستقوى بالخارج .. بل أنني أعتبر نفسي أكثر الأقلام لتوجيه الإتهامات إلى أمريكا وبعض الأنظمة الغربية ورغم ذلك تطاول الجميع بالاتهامات بالخيانة والتأمر ضد الوطن .. ونتساءل أي وطن هذا الذي تتحدثون عنه ، هل الوطن الذي سرقه الإخوان والسلفيين وخرجوا من الجحور والكهوف ليروعوا المواطنين بإرهابهم ..
** لقد تحول إرهابى الأمس وأعداء الوطن إلى نجوم وأبطال .. تحولوا أرباب السجون والمعتقلات إلى زعماء وحكماء يقررون مصير وطن بأكمله .. فقد تحول المجتمع بأكمله إلى الإخوان والسلفيين ، لم يعد يشغل فضيلة الإمام شيخ الأزهر إلا اجتماعه بالشيخ محمد حسان الذي صرح أن المنهج السلفى الحقيقي برئ من الأحداث المؤسفة وأن المنهج السلفى يرفض تماما الاعتداء على الكنائس ودور عبادة غير المسلمين وأنه لا يجوز لأي شخص أن يأخذ حقه بيده لأننا في دولة مؤسسات ومن أراد البحث عن حقه والمطالبة به فعليه اللجوء إلى القانون والطرق المشروعة .. بل وتناسى الشيخ محمد حسان ما فعله السلفيين في "أطفيح" وما فعله السلفيين في "قنا" وما فعله السلفيين في "إمبابة" وما فعله السلفيين مع المواطن ديمتري وقطع أذنه وتطبيق الحدود .. ورغم كل هذه الجرائم التي أسقطت هيبة الدولة إلا أن الشيخ محمد حسان يحذر من إسقاط هيبة الدولة قائلا "لا يجوز مطلقا أن تسقط هيبة الدولة وإلا فانتظروا الانهيار الكبير" ..
** تناسى كل هؤلاء أفكار ومبادئ السلفيين التي لا تختلف كثيرا عن أفكار ومبادئ الإخوان المسلمين وكلها مبادئ تؤدى إلى تفكك المجتمع وصراعه ، فهم يقولون عن المرأة أنها "أحيولة الشيطان" ، وكأنها أدنى من الرجل فلا يجوز لها الدعوة في الفضائيات ولا في الإنترنت ولا بد من إخفائها وراء النقاب ، فهي عورة وهى فتنة بصوتها وصورتها .. ويحرمون نزول المرأة للعمل حتى لا تختلط بالرجال فتقع في الإثم والمعصية !!! .. الإسراف فى محاربة ما يرونه بدعا وضلال ومن ثم هدم الأضرحة وتحطيم المنابر وقد قيل أنهم هدموا ما يقرب من 60 ضريحا خارج القاهرة .. وقد شن الشيخ السلفى وجدي غنيم هجوما ساحقا على وزارة الأوقاف والأزهر بدعوى تقربهما إلى الأقباط ، وقد حرض غنيم المصلين على عدم مصافحة المسيحيين أو إلقاء السلام عليهم والاكتفاء بالرد ودعا إلى عدم السماح للمسيحي بالسير أمام المسلم وإزالة الصلبان من فوق الكنائس ، وهم من كانوا وراء تدمير الآثار النادرة لبوذا ، كما إنهم يرفضون تحية العلم في المدارس .. ويمكنك عزيزي القارئ أن تقيس على ذلك هوس أسلمة كل شئ .. كما يحرمون الفنون والمسرح والسينما والرسم والنحت ..
** هل لا يعلم شيخ الأزهر د. "أحمد الطيب" مبادئ وأفكار السلفيين وأفكار "إبن تميمة" و"إبن الباز" .. هل لا يعلم سيادة اللواء حسن الروينى عن بعض أفكار السلفيين حتى يعلن أن مصر كلها سلفيين .. هل لا يعلم المجلس الأعلى للقوات المسلحة أفكارهم ومبادئهم حتى يلجئوا إليهم لحل كل المشاكل الطائفية التي تطفح على الشارع المصري .
** لقد توغل الفكر السلفى في الشارع المصري بعد أن كان يقتصر على فتاوى الشيخ عمر عبد الرحمن .. هذا الضرير الذي أستطاع أن يقود تنظيما دمويا بالفكر وأدى إلى اغتيال رئيس الدولة ، فالمسافة بين "السلفيين" وبين "السلفيين – الجهاد" هي تلك الشرطة (-) ، أي أنه ببساطة يمكن للسلفى أن يصبح جهاديا في لحظة ..
** في منطقة مصطفى كامل بالإسكندرية يدير "ياسر برهامى" إمام مسجد (الفتح) وهو زعيم وقائد المدرسة السلفية بالإسكندرية الذي أفتى عن طبيعة الأفكار التي يروجها هو ومن معه وفقا لما جاء على موقع "صوت السلف" وموقع "أنا السلفى" ، فقد أفتى بأنه لا يجوز العمل في "هيئة البريد المصرية" وأفتى بجرمانية التأمين وأفتى بأنه لا يجوز أن تقبض موظفة مكافأة نهاية الخدمة من عملها في بنك إلا بقدر يكفيها ، وأفتى بأنه لا يجوز رفع شعار (الهلال مع الصليب) ، كما أفتى بعدم وجود شئ أسمه (صلاة مشتركة) أو (لنصلى معا) .. يعتنقون الكذب والمراوغة والتضليل وهو ما يعرف فقهيا بمبدأ "التقية" أي إظهار ما لا يبطنون .. رغم أن بعضهم قد أدان جريمة كنيسة القديسين بالإسكندرية إلا أنها تندرج تحت بند (الكذب لمصلحة الدعوة) .. ففي 12 سبتمبر 2010 دعي برهامى من جميع المسلمين مقاطعة جميع المصالح المسيحية التي على حد زعم البيان تستقوي بها الكنيسة ووصف البيان الكنيسة بالغطرسة وتحدى الدولة .. وكلمة المقاطعة لم يسبق استخدامها في مصر من قبل إلا تجاه البضائع الإسرائيلية والمنتجات اليهودية .. وفى منتصف أكتوبر 2010 وصف "برهامى" بيانا لما يعرف بجبهة علماء الأزهر يطالب بمقاطعة المسيحيين وقد وصفه برهامى بأنه بيان ممتاز وقوى لجبهة علماء الأزهر باعتباره بيان (المقاطعة الاجتماعية) ، وهو ما أعتبره برهامى واجبة مع ال***** رغم أنه لا يجوز إلا مع المحاربين ورغم قول برهامى أنه لا تجوز إلا مع كل كافر ..
** في بيان "فتاوى حول ال*****" في موقع (صوت السلف) الذي يحرره "ياسر برهامى" .. أفتى بوجوب عدم حضور حفلات عقد قران الأقباط .. ويجوز تعزيتهم ولكن لا يجوز السير في جنائزهم إذ يرفع فيها الصليب وأجاز أن يدعو المسلم للنصراني بشرط أن تكون الدعوة بالهدايا وأن تكون سرا لا جهرا .. وأفتى بأن محاربة التنصير أولى من بناء مسجد وأن من يقول لمسيحي سيادتك وحضرتك إنما يرتكب إثما لأنه يقول ذلك لمنافق ونهى عن تهنئة المسيحيين بالأعياد لأن فيها تعظيم شرك بالله .. ما يعنى أن كل من يحضرون عيد القيامة في البطريركية يرتكبون إثما واعتبار المسيحيين موصوفين بالكفر في رأى السلفية ..
** في 22 سبتمبر 2010 كتب مقالا بعنوان "الكنيسة استفزاز بلا حدود .. وفوق الاحتمال" ، مهاجما الأنبا بيشوى وواصفا الآباء الكهنة بالمجرمين ويستعدون بالسلاح والتدريب خلف أسوار الأديرة المحاطة بالأسوار الخرسانية المسلحة وذات الاكتفاء لعلمنا يقينا عدم المساواة .. وهذا المعنى تضمن تحريضا سافرا على الأقباط وقد ردد ما قاله د. سليم العوا المعروف بانتمائه للإخوان المسلمين وهو ما يكشف الترابط الوثيق بين الخطابين السلفى والإخوانى ..
** لم يختلف فكر "برهامى" عن الإخوان المسلمين فقد كان إخوانيا ألقى القبض عليه 1965 كما أن عمه إخوانى ولم يكن هناك جماعة السلفيين والتي أطلق عليها فيما بعد بـ "جماعة الدعوة السلفية" وقد أدى اعتناق "برهامى" السلفية نتيجة ذهابه إلى رحلات عمرة وحج مطولة قام بها في السبعينات حيث تقرب من بن باز والشيخ العثمين ، كما انطلقت الجماعة السلفية بقطاع غزة ومنهم جماعة "سيوف الحق" و"جلجلة" التي تتبع تنظيم القاعدة وجماعة "جيش الإسلام" و"جيش الله" و"التكفير" و"عرين الأسد" و"قصف الرعد" و"جيش الأمة" ، ومعظم هذه الجماعات انشقت عن حزب حماس والجهاد ...
** فهل بعد كل ما كتبنا يخرج علينا سيادة اللواء حسن الروينى يقول (حافظوا على ما تبقى من مصر) في الوقت الذي يقول فيه مصر كلها سلفيين .. ونتساءل ما الذي تبقى من مصر ياسيادة اللواء !!! .. نعم نتفق معكم في إدارة الأزمات بشئ من التعقل ولكننا نذكركم أن هؤلاء المتطرفين والإرهابيين ليس لهم أي عقل أو فكر ... هذا بجانب مجلس تضليل الحقائق "حقوق الإنسان سابقا" وإصرار (حافظ أبو سعده) وقد أصدر بيانا عن لجنة "تضليل الحقائق" وأسمها (تقصى الحقائق سابقا) .. فكالعادة أرجع هذه الجرائم إلى فلول النظام وفلول الحزب الوطني وهى اللبانة التي أطلقها في فمه في كل تصريحاته وكأنه لم ينسى أنه تعرض للسجن بسبب بعض أفكاره من الحزب الحاكم السابق .. وفى كل مرة يكون المبرر هو إجهاض الثورة .. رغم علمه بأنه لا توجد ثورة ولكن انقلاب (عسكري سلمى) وهو ما صرحت به جريدة الأهرام الجمعة 6 مايو 2011 ولكن يبدو أن البعض مازال بتقمص دور المفتش مبروم على مبروم ، بل أن الشماعة الأخرى هي غياب الأمن .. علما بأن الأمن يحاول أن يتواجد ولكن هناك أيادي خفية يدفع بها للشارع المصري للإحتكاك ببعض القيادات الأمنية لإحداث إحباط لهم ، وهو سيناريو متعمد لإحلال مكانهم جماعات الأمر بالمعروف والنهى عن المنكر .. كما هناك تعرض مستمر وهجوم على بعض أقسام الشرطة وتهريب المساجين لنشر حالة من الفوضى يصاحبها حالة من عدم الثقة بجهاز الأمن .. إنها خطط شيطانية يعجز إبليس عن تنفيذها .. كما أن هناك ضحايا من الشرطة الكثيرين لا يركز الإعلام عليهم بتاتا بل يركزون كل يوم على ضحايا جدد ، لا نعرف بأي طريقة لقوا حتفهم ، وأستطيع أن أقول إنها ثورة الفوضى التي بدأت تتشابك خيوطها مع أحداث 28 يناير 2011 ، وإذا كنتم تناسيتم يمكن إعادة سيناريو الأحداث بالثانية والدقيقة والساعة حتى لا تنطلق الذئاب المذعورة لتنهش فى الأعراض ..
** نعم بعد كل ذلك أطالب بالحماية الدولية ولكن ليس من أوباما هذا الأسود القذر الباحث عن خراب الشعوب وليس من الإدارة الأمريكية المضللة والكاذبة والمخادعة التي مهدت لكذب هذا الحانوتي وهو يتفاخر بموت "بن لادن" وينسج حوله الأساطير والقصص المفبركة ليس إلا بهدف إشعال الصراعات من جديد في المنطقة وباكستان وأفغانستان وليس لديه مانع أن يكرر سيناريو 2001 ويقوم بتفجير بناية أسوة بالمركز التجاري العالمي ولا يهم عدد الضحايا وتلصق هذه الجرائم بأعوان بن لادن .. هذه التحذيرات أرسلها للشعب الأمريكي المخدوع في هذا الأفاق .. ولكنى أطلب حماية من الدول المحبة للسلام .. الدول التي تحمى ولا تخرب .. تحافظ ولا تدمر .. تعاقب ولا تسامح ..
** أخيرا أشكر من صميم قلبي المواطنة الرائعة هويدا عبد الله سويلم فقد اعتلت منصة ماسبيرو وهتفت "تحيا مصر" .. "تحيا مصر" .. "تحيا مصر" .. نعم إنها مصرية رائعة .. مصرية ارتوت من نهر النيل ، فقد ألهبت مشاعرنا وجعلتنا نبكى مع وطنيتها العظيمة ..
** الآن نقول أن مصر تكون أو لا تكون .. كيف يسمح النائب العام بقبول طلب من 46 محاميا لم يذكروا هويتهم يطالبون فيه المستشار أيمن عبد المجيد والبلاغ مقدم ضد قداسة البابا والقمص عبد المسيح بسيط ورئيس الوزراء بإلزام البابا بفتح الكنائس والأديرة الخاضعة لإشرافه للتفتيش وللوقوف على حقيقة وجود أسلحة بها وأماكن احتجاز غير قانونية لمواطنين والذي يحمل رقم 7453 لسنة 2011 .. كما يتهم البلاغ القمص عبد المسيح بسيط بتحريض الأقباط على ترك مصر والهجرة تحت شعار الاضطهاد .. سعيا للإستقواء بالخارج الذي يمثل تحريضا ضد مصر .. نقول لهؤلاء المحامين الـ 46 أن البلاغ يجب أن يتم فيه القبض عليكم بتهمة التخريف والاعتداء على الكنائس والأديرة .. فما أنتم وشيوخ السلفيين الذين يضطهدون الأقباط وهذا موجود في كتبكم وجوامعكم وإذا لم يتم القبض على هؤلاء المحرضين فعليه العوض ومنه العوض في مصر فقد خربت بالثلث .. ونطلب الحماية الدولية .

http://www.copts.com/arabic/article....88&i=431&w=128

[أبرهة العصبي]

هو انا كنت مجمع كذا حاجة الصيف اللي فات عن دور الغرب في حماية المسيحيين في الشرق عموما بس للاسف نسيت كل حاجة فيما عدا موضوع الصلبان


ممكن اسألك سؤال لو معارض؟

تعرف الصلبان فوق الكنايس اللي في مصر ابتدت سنة كام تتحط؟ وابتدت تتحط بعد ايه؟