اضطهاد أم إحتياج

[abigail]

احبائي :
كلنا بنفكر ونقول ان مصر فيها اضطهاد للمسحيين وفيه حاجات كتير مهضوم حقهم فيها لكن أنا نفسي نقف عن الحماس الثوري ونفكر إيه الهدف من وراء كل ده ؟؟؟ مش يمكن الله عايز يصحي الكنيسة اللي نامت عشان تسهر وتصلي ؟؟ مش يمكن هو لقي الناس مش مشغوله بيه لكن بذاتها وهمومها فسمح بالصعاب عشان الكنيسة (جسد المسيح ) تصحي ؟؟؟ ليه مفكرناش اننا يمكن نكون محتاجين توبه ؟؟ وليه متكنش كل الحاجات دي انذارات من الله لينا ؟؟ وليه متكنش دي سياسة الله عشان يصنع رجاله حقيقيين ليه (الالم ) زي ما عمل مع يوسف وابراهيم وغيرهم كتير ؟؟؟ وليه متكنش دي نهاية الايام وعصر الاستشهاد هيرجع من تاني ؟؟ ياتري يا كنيسه مستعده ولا لا
ايه رأيكم في كلامي
ياريت تشاركوني برأيكم

[mir_a]

المشاركة الأصلية بواسطة abigail

احبائي :
كلنا بنفكر ونقول ان مصر فيها اضتهاد للمسحين وفيه حاجات كتير مهضوم حقهم فيها لكن أنا نفسي نقف عن الحماس الثوري ونفكر إيه الهدف من وراء كل ده ؟؟؟ مش يمكن الله عايز يصحي الكنيسة اللي نامت عشان تسهر وتصلي ؟؟ مش يمكن هو لقي الناس مش مشغوله بيه لكن بذاتها وهمومها فسمح بالصعاب عشان الكنيسة (جسد المسيح ) تصحي ؟؟؟ ليه مفكرناش اننا يمكن نكون محتاجين توبه ؟؟ وليه متكنش كل الحاجات دي انذارات من الله لينا ؟؟ وليه متكنش دي سياسة الله عشان يصنع رجاله حقيقيين ليه (الالم ) زي ما عمل مع يوسف وابراهيم وغيرهم كتير ؟؟؟ وليه متكنش دي نهاية الايام وعصر الاستشهاد هيرجع من تاني ؟؟ ياتري يا كنيسه مستعده ولا لا
ايه رأيكم في كلامي
ياريت تشاركوني برأيكم

كلامك مظبوط وفعلا احنا في نهاية الايام , بس هل معني كدا ان احنا نسكت ومنتكلمش ونطالب بحقوقنا , وعلي فكرة ان كنا احنا بنتكلم وبس ومش قادرين نعمل حاجة فدا في حد ذاتة مفيد للناس اللي للاسف بتتعامل ببساطة مع الاخر ( المسلم بهبل ) لدرجة ان اخوتنا بينضروا ( خصوصا البنات ) فأنا شايف من وجه نظري ان الكلام علي الاقل بيوعي الناس وبيعرفهم نوعية الشخص اللي احنا بندخلة في كل حياتنا منغير ما ناخد بالنا انه غير امين

واهلا بيك ... ولك السلام

[abigail]

انت كمان عندك حق لازم نتتكلم لكن لازم كمان يكون فيه وعي لمشيئة الله وعايزة اقولك لو كل المسيحيين عايشين حياة حقيقية للمسيح عمر ما حد هيقدر يضحك عليهم ولا يخدعهم لكن للأسف الأغلبيه عايش زي ما الكتاب المقدس بيقول (هذا الشعب يكرمني بشفتيه ولكن قلبه مبتعد عني ) فكر معايا لو فعلا فيه توبه حقيقية وفيه تغيير حقيقي في حياة الناس مش هيكون فيه مجال للعنف لكن بصراحه أنا شايفه إننا جزء من المشكله !!! أنت متعرفش قصة غاندي وازاي عمل اللي كان نفسه فيه هو وشعبه ايه رأيك احنا محتاجين قائد يدافع ولا قائد ينادي بالتوبه زي ما عمل يونان ونسيب الله يدافع ؟؟؟؟؟؟؟؟ فكر وقولي رأيك

المشكلة كلها تنحصر في وجود القائد او القدوة اللى ممكن الجميع يمشي وراها ولما قولنا سلطة دينية وان البابا هو الزعيم الكل رفض دة بحجة انه زعيم دينى وليس سياسي

انا خريجة ولم احصل على وظيفة بسبب الاضطهاد لانى مسيحية

انا مسيحية وخريجة من سنتين ولى حق الاولوية فى التعيين كابناء عاملين ولكن لم استطيع لانى مسيحية فاين الحرية طبعا لا توجد السلطة والحكم والوظائف لهم فقط فاين حقوق المسيحيين دا غير المشاكل اللى بيتكلموا عنها الموظفين المسيحيين التى تقابلهم فى الوظائف وهذا غير ما نسمعه ونراه فى الشارع من تريقة واسماء قبيحة. احنا بنمشى خايفين معرضين لاى شىء لا يوجد اطمئنان لا تقدر البنت ان تتاخر عن البيت. البلد ملك لهم . حرام احنا نطالب بزيادة الهجرة وانا تكون للمسيحيين فقط لماذا تعطوهم الفرصة للخروج انتم عاوزينهم بعد كل الارهاب دا ليه. ونتمنى لو تفتح البلاد الاخرى الهجرة لمساعدتنا . ارجوكم كم من الشباب قاعد بدون اى شىء ولماذا لما نلجأ للسفارة للسفر بالخارج ترفض اليس احنا مسيحيين ولم توجد خطورة منافين المساعدة نحن نطالب بالتدخل حتى نستقل نطالب بالبعد عنهم او ان تاخذونا نطالب النجدة والتدخل

[الذهبيالفم]

اختي العزيزة هذا هو الضيق الذي تكلم عنه رب المجد ، " في العالم سيكون لكم ضيق ولكن ثقوا انا قد غلبت العالم " وسيكون ليكي غلبة باسم ابن الله ، ولكن اقول لكي امرين بهما سوف تملكي الدنيا كلها ، امسكي في مسيحك اولاً ثانياً ابذلي كل ما في وسعك وسوف تجد رب المجد يعمل علي خيرنا و اكثر مما نطلب .

[uran mohsen]

اعلم يا اختى انك تعانين و لكن اننا لا يسعنا الا ان نصب اللعنات على السلطة و الامن الذى دمر كل الروابط بين المسلمين و المسيحيين و انا كمسلم اتضامن معكى و لكن هذا ليس كافيا و يجب ان نبحث عن حلول عملية وشكرا

[هاني بطرس]

معلش فنحن يعتبرنا العرب كفرة ممنوعين من دخول البلاد العربية فلقد كنت فى ليبيا وتم صفعى على وجهى لاننى مسيحى كافرومنعت من دخولى اسبانيا لاننى عربى ونحن بالنسبة للغرب الترمومتر وبالونة الاختبارالتىعندها يشعر الغرب بالخطر عندما سيستعمل العرب المتطرفين المسيحين مجالا للتنفيس عن غضبهم من الغرب المادى العلمانى ولايوجد على قولى افضل مما حدث فى العراق ف طارق عزيز لايوجد بديل لة فى وجود القوات الدولية والمسيحين فى عهد صدام اخذو حقوق وكان لايجرؤ احد علىالتحدث مع المسيحين بغير لاباقة فنحن بالنسبة للغرب ليس سوى كائن حى ربما يجد جمعية للرفق تضمن جراحة ولكم اللة فقط ايها المسيحين العرب فانتم كبش الفداءالقرن العشرين

[اميل فيكتور فايز]

فى مصر الموضوع دة عادى انا لسة سايب شغلى بسب الموضوع دة........خدو من كدة كتير ربنا معانا دى مبقتش بلدنا.....يارب ارحمنا

[حازم1234]

المحسوبية فى كل بلاد العالم هى مرض فيروسى ينتشر بالرياح زى انفلونزا الطيور تنتقل عن طريق الطيور المهاجرة يعنى بالريح والهواء المحسوبية وبالمصرى الكوسة منتشرة فى الدول المسحية والاسلامية ليس لها علاقة بالديانات هل امريكا واسرائيل وفرنسا ليس بها فساد المحسوبية بها الدين ماعلاقتة بهذارجال السياسة ليس لهم علاقة بالدين عملهم سياسى ليس دينى زى مافى اخت مسحية لاتجد عمل هناك ايضا الاف بل ملايين مثلها مسلمين بنفس قصتها اذا لانعلق ولايجب ان نضع هذا على ذاك سؤالى لللاخت هل لا توجد نفس قصتك مع مسلمات تعرفينهم جيدا وجيرانك بالحى----------------------------------

[الذهبيالفم]

هذا الموضوع نفتحه لكي يكون سجل ، نُدون فيه كل حادثة اضطهاد حتي ولو كانت شخصية ، كل حادثة بالدلائل و الوثائق .
كل من لديه أي حادثة اضطهاد عامة كانت ام خاصة عليه ان يُدونها هنا لكي يكون هذا السجل ، كتاباً كاملاً نضعه أمام العالم كله ، لكي يروا اضطهاد الأقباط في مصر .
ولعل العالم يقف معنا في محنتنا ، فليس لنا سلاح ابيض ولا ناري ، ولا حتي انتفاضة حجرية ، بل نطلب من الله أن يتدخل سريعاً ، ولنا ثقة عظيمة فيه .


ولنبدأ بهذه الحادثة وهي اضطهاد ديني صرف ، موثق بالدليل وهو موضوع هدم أسوار دير الأنبا أنطونيوس في الفجر ، نُقدمه للعالم كله ، وللإخوتنا المسلمين الذين ينُكرون وجود اضطهاد ديني في مصر .

http://www.MegaShare.com/212044

[honeyweill]

المنتدي كله عباره عن الموضوع ده

ولكنها فكره جميله

[الذهبيالفم]

ياريت نجمع هنا كل حادثة اضطهاد نكتبها ونرصدها بالدليل و البرهان .

[الذهبيالفم]

انظروا كيف يُصفق أعضاء مجلس الشعب تحت قبة البرلمان ، عندما الغي السادات قرار تعين البابا شنودة بطرك للأسكندرية .
لأخوتنا المسلمين الذين يدعون أن الأقباط غير مضطهدين دينياً في مصر .

http://www.MegaShare.com/214178