لا يا قداسة البابا ارجوك لا تفعل هذا واترك ما لقيصر لقيصر

[Jene]

استاذ مينا كلنا عارفين ان قداسة البابا بيصلي طبعا قبل ماياخد اي قرار يعنى القرار بيبقي قرقار سماوى
اما عن القصة اللي كتبتها فاحد الاباء قالها ف وعظة انا سمعتها

[menaa2005]

المشاركة الأصلية بواسطة jene

استاذ مينا كلنا عارفين ان قداسة البابا بيصلي طبعا قبل ماياخد اي قرار يعنى القرار بيبقي قرقار سماوى
اما عن القصة اللي كتبتها فاحد الاباء قالها ف وعظة انا سمعتها

انا كمان بأصلى قبل ما بأخد قراراتى فهل كل قرار بأتخذه بيكون قرار سماوى ؟
مش فيه احتمال ولو بسيط ان السماء لا تستجيب للصلاة ؟
هل لو اعترضت على القرارات السماوية اكون بأعترض على السماء ( ربنا ) ؟
اكيد القرارات الإلهية اللى بتسميها سماوية هى قرارات معصومة من الخطأ .. ولا ايه رأيك ؟
تسمعى عن الحاكم بأمر الله وايه فكرته ؟

[Jene]

ماتنساش ان ربنا هو اللي اختار البابا شنودة لرعاية شعبة ع الارض مش معقول مايسمعوش ف صبلاتة ولا يسيبة لوحدة ولا اية رايك

[Jene]

وياريت تقولي ماذا تقصد بقصة الحاكم بامر اللة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[انا الخاطئ]

طوبى لكم اذا عيروكم و طردوكم و قالوا عليكم كل كلمة شريرة من أجلى كاذبين . أفرحوا و تهللوا لان أجركم عظيم فى السماوات فإنهم هكذا طردوا الانبياء الذين قبلكم
( مت 5 : 11 - 12 )

انا مسيحى عايش فى مصر و سمعت عن احداث الكشح و شفت احداث الاسكندرية و بمر كل يوم ببعض المواقف اللى فيها تعرض لدينى كمسيحى بس صدقونى دى صلبان جميلة اوى . تخيلوا معاى كده لما نموت و نقابل يسوع الفادى المخلص و نقول له احنا اهنا على اسمك يا فرحنا و يا هنانا بجد الكونجرس مش هو اللى هايجب حقنا لانه مكتوب ( يدافع عنكم و انتم صامتون )

[menaa2005]

المشاركة الأصلية بواسطة jene

ماتنساش ان ربنا هو اللي اختار البابا شنودة لرعاية شعبة ع الارض مش معقول مايسمعوش ف صبلاتة ولا يسيبة لوحدة ولا اية رايك

مين قال ان ربنا هو اللى بيختار البابا ؟
الكنيسة المتمثلة فى جماعة المؤمنين هى المسئولة عن إختيار البابا بالروح القدس الذى يقودها فإختيار البابا ليس اختيار شخصى من المسيح لفرد معين ولكنه اختيارى جماعى مننا ككنيسة واعضاء لجسد المسيح لشخص معين ليصير خادم التعاليم المسيحية .

اما ان كنتى حضرتك تقصدى القرعة الهيكلية فالتاريخ بيقول ان القرعة الهيكلية هى عادة ادخلت على الكنيسة القبطية فى القرن الحادى العشر واخترعها انسان غير مسيحى ورفضها الأقباط فى ذلك الوقت .

نرجع لموضوع تأييد الروح القدس للبابا
البابا كفرد لا يصح ان نأخذ كل ارائه وقراراته على انها من الروح القدس فليس لدينا البابا الملهم والموحى إليه فى الإرثوذكسية ولكن الروح القدس يؤيد الكنيسة ككل بعيدا عن الفردية والأراء الشخصية لأعضاء جسد المسيح الذى ينتمى إليهم البابا .
فالبابا يا عزيزتى انسان له ارائه الشخصية والعاطفية التى لا يصح ان نأخذها اعتباطا ولا ان ننسبها للروح القدس .
سلطان البطريرك ليس سلطان فردى ولكنه سلطان جماعى للكنيسة وليس له ان يسحق حرية الفرد المسيحى .
ليس على البطريرك ان يفرض على المؤمنين مايراه انه الحق بل ان يجعل المؤمن ينمو فى الروح ليختبر المؤمن الحق بنفسه
ان رئاسة البطريرك لها حدود يجب عليه ان يلتزم حدودها ولكن كيف لأى اسقف ان يلتزم بحدود مهامه ولا يتعديها والشعب نفسه لا يعرف حدود الأسقف والرئاسة الروحيه .
إن مهمة الأسقف والبطريرك هى مهمة روحية لا يصح ان تتحول لسلطة مدنية وقومية ومن وجهة نظرى إذا فعلوا هذا فهم يحيدون عن الحق الإلهى وعن إنجيل المسيح .

يتبع