|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
#1
24-12-2008
|
||||
|
||||
|
ذكرياتي مع بابا نويل
كل واحد يحكي انا ابتدي لان اللعب كانت علي ايامناالحصاله الصفيح والمسدس الشريط المهم كان يوم العيد ده اقعد استني فيه من الكريسماس الغربي لحد 7 يناير وكانت والدتي ربنا يرحمها من الصباح اشم روائح حتي الان لازالت في انفي ايام الاعياد الكفته المحمره والكبيبه وورق العنب والفته واللحمه المسلوقه والمحمره ويوم العيد بقي الظفر مع بواقي عشوه العيد مع سلطانيه بسله باللحمه تحفه والارز اللي بالشعريه ياسلام ياسلام كنت اخد العيديه وجري علي بتاع البمب كان هناك البمب الحلو الازرق والبني وحلاوه بقي معاكسه البنات بالمب وياسلام لما كنت اسمعهم يصرخوا اصلي كنت غاوي شقاوه ومن البلكونه وآنشن عليهن ولما كانت تغري استعمل النبله عشان المسافات الطويله وكان عندنا بنت الجيران مره اخدت المسدس الحلو السيلفر الحديد وكنت بآحبه موت وكسرته لي وعليه قعدت لحد عيد القيامه وانا حزين بس البت كانت حلوه مقدرتش اخاصمها اكتر من يومين كنت استني الشمس بس تشقشق عشان اشوف بابا نويل حط ايه في جزمه العيد ماآحلاها ايام دلوقتي والدي ووالدتي واخويا الكبير متوفيين ولي اخ واحد بمصر لكن ماآحلاها لمه ليله العيد والعيد..وياسلام كمان بالليل زيارات الاقارب او لما كبرت شويه بقت تمشيه وسط البلد مع السينما والرجوع للبيت بعد منتصف الليل يالا ايام.
__________________
مسيحي من الارض المصريه القبطيه المحتله الي الابد قويه يامصر بالمسيح 
|
|
#2
24-12-2008
|
|||
|
|||
|
مشاركة: ذكرياتي مع بابا نويل
ذكريات كلها جميلة ماعدا حكاية ورء العنب بصراحة والحمد لله انه عندنا في البيت موصللناش الموضوع دة
انا احلى كريسماس بالنسبالي لما الدنيا تبقى غرقانة شتا وصواريخ الناس متفرقعش p: ومحدش عارف يخرج وكله قاعد في البيت.. اه سوداوي D: اصل الكريسماس من غير شتا ميبقاش شتا
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
مواضيع مشابهة
|
||||
| الموضوع | كاتب الموضوع | المنتدى | الردود | آخر مشاركة |
| ماذا نستفيده من القديس بابا نويل ؟ | iwcab | المنتدى العام | 1 | 28-12-2006 08:03 AM |
النمط الخطي
