[pharon d'egypte]

المشاركة الأصلية بواسطة mena_hot

انتا شوقتنا خالص للموضوع ياريت تكلمه بجد اوعي تنسي

هاكمله بس اولا الكلام ده مش كلامى انا ده كلام قريته فى كتب فرنسية يعنى الكلام ده ممكن يكون صح وممكن يكون غلط

وهى ان هتلر يهودى الاصل وان المحرقة اللى عملها لليهود كانت لليهود اللى مش بيور بمعنى احد الوالدين غير يهودى وهو بجريمته ده كان بيحافظ على نقاء اليهود وده يفسر وجود ضحايا لهتلر من اليهود فى انحاء العالم وحتى مصر وان كانت الطريقة مختلفة

طبعا الف واحد هايقول انه مش حصل اى حاجة لليهود فى مصر وانا كنت واحد من الناس دول وكنت مستغرب جدا طبعا بس لو روحت لمتحف المحرقة اللى فى واشنطن هاتلاقى قايمة بعدد الضحايا من اليهود فى كل بلاد الدنيا وهاتلاقى منهم مصر وتونس والمغرب

وعلى فكرة انا لاقيت ناس كتير متفقة فى الراى ده على ان هتلر كان يهودى ورغم انها غريبة شوية لكن رايهم الى حد ما صح خصوصا وان التبريرات التانية اللى اتقالت فى الموضوع ده غير كافية زى الحقد على اليهود والاحساس بانهم بيتحكموا فى الاقتصاد الالمانى وكلام من النوع ده

بالنسبة لعدد اليهود اللى راحوا فى المحرقة بالطبع مافيش مخلوق فى الدنيا يقدر يثبت او ينفى انهم 6 مليون يعنى انت حر تصدق العدد فانت صح مش هاتصدق العدد فانت برده صح وان كان اليهود نجحوا فى ايجاد وثائق تتدعم كلامهم ولكن فى الاخر محدش يقدر يكون متاكد من الرقم ده

وبالمناسبة فى نفس المتحف ده فى شبه لعبة الى حد ما مرعبة وهى عند دخولك المتحف بيدولك ورقة مكتوب عليها اسم والمفروض انك تتخيل نفسك الشخص صاحب الاسم ده وانت وحظك

هاتموت محروق رميا بالرصاص اسرتك هاتتشرد انت وحظك مع اللى حصل لصاحب الاسم ده

ودى حاجة تجنن وهى ازاى اليهود جابو اسامى الضحايا ومعرفة كيفية موت كل واحد وللسبب ده بقولك انك حر فى تصديق العدد لكن الاحداث مافيش مخلوق يقدر ينكرها

وبالمناسبة احداث المحارق دى لو اتكتب عنها فى الدول العربية انا واثق ان العرب هايتعاطفو الى حد ما مع اليهود وهايقولو يا عينى ويا حرام

عشان كدة كلنا بندرس فى مصر ونتخرج من جامعات من غير ما نعرف اى حاجة من الحاجات دى