إقتباس:
|
المشاركة الأصلية بواسطة sammy
إسمحلى أنا مش معاك, إسمع نجيب سرور بيقول إيه:
ابويا مات مصرى ثاير .. بس عاش فيَّه
ابويا عايش .. أبويا تاره لسَّـه مامتش
ابويا كافح وكان عنده الكفاح غيَّه
واللى ابوه زى ابويا يبقى ما اتيتمش
انا ابويا جدع .. قصدى ابويا كان
وعاش غريب فى الوطن .. ياقسوة الغربة
وترابنا من عهد خوفو بيحضن الجدعان
مبروك عليك التراب يا نازل التربه ! "
يابنى انا جعت واتعريت وشوفت الويل
وشربت أيامى كاس ورا كاس طرشت المر
يابنى بحق التراب وبحق حق النيل
لو جعت زيى ولو شنقوك ما تلعن مصر
اكره واكره واكره بس حب النيل
وحب مصر اللى فيها مبدأ الدنيا
دى مصر يا شهدى فى الجغرافيا ما لها مثيل
وفى التاريخ عمرها ما كانت التانيه
إياك تقول م العذاب " هذا جناه ابى "
ما كنت اقولها وكان أوْلى " أبويا جناه "
أبويا مجنى عليه زيى .. وياما غبي
قال ع القتيل انه قاتل .. آه يا شهدى آه
آه يابنى يا ورده لسـه منوره ع الغصن
إوعى الخيانه يا كبدى إوعى م الاندال
الفن اصبح خيانه والخيانه فن
شوف الشوارع وقوللى فيها كام تمثال
أنا عارف إنك بتشتم فى مصر والمصريين من غلبك, لكن كمان من حبك, وصدقنى أنا حاسس بيك.
وعجبى...
|
عزيزي سامي
ردك عجبني جدا ،بس عندي ليك سؤال.
اقتباسك كان خارج سياق النص.لأن الدكتور نجيب سرور من بداية الاميات و هوا بيلعن في ابو البلد.فلماذا اخترت تلك المقاطع المبتورة من أمياته الخالدة....؟؟؟؟؟
__________________
كل من يشرب من هذا الماء يعطش ايضا (يوحنا 4 : 13)
|