[Gregory]

أخى المبارك zzaghlul

قداسة البابا ليس من حقه ان يصدر قرارا يحد حرية حركتي وسفري لاي مكان
قداسة البابا ليس من حقه التدخل في السياسة الخارجية لدولة مصر . . .

قداسة البابا كشخص بشرى ليس له الحق فى أى شئ
لكن قداسة البابا أستخدم سلطانه ككاهن
+ الحق أقول لكم كل ما تربطونه على الأرض يكون مربوطا في السماء و كل ما تحلونه على الأرض يكون محلولا في السماء (متى 18 : 18)

قداسة البابا يعلم ان اغلب الشغب القبطي ليس غبي وذهابنا للقدس ليس للتبرك او خلافه

عن نفسى أنا معرفش أى سبب آخر لزيارة القدس سوى أخذ البركة من الأراضى المقدسة التى تباركت بلمسها رب المجد

واذا كان حتي لكدة ما احنا عاملين نستبارك بزيوت بتحر من صور ونتعبد ونصلي امام صور
وندشن الصور الحمد لله احنا مش زي الكاثوليك الوحشين اللي عندهم تماثيل

البابا قال ضمن عظته " اللى بحاول أجيبها " ... اللى عايز ياخد بركة ياخدها بطريقة مباركة ...
يعنى مثلا لو عجبتنى صورة للعدرا فى بيت جارى
ينفع مثلا أسرقها و أقول ... أصلى عايز أخد بركة ... ؟ ؟ ؟
بنفس المنطق ...
البابا مقالش أن القدس مبقتش بركة خلاص
لكن البابا قال لازم نأجل زيارة القدس عشان الكنيسة , و اللى يخالف ده ... لا حل و لا بركة ...
فبقى اللى بيزور القدس عشان البركة بيخالف قوانين الكنيسة يعنى بيحاول ياخد بركة بطريقة غير مباركة فبياخد لعنة مش بركة

و ملحوظة آخى zzaghlul على كلامك
أحنا بنتعبد و بنصلى أمام الصور . . . مش للصور . . . يعنى مفيش مشكلة
و التدشين نوع من التكريس للأيقونة لتوضع فى الكنيسة بيت الله
و التدشين بزيت الميرون اللى أصله يرجع لرب المجد نفسه يعنى لما بندشن صورة كأننا زرنا القدس تمام

تبعية البابا بدون تفكير غباء وليس من المسيحية واذا قلت ان ربنا حا حاسبه تبقي غلطان

أنا لما قلت أن ربنا هيحاسب البابا لو غلطان فأنا مقصدتش أننى بأتبع البابا بغباء
اللى حصل أنى بدل ما أقعد أناقش مع أصحابى قرار البابا بخصوص القدس و أقعد أقول البابا صح و لا غلط
أنا رحت جبت كلام البابا نفسه فى عظة ليه بخصوص القدس عشان أشوف وجهة نظره
و عرفت قد ايه القرار ده مهم للكنيسة
و وقتها قررت أنى أسمع كلام البابا " و الكنيسة " بعد ما حكمت بعقلى و قلبى
رغم أن أجدادنا الأقباط زمان كانوا بيسمعوا كلام الكنيسة علطول ... أمال يعنى ايه طاعة ؟

القديس يوحنا القصير أطاع مرشده الروحى اللى قال له يزرع عصاية جافة فى الصحرا
و راح زرعها فعلا و طلعت لنا شجرة الطاعة
الطاعة " فى المفهوم الرهبانى " يعنى تطيع من غير نقاش أو سؤال عن السبب

و عموما البابا مطلبش مننا طاعة عمياء
البابا قال أحنا مش هنروح القدس
فيه ناس رفضت و راحت القدس ... فراح البابا ألقى عظات للناس عشان يعرفوا السبب
و مع هذا فيه ناس راحت القدس و خالفت
فراح البابا أستخدم سلطانه الكهنوتى " لا حل و لا بركة للى يزور القدس مخالفا قوانين الكنيسة "

لو كان القرار ده سياسى كان البابا هيكون غلطان
لكن ده قرار كنسى أساسا . . . و ان كان قد أتفق مع أهداف سياسية
لكنه أولا و أخيرا قرار كنيسة و لصالح الكنيسة