[Bent_el_Neel]

سلام و محبه
و كل سنه و انتو طيبين بمناسبة السنه الجديده...

اولا شكرا ليك يا Honey لأن الموضوع مهم جدا.
الحقيقه انا ما عاصرتش اى حاجه من النوع ده فى الجامعه...ببساطه لأنى سبت مصر قبل ما اخلص الثانويه!! لكن اذكر انه فى الابتدائي صديقه مسلمه فاجأتنى بأنها مش عايزة تبعب معايا او تقعد جنبى لأن "الاقباط (هى قالت ن صارى) نجسين" حسب قول امها!!!
فلو ده حال طفله صغيره بالتأكيد لا تدرك معنى النجاسه (I certainly didn't at the time!!) نتوقع ايه من شباب الجامعه بعد ما قضوا سنين يسمعوا عن كفر و نجاسة "الاقباط و عدم ولاءهم لمصر و و و

بالتأكيد مش كل الشباب المسلم بيفكر كده...و بالتأكيد مش كل الشباب القبطى عايز ياخد جنب و "يكبر دماغه"...لكن ما نقدرش ننكر ان سياسة فصل الاقباط و استبعادهم بل و تجاهلهم مسؤوليه تقع على عاتق المجتمع ككل و مش على الكنيسه فقط.

اكاد اجزم ان القبطى اللى عايش فى بلد اجنبى منكم دار بينه و بين شخص اجنبي حديث مشابه للآتى:

Him: Where are you from

?
Me: I'm from Egypt
Him: wow, Egypt!! that's cool. So you are Muslim?
Me: No I'm a Copt. Coptic Orthodox
Him: Oh!!! you mean ...err...Muslim Orthodox?
Me: umm no! Christian Orthodox. Coptic means Egyptian...you know, like Greek Orthodox...I'm Coptic Orthodox=Egyptian Orthodox
Him: Christian? there are Christians in Egypt?

ده حديث دار بالفعل بينى و بين احد زملائي فى الجامعه.
و اتكرر اكتر من مره خلال مدة اقامتى هنا

هل يوجد طالب مسلم فى مدارس مصر يعرف حاجه عن الحقبه القبطيه فى تاريخ مصر؟
يعرف مين البشموريين؟
يعرف حقبقة الغزو العربي لمصر؟
يعرف مين أثاناسيوس حامى الايمان؟
يعرف ان اللى وضع الأساس لحياة النسك و الرهبنه كان قبطى؟

و حاجات تانيه كتييير اوى يجهلها المصري المسلم...بل و يجهلها كثير من المصريين المسيحيين.

كاتبة المقال بتتكلم عن أعراض المرض....كان من الأفضل لها ان تبحث عن أصل المرض و سببه.