[elmafdy]

اخى لونلى وولف

موضوع رائع و هام جدا كعهدى بك دائما .
و اليك رأيى الشخصى فى موضوعك هذا , بالطبع انا افضل ديكتاتوريه لا تسمح بصعود اخوان الخراب لكرسى الحكم , عن ديمقراطيه تضعهم على كرسى الحكم , لأنهم بمجرد جلوسهم ستختفى الديمقراطيه و تختفى حقوقنا - او بمعنى اصح البقيه القليله الباقيه من حقوقنا - و نتحول الى ذميين عليهم دفع الجزيه و نصبح فى ايران او افغانستان جديده .
بالعكس , انا مازلت اعترض على موقف الاقباط الذين يعترضون دائما و يهاجمون دائما مبارك وسياسة مبارك , فأنا دائما اقول ان نار مبارك و لا جنة الاخوان , الاقباط اللى عمالين يهاجموا الدوله و سياستها و يطلبوا ديمقراطيه اكتر و حقوق اكتر , بيساهموا - من غير ما يقصدوا طبعا - فى اضعاف موقف الحاكم و رجاله , و بالتالى فى صلاحية و قوه اكتر لاخوان الخراب .

و انا كان ليا رأى قلته قبل كده و بأقوله تانى دلوقتى , أن الوقت الحالى فرصه للأقباط , لازم الاقباط يعلنوا و يظهروا ولائهم للنظام الحاكم و يقنعوه اننا كارت مهم جدا ممكن يكون فيه مصلحه كبيره للحاكم , سواء فى الانتخابات أو كرأى عام جوه مصر , أو كرأى عام بره مصر , و اعتقد أننا ها نكون كارت مؤثر جدا للنظام الحاكم فى حربه ضد الاخوان , و طبعا ولائنا ده ها يكون فى مقابل أننا نأخد حقوقنا او على الاقل الجزء الاكبر من حقوقنا , بناء كنائس , حريه اكتر , حقوق اكتر.
الموضوع بس محتاج مفاوضين سياسيين محنكين , نحسس النظام الحاكم دايما أننا معاه و كارت مفيد ليه مش شوكه فى ضهره , يعنى ما يبقاش بالاعتراض او التشهير بيهم , لكن يبقى بالمسانده و المساعده اللى فيها نديه و مصالح و احترام متبادلين .

و للحديث بقيه

المفدى