[kittyy]

ياسلااااام . ايه اللى بيحصل دا ؟ ايه اللى انا شايفة دا ؟

لأ فرحانة بيكوا . لأ بجد فرحانة . ماتمسكوا طبلة وطار وتمشوا فى الشوارع تقولوا الكنيسة هيا السبب فى كل حاجة . الكنيسة مافيهاش روح . الكنيسة مافيهاش خدمة . الكنيسة هيا السبب فى غلاء اللحمة والزيت والكافيار .

ياجدعان ارحموا الكنيسة شوية . "زى ما أكون شايفة عيل ماسك سكينة لأبوة وبيقولوا هموتك علشان انت السبب ان جالى صداع انهردة الصبح"..

مالى أرى رؤوساً قد أينعت وحان قطعها ..

ما اللى عاوز يبشر يبشر يااخوانا حد حايشكم. ولا هيا العملية بق وخلاص . ؟ روحوا اتفضلوا اديكم عارفين طريق السكة منين.. كل خمسة ستة يعملوا لنفسهم جمعية ويسموها المبشرين المسيحيين المجاهدين . ولا حد هيعترض وابقوا فرجونا شطارتكم ..

عاوز تبشر يااخى روح بشر براحتك ماحدش بيمنعك ولا الكنيسة نفسها بتمنعك .

عارف ليه ؟ لأن الكنيسة مع احترامى للكل اذكى بكثير مما يظن شعبها "الطفل الصغير"

التبشير يااخى مش معناه انك تقف فى ميدان رمسيس انجيل فى ايد وصليب فى الإيد التانية وتقول هيييييييييييه المسيح حى.المسيح جاى.
لأ يااخوتى .

السيد المسيح عندما قال : "اذهبوا وتلمذوا جميع الأمم وعمدوهم باسم الاب والأبن والروح القدس و علموهم ان يحفظوا جميع ما اوصيتكم به و ها انا معكم كل الايام الى انقضاء الدهر" هو ايضاً من قال :
"ها انا ارسلكم كغنم في وسط ذئاب فكونوا حكماء كالحيات و بسطاء كالحمام" ماذا كان يعنى من كونوا حكماء كالحيات ؟؟؟"

نحن يااعزائى نستطيع ان نُبشر بالمسيح وبكلمته عندما نبدأ بأنفسنا أولاً "ليضيء نوركم قدام الناس، لكي يروا أعمالكم الحسنة و يمجدوا أباكم الذي في السماوات".
نحن نُقدم المسيح والمسيحية للناس ليس بالصياح والصراخ العمال على بطال . لأ . التبشير بالمسيح ينفع يكون فى صور كتير مختلفة عن الطريقة المباشرة اللى بتتكلموا عنها دلوقتى وبتطالبوا الكنيسة انها تعطى تصريح بالتبشير العلنى المباشر .
التبشير ممكن يكون من خلال الخدمة والأعمال الحسنة . من خلال نعمة المسيح اللى نقدر نقدمها للناس . فإذا كان انسان يحب المسيح فليحب اخيه ايضاً . واذا تخيلت نفسك وانت تعطى فقيراً "سواء مسلم او مسيحى" وهو يطلب منك الإحسان فى الشارع صورة السيد المسيح وكأنه هو الذى يطلب منك الحسنة ستتعلم ان تُعطى الكل بلا حدود.

"اذهبوا عني يا ملاعين الى النار الابدية المعدة لابليس وملائكته لاني جعت فلم تطعموني عطشت فلم تسقوني* كنت غريبا فلم تاووني عريانا فلم تكسوني مريضا ومحبوسا فلم تزوروني* حينئذ يجيبونه هم ايضا قائلين يا رب متى رايناك جائعا او عطشانا او غريبا او عريانا او مريضا او محبوسا و لم نخدمك* فيجيبهم قائلا الحق اقول لكم بما انكم لم تفعلوه باحد هؤلاء الاصاغر فبي لم تفعلوا"

المسيح علمنا ان نكون كملائكته على الأرض . وفى نفس الوقت بحكمة وليس بسذاجة .
بشروا كما تريدون . ولكن بشروا بحكمة . بشروا العالم بالمسيح من خلال محبتكم التى تقدمونها لهم ، من خلال حكمة الفم واللسان الذى يتكلم . عرفوا الناس على شخص المسيح من خلال إظهار تعاليمة فيكم .
من أين نعرف ان الدين الأخر هو دين شيطانى ؟ أليس من تعاليمة الشيطانية وأتباعة الذين عندما يُطبقون تعاليمة ينتشر الخراب والدمار والدم اينما وجدوا ؟؟؟

لينظر كل واحد إلى نفسة أولاً وهل خلص نفسة قبل أن يهتم لخلاص الأخرين . مش ممكن تكون انت شخصياً او انا او هو واحنا مسيحيين كدا احنا اللى محتاجين اللى ييجى يكلمنا عن محبة المسيح ؟. مش فيه كتير مننا مسيحيين بلا مسيح داخلهم ؟ عايشين مسيحيين اسماً كدا وخلاص !..

من الأخر هو الوضع كدا . انتوا فى دول عربية ممنوع التبشير المسيحى فيها . خلاص مش لازم التبشير بتاع شارع رمسيس وخليكوا فى التبشير بتاع الزمالك .
يعنى من الأخر بشروا ولكن بحكمة وبما يتناسب مع الوضع اللى انتوا فيه ... وما تحطوش نفسكم بنفسكم على قضيب القطر وتفتكروا ان دى الحكمة اللى ربنا اوصاكم عليها .

هوا دا بقى المبدأ اللى الكنيسة بتقول عليه لأ وألف لأ كمان . التبشير بغباء مرفوض . والكنيسة كدا بتتصرف بحكمة شديدة جداً لحماية ابناءها من الغبااااااء المُستحكم بتاع بعض الرعية اللى فاكرين ان التبشير عبارة عن فتح صدر وعضلات ...

وماتنسوش ان المسيح عندما اوصى ابناءة بالتبشير اوصاهم بتبشير الكلمة وليس بتبشير العنف .
فقال لهم : "ومن لا يقبلكم ولا يسمع كلامكم فاخرجوا خارجا من ذلك البيت او من تلك المدينة وانفضوا غبار ارجلكم الحق اقول لكم ستكون لارض سدوم وعمورة يوم الدين حالة اكثر احتمالا مما لتلك المدينة"

يعنى مجرد توصلوا لهم الرسالة والكلمة . سمعوا سمعوا . ما سمعوش خلاص يبقى انتم "اللهم بلغت اللهم فاشهد" وسيبوهم وامشوا.
هو دا نوع التبشير اللى السيد المسيح عاوزة منكم . مش التبشير بشكل يستفز ويهيج الشياطين . لأ التبشير العاقل الحكيم . تبشير الكلمة مش تبشير الصوت العالى والصياح .

وكفاية بقى تقطعوا فى فروة الكنيسة . الكنيسة بتحاول تحمى شعبها وبتتعامل بحكمة مع الوضع اللى احنا فيه . فياريت ما تحملوهاش فوق طاقتها وتطلبوا منها تكون ساذجة غير مُتعقلة.

وربنا يبارك أبناءه ويحافظ عليهم من أنفسهم ومن كل سهام الشرير المحيطة بهم.