[net_man]

يمكن ناس كتير تزعل من كلامى ده ... بس فعلا فيه فرق كبير بين تونس ومصر ... وعموما انا شخصيا اومن بان شعوب المنطقة العربية لا ينفع معها سوى هذا الامر وهذه الطريقة ..
ففأران العراق ايام صدام كانت نائمة فى جحورها لا تقوى على الخروج او الظهور اما الان فلا يستطيع احد ان يقف امامها !
البعض مثلا يتعجب من معارضة امريكا والدول الكبرى لامتلاك ايران او مثيلاتها من الدول العربية للسلاح النووى ... وراى الشخصى ان هذا الامر صحيح لان هذه الدول حكوماتها غير مستقرة فيمكن ان تصحو يوما لتجد رأس الدولة فر كما فعل زين العابدين وتصبح تلك الاسلحة لعبة فى يد انقلاب عسكرى او مدنى او غيره او بين يدى شخص معتوه كبعض حكامنا العرب دون ذكر اسماء يوجهها لمن يشاء كمن يلعب بدمية لا يعرف خطورة تأثيرها .
تخيلوا ان ايران اتشمللت واطلقت صاروخا نووى على اسرائيل ( تخيل ) سيعب التراب الننوى الاردن وسوريا ويصل حتى الى مصر ويبقى فترة ليست ببسيطة ..
فهل هذه شعوب او حكومات او بشر تنفع معهم الديمقراطية ؟

لست احب السياسة والحديث بها او عنها واعانى كباقى البشر فى مصر .. ولم اولد وفى فمى ملعقة ذهب بل لحست التراب فى كل مراحل حياتى .. نمت على الاسفلت وشلت خرسانه وعملت فى كل الوظائف .. وعملت فى وظيفتين وثلاثة فى آن واحد الى ان استقر حالى ..
لماذا لا نوجه نظرنا الى العمل بدلا من الاعتماد ان الحكومة هتعمل وتسوى ... صحيح الحكومة مقصرة فى جوانب كتير ومن اهمها سوء التخطيط وخصوصا للمستقبل ولكن ده مش معناه اننا نكسر ونحرق وعسكرى يموت واتنين متظاهرين يموتوا .. كل ده ليه والنهاية معروفة ؟
فهل مع ده ينفع نخرج فى مظاهرات ونعمل يوم غضب يطلع علينا بالغم ؟!!!
علشان كده الديمقراطية ما تنفعش معانا ..
لو اننا ذى الناس المحترمة نتظاهر ونعمل احتجاجات بدون اساءة او تجريح او تكسير وخسارة ارواح وممتلكات ...
بصراحة العيب على اللى دعا للموضوع ده وهو مش لا عامل تنظيم هيكون اذاى ولا حساب ان ممكن ناس تشترك وتقلب الليله على دماغ الناس ..

انا شايف ان الحكومة يجب ان تخطط لاستيعاب الشباب فى وظائف فى مختلف المجالات ولو اننا مش قادرين على المنافسة الصناعية نرجع لاصلنا فلاحين يعنى نزرع ونقلع بدل ما نكسر نبنى ونعمر .. يا ناس دا الصين غزت اعالم لما خططت كويس للصناعة واحنا مش اقل منهم احنا اكتر حاجة عندنا الثروة البشرية لكن مش مستغلينها صح .

ربنا يحافظ على بلدنا ويحافظ على كل ابناء مصر علشان اولادنا يعيشوا فىسلام ورخاء

وتحيا مصر