بسم الله الرحمن الرحيم

انا عايز النهاردة افتح موضوع بخصوص الاستاذ عمرو خالد وموضوع صناع الحياة ..
وعايز اعرف اية رأيكم في الموضوع دة من وجهة نظركم .. لانى رأيت بعض العبارات بالخصوص دة في المنتدي اللى بتصف الاستاذ عمرو خالد بمفتى الكليبات او الفضائيات ... الخ ..

انا مش عايز اتكلم كتير وهسيب لكم حرية الكلام ( المهذب طبعا كما ارجو ) ونتناقش بطريقة محترمة في الانسان اللى بيرفض يتقال علية شيخ واللى عمرة ما اقل شيل سكينة او فجر نفسك او روح موت سياح .. بل كل كلامة على التنمية والتكامل الاجتماعي .. ويمكن بسبب دعوته دي ابعدوة عن مصر عشان خطرة وتاثيرة الفعال على الشباب ....
صحيح حالنا مايل وفي الوقت اللى بنسيب واحدة زي روبي ولا بوسي سمير عندنا .. نبعد واحد زي عمرو خالد . او زي ابوكم زكريا ( تقريبا دة اسمة ) اللى تم ابعادة برضة من مصر على ما اتذكر ... ولاحطوا ان الراجل بيتكلم عن التنمية وازاي نحقق هدفنا .. يمكن الكل يبص للموضوع بتاع صناع الحياة انه للمسلمين بس ... لكن هو اشار اكتر من مرة انه للكل وان غرضة الاساس التقدم .. ومش مشروع زراعة الاسطح لمشروع محو امية الكمبيوتر لمكاتب الاستشارات للاعمال الصغيرة لمشروع تنمية الصحية .... وحاليا مشاريع محاربة التدخين ومشاريع محاربة البطالة .......

يعنى مسمعناش انه عمل دورة لتصنيع القنابل او دورة تعليم المتفجرات او التفخيخ او حتى استعمال البنادق .... كل كلامة في سبيل التنمية والتعميير والنهضة ... واللى هو عملة في سنين بسيطة اوي معملوش لا شيوخ ولا قادة في سنين طويلة .... ياتري موقفكم من كلامة اية وياتري انتم ضد دعوتة في المشاريع دي ولا معاة ولو رافضين سبب الرفض اية ...