العزيز makakola اشكرك في البداية على التفاعل بصورة ايجابية مع الموضوع .. وسحاول جاهدا اجابتك على تساؤولاتك بدون اي اساليب انشائية .....

وهتكلم كمان بالعمية عشان يبقي الحوار سهل ....

عمرو خالد معتقدش ابدا انه بيبص للشهرة تحت اي بند من البنود .. ولا هو محتاجها وكفاية علية شرايطة وحلقاتة والاذاعة والتلفيزون واحاديثة وكل الكلام دة متهيألي كفاية علية اوي اوي ومش محتاج لا صناع حياة ولا غيرة .... يبقي مش موضوع شهرة ..

ثانيا ودة اللي هياكد كلامي . تفتكر لو عمرو خالد رشح نفسة لرئاسة مصر يكسب ولا يخسر .ز هتقولي الترشيح له شروط دستورية وبرلمانية وكلام من دة .. بقولك الشعب هو اللى بيحط الكلام دة .. وبيعدلة براحتة زي ما عدلنا قوانيين كييرة لما سموا الحكومة ترزية قوانيين .., مش عايزين نخرج من كلامنا وارجع واقولك لو عمرو خالد رشح نفسة لرئاسة الجمهورية ... تفتكر يقدر يبقي رئيس ولا لا ؟؟ ياريت انتظر منك اجابة ....

وعلى ما تجاوبنى اقولك انه رافض تماما اي حاجة تقربة من السلطة حتى عشان السلطة والكرسي والحاجات دي كلها ليها بريق وتقدر تفتن ناس كتيير اوي .. وهو مش عايز يبقي كدة ...شأنه شأن اي واحد عاقل عايز يكسب مرضاة الله ثم حب الناس

نيجي بقي لكلامك في جزئية انه فشل في استمالة غير المسلمين لدعوتة ... امال تسمي اية نجاحة في عقد وثيقة اتفاق مع الامم المتحدة .. بخصوص محاربة التدخين .. تفتكر الامم المتحدة دول كلهم مسلمين ولما الاذان بيأذن بيقفلوا المقر ويروحوا يصلوا جماعة .؟!!

بلاش دي كمان ... في عددها الصادر بتاريخ 19 أبريل لعام 2005 قامت مجلة النيوزويك باختيار باقة من أبرز الشخصيات المؤثرة في الشباب على مستوى العالم العربي وقد وضعت على رأس قائمة المفكرين والعلماء و الكتاب الأستاذ الداعية عمرو خالد

انا مش بقول كدة على سبيل المدح او غيرة .. لكن بوضح لك نقطة كانت غايبة عنك شوية .. اما بخصوص لما يتكلم هيقول بسم الله الرحمن الرحيم .. ولا بسم الاب والابن ..... الخ

ياتري هي دي المشكلة دلوقت ... لما اجي اشتري عربية اهم حاجة ابص فيها هي المساحات شغالة ولا لا ؟؟؟ ولا ابص للموتور ؟؟ وبعدين موضوع زواج مسلم بمسيحية او مسيحي بمسلمة موضوع محسوم من زمان وهو ملوش دخل بالكلام دة .. هو عمرة ما قال يا مسلم او يا مسيحي او اتكلم عليكم في حاجة او حتى حرض عليكم زي غيرة من اللى انتوا بتقولوا بيحرضوا المسلمين علينا ... الراجل بيقول يا شباب ... اعملوا حاجة ليكم تنفعكم وتنفع بلدكم وتنفع دينكم ... هو ممكن الكلام بتاعة موجه اكتر للمسلمين .. لكن اي اللي يمنع انك تشاركونا المواضيع دي والفايدة تعم على الكل ... ياتري عيب ؟؟
هو مكتوب لنا اننا نفضل طول عمرنا من الولادة لحد الممات نشتم ونسب في بعض ونقف لبعض بالمنظر المقزز دة ؟؟ لية ما نعملش حاجة مفيدة تنفعنا احنا الاتنين .. ولما اعمل مشروع واحتاج خبرتك اطلبك تشتغل معايا ولما تعمل مشروع وتحاج واحد خبرة تاخد جارك المسلم اللي جنبك ويا بخت من نفع واستنفع ... ولا دي كمان عيب ؟؟!!

الراجل بيتكلم عن حاجات اجتماعية بحتة زي البطالة والصحة والزراعة والمشاريع الصغيرة .. يعنى حاجات ملهاش لا ملة ولا دين محدد ... لو اتفذت في الصين هتنجح ولو اتفذت في واق الواق هتنجح ...

إقتباس:

إذا كان هناك العديد من الكنائس التى تدعوا نفس دعوة عمرو خالد بل وسبقته بسنوات كثيره فى هذا المجال ما هو السبب المقنع الذى يجعلنى لا أقبل دعوة هذه الكنائس وأقبل دعوة عمرو خالد؟ لماذا لم تشارك أنت فى هذه الأعمال التى تقوم بها الكنائس وتدعونا لمشاركة عمرو خالد؟ لو وجدت أنت جامع وكنيسه يدعوان لنفس الأعمال الإجتماعية، فبأى منهما ستشارك؟

يا اخي ما تشارك الكنيسة او شارك عمرو خالد .. اية اللي يمنع .. .؟؟ طالما المصلحة في الاخر للكل .. العملية مش ان عمرو خالد مسلم او مسيحي او هندوسي حتى .. العملية في كلامة دة بيتكلم صح وكلامة دة مفيد وفعلا لو عملنا بيه هينفعنا ولا لاء ...

اما بخصوص موضوع الجامع والكنيسة اذا دعوا لنفس الاعمال الاجتماعية ..فساكون صادق معك واقول لك المثل بيقول جحا اولي بلحم تورة.. ودة طبعا لان الاتنين بيهدفوا لنفس الاعمال ....ساكون مشارك بالجامع .. مثلما انت ستكون مشارك بالكنيسة .... ولكن لاحظ ان عمرو خالد لم يبدأ المشروع من مسجد او كنيسة او غيرها ... حتى لا تأخذ الصبغة الدينية البحتة بقدر حصولها على الصبغة الاجتماعية .....

يعنى اقصد حتى لو انك كاره لعمرو خالد لانه مسلم .. لكن مفيش مانع انك تطبق اراؤوة وافكارة ومشروعاتة من وجهة نظرك انت في كنيستك ومع اصدقائك وابائك وبأسلوبك انت طالما فيها خير في الاخر ......يعنى تقدر تعملها برؤيتك انت ... ياريت اسمع ردك يا عزيزي
makakola

ودمتم