إقتباس:
|
المشاركة الأصلية بواسطة hanysamir
الاخ زئبق تقصد مين بالكلام ده؟؟!!
انا دايما باحاول فى كلامى مع اى حد هنا انه يكون راقى و على مستوى الحوار و لكن بعض الاستفزايين يطلقون كلام بيخلى الواحد يقرص ودانهم شوية مش يشتمهم و ملوش دعوة بمسلم او مسيحى. وانا معاك ان فى ناس هنا معروفين بالأسم بيغلطوا عمال على بطال.
الموضوع اللى حطه شيب رامة استفزازى من الاول و الله اعلم قاصدها و لا لأ. لأن مصطفى بكرى محدش من المسيحيين ببيطيق اسمه لأنه كداب و متعصب حتى النخاع هو و الشلة اللى معاه لدرجة انه رفض يخش الكاتدرائية فى جنازة سعيد سنبل (ودى معلومة حقيقية يمكن معظم الناس متعرفهاش هنا) و للأسف كتير من الناس بتصدقه بتتستشهد بكلامه لما يتكلموا معانا و من ضمن الاكاذيب اياها الاسطورة الكبرى بأدعاء استنجاد المتظاهرين بأمريكا ايام وفاء قسطنطين و اتهمنا بالخيانة و دى تهمة قذرة و حقيرة لأنى كنت موجود ايامها بالكاتدرائية و هو اكبر عميل خاين.
وبدل ما يعترف شيب رامة بخطأه لسه بيناور و يغلط فى الناس طب ليه يعمل كده؟؟؟
واذا كان كلامى زعل سعادتك او شيب رامة فانا غلطان و الاعتراف بالحق فضيلة
|
أنا كان كلامى موجّه للكل ياأخ هانى مش لك إنت بالذات
وأنا- للى مايعرفشى -مسلم وماصدّقتش الكلام الفارغ اللى فى المقال ده زىّ ماوضّحت فوق !
وماكنتش أعرف إن مصطفى بكرى عمل كل اللى إنت قلته ده
أهو على الأقل فهمت إنتوا بتكرهوه ليه , وطبعا ليكم حقّ تكرهوه !
لكن الكراهية أو اختلاف الرأى مش سبب أبدا لتدنّى الحوار للغه اللى إنت شايفها معايا فوق دى - وبرضه باتكلّم عن الكلّ مش عليك بالذات -
وكون واحد زى مصطفى بكرى يتصرّف بالحماقة دى علشان يوسّع جماهيريته عند المتعصّبين ده مش معناه إننا كمسلمين وراه وللا مقتنعين بكلامه
دى حاجه مالهاش علاقه بالإسلام أو المسيحية
دى مسألة مصالح دنيوية
والغرض عموما من مداخلتى السابقة كان إننا نهدى شويّة ياجماعه مافيش داعى للزعيق والشتيمة
المقال واضح إنه أى كلام
لو عايزين تاخدوه كبدايه لمناقشة العراق وأمريكا والحرب والاحتلال , ماشى
بس بهدوء شويّه
قلب ماأمشى أحبّ أشكرك على اعتذارك فى آخر كلامك رغم إنى زى ماقلت ماكنتش أقصدك لكن اعتذارك ده معناه إنك شجاع بما يكفى للتراجع عن الخطأ إذا أخطأت
ودى حاجه نادره هنا فى المنتدى :)
باحييك مرّة تانيه .