عيب عليك يا أحمد
انت عايز المستشفى اللي بيتعالج فيها رؤساء ووزراء وشخصيات عالمية يتعالج فيها مصريين؟؟
ده حتى المصريين ينجسوا المستشفى يا راجل
لازم يكون معاك جنسية تانية عشان تتعالج في مستشفى موجودة في شرم الشيخ
ومين قال ان شرم الشيخ مصرية أصلا؟؟
----
كفاية تريقة
مصر كلها ماشية بعقدة الخواجة بأن أي حد من بره أو سافر بره أحسن مليون مره من الناس اللي جوه
سواء خليجيين أو اجانب ، مع ان الاتنين أقل ذكاءا مننا
والكلام ده ماشي في الكل ، سواء في الطب أو في الكورة أو مش عارف ايه
حتى وانت جاي من بره ، تقعد ساعات طويلة مستني شنطك في المطار ، بس لو كنت اجنبي هيبعتوهالك على البيت
لو مصري وشايل علبتين بيره سكة ، واتقفشت هتروح في داهية ، لو اجنبي مسموح لك تسكر في الشارع زي ما انت عايز وتنام على الرصيف كمان
خبير أجنبي ييجي من على القهوة وياخد فلوس على قلبه قد كده بالدولار وما بيعملش حاجة
والمصري أحسن مليون مرة وبيفضل عاطل لأن الناس بتحب الاجنبي
بعد كل ده مستعجب ان مستشفى مجهز بأحدث الاجهزة يدخله الاجانب بس؟؟
دي من مشكلات البلاد السياحية ، الاجنبي دايما بيبقى أفضل من الوطني عشان العملة الصعبة
والمصري لما يسيب مصر اللي فيها الاجنبي أحسن من المصري
يروح أي بلد يلاقي هناك المواطن أحسن من الاجنبي وتستمر العقدة