صحيح اننا لازم نتمسك بالسماويات ونترك الأرضيات
لكن احنا نور العالم ، وينبغي أن نجعل العالم مكان أفضل
اذا كان قداسة البابا والمطارنة والأساقفة ( فقط ) دعموا مبارك
فقد تركوا البابا مفتوح أمام الكهنة والشعب للمعارضة
واذا عارضنا ، يبقى البابا وصل لنقطة جيدة جدا بيتحايل علينا من زمان عشان نعملها
وهي المشاركة السياسية
مش لازم تبقى رئيس حزب أو تكتب في جريدة معارضة عشان تبقى مشاركة سياسية
يكفي أن يكون معك بطاقة انتخابية ولك صوت تستطيع أن تقدمه
المرة دي النتيجة محسومة ، وكلنا عارفين كده
لكن طالما اتحركنا المرة دي ، لأول مرة في تاريخنا
فمن السهل اننا نتحرك بعد كده ، ومش كل مرة الانتخابات هيبقى فيها تزوير
لكن في الانتخابات الشريفة ، هيكون لينا صوت قوي نقدر نحقق بيه أي مطالب احنا عايزنها من أي مرشح مهما كان
نقدر ننجح واحد ، ونسقط التاني ، عشان نخلي مصر مكان أفضل للمعيشة
لكن في كل ده ، يا ريت الدوامة ما تاخدناش وننسى ربنا