28-09-2005
|
|
|
إقتباس:
|
المشاركة الأصلية بواسطة christian-doctor
سلام المسيح....اخي ساويرس اود ان ابدي رايي في وجهة نظرك فاسمح لي: 1-مين قال ان البنت اللي بتكون ضحيتهم انه بسبب عدم احتشامها امال ازاي بينشنوا علي زوجات الكهنة ولا دول كمان مش محتشمين2-ثانيا ايه رايك بقي ان حتي البنات في الصعيد لو لبسين محتشمين برده بيتعاكسوا عارف ليه عشان شعرهم استغفر الله مكشوف 3_ثالثا لما تبقي البنت في كلية في غربة عن بلدها صعب علي والديها مراقبتها وصدقني الغربة صعبة جدا و مرعبة بالاخص للبنات انا مش عايزة اقولك ان في مواقف مخيفة بتحصل للبنتو هي بعيد عن بيتها تفتكر في الحالة ديه مين اللي هيمثل لها الحماية مش برضه الكنيسة انا عن نفسي عشت موقف مرعب لن انساه في الغربة وطبعا بحكم البعد بابا وماما مكنوش معايا يبقي ازاي بتلقي المسئولية عليهم ......صدقني الموضوع لو بس هو ان البنت تحتشم يبقي في امل نحله لكن للاسف عدو الخير لا يفرق بل بالعكس بيصطاد اللي قريب من ربنا عشان يسرق الخراف الجيدة
|
من حقك ابداء رأيك طبعا وده حق لكل واحد في المنتدى ، أومال المنتدى مفتوح ليه
وطبعا ممكن نتفق على أن لا نتفق مفيش مشكلة
1- زوجات الكهنة كانوا حالتين فقط ، والله أعلم حصل ايه في الحالتين ، احنا ما نعرفش القصة الحقيقية
2- المعاكسة حاجة والموضوع يوصل لدرجة التعدي والاغتصاب والتعقب وعمل افخاخ لتوقيعها في الحب ، حاجة تانية خالص ، وبعدين ممكن تراجعي كلام أخونا مكة كولا على الموضوع ده ان الواحد لازم يكون محتشم بالنسبة للبيئة اللي موجود فيها
3- شوفي يا أختي العزيزة ، الحشمة مش ملبس وبس ، الحشمة في كل شيء
في الملبس والكلام وحتى في الاصدقاء ، في كل شيء
الملبس مجرد عاكس لما في داخل الانسان ، مجرد مراية يعني
والكلام للاتنين بالنسبة للولد والبنت
لكن أرجع في الآخر وأقولك
الأب و الأم أساس كل شيء
نفرض انك كنتي عايشة في بلد مفيهاش كنيسة من أصله ، وكلها مسلمين
ولنفرض انها السعودية
هل كده اتحكم عليكي بالضياع؟؟
لا ، طالما ان والدك ووالدتك علموكي وربوكي انك تلجأي لربنا طول الوقت وتصلي دايما وتصومي ، ربنا هيكون دايما معاكي ومحدش يقدر يتعرض لك ولا يمس شعرة من رأسك
فهمتيني يا أختي العزيزة؟
الأب والأم هما اللي بيعلمونا في السنين الأولى
بيعلمونا الصلاة والصوم وياخدونا للكنيسة ويقولوا لنا ده بيت ربنا ، ويقعدوا يقولوا لنا حكايات من الكتاب المقدس ، ويقولوا لنا قصص أبائنا وأجدادنا القديسين والشهداء ، ويخلونا نحب كنيستنا ونعشقها وعمرنا أبدا ما نتخلى عنها
انما لو معملوش كده
وفصلوا الرابط اللي بيننا وبين الكنيسة يبقى مصيرنا معلق لحد ما الشيطان يفضى لكل واحد شوية ويسحبه لمملكته
وربنا يرحمنا كلنا في الأيام الصعبة دي
|