[elmafdy]

العزيزه جدا الى كيتى

واضح انك مصممه انى كل يوم احترمك و اقدرك و اعجب بيكى اكتر من اللى قبله , طالما قلتى ليديا شديد يبقى لازم اقوم و اقلع لك القبعه و انحنى لك كمان تقديرا لذوقك و احساسك العالى, انا الحقيقه من عشاق ليديا شديد من زمااااااااان , من يوم ما وعيت على الترانيم و تقريبا من اول شريط ليها , و أأقدر جدا اى انسان بيحب ليديا شديد و بيسمع لها , و طبعا كل الاسامى التانيه اللى انتى ذكرتيها انا بأعزها جدا و ليها منى كل تقدير و احترام , بس ليديا دى حاجه تانيه , زى ما انتى بالنسبه لبنات جنسك حاجه تانيه .


اخى العزيز غلاباوى

يا أخى انا فوتهالك اول مره رحت انت مكررها تانى , مالها الكليبات السريريه , مالها هيفاء و اليسا و نجلا و بوسى سمير , و الباقيين اللى مش عارف اساميهم بس عارف شكلهم كويس , مش لازم الواحد ينبسط و يفك عن نفسه , هو انت لا ترحم ولا تسيب رحمة ربنا تنزل , و انا من موقعى هذا بأحذرك , اوعى تقول كلمه واحده عن الفنانات الراقيات الشريفات العفيفات دول , انت اصلك ما تعرفش قيمتهم العظيمه للأمه العربيه كلها , زمان كان الشباب بيستنوا يومى الاحد و الاربع بفارغ الصبر علشان برنامجى العالم يغنى و اخترنا لك علشان يتفرجوا على الاستعراضات الاجنبيه و يشوفوا لهم منظر ولا اتنين , نقوم دلوقتى بعد ما بقى عندنا صناعه وطنيه و شغل يضرب المستورد على عينه نعترض عليه و نستهزأ بيه , ما هوه ده اللى بيضرب الصناعه المحليه , خلى الناس تتفرج و تتبسط يا عم .



المفدى