جامعة الدول العربيه

[الخواجه]

جامعة الدول العربيه اصبحت لا فائده من وجودها فهي لا تجمع ولا توحد بين اعضائها و لاتحل اي نزاع بين الدول العربيه فكلنا يعلم مدي الخلافات بين اعضائها و مدي بعدها عن الواقعيه فهي ليس لديها اي سلطات او نشاطات او ثقل لا دوليا او اقليميا -- فتزكروا الخلاف بين المغرب والجزائر علي الصحراء الغربيه - و مصر و السودان علي حلايب - و ليبيا و السعوديه و محاوله القدافي اغتيال طويل العمر -- سوريا ولبنان و الاحتلال السوري للبنان-- و بين سوريا والعراق - و العراق و الكويت و الاحتلال العراقي للكويت -- و في الامس الحرب بين اليمن الشمالي و الجنوبي -- و الاردن و الفلسطنيين و ايلول الاسود-- مادا كان دور الجامعه انها اصبحت جثه هامده -- تزكروا القول الماءثور لقد اتفق العرب علي ان لايتفقوا-- فعمر موسي ليس له اي سلطه او تاءثير و ادائه مضطرب و كالدجاجه الدائخه-- و لكن عندما اقيمت اول انتخابات حره في العراق الامين عمر قال انه لايعترف بالانتخابات لانها وقعت تحت الاحتلال- و انكر علي الشعب العراقي رغبته -- و المره الثانيه عندما رفض الدستور العراقي في مراحله التحضيريه-- استيقظ يا امين -- و السؤال الان مادا اعطت لنا هده الحامعه لا شيئ مادا استفادت مصر من العرب -- او من هده الجامعه -- ان ارتباطنا بالعرب و العروبه اضر كثير بمصر -- يكون هناك تبادل تجاري و مصالح اقتصاديه بيننا و العرب هدا شيئ طبيعي و يكون الميزان التجاري في صالحنا هدا مقبول و لكن لايكون هناك -عربنة لمصر فمصر اكبر من ان تعرف باكثر من انها مصر -- مصر اكبر من ان تحتوي باي قوميه او امه -- ليست دويله او اماره- ولا تحتاج الي تعريف -- لدالك يجب التفكير و الطلب بغلق الجامعه او علي الاقل رحيلها من مصرنا

يعني كان فيه سؤال بيدور في دماغي وحبيت أسأله ليك يا أخ الخواجة
تطلع ايه الجامعة العربية دي؟؟؟

[الخواجه]

المشاركة الأصلية بواسطة saweres

يعني كان فيه سؤال بيدور في دماغي وحبيت أسأله ليك يا أخ الخواجة
تطلع ايه الجامعة العربية دي؟؟؟

دي عصابة حماده و توتو -- او علي بابا و ال22 حرامي -- و الاخوه الاعداء -- بمبه كشر -- و سلفني 3 جنيه -- و جامعه علي نار -- قصدي قطه علي نار -- تجبها كده تجلها كده هي كده - و تخلف في الحي الشرقي -- و عمر موسي في مستشفي المجانين -- النهايه

الحقيقة انا مؤيد كلامكم 1000000000000000 %
واطالب بالغاءها تماما لانها ملهاش لازمة ...

وبالمرة نشيل الامم المتحدة .. والرجال الطيب اللى لا بيهش ولا بينش اللى اسمة كوفي عنان ...
كل القرف دة مالوش لازمة

[zaki]

المشاركة الأصلية بواسطة غلاباوي

وبالمرة نشيل الامم المتحدة .. والرجال الطيب اللى لا بيهش ولا بينش اللى اسمة كوفي عنان ...
كل القرف دة مالوش لازمة

ومالة بس هات سبب يأكد كلامك

علشان نحكم علية

وتكون موضوعى يعنى لو ذكرت سلبيات واحب عليك ذكر الاجابيات كمان

علشان نقتنع

يا زكي المفروض انك اسم على مسمي ... الراجل دة من يوم ما قعد كدة مكانه وهو لا بيهش ولا ينش ... واعتقد انه اقر قرارات كتييرة اوي ومفيش حاجة منها بتتنفذ اللهم الا القرارت اللى امريكا ليها مصلحة فيها .. ولكنا شفناه هو والمجتمع الدولي عمل نداءات كتيرة لامركيا عشان توقف خطة الهجوم على العراق .. وطبعا امريكا ودن من طين وودن من عجين ... لكن لو من بكرة اقر قرار بضرب سوريا او معاقبتها ,, امريكا اول دول هتمتثل للقرارات دي

[أيقونة]

المشاركة الأصلية بواسطة eljaoaga

جامعة الدول العربيه اصبحت لا فائده من وجودها فهي لا تجمع ولا توحد بين اعضائها و لاتحل اي نزاع بين الدول العربيه فكلنا يعلم مدي الخلافات بين اعضائها و مدي بعدها عن الواقعيه فهي ليس لديها اي سلطات او نشاطات او ثقل لا دوليا او اقليميا -- فتزكروا الخلاف بين المغرب والجزائر علي الصحراء الغربيه - و مصر و السودان علي حلايب - و ليبيا و السعوديه و محاوله القدافي اغتيال طويل العمر -- سوريا ولبنان و الاحتلال السوري للبنان-- و بين سوريا والعراق - و العراق و الكويت و الاحتلال العراقي للكويت -- و في الامس الحرب بين اليمن الشمالي و الجنوبي -- و الاردن و الفلسطنيين و ايلول الاسود-- مادا كان دور الجامعه انها اصبحت جثه هامده -- تزكروا القول الماءثور لقد اتفق العرب علي ان لايتفقوا-- فعمر موسي ليس له اي سلطه او تاءثير و ادائه مضطرب و كالدجاجه الدائخه-- و لكن عندما اقيمت اول انتخابات حره في العراق الامين عمر قال انه لايعترف بالانتخابات لانها وقعت تحت الاحتلال- و انكر علي الشعب العراقي رغبته -- و المره الثانيه عندما رفض الدستور العراقي في مراحله التحضيريه-- استيقظ يا امين -- و السؤال الان مادا اعطت لنا هده الحامعه لا شيئ مادا استفادت مصر من العرب -- او من هده الجامعه -- ان ارتباطنا بالعرب و العروبه اضر كثير بمصر -- يكون هناك تبادل تجاري و مصالح اقتصاديه بيننا و العرب هدا شيئ طبيعي و يكون الميزان التجاري في صالحنا هدا مقبول و لكن لايكون هناك -عربنة لمصر فمصر اكبر من ان تعرف باكثر من انها مصر -- مصر اكبر من ان تحتوي باي قوميه او امه -- ليست دويله او اماره- ولا تحتاج الي تعريف -- لدالك يجب التفكير و الطلب بغلق الجامعه او علي الاقل رحيلها من مصرنا

ولما يقفلوها ازاى شعبان عبد الرحيم يغنى ( انا بكره اسرائيل واحب عمرو موسى) !!!
وبعدين لما يقفلوها شويه الصيع اللى بيسترزقوا من وراها يجوعوا يعنى مش حرام بالذمه ؟؟
وبعدين لما تقفل مين يحشر مناخيره فى كل كبيره وصغيرة من شئون كل دوله فى المنطقه عاوز مناخير عمرو موسى تتعطل عن العمل يعنى؟؟؟
ولما تنقفل مين كل ما يحصل حاجه تافهه يجرى يطلب انعقاد مؤتمر قمه عربى ويتلم المتاعيس حكام الدول العربيه ويشتموا بعض ويضربوا بعض على الهوا ووقتها نضحك احنا على مين يعنى؟؟؟

يا عزيزى الجامعه العربيه دى الفرجه عليها احلى من الفرجه على توم وجيرى عاوز تحرمنا من الضحك ليه بس