|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
|
|
#1
08-03-2006
|
|||
|
|||
|
قبله على جبين د. سالم احمد سالم
قبله على جبين د. سالم احمد سالم
بقلم : ريمون صبحي . قبله على جبين أ.د. سالم احمد سالم رئيس قسم طب الأطفال بطب المنيا, الذي قدم استقالة مسببه لرئيس الجامعة احتجاجا على عدم تعيين الطالبة ميرا معيدة بقسم طب الأطفال لا لشيء سوى أنها قبطية , و اللوائح العرفية التي تحكم هؤلاء القلة المتطرفة و لكنها للأسف الأعلى صوتا, تمنع تعيين الأقباط في الأقسام الرئيسية بكليات الطب مثل النساء و الأطفال و الجراحة , و لكن في نفس الوقت تجيز لهم البعثات في بلاد الكفر و الشرك. و لكن كل الوطنيين المصريين معك يا د.سالم حتى ترجع إلى مكانك الطبيعي كرئيس لقسم طب الأطفال و في يدك ميرا معيدة بالقسم , لتنتصر الوطنية المصرية و العدل على التطرف, فلا تحقق لهؤلاء المتطرفون مأربهم من أزاحتك من الكلية , حتى يسمموا البلد بأفكارهم السوداء , و منها ما قاله مرشد الأخوان الأسبق : لا يجوز بناء كنائس على مدن بناها المسلمون أو فتحها المسلمون عنوه (من أول الفسطاط حتى 6 أكتوبر) و لدرجة أن هؤلاء المتطرفون زملاء د. سالم في واقعه مماثله مع د.رأفت وفيق في عام 1994 بعثوا برسالة لفضيلة المفتى المستنير إن ذاك د.محمد سيد طنطاوي ,ليستفتوه في المشكلة الكبرى "هل يجوز تعيين الأقباط في الأقسام الرئيسية بكليات الطب (في كليات بناها مسلمين!) , فأفتاهم أن ذاك أن معيار الكفاءة هو الأساس , وليس الدين أو الجنس , و لكن ذلك الرأي الفقهي المستنير لم يعجب دعاة التطرف. و هذا نداء لكل المصريين الوطنيين أن لا نترك هذا الرجل الشريف يقاوم التطرف و الفساد وحده, و البداية اميلات و فاكسات لرئيس جامعة المنيا و ووزير التعليم العالي حتى لا يقبلوا استقالة أ. د.سالم و يرجع إلى رئاسة قسم طب الأطفال مع د.ميرا, فيرجعوا معا لمكانهم الطبيعي بطب المنيا, و إذا فشلنا فلنخرج مسيحيين ومسلمين معا في مظاهرة أمام وزارة التعليم العالي من اجل الوحدة الوطنية و حقوق المواطنة و ضد التطرف. و هذه القصص تحدث يوميا في مجتمعنا و جامعتنا و حصلت مع أبى شخصيا في كلية زراعة القاهرة و مع زميله لي بكلية علوم حلوان , و لكنى لا أريد أن أثقل على سيادتكم بأكثر من مشكله . و لكن هذه الممارسات هي نتاج مجموعة من الفتاوى مثل " لا تعيد على جارك القبطي في أعياده لأنك بذلك تشاركه كفره وإذا اضطررت فلا تعيد عليه في عيد القيامة" و " لا تسلم على مسيحي و لا تكون أنت المبتدىء بالسلام عليه و إذا ألقى عليك السلام فرده عليه بقولك (و عليكم). و أخرى " لا ولاية لغير مسلم على مسلم" و أخيرا تحياتي و تحيات كل الوطنيين المصريين لجريدة الفجر برئاسة الأستاذ وائل الأبرا شي وللمذيعة اللامعة منى الشاذلي التي فجرت هذه القضية كمثال لمئات الحالات التي تحدث يوميا . وهذا النداء لن أوجهه إلى الرئيس مبارك راعى الوحدة الوطنية و لكنى أوجهه لد.نظيف لكي يتصرف كما تصرف النحاس باشا عام 1928 , عندما أعلنت إدارة البلديات التابعة لوزارة الداخلية عن مسابقه لتعيين 17 موظف , بعد مدة قرأ النحاس باشا رسالة لأحد المتسابقين في بريد القراء يقول" مر شهر و لم تظهر النتيجة" فأستدعى النحاس باشا مدير البلديات و سأله عن سبب التأخير في إعلان النتيجة, فقال له "يا دولة النحاس باشا الذين نجحوا فيهم عيب" فقال له " يعنى إيه اللي نجحوا لم ينجحوا! يعنى إيه فيهم عيب!" فقال له مدير البلديات " أتضح أن ال17 عشر الأوائل منهم 12 قبطيا" فاستشاط النحاس باشا غضبا و كاد أن يفصله و أمره في الحال " أن يرسل الكشف و به ال17 عشر الأوائل ليوقع قرار تعينهم" و هذه القصة رواها فرج باشا عام , 1928 لتبقى مصر دائما عامرة برجالاتها الذين يحافظون على وحدتها الوطنية ضد الفتن و التطرف على مر التاريخ. و هي دي مصر. و أليكم تليفونات و البريد الالكتروني لكل من: الأستاذ الدكتور / هاني هلال - وزير التعليم العالي والبحث العلمي تليفون : 202-34-58-367 202-34-58-368 فاكس : 202-34-67-142 complaint@mailer.eun.eg scu@mailer.eun.eg ----------------------- رئيس جامعة المنيا أ.د/ عبد المنعم عبد الحميد البسيونى تليفون العمل : 024157617 / 0862334646 ---------------------- نائب رئيس الجامعة لشئون الدراسات العليا والبحوث -أ.د/ محمد سعيد محمد على تليفون العمل :- 0862348535 ---------------------- عميد كلية الطب أ..د. محمد إبراهيم بسيوني التليفون : 0862342576 فاكس : (086) 2342813 البريد الألكترونى : nbassyouni@yahoo.com ----------------------- مراسلات جامعة المنيا: التليفون: (2086)2342609 (2086)2372261 (2086)2348004 (2086)2362004 الفاكس: (2086)26342601 minia@minia.edu.eg webmaster@minia.edu.eg ----------------------- بقلم : ريمون صبحي Romono88@Hotmail.com 
|
|
#2
08-03-2006
|
|||
|
|||
|
فالنرسل جميعا رسالة الى جميع الجهات المعنية للوقوف بجانب هذا الدكتور البطل الشجاع ...
تحية من القلب الى الأستاذ الدكتور/سالم احمد سالم رئيس قسم طب الأطفال بطب المنيا ... و الى كل الشرفاء المصريين و الوطنيين الأحرار اللذين يقوفون بكل حزم أمام قوة الظلام و التطرف المستشرى فى جسد هذا الوطن العليل ... الشعوب الحرة التى تحارب العنصرية و التطرف و التفرقة بين أبناء الوطن الواحد لابد لها أن تتقدم و ترتقى و تكون لها الغلبة ما بين الأمم ... أما الشعوب التى تعشق العبودية و الظلم فلن تكسب الا الخزى و العار ما بين الشعوب ... رجاء إذا كنتم تحبون فعلا هذا الوطن لا تقبلوا إستقالة الأستاذ الدكتور سالم احمد سالم و لا تجعلوا قوة الشر تتغلب عليكم و انصروا الحق حتى ينصركم الله ...
|
|
#3
13-10-2006
|
|||
|
|||
|
ياليت مصر كلها هذا الرجل
حقا إن الإسلام محتاج لأمثال هذا الرجل العظيم الذى يحترم إنسانيته لتغيير تلك الرؤيه التى سادت العالم كله عن هذا الدين .
 ** فما أجمل أن تكون مصر كلها سالم أحمد سالم هذا الرجل ذو القلب الكبير الذى جسد كل المعانى الإنسانيه فى تصرف قام به بكل محبه وإصرار على رفض العنصريه المجحفه التى لا تتفق وإنسانيته التى يحترمها .. هذا الرجل هو الدكتور / سالم أحمد سالم بجامعة المنيا الذى قام بتقديم إستقالته إحتجاجا على منع طبيبه قبطيه من التعيين فى وظيفة إستاذ مساعد بالرغم من أحقيتها لهذا المركز فوجد فى ذلك ظلم الإنسان لأخيه الإنسان وهذا ما لايتفق مع ضميره الحى والإنسانيه التى ينتمى اليها . ** بصراحه أنا لأول مره أقرأ مثل هذا الحدث فى مصر مما جعلنى أسترجع الأمل فى الإصلاح مره أخرى بعد أن كنت قد فقدته تماما ... فمثل هذا الرجل المحترم وهو دكتور فى جامعه عريقه لابد أن يكون قد غرس هذه المبادئ الجميله فى من يقوم بالتدريس لهم وأكيد أبناءه أيضا يتمتعون بهذه الأخلاقيات الساميه وهذا القلب النظيف مما يشجع على الأمل بوجود ولو بذره صغيره نظيفه فربما تنمو هذه البذره وتصبح شجره وارفه تطال فروعها عنان السماء " فالغير مستطاع عند الناس مستطاع عند الله " فإدعو معى لهذه البذره الصغيره بالنمو السريع ولهذا الرجل العادل بأن يصبح هو رئيس مصرنا الحبيبه حتى نستطيع أن نلحق بركب الحضاره التى تخلفنا عنه كثيرا وحتى لا تكون نهايتنا فى مزبلة التاريخ 
|
|
#4
13-10-2006
|
|||
|
|||
|
على فكرة فى ناس من اخوانا المسلمين محترمين منهم مثلا الاستاز على السمان اللى انا شخصيا احترمه جدا والاستازة اقبال بركة لكن للاسف الناس دى مفيش منهم كتير وعلى فكرة الناس دى خير من يدافع عن الاسلام باحترامهم وادميتهم وثقافتهم موش المتخلفين امثال العوا وزغلول الحمار والجعفرى وغيرهم من المتخلفين
|
|
#5
14-10-2006
|
||||
|
||||
|
إقتباس:
متنساش كما الاستاذ حمدى قنديل الى طردوة من التليفزيون المصرى المتخلف
__________________
يستطيع الإنسان ترويض الوحوش المفترسة أما لسانه فلا يقدر أن يلجمه أذكر لى كلامك الذى جعلتنى عليه اتكل . هذا الذى عزائى فى مذلتى , لأن قولك احيانى ( مز 118 )
|
|
#6
14-10-2006
|
|||
|
|||
|
اول مرة احس ان ممكن يحصل حوار باحترام في الموقع ده
انا مسلم واكتر من مرة اقول ان بتركيزنا علي الحجات الوحشة اللي بينا هيكون سبب عداوة وبغض لكن لو ركزنا علي الحجات الحلوة اللي بينا هنكون افضل واهم الحجات دي ان احنا كلنا انسان بغض النظر عن دين او جنس وثانيا كلنا مصريين بغض النظر بردو عن دين او جنس شكرا لكل من يحترم نفسة ويحترم الاخرين
|
|
#7
14-10-2006
|
||||
|
||||
|
إقتباس:
ثانيا : كل حوارات المنتدى محترمة و انت عارف المنتديات الى مش محترمة تلاقيها فين ثالثا : احنا بنركز على السلبيات علشان نواجهها و نمحوها ( ولا انت عايزنا ندفن راسنا فى الرمل زى النعامة ) و اكيد طبعا بنركز على الايجابيات و ننميها رابعا و دة اهم حاجة : احنا فى المنتدى مش بنفرق بين مسيحى و مسلم احنا هنا كل هدفنا اظهار الحق عن طريق الحوار الهادف و اهلا بيك مرة تانية فى المنتدى
__________________
يستطيع الإنسان ترويض الوحوش المفترسة أما لسانه فلا يقدر أن يلجمه أذكر لى كلامك الذى جعلتنى عليه اتكل . هذا الذى عزائى فى مذلتى , لأن قولك احيانى ( مز 118 ) آخر تعديل بواسطة besoo ، 14-10-2006 الساعة 04:12 PM
|
|
#8
14-10-2006
|
|||
|
|||
|
فين الحاجات الحلوه بس ياوحيد
إقتباس:
أنت بتقول نركز على الحاجات الحلوه طيب والحاجات الوحشه اللى تاعبانى جدا أعمل فيها إيه ... صدقنى يا وحيد إن مانتحمله نحن الأقباط فى مصر فاق طاقتنا بكثير ومعلش ماتزعلش منى ( اللى إيده فى الميه مش زى اللى إيده فى النار ) يعنى قولى إنت إزاى أتجاهل إن إبنى يعشق حاجه إسمها كرة قدم وعنده موهبه فيها فعلا بشهادة كثيرين ولكنه يستبعد عن هذا المجال بسبب عقيدته تخيل إنت ده يأثر على نفسيته أد إيه . إزاى أتجاهل إنها لما جت بنتى تدخل الجامعه كان نفسها تدخل كلية الإعلام وكلنا قلنا لها لاء إيه لازمتها هو إنتى عمرك شوفتى مذيعه مسيحيه . إزاى أتجاهل لما أكون أنا ملتزم فى شغلى وإيدى نظيفه والكل يشهد لى بذلك ثم أجد من هو أحدث منى فى التعيين وسمعته ليست فوق مستوى الشبهات والكل يعلم هذا ثم أجده يتدرج فى ترقياته فى مواعيدها حتى يصل الى مكانه لو إنه يوجد عدل فإنه لا يستحقها وأظل أنا ( محلك سر )بالرغم من سمعتى الطيبه وكفاءتى فى العمل . إزاى أتجاهل إن إبن أختى من صغره وهو هايموت علشان يدخل كلية الشرطه حتى كنا لما نسأله وهو صغير عايز تكون أيه لما تكبر يقول عايز أبقى ضابط ولما كبر فعلا وهو فى الثانويه الآن ومازال يريد تحقيق حلمه ولكننا كلنا نقف ضد هذه الرغبه ونقول له الكليه دى مش لينا إحنا إزاى أتجاهل أن يبصق أحد على إبنتى وهى تسير فى الطريق لأنها تلبس سلسله بها صليب على صدرها ...أوصفلك إزاى شعورى لما لاقيتها داخله عليا بتبكى بحرقه بعد مارجعت من نص الطريق وما قدرتش تكمل مشوارها الى الجامعه . ** أتجاهل إيه وإلا إيه ياوحيد لازم الإخوه المسلمين يشعروا بنا و بآلامنا التى زادت وكثرت عن حد الإحتمال حتى نستطيع أن نتواصل سويا وأن نصل الى بر أمان نحيا عليه جميعا فى هدوء . عارف أنا إمتى هاأشعر إننا فعلا نبحر تجاه شاطئ الأمان هذا لما أبدأ أقرأ أخبار كثيره مثل الخبر الخاص بالدكتور العظيم / سالم أحمد سالم فالإحتجاجات على هذه الأوضاع الخاطئه لا بد أن تأتى من إخواتنا المسلمين الشرفاء لأننا نحن الآقباط نحتج منذ أكثر من خمسين سنه ولا حياة لمن تنادى فربما نجد صدى لإحتجاجات الشرفاء أمثال ذلك الدكتور العظيم ... عندما تبدأ هذه الإحتجاجات فى التزايد فأعلم إننا بدأنا نضع أرجلنا على أول الطريق الصحيح نحو الحب .. نحو النور .. نحو الحضاره ..نحو المدنيه والتقدم .. ونحو كل ما هو جميل لنا ولأبنائنا بإذن الله فالغير مستطاع عند الناس مستطاع عند الله
|
|
#9
27-10-2006
|
||||||
|
||||||
|
إقتباس:
صدقنى او صدقينى يا اخت اميره اننا جميعا ادينا فى النار , مسلميين ومسيحيين , وما تعانون منه هو نفس ما نعانى منه نحن المسلمون . إقتباس:
إقتباس:
إقتباس:
إقتباس:
إقتباس:
لكن مين قالك انه لا يحدث كثيرا مثل ما حدث من سالم هذا؟؟ يحدث كثيرا ولكن لان سالم استاذ جامعى فقد تم نشر الخبر فى الصحف , ولكن هل سيتم نشر خبر انى انا مثلا اعامل مررؤسينى من الاقباط بعداله وحياديه؟؟؟؟ عموما تحياتى الخالصه لك
|
|
#10
19-11-2006
|
|||
|
|||
|
واذا كنت انا وبرغم ما القاه هنا من شتيمه وبهدله وسب لدينى ورسولى ومعتقدى , ومع هذا لا افرق فى معاملتى لمرؤسينى من مسلمين واقباط , ويشهد الله انى اعطى كل ذى حق حقه , ولا اتعامل ابدا معهم من منطلق عقائدى , وهذا لسبب بسيط اننا اصدقاء فعلا , وصدقنى او صدقينى فمعظم المسلمين مثل سالم احمد سالم .
لكن مين قالك انه لا يحدث كثيرا مثل ما حدث من سالم هذا؟؟ يحدث كثيرا ولكن لان سالم استاذ جامعى فقد تم نشر الخبر فى الصحف , ولكن هل سيتم نشر خبر انى انا مثلا اعامل مررؤسينى من الاقباط بعداله وحياديه؟؟؟؟ عموما تحياتى الخالصه لك[/QUOTE] [COLOR="Magenta"] شكرا يأستاذ ماهر لردك ولاأرائك المتحضره وأنا متأكده طبعا من إنه يوجد مسلمين كثيرين شرفاء لا يرضون بالظلم أمثال الدكتور العظيم سالم أحمد وربنا يزيد من هذه العقليات المستنيره والقلوب النظيفه حتى نضم أصواتنا لصوت بعض لنطالب حكومتنا بالحريه وإحترام آراءنا وإنسانيتنا تلك الأشياء المهمه التى نفتقدها جميعا فى مصر مسلمين ومسيحين .. فهيا بنا نطالب بتطبيق قوانين حقوق الإنسان فى مصر حتى تتحقق المساواه التى ستجلب المحبه والنفوس الصافيه الجميله فنشعر إننا جميعا أبناء وطن واحد ننتمى له ونحبه .. وأنا أسفه على التأخير فى الرد فقد كانت لى مشكله فى الدخول للمنتدى [/COLOR وعلى فكره العضويه فى المنتدى كانت بأسم أخى وأنا أستخدمها الأن بدلا منه حتى لا يختلط عليك الأمر وشكرا
آخر تعديل بواسطة الاميره ، 19-11-2006 الساعة 01:12 PM
|
|
#11
15-10-2006
|
|||
|
|||
|
كيد شخصية محترمة يحكم ضميره قبل كل شئ ويخاف الله في طرقه
تحية طيبة له ، وسلام المسيح معه واتمني ان الله يقف بجانبه . ومني كل احترام وتبجيل .
|
|
#12
15-10-2006
|
|||
|
|||
|
ربنا يهدي الجميع الي ما فية خير هذا الوطن وخير كل مواطنية انا فعلا يا اخ جورج
معاك في الكلام اللي انت قلتة لكن متنكرش ان النظام بتاعنا بردو زي مهو خانقك خانقني ده يكفي يا اخي اني مثلا واديني مسلم اهو لو ربيت دقني واتدينت هتشد علي امن الدولة ودي بتحصل كتير بغض النظر عن الهدف من تربية الدقن مش موضوعنا دلوقت لكن انا بهدف اننا نحاول نوصل صورة لكل مواطن في البلد دي ان احنا اخوان في الوطن واخوان في الجنسية واخوان في اللغة لكن لا تؤاخذني لو واحد مسلم مثلا دخل الموقع ده وشاف بعض المواضيع وانا بقول بعض المواضيع اللي بتسئ للاسلام بشكل غير مقبول هيكون اية موقفة انا عايزتحط نفسك قدام موقع بيشتم فييكم وفي دينكم بطريقة لا تمت لادب الحوار باي صفة هيكون رايك فية اية هتقدر تتحاور مع شخص زي كدة اعتقد لا يبقي ارجوك تكون فهمت قصدي وبدل ما ندفن راسنا في الرمال زي منت بتقول ونتشدق بشعارات الوحدة الوطنية ولقاءات البابا وشيخ الازهر اللي منومة بطانية كبيرة علي النار اللي تحتها نعمل حاجة مفيدة ونبدا حوار هادف يكون هدفة تعريف الكل مسلم وقبطي ان البلد لينا كلنا والدين لله والوطن للجميع بس من غير ما حد يجرح في حد انا مش هدفي اخرجكم من دينكم وادعو لديني لاني غير مؤهل لكدة اساسا وانتو مستحيل تقبلوا يبقي اية لازمتها المواضيع المسيئة انا اسف لو طولت عليك في الكلام بس انا فعلا لما بلاقي موضوع زي كدة يكون هدفة الضحك والاستهزاء بس بتضايق لسبب اني مش بعرف يا تري مواضيع زي كدة هتحل المشاكل ولا هتزودها اكتر ياريت تكون فهمت قصدي وانا عن نفسي بدعوك تقبل صداقتي ونبقا اصدقاء من بلد واحد بغض النظر عن ديننا احنا الاتنين ونبقي اهو اول السلم ولا اية رايك والسلام عليكم ورحمة الله وبركاتة ولك تحياتي
|
|
#13
15-10-2006
|
|||
|
|||
|
إقتباس:
أولا : واضح إن إنت إنسان مهذب ياأخ وحيد وأهلا بيك كصديق ثانيا : كلامك كله جميل وكويس ومقنع كمان يعنى فعلا الهجوم سواء من هنا أو من هنا مش هايجيب نتيجه إيجابيه أبدا ومن ناحية إن أنا فهمت قصدك والا لاء طبعا أنا فاهم قصدك كويس ولكن أرجو المعذره لأننى أشعر داخل هذا المنتدى إن ده بيتى وأنا قاعد مع أهلى اللى همومنا واحده وبافضفض معاهم بكل همومى وبكل الضغوط التى تمارس على وباستمع أيضا لهمومهم ما أنت عارف مافيش مكان تانى غير هنا ... وسامحنى يعنى لو أتكلمت معاك بصراحه فى إننا بشر لنا طاقه محدده من الإحتمال و لسنا ملائكه حتى نستطيع أن نظل نتسامح ونتسامح ونغفر ونغفر ونطاطى ونطاطى فلا تطلب منى أن أجلد ولا أصرخ فهذا سيكون فوق إحتمالى أو أن أقول للجلاد برافووو... يعنى إنت زعلان خالص ومتضايق علشان مش بتقدر تربى دقنك براحنك وبتقول إن الدوله خانقاك فى هذا الموضوع شوف إنت حاجه صغننه أد إيه ضايقتك وخلتك حاسس إنك مخنوق علشان جزء من حريتك نقص وحق من حقوقك ضاع مع إنه حق صغير قوى بل و يمكن الإستغاء عنه بسهوله ... يعنى إحنا الأقباط على كده نبقى أبطال اللى حريتنا كلها مهدره وجزء كبير من حقوقنا ضائع ... عرفت بقه إحنا ليه أحيانا صوتنا بيعلو بالصراخ هذا الصراخ الذى تعتبرونه أنتم إهانه لكم وشتائم فيكم ولكنه فى حقيقه الأمر هو تعبير عن شدة الألم وهو أيضا صراخ الإستغاثه فأحيانا يشتم الضحيه جلاده من شدة الألم فإذا توقف عن الضرب فلن يكون هناك داعى للشتائم أبد ... من الطبيعى أو دعنا نقول إنه من المقبول أن يصرخ الضحيه ويشتم الجلاد لانه يوجد سبب وهو الألم ولكن أن يشتم الجلاد الضحيه لماذا أما يكفيه إنه هو الذى يضرب وإنه هو الذى يستطيع أن يوقف شتائم الضحيه وصراخها بأن يتوقف عن جلده . فى النهايه ومع كل هذا فأنا معك تماما فى أن إسلوب الشتائم هذا ليس إسلو ب حضارى ولكن سأوضح وجهة نظرى مره أخرى بإختصار( إننا بشر لنا سقطاتنا ولنا أيضا طاقة للإحتمال أحيانا تنفذ منا رغما عنا فنندم على إننا أخطأنا وتعود فتنفذ ونعود فنندم وهكذا) إلى تسير الأمور فى مجراها الطبيعى وتطبق العداله والمساواه فى هذا الوطن وقتها فقط نستطيع أن نفتح قلوبنا لنستقبل محبتكم وتفتحون قلوبكم لتستقبلوا محبتنا وتسود المحبه الحقيقيه طالما سادت المساواه بيننا ... هذه المساواه التى يجب عليكم أيها المسلمون المعتدلون أن تضموا صوتكم لصوتنا لنطالب بها معا حتى تتحقق لنا جميعا الحياه الهانئه وراحة البال وصدقونى لو إننا تذوقنا طعم المحبه الحقيقيه فسوف نندم على كل هذه السنين التى قضيناها فى هذا العذاب لأننا جميعا كبشر جبلنا وهذه المحبه بداخلنا ولكن الظروف المعيشيه هى التى تبدل أشياء كثيره . ندعو أن يمن الله علينا جميعا بالمحبه وراحة البال وأن يمن على مصرنا بالإستقرار
|
|
#14
15-10-2006
|
|||
|
|||
|
شكرا علي ردك الجميل صديقي جورج وكلامك فعلا مقنع
وفعلا في حجات كتير لازم تتغير وبردو انا معاك ان الخنقة زادت عن حدها اوي بس انا ليا وجهة نظر بردو ان الانسان اللي هيشوف الكلام اللي بيستهزء بدينة او برموز هو بيقدسها مستحيل يفكر ياخد معاكم موقف بالعكس ده ممكن يتقلب عليكم ويا سيدي عبر عن اللي مضايقك بكل حرية بس ياريت طبعا ان احنا نبعد عن سب الاديان والرموز المقدسة ايا كانت لان دي صعبة شوية وانت عارف انا اقصد اي مواضيع هنا في الموقع مالهاش هم غير الشتيمة وبس وشكرا علي قبول الصداقة وربنا يديم الصداقة والمعروف والسلام عليكم ورحمة الله وبركاتة اخوك في الوطن وحيد
|
|
#15
15-10-2006
|
|||
|
|||
|
إقتباس:
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط الشجري
