|
|||||||
| المنتدى العام يهتم هذا القسم بالأخبار العامه |
|
|
خيارات الموضوع | طريقة العرض |
|
#1
02-04-2006
|
|||
|
|||
|
آخرتها ايه معاكم ؟
وبعدين آخرتها ايه؟
شويه العيال اللى نازلين ردح فى بعض سواء مسلمين او مسيحيين الطرفين العن من بعض لا المسيحيه بتقول كده ولا الاسلام بيقول كده ماسكين لبعض عا الواحده المسلم بيقول على المسيحى ما قال مالك فى الخمر و كتابه محرف وبيعبد الصليب والمسيحي بيقول المسلم بيمسح مش عارف ايه بزلطه وبيشرب بول البعير ومتبع دين محمد ابن مش عارف ايه ورسول كذا وكذا انت يا مسلم وانت يا مسيحى ياللى بتشتموا فى بعض ونازلين تكفير فى بعض انا بقولها والله شاهد لا انت مسلم ولا انت مسيحى اتحدى اى واحد منكم يذكر نص من الانجيل او القرآن بيحلل اللى انتوا بتعملوه ده انتوا كده فاكرين انكم بتخدموا دينكم وبترضوا ربكم انا ما بتكلمش عن وحده وطنيه او وحده علاجيه و كلام من ده انا بتكلم عنكو وعن اللى بتعملوه فى انفسكم وعاوزين توصلوا ل ايه فى النهايه يا مسلمين عاوزين المسيحيين كلهم يبقوا مسلمين؟ وانتى يا مسيحيين عاوزين المسلمين يبقوا مسيحيين؟ لا ده ولا ده راح يحصل ايه اللى راح يفيدك لو مسلم اتنصر او مسيحي اسلم اغلى شيء عندنا هو ديننا اذا كان واحد ترك اغلى شيء عنده تفتكر ان ها يكون عنده اخلاص لأي شيء تانى؟ تقولى شاف النور او عرف طريق الهدايه راح اقولك هو ما كانش كافر بس كان بيعبد الله بطريقته وقلبه خاشع لله طمعا فى دخول الجنه مين من مش عاوز يدخل الجنه؟ دا الشيخ فلان قال كذا وابونا فلان قال كذا التحاور والاختلاف شيء مفيد بس بيكون فى حدود المعقول انت وهي مش بتخلفوا مع ااقرب الناس لكم سواء الام/الاب/ الابن/ الزوجه او الزوج ؟ معنى كده انهم وحشين ؟ عيب اللى بتعملوه فى بعض ده ومن خلال قراتى للمداخلات لاحظت ان معظم الجماعه اللى بيشتموا من الشباب الصغير اللى ما شافش امه وهى رايحه تزور جارتها المسلمه وواخده معاها طبق طعميه يوم الجمعه العظيمه ولا شاف ام احمد جارتهم وهى داخله عليهم بطبق عاشورا او حته كنافه فى رمضان الحق مش عليكو الحق عا الزمن الاغبر اللى عايشين فيه ده جتكوا نيله عليكوا وعلى ايامكم الغبره 
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط المتطور