مصير الأقباط لو وصل الأخوان للحكم !!!......(مدموج)

[boulos]

يا حبيبى الموضوع مش موضوع عنف واضطهاد أصل قراره ده كان قرار عملى بحت وهاقول لك ازاى. أنا بشتغل فى شركة كورية للأجهزة الالكترونية منافسنا القوى فى السوق هو الحاج مصطفى العربى صاحب شركات توشيبا العربى راح يلف على التجار اللى كلهم متنورين ومتعلمين أوى زى ما أنت عارف وقال لهم ماتشتروش منهم ولا تبيعوا بضاعتهم دى شركة كفار وبتشغل كفار. وبالفعل النعرة الدينية اشتغلت والمبيعات حجمها نزل غير حالة البلد الاقتصادية اللى الكل عارفها. وطبعا هو ماقالش للتجار ان توشيبا ده يابانى وانه كل سنة يروح اليابان يتعاقد مع الكفار على تجديد التوكيل. فاضطر رئيس مجلس الادارة الى استبدال العاملين والتضييق على المسيحين زى ما أنا حكيت لكن الرجل كورى ولا تفرق معاه مين اللى بيشتغل طالما الشغل ماشى ولكن لما المبيعات تنزل وأرباح الشركة تنزل كان لازم ياخد موقف.
وأحب أقول انه كان بيحب المسيحيين لأمانتهم فى الشغل فمثلا مافيش واحد مننا بياخد نصف ساعة صلاة جماعة ثلاث مرات فى اليوم وشغله مايخلصش ويضطر يقعد بعد المواعيد الرسمية وياخد طبعا over time. فكان المدير يقول لهم عايزين تعبدوا ربنا اعبدوا ربنا على حسابكم مش على حسابى لحد ما جيه الحاج العربى بلعبته الدنيئة.