|
|||||||
| المنتدى العام يهتم هذا القسم بالأخبار العامه |
|
|
خيارات الموضوع | طريقة العرض |
|
#1
01-04-2005
|
|||
|
|||
|
سقوط مملكة الاخوة الاشرار
[SIZE=4][SIZE=5][Sالفصل الاخير من مسرحية :
سقوط مملكة الاخوة الاشرار بقلم : صبحى فؤاد المكان: حجرة واسعة فى وسطها ترابيزة مستديرة يجلس فى احد اطرافها ثلاث رجال احدهم رئيس المخابرات الامريكية والثانى رئيس جهاز الموساد الاسرائيلى والثالث مجهول الهوية ويدعى (ارهاب) . يغطى الحائط المجاور لباب الغرفة خريطة كبيرة لدول العالم. تبدا احداث الفصل الاخير بحوار بين( كوهين) رئيس المخابرات الاسرائلية( والعم سام) رئيس المخابرات الامريكية: كوهين موجها سؤالة الى العم سام :دلوقتى ناوين تعملوا اية بعد ما خلصتو على صدام ..ها تدخلو سوريا وتخلصونا من ابن الاسد ..؟؟ العم سام:عاوزين سبب قوى .عاوزين نمسك علية حاجةكبيرة ..حاجة نسكت بها حلفاؤنا فى اوروبا ونقنع بها الراى العام العالمى مش عاوزين نكرر الاخطاء ياكوهين اللى عملناها فى حرب العراق كوهين : عاوز اية اكتر من قتل الحريرى ..العالم كلة بدا يقتنع ان السوريين خلصوا علية بامر من ابن الاسد شخصيا ..عاوز اية اكتر من كدة ياسام؟؟ العم سام : انا متفق معاك ياكوهين بس ياريت تشجعوا المتطرفين وتخليهم يفجرو شوية عمارات فى بيروت ويقتلوا مائة ولا مائتين مسيحى لبنانى على كام عملية انتحارية فى القدس او تل ابيب .. ارهاب مقاطعا العم سام : الحاجات دة امرها سهل ..دة مهمتى انا ..ها خلى المتطرفين المسلمين يولعولك بيروت ..وها اخلى المسيحين اللبنانين يطلبوا منكم الحمايةوالنجدة ..ها اشعلهلكم نار .. كوهين : وبكدة نكون ضربنا عصفورين بحجر واحد ..نتهم سوريا بارتكاب مجازر فى لبنان وبانهم بيشجعوا الارهاب .ونقوم بضربهم واحتلال سوريا ونغير النظام هناك ..وفى نفس الوقت ندخل لبنان بحجة حماية المسيحين والقضاء على الارهابين بتوع حزب اللة وحماس وغيرهم .. العم سام :وبكدة نكون خلصنا من سوريا ولبنان كوهين : طب مصر هاتعملو فيها اية..مصر اخطر من سوريا ولبنان والعراق ..احنا مش بنثق فى المصريين ابدا وبنعتبرهم العدو الرئيسى لينا..الد الاعداء ؟؟ العم سام : مصر امرها سهل ياكوهين احنا عمالين نضغط على مبارك عشان يعمل انتخابات حرة ..هو عمال بيقاوم دلوقت ولكنة فى النهاية هايسلم ..وها يسيب الشعب ينتخب ويختار اللى عايزة ..واتحداك ان المصريين سوف يرشحون الاخوان المسلمين ..على فكرة احنا عمالين نجرى مفاوضات سرية مع الاخوان وعمالين نشجع فيهم عشان يخدو الحكم من مبارك زى ما عملنا فى ايران ايام الشاة كوهين مقاطعا بصوت مرتفع: انت مجنون باين عليك ..الاخوان دول متطرفين ..قتلة مجرمين ..مبارك الديكتاتور ارحم لينا الف مرة من الاخوان المسلمين العم سام : اعقل ياكوهين ..هدى نفسك احنا عارفين بنعمل اية.. كوهين : ريحنى ارجوك ..فهمنى العم سام : بص ياسيدى الاخوان لو اخدو الحكم من مبارك ها يعلقوا المشانق فى مصر ..ها يخلوها زى افغانستان ايام الطالبان ..ها يطبقو الشريعة على المسلمين وغير المسلمين ..ها يحولو المعابد الفرعونية الى جوامع ومصليات وربما يحاولو هدم الاهرامات وابوالهول وبقية الاثار المصرية القديمة لانهم بيعتبروا كل الحاجات دة كفر والحاد وضد الاسلام .. واكيد هايلغوا اتفاقية كامب ديفيد ويعلنوا الحرب عليكم .. وفى الحالة دة ها نخليوكم تخدو سيناء مرة تانية وتضموها ليكم واحنا ها نتكفل بفرض الوصاية على بقية مصر ونحط الحاكم اللى احنا عايزينة..ونشيل اللى مش عايزينة.. كوهين :فكرة ممتازة ياسام ..طالما ان الاخوان المسلمين فى مصر ها يخلونا نحقق حلم اسرائيل الكبرى من النيل الى الفرات ..فى الحالة دة ما عندناش مانع انكم تشيلوا مبارك وتحطوهم مكانة بصفة مؤقتة .. ثم ما لبث ان نظر العم سام الى مستر ارهاب وقال : عاوزينك يا ارهاب تتجدعن شوية علشان نقدر نخلص شغلنا بسرعة لان الراجل الكبير مستعجل شوية..عاوزينك تكتر من عدد الانتحارين اللى بتجندوهم من المتطرفين المسلمين ..زودوا الفلوس اللى بتدفعوها ليهم.. ادفع لهم اللى هما عازينة ...بس المهم متنساش تخليهم يقتلوا كام قبطى ويحرقو كام كنيسة على كام بنت مسيحية يجبروهم على دخول الاسلام ..وخليهم يعملو نفس الحكاية فى لبنان كمان علشان ميبقاش منظرنا وحش ادام الناس بتوع فرنسا والمانيا وروسيا والصين .. نظر ارهاب لكل من كوهين وسام وقال: سيبو الموضوع دة على ..ها اخلى الاخوان فى مصر بالذات يعملو اكتر من الاغبيا بتوع الطالبان..ها اخليهم يشعلوها نار وحرائق ..ها اخليهم يخربوها .. كوهين :خلى بالك ياارهاب ..لازم تتابع انت الموقف بنفسك ولو عاوز مساعدة مننا احنا تحت امرك . سام: تعرف ياسام لو نجحنا فى احتلال سوريا ولبنان ومصر اوعدك ان احنا ها نخليك مندوبنا السامى فى السعودية ..ها نخليك تغرق فى فلوس البترول انت واهلك وصحابك وكل اللى انت بتعرفهم .. ضحك ارهاب وقال : بس انتم لسة مااختوش السعودية!! اجاب سام قائلا : الدور جى عليها قريب . وفجاة رن جرس التليفون فرفع سام السماعة وسمع من يقول بصوت مضطرب :مبارك يافندم ساب البلد..ساب مصر ومش عارفين هو فين فرد سام قائلا: ومين خد مكانة ؟؟ _ مش عارفين ياريس ..مفيش اخبار مؤكدة عن اللى بيحصل.. ناس بتقول انة ساب الحكم للاخوان المسلمين ..وناس بتقول ان مبارك نزل الجيش وعمال يدبح فى الاخوان ..الموقف غاية فى الغموض والخطورة..معندناش اى معلمات اكيدة عن اللى بيجرى . وبعد ان انتهى سام من تلقى المكالمة التليفونية نظر الى ارهاب وقال :ازاى قدرت تعملها لوحدك ياارهاب ..ازاى قدرت تحرك الاخوة الاشرار بالسرعة العجيبة دة؟؟ ازاى قدرت تخرجهم من جحورهم وتخليهم يقفوا فى وش مبارك ويتحدوة بالطريقة العلنية دة ؟؟احنا مكناش عارفين قيمتك ابدا ..دة انت عبقرى ضحك ارهاب ولم ينطق بكلمة ولكنة قال فى نفسة : لا عبقرية ولا يحزنوة ..كل ما فى الامر اننى عرفت نقطة الضعف عند المصرين المسلمين ..عرفت السر..عرفت اعظم واكبر واخطر اسرارهم !!!! ولم يشا مستر ارهاب ان يبوح بهذا السر الى سام او كوهين وفضل الاحتفاظ بة لنفسة وكانت بداية النهاية للاخوة الاشرار فى مصر ومعظم الدول العربية . صبحى فؤاد استراليا 1ابريل2005 sobhy@iprimus.com.au[/SIZE][/SIZE] 
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط المتطور