موضوع كبداية للتعارف

[2ana 7or]

المشاركة الأصلية بواسطة الأستاذ

Mrs 2ana 7or حضرتك بتتكلمي وكأن مفيش اي حاجة حصلت ولا بتحصل وبكل هدوء بتقولي مش فاهمة مالي مستنكر اوي لية كدة متهيأل يعنى قبل ما تتكلمي وتقول خطف واغتصاب وسرقة والكلام اللى بتقولية دة تشوفي انتى او غيرك بتقولوا اية على الاسلام ونبي الاسلام صلي الله علية وسلم ومتهيألي اوي عيب لما تكوني مصرية دة لو انتى مصرية من الاساس ويصدر منك كلام زي دة وترجعي تقولي بكل بساطة ناقل الكفر ليس بكافر
طول عمر المسلمين عايشين مع المسيحين في مصر زي السمنة على العسل وانا بنفسي بقولك ادينى مواطن مصري عادي جدا وبروح لصدقائي المسيحين وبنعيد على بعض في الاعياد وبنتفسح سوا ومنساش ابدا جيرانى المسيحين لما عزوني في والدتى الله يرحمها ومشوا معايا في الجنازة يواسونى ووقفوا برة قدام الجامع لحد صلاة الجنازة وجم معايا المقابر كمان ولما بيكون عندهم مناسبة سعيدة بروح معاهم الكنيسة واشاركهم الحلو والوحش ولا حد يوم قال انت مسلم ولا انت مسيحي ولا عمري سمعت كلمة قذرة عن الاسلام منهم ولا هما سمعوا كلمة وسخة منى عن المسيح ومش هتكلم كتير وهسالك سؤال وقبل ما اسالهولك احلفك بالله او بأقدس شيء عندك هل لديك صديقات مسلمات ؟
ولو كان ليكي صديقات مسلمات عمرك قلتى الكلام اللى بيتقال هنا دة عينى عينك لوحدة منهم ؟
عمرك سمعتى منهم كلمة واحدة مش محترمة عن العذراء او المسيح ؟

بعد أذن مدام أنا حر ... سوف أقوم بالأجابة عن تسؤلاتك يا خالد ...
أولا : و قبل كل شيىء هذا المنتدى فى الأصل سياسى ... و من حقنا أن ننتقض بكل حرية أى سياسات لا تتفق مع مصالحنا ...

ثانيا : كما قلت فى مداخلة سابقة فى موضوع آخر لقد فاض الكيل نحن منذ أكثر من 50 عام نتعرض الى كل أشكال التفرقة و العنصرية و الأضطهاد ... و منذ أكثر من 50 سنة نطالب بحقوقنا المشروعه مثل أى بشر فى الدنيا و وجهنا شكوانا من أول رئيس الجمهورية الى أصغر فراش فى الحكومات المصرية المتعاقبة دون أى إستجابة "ود من طين و ودن من عجين" بل الأعجب من ذلك أن تسمع إجابات من بعض الأخوان المسلمين يقولون أنتم ليسوا ليكوا أى حقوق و يكفى أننا نتركم تعيشوا فى وسطنا؟! ده كلام طبعا غير مقبول ؟! لأننا شعب أصيل و لسنا دخلاء ؟! بالأضافة الى عنصرة القوانين و تم تعديل الدستور بما يخل التوازن فى حقوق المواطنة ؟! و البقية تأتى مع تزايد التشدد الأسلامى الذى أصبح غير موضوعى ...

ثالثا : لقد أقحمتم الدين فى السياسة و كما قلت سابقا السياسة لابد أم تنتقض بما أن السياسة أصبحت دينا فلاتلومنا على هذا نقض ...

رابعا : عندما تريد أن تفرض على الدين الأسلامى بالقوة ... أو تتدعى أنك تعلم الحقيقة الكاملة و أن غير المسلمين ليسوا لهم أى حقوق ... و عليهم قبول الأسلام دون تفكير أو تمحيص أو مقارنة ... يا إلا سوف تقتلوا أو أقبلوا تعيشوا أذلاء ... و لا تطلب منى أن أنتقض هذا الدين و اقارنه بما لدى تبقى أنت إنسان غير موضوعى!؟

خامسا : الشعب القبطى يعتمد أعتماد كلى على الحكومة من حيث المطالبة بالحقوق و قد خذلته جميع الحكومات الفاسدة المتعاقبة على مر الزمان منذ أكثر من 50 سنة ... و فى نفس الوقت لا يوجد أى جهاز إعلامى حر يتحدث و يتبنى مشاكل شعب بأثره يبلغ تعداده أكثر من 15 مليون نسمة ... فهل من المعقول أن نقوم هنا أيضا بقطع لسانه و نمنعه من التعبير بحرية !!! فى مقابل مؤسسات و حكومات و فضائيات و أموال لا حصرة لها تصرف تدافع عن قضايا الأسلام و المسلمين فأين نحن من هذا ؟! لسنا سوى نقطة فى بحر ؟!

سادسا : لنا أصدقاء كثر مسلمين و نحن نحبهم و نحترمهم ... لكن عندما الأمور تصبح تهدد أمن أولادى و أهلى و شعب بأكمله ... و هؤلاء الأصدقاء و الأحباء المفترضين يشجعون ما يحدث من تطاول على الكنائس و الأفراد أو حتى يقفون سلبيون أمام كل تلك الأحداث ... فلا تطلب منى أن أكون أيضا سلبى لابد أن أدافع عن شعبى و أهلى ...

سابعا : لماذا لا تسمعون مطالب و كلام العقلاء و الحكماء منا اللذين أضناهم و أرهقهتهم المطالب الغير مستجابة ... و قد استنفذوا كل الطرق الودية ... و فى المقابل يهانون يوميا فى صفحات الجرائد حتى يومنا ؟!

[muhamed]

المشاركة الأصلية بواسطة الأستاذ

بصراحة شديدة جدا انا مش عارف اقول اية ولا اتكلم ازاي وفي في دماغي الف فكرة وفكرة اللى انا قريتة في المنتدي دة عمرة ما يكون نابع ابدا من بنى ادمين من لحم ودم بيحسوا وبيفهموا وبيتالموا زي باقي الناس دة جنون بجد جنون وابشوع دراجت الجنون كمان لما احنا يا مصريين او يا عرب او حتى من اي ملة او اي دين او اي جنس نتكلم بالاسلوب دة شتيمة وقذارة وكلام غلط واكاذيب وحقد اسود دفين وجد نفسة بدون رقابة ولا ظابط ولا رقيب وبدأ يطلع واللى مش قادر كلمة يقولها في الحقيقة بيقولها على النت؟
هي دي الحرية بالنسبة لكم ؟

حتى الناس اللى اتكلمت بقمة العقل القيها في مواضيع تانية بتتغير زي الحرباية وبتتكلم بنفس الاسلوب المزري ؟ بجد انا مصدوم ومش مصدق اللى اتقال دة ؟
على كدة الدانيمارك والنرويج واي دولة تانية ليها مليون حق تقول اللى هي عايزة طالما احنا بنقول كدة

هو دة بقي موقع ومنتدي اقباط المهجر اللى بينادي برفع الظلم والاضطهاد ؟
هو دة اللى زعيمة مايكل منير اللى بينادي بالحرية والمساوة والكرامة لكل المصريين بغض النظر عن الدين ؟

انا مزعمش انى اعرف كتير عن المسيحية اكتر من رتوش بسيطة عرفتها من زمايلي المسيحين في الشغل او جيرانى لكن عمري ما تصورت في يوم من الايام ان يكون اللى جواهم وبيخبوه ومش عاييزن يعلنوه قدامنا ؟ لكن عمري ما تخيلت الوضع يكون بالاسلوب دة لكن مع ذلك ولحد ما بكتب السطور دي مكنتش عارف اقول اية اشتم والعن الكل وامشي بنفس مبدأكم واخرج من المنتدي دة بعد ما اشتم والعن ؟ لكن السؤال الاهم اشتم مين والعن مين ؟
العن سيدة ربنا كرمها من فوق سبع سموات وسمي سورة في القرأن بأسمها ؟ السيدة العذراء مريم مستحيل طبعا ولا العن السيد المسيح احد انبياء الله واية الله في الارض وشخصية عظيمة وحكيمة مثلة ؟ مستحيل طبعا ولا العن النفس البشرية اللى الشيطان ملاها حقد وكراهية وغل اسود

يمكن كلامي دة ميوصلش للكل ويمكن يتحذف نصة على الاقل ان متحذفش كلة لكن عايز اسأل سؤال واحد بس ( اية فايدة المنتدي دة وانتوا فاتحينة لية ؟ ) عشان تشتموا في الاسلام والمسلمين ؟
لا انتوا اول ولا اخر ناس شتموا الاسلام والمسلمين واهانوهم لكن في النهاية كسبوا اية ؟
الاسلام يا سادة من اكتر من 1400 سنة موجود ومن يوم ظهورة لحد اليوم وكل الحاقدين علية بيعملوا المستحيل عشان يهدوه لكن مع ذلك كل دة زي ما تكون عايز تهد جدار فولاذ بعود كبريت انا عايز اي واحد من المنتدي هنا وزي ما بتقولوا شارب من كيعانة من الاسلام وتعبان من الاضطهاد والكلام دة كلة يقولي لما شتم وقل ادبة بالاسلوب الوضيع دة استفاد اية ؟
استريح نفسيا ؟ اعصابة هديت لما شتم الاسلام ؟ وبعدين اية اللى جرا ولا حاجة حتى عندكم حاجة قريتها في المنتدي في الانجيل بتقول الشتامون لا يرثون ملكوت الله يبقي انتم بتعصوا ربكم من غير هدف وهل انتوا كدة باللى بتعملوة دة بتتقربوا بية لربنا ؟ لو ان المنتدي كلة مراهقين او شباب لسة صغير في السن ممكن اقول انه كلام عيل قالة وخلاص لكن المصيبة ان واضح ان معظمكم ناس كبيرة وفاهمة وتعي الكلام كويس

وعشان احسم الكلام دة كلة النهاردة زرت واحد مسيحي صاحبي مدرس كيميا في بيتة وقعدنا نتكلم وفتحت الموضوع دة وحكيتلة على الكلام دة كلة قالي( هفهمك الوضع بكلمتين دول شوية ناس مريضة وفاكرين نفسهم بيخدموا الدين واللي قلبهم على المسيح وكل واحد قاعد برة مطمن ان مفيش حد هيقولة تلت التلاتة كام زي اي عيل صغير مش عارف يتكلم وهو في الشارع مع اصحابة اللى اقوي منه بس اول ما يطلع بيتة ويحس بالامان يخرج لهم في البلكونة ويفضل يشتم فيهم وانصحك سيبك منهم لان دي اخلاق العبيد معدومي الحيلة )

دة كان نص كلامة واقسم بالله لم ازيد علية حرف ولم انقص منة حرف
ياريت حد يدينى تفسير على اللى بيحصل دة ووعد منى مستعد اسمع للصبح واقتنع كمان لكن شتيمة وقلة ادب وكلام قذر زي اللى قريتة دة اعتقد ان الواحد لازم يراجع نفسة مليون مرة قبل ما يقول كلمة واحدة يتحاسب عليها يوم الحساب

هل تعلم اخي خالد ...., اشعر حقا بما في نفسك من مراره من ما واجهته الي الان من معظم الاخوه المشاركين بالموضوع لكن اخي و بحياد تام المشكله ليست في دين بعينه سواء كان الاسلام او المسيحيه ( رغم عدم احترامي الشديد لهم ) و ليس في المسيحيين في مصر او لبنان او روسيا او المانيا او امريكا ., كلهم او معظمهم او حتي نصفهم و كذلك الحال مع المسلمين و اليهود و الجميع غيرهم

فمن يريد تحكيم عقله سيفعل ذلك لكن الكثير من الناس تفضل الطرق السهله و سياسه القطيع

المشكله ان لغه التطرف تغلب لغه العقل و يبدو ان المتطرفين اغلبيه في المنتديات الدينيه بحكم ان اهتمامهم بالدين يحكمهم اكثر من الاناس الاخرين و بالتالي يبحثون عنه في كل مكان بما فيه الانترنت و تحديدا المنتديات الدينيه

للعلم قمت بتجربه مشابهه مع منتدي اسلامي تقمصت فيه شخصيه مسيحي معتدل له خبره بالاسلام و حاولت التعرف على بعض الاخوه به و كانت النتيجه نفس الاستقبال ( الودي ) الذي لقيته انا و لقيته انت هنا

فقط نصيحه لك اخي .., لا تقع بفخ الكراهيه ., و لا تأخذ هؤلاء كمثال

تحياتي