بطرس غالى يرأس المجلس القومي لحقوق الأنسان .. طب ليه؟

[yaweeka]

بص يا سيدى منك ليه وما سيدكم الا "ياويكا" رضى الله عنه وأرضاه

المبروك بتاعنا كان ميعاده يحل بناقته الى واشنطن يوم 15 يناير الجارى , طب إيه اللى حصل ؟
المعلومات دى من منازلهم يعنى من جوة البتاع

فيه واحد خبيث بيقول ان ابن عمى بوش حدد 3 مطالب من المبروك قبل ان يحل الى أمريكا فى الموعد اللى أعطاه ليه فى مارس "يعنى ما تورنيش وشك قبل ما تعمل الآتى":
1- انسى موضوع توريث السلطة دلوقتى " وعشان كدة طلع المبروك وقال تصريحه ان توريث السلطة غير وارد وانها كلام جرايد"
2- دعم المشروع الأمريكى فى العراق وتلجيم الإعلام المصرى: عشان كدة المبروك ماشى اليومين دول واللى عليه : خروج أمريكا من العراق حاليا ممكن يؤدى الى حرب أهليه وان الوجود الأمريكى فى العراق ضرورى

كدة هو ماشى تمام
الطلب الثالث ها يحاول "يفلفص" منه كالعادة الا وهو القيام بإصلاحات سياسية "حقيقية" وده طبعا صعب عليه
يبقى تتصرف كيف يا عبد الرحيم تتصرف كيف يا عبد الرحيم تتصرف كيف يا عبد الرحيم ؟؟؟؟ ايوة , اتبع طريقة الحلبسة المصرية
إديها شوية مجالس قومية كدة وحط شوية "حريم" على شوية "أقباط" عشان تلميع البتاع

طب إحنا الأقاط نعمل إيه؟
نستعمل الجمجمة كدة ونخلينا إيجابيين ونرحب ببطرس باشا غالى وإديها شكاوى من اللى بيحصل فى البلد.... الباشا لازم يتصرف ويعمل حاجة
ليه بأة؟
لأن العالم اصبح قرية صغيرة وأى شكوى موجهة له نبعت بنسخة منها لجريدة وطنى او منظمات أقباط المهجر كنوع من " لازم تتصرف يا حلو وورينا شطارتك" والا ها يقولوا عليكم " امين عام الامم المتحدة السابق".... حاطينه بس ديكور عشان البتاع .... مش حلو علشانك
بس تعرفوا بأة ان بطرس باشا ده واحد ما جابتوش ولادة ز ى ما بيقولوا , وبعدين ده دماغه عالية ودايما يشجع الاقباط ان يتبعوا "وسائل الإحتجاج السلمية" واهى جات لكم على الطبطاب يا اقباط
اللى عنده مشكلة او يعرف حد عنده مشكلة يديها كتابة وفاكسات اول ما يعتمدوا البتاع ده اللى اسمه المجلس.

ده اسمه طالب بحقك بطريقة شرعية وسلمية يحترمها العالم ويقدرها


بطرس مش قريب بن بباوى , ده رجل مخضرم ويعرف من أين تؤكل الكتف .... هو بس عايزنا نبطل تنبلة ونساعده عشان يساعدنا

شلولح