|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
|
|
#1
30-08-2005
|
|||
|
|||
|
إقتباس:
ده كدة خلاص بقوا الهة! ده حتى السيد المسيح أعطى ما لقيصر لقيصر و هو الذى يملك قيصر و روح قيصر فى قبضتة، هل تعتقد إن البطريرك أفضل منة؟ حرام عليكوا الكلام دة هو اللى خلى بعض الآباء يفتكروا إنهم أفضل من البشر. بالنسبة لموضوع الكرازة، إذا كانت هذة الوثيقة لا تعبر الا عن رأى البطريرك الشخصى هو و الأساقفة اللى مضوها فإية اللى يديهم الحق ينشروها فى الكرازة؟ 
|
|
#2
31-08-2005
|
|||
|
|||
|
إقتباس:
المسيح قال لليهود ، بأن يعطوا الجزية لقيصر ، من وجهة نظرك فهو يمنع اليهود من الثورة ضد الظلم الروماني ، فهو قد سمح لهم باستمرارهم في مذلتهم وهوانهم واعطاء قوتهم وقوت أولادهم لقيصر وحاشيته أليس هذا هو رأيك تجاه البابا؟؟!! ثانيا : ما شأن الكرازة بموضوعنا ؟؟ ، مجلة الكرازة مجلة مثلها مثل أي مجلة تنشر أخبار وأحداث بل واجتماعيات وأعياد ميلاد ووفيات وأخبار المنطقة ، وعندما خرج البيان تم نشره هو الآخر أم أن أعياد الميلاد والخطوبات وحفلات الزواج والوفيات من أعمال المجمع المقدس يا أخ مينا؟!!!
|
|
#3
31-08-2005
|
|||
|
|||
|
إقتباس:
|
|
#4
31-08-2005
|
|||
|
|||
|
إقتباس:
اذا لم يكن للمسيح رأي سياسي ، فلتعلل لي لماذا صرّح بدفع الجزية الى قيصر طبعا من حقك الاعتراض ، لكن الفرق في طريقة الاعتراض كقبطي تريد أن تثبت للعالم أنك متحضر فلتعترض بطريقة عملية متحضرة كصناديق الاقتراع مثلا ... البعض تجرأوا على سيادة كرسي مار مرقس الرسول ووصفوا الجالس على كرسي مار مرقس بالهرطقة البعض الآخر تجرأ أكثر وطالب بعزله لماذا؟ لأنه صرّح برأيه السياسي وترك الحرية لمعارضته بطريقة حضارية هل في مهاجمته أي قيم حضارية؟؟ بالقطع لا افعل ما يليق بك كمسيحي أولا وكقبطي ثانيا ربنا معاك وشكرا على ردك 
|
|
#5
31-08-2005
|
|||
|
|||
|
عزيزى ساويرس، لما سأل الفريسيين السيد المسيح السؤال دة كان هدفهم إنة يا إما يقول إدفعوا الضرائب للرومان و فى الحالة دى يغضب الشعب أو إنة يقول لا تدفعوا فيغضب الوالى الرومانى أما إجابة السيد المسيح الحكيمة فكان معناها إنة لا يهتم بالماديات لأن مملكتة ليست من هذا العالم. إنت أعلم منى بالكلام دة فمفيش داعى ناخد الكلام بحرفية و الدليل إن أحد من الشعب لم يغضب لأن ده كان فخ الفريسيين لو السيد المسيح قال إدفعوا الضرايب.
شأن الكرازة هو إن نشر مبايعة مبارك فيها دليل إن المبايعة دى مش مقصودة كرأى شخصى. أيوة الكرازة فيها أعياد الميلاد و خطوبات لكنها حسب معلوماتى مدفوعة الأجر و موجودة فى مكان واضح مخصوص للأخبار من هذا النوع، فهل يا ترى دفع المجمع المقدس أجر نشر المبايعة و هل طبعت فى مكان مخصص للإعلانات. بلاش نلف و ندور يا عزيزى إنت عارف إن الكلام ده إتنشر بطريقة توحى إنة أكتر من آراء شخصية هدفة إيحاء الأقباط البسطاء إن يختاروا كما إختار البابا. إنت يمكن بس علشان مثقف حطيت الكلام فى محيط معين لكن كلنا عارفين الإنسان العادى هيفسر الخبر إزاى و لا أظن قداسة البابا بحكمتة يفوت علية الكلام ده. قداسة البابا بيملى رأية على الناس طاعة لأولاد العالم. إسمحلى أنقل لك الكلام المكتوب أعلى التوقيعات: "البابا شنودة الثالث و مطارنة و أساقفة الكنيسة القبطية الأورثوذكسية يسعدهم إستمرارية الرئيس محمد حسنى مبارك فى رئاستة لمصر، لما يرونه فيه من حكمة سياسية، و سماحة، و خبرة عميقة بإدارة شئون البلاد، و معرفة وثيقة مع علاقة طيبة بكل القيادات السياسية فى البلاد العربية و الغربية و سائر البلاد و و ما نالة من تقدير الجميع، و ماله من موقف حازم فى قضايا الشرق الأوسط و السودان، و حفظ مكانة مصر بين الدول. لذلك يناشدونة الإستجابة لرغبة الجماهير بترشيح نفسة لرئاسة الجمهورية لدورة تالية، و الكل يحبونة و يؤيدونه. توقيع أعضاء المجمع المقدس...(التوقيعات)" طب بالذمة ده مكتوب بصيغة رأى شخصى، حتى لو كان ده رأى البابا الشخصى فيبقى قداستة عايش فى عالم تانى غير بقية الأقباط. كله كوم و لهجة التذلل فى الكلام كوم تانى... "لما يرونه فيه من حكمة سياسية، و سماحة" يعنى إيـــــــــه سماحة؟ مش فاهم أنا بينتخبوا رئيس و لا رئيس عصابة. " معرفة وثيقة مع علاقة طيبة بكل القيادات السياسية فى البلاد العربية و الغربية و سائر البلاد" إية الكلام خالى المعنى دة؟ "حفظ مكانة مصر بين الدول" يا سلام! و الدول دى على أنهى كوكب؟ "ما نالة من تقدير الجميع" يا ساتر على التملق. "لذلك يناشدونة الإستجابة لرغبة الجماهير بترشيح نفسة لرئاسة الجمهورية لدورة تالية، و الكل يحبونة و يؤيدونه" لأ فعلا رأى شخصى و لا يمكن إحنا عندنا أساقفة جماهير. مش فاهم إزاى بتحاول تبرر هذا الخطأ يا أخ ساويرس. ربنا معاك و معانا جميعا.
|
|
#6
31-08-2005
|
|||
|
|||
|
سلام المسيح معك أخ مينا
رسالتك طويلة لكن هحاول أرد عليها بقدر الامكان إقتباس:
انه فعلا كان فخ لكن ، المسيح صرح لهم ، بما أنهم يعترفون بسلطان قيصر عليهم ، ويضعون صورته على العملة المتداولة بينهم ، إذا فقيصر له حق ، وحق قيصر هو الجزية ، وهو اجابة السؤال الذي سألوه ، ولكنه أيضا أجاب بتصريح آخر ، أن لله ايضا سلطان عليهم ، فلابد أن يعطوا ما لقيصر لقيصر وهو حق قيصر ( الجزية ) وما لله لله وحق الله معروف في الشريعة وهذا في حد ذاته مقارب لموقف البابا فالبابا وجد نفسه أما خياران إما أن يقول هو وكل الشعب نعم لمبارك ، ويغضب الشعب أو أن يقول لا لمبارك هو وكل الشعب ، ويتخذ **** المسلمين هذا الموضوع لمهاجمة الكنيسة من كل جهة بمباركة النظام الحاكم علنا وجهرا فاختار الحل الوسط ، بمبايعة الرئيس ، هو وبعض المطارنة والأساقفة فقط ، مع اغفال الشعب والكهنة لكي يكونوا متحررين في رأيهم السياسي بدون أي ضغوط ووضع ثقته في أن الأقباط سيتفهمون الموقف ويعارضون البيان ان شاؤوا في صمت ووقار يليق بمسيحيين ، ولكن للأسف ثقته لم تكن في محلها . إقتباس:
لكن الكلام وضع في صيغة خبر والخبر ذاته مناشدة لمحمد حسني مبارك أن يرشح نفسه لرئاسة الجمهورية لدورة تالية ، لا مناشدة للشعب القبطي لانتخاب مبارك ، فهذا لم ولن يحدث قط إقتباس:
وده طبعا من باب الحكمة ، عشان محدش يمسك غلطة المشكلة الآن في الاقباط ، هل يعترضوا سلميا ؟ أم يثبتوا أنهم مسيحيين دينا مسلمين عقلا وخلقا وعلما؟؟ دي فرصتنا ، نثبت لأنفسنا اننا ترقينا ، واصبحنا آهلين أن نقرر مصيرنا ونعترض سلميا عن طريق صناديق الاقتراع في الانتخابات القادمة
|
|
#7
31-08-2005
|
|||
|
|||
|
جاوبت على أسئلتكم على قد ما أقدر
ليّ سؤال ليه الهجوم على رأي البابا السياسي؟ وفي ذات الوقت لا يوجد تعليق على موقف الكهنة السياسي من أمثال أبونا فيلوباتير جميل و كاهن كنيسة منفلوط ؟؟ البابا راعي الرعاة ، والكاهن راعي كنيسته ايه الفرق؟؟
|
|
#8
31-08-2005
|
|||
|
|||
|
أخى ساويرس، إجابة سؤالك بسيطة، إحنا عشمنا فى الكهنة كبير لكن عشمنا فى حكمة قداسة البابا أكبر الف مرة. ثانيا أنا شخصيا لا أندهش لما كاهن يغلط لأن بصراحة الكاهن متزوج و لة أولاد و علية ضغوط مادية و من حقة يخاف على أمن زوجتة و أولادة فلا أتعجب كتير من أخطائهم. أما من وهبوا نفسهم للكنيسة زى الرهبان و الأساقفة و على رأسهم قداسة البابا فلا أفهم بيطمعوا فى إية و لمين؟ لا عندهم عيل ولا تيل و المفروض يعبروا عن رأى الشعب و يدافعوا عن مصلحتة ببسالة.
لما ييجى رأس الكنيسة و يقول كلام زى دة عايز باقى الناس تعمل إية؟ هل تفتكر إنى فرحان بإنتقاد البابا أو مستنى لة ع الواحدة؟ هل تفتكر إنى بدور على جنازة علشان أشبع فيها لطم؟ صدقنى ما حدش غاوى نكد. بس للأسف النكد جاى لحد عندنا و من مين من راعى الرعاة زى ما إنت قلت. أنا نفسى أعرف يا ساويرس هل إنت مقتنع فعلا إن قداسة البابا لم يخطئ بتاتا فى مسلسل ترشيح مبارك ده؟ من أول الورقة اللى مكتوب عليها "المجمع المقدس" إلى التذلل لمبارك فى إختيار الكلمات إلى نشر هذا فى الكرازة؟ هل إنت فعلا عقلا و باطننا مقتنع بأن ده يصح و يليق مع مهابة الجالس على كرسى مارمرقس؟
|
|
#9
01-09-2005
|
|||
|
|||
|
إقتباس:
الكاهن رجل الله ، أعطى حياته لخدمة المسيح وشعب المسيح ، سواء كان متزوج أو لا ، فهو من الاكليروس ، ومش هتفرق اذا كان من يتدخل في السياسة من الاكليروس كاهن أو راهب أو أسقف أو مطران أو بطريرك حتى ، فكل منهم راعي بشكل ما الكاهن بشر والبطريرك بشر يا أخ مينا ، لا تنتظر أن يخطئ الكاهن وتعصم البطريرك إقتباس:
سواء أخطأ أو لم يخطئ ، الموضوع ده ما يفرقش معايا ، لأن المسيح هو الديان ، ولن أتجرأ إني آخذ مكانه ولو عملت زي بقية الأقباط وقلت ان البابا أخطأ ، كده كأني بكسر كنيستي وأفضحها وأقول للناس احنا مش صف واحد طيب ليه؟؟ طالما ان عندي البديل السلمي الحضاري للاعتراض ، وهو الانتخابات أنا أصلا محدش فرض علىّ حاجة ولا قداسة البابا ولا أي من المطارنة والأساقفة وأنا حر في اختياري ليه بقى الادانة؟؟؟؟ انا لازم أحافظ على كرامة كنيستي ولو كلفني كده دمي ، وما اسيبش الفرصة للمتسللين مهاجمي العقيدة انهم يتدخلوا في النص ربنا معاك يا أخ مينا
|
|
#10
31-08-2005
|
|||
|
|||
|
إقتباس:
الفرق ان ابونا فيلوباتير لم يصدر مرسوما باسم كنيسته او كنائس الجيزة بمبايعة ايمن نور. ابونا فيلوباتير ربنا يديله الصحة ويقويه على الظلم الواقع عليه لم يصادر ارادة رعيته ورغبتهم في انتخاب من شاءوا. اما قداسة البابا فاصدر قرار من المجمع المقدس الذي يمثل الكنيسة القبطية الارثوذكسية. وانا كعضو في ذات الكنيسة ارفض ان يصادر البابا او الاساقفة حقي في اختيار من اريد. وياريت ماتقوليش ان هذا رأي البابا الشخصي. قداسته ممكن يعبر عن رأيه الشخصي بعيدا عن المجمع المقدس. كان هيبقى اشرف واكرم لنا مليون مرة لو ادارة الكنيسة وقفت ضد قرار كهذا مثلما وقف اعضاء الازهر ضد رغبة الشيخ طنطاوي في استصدار قرار مبايعة مماثل من الازهر الشريف. وبعدين قداسة البابا رايح جاي يتكلم باسم الاقباط ويقول الاقباط بيحبوا مبارك الاقباط بيأيدوا مبارك. سمعت ابونا فيلوباتير بيقول كلام زي كده؟ آخر تعديل بواسطة afanous ، 31-08-2005 الساعة 08:59 PM
|
|
#11
01-09-2005
|
|||
|
|||
|
الاخ ساويرس-- بهدا التاييد لمبارك بيقول لمبارك -- انت يامبارك علي حق اضطهدكم لينا زي العسل ادينا كمان وكمان اخطفوا بناتنا زي ما انتم عايزين احرمونا من كل شيئ- خلونا مواطنين درجه ثالثه تيرسو او رابعه او عشره--اخطفوا اراضي الكنائس- القوا ماء نار علي بنتنا- عزبونا مع امن الدوله--اشتمونا و كفرونا علني في الشوارع--لا تعينوا اي حد من المسحيين--زلوهم في كتب المدارس---والخ الخ الخ يا حبيبي ساويرس احنا مطهديين بحق يقوم جلالة المجلس الموقر و البابا يعمله كده ياراجل ده اسمه حرررام -- حرام -لما تقع تحت ايديهم وتدوق معني الاطهاد سوف تقدر انا بقول ليه حرام - يعني البابا لو اتخطفت بنته او اخته عمره ما اصدر هدا البيان -المبايعه- طب ليه البابا ما يحسش بالام شعبه -- الام شعب كامل--فين ياعم الراعي الصالح -- هو الراعي يقول للدئب تعالي اهتك و اقتل وادبح اعمل اللي انت عاوزه--- اللي ايده في الميه مش دي اللي ايده في النار -- والبابا لازم يحس بشعبه ولا هو عايش في بلد تاني--اخويا ساويرس ربنا يحسسك بالي في قلبي و في الملاييين-سلام المسيح -- ارجوا الرد يا اخ ساويرس
|
|
#12
01-09-2005
|
|||
|
|||
|
إقتباس:
إقتباس:
مفيش حد صادر حقك في أي شيء ، ولا حق الكهنة في الانتخاب ، لو كان مكتوب " الكنيسة القبطية الأرثوذكسية اكليروسا وشعبا يؤيدون تولي محمد حسني مبارك لفترة رئاسية خامسة " ، ساعتها لك الحق في الاعتراض ، لكن طالما أنك لسن أحد الموقعين أدناه ولست مذكور في الوثيقة اسما أو مجازا ( تحت كلمة شعب ) فليه الاعتراض؟؟ وبعدين أنا كنت فاكرك يا أندرو تعرف كنيستك أكتر من كده ، وتعرف ان البطريرك + بعض المطارنة والأساقفة ليسوا مجمعا أبدا ولا تستطيع أن تطلق على البعض اسم مجمع مقدس ، والبيان يحمل صفة الموقعين ، وقرارات المجمع المقدس هي بمثابة قوانين ، لا تسري الا على المؤمنين ، بينما البيان موجه لشخص واحد وهو مبارك ، فل اذا لم يرشح مبارك نفسه ، هنشلحه؟ أم سنحرمه من التناول؟؟ الرجاء وضع النقط على الحروف والتكلم على الكنيسة بما يليق ، بعد تفكير ، لا تسقط في الادانة يا أندرو خليك حكيم إقتباس:
وده طبيعي ومن حقه أبونا فيلوباتير ، بصراحة اعجبت بيه جدا لما سمعته ، يا ريت تسمع هو قال ايه ، وتقارن اسلوبه باسلوبك ، وتتعلم منه الحكمة ربنا معاك ويباركك
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | |
| طريقة العرض | |
|
|
النمط الشجري
