إيه الهبل ده؟!

[MySelf]

فى الممنوع

بقلم مجدى مهنا
«إيه الهبل ده؟» هذا هو أفضل وأدق تعبير يمكن للمرء أن يطلقه علي الضجة المصاحبة لنقل تمثال الملك رمسيس الثاني من موقعه الحالي بميدان باب الحديد، الذي استقر به منذ عام ١٩٥٤ إلي مقره الجديد بميدان الرماية في أول طريق مصر - إسكندرية الصحراوي.. بالقرب من موقعه الأصلي الذي اكتشف فيه بقرية ميت رهينة.

البعض يتحدث أو يريد أن يصور لنا.. وربما يريد أن يلهينا عن كوارث نعيشها، وتسببت فيها حكومات الحزب الوطني ونظام الحكم الحالي.. وهي لا تُعد ولا تُحصي.. بنقل هذا التمثال من مكانه.. وكأنه إنجاز تاريخي، وإحدي عجائب الدُنيا السبع.

والناس تسابقت مع الحكومة في هذا الهبل.. فخرج الآلاف إلي الشوارع والميادين التي يمر بها موكب تمثال الملك رمسيس.. البعض يزغرد.. والبعض يهتف بحياته: «بالروح والدم نفديك يا رمسيس»، والبعض يلوح له في مشهد مؤثر.

ربما نقل التمثال عملية فنية كبيرة كما يتحدث المتخصصون.. وربما هي حدث مهم كما يقول آخرون.. لكنها ليست بالإنجاز التاريخي.. ولا يمكن أن تُعد إنجازاً من أي نوع، بحيث تُثار حولها كل هذه الضجة التي اتسمت بالمبالغة الشديدة، والسطحية في معالجة الأمر.

هل المبالغة في نقل الحدث هي التي دفعت الناس إلي الاستهبال هي الأخري؟

لا أعتقد أنه يهم الناس كثيراً أن ينقل تمثال الملك رمسيس من موقعه الحالي إلي موقعه القديم أو بالقرب منه.

هل نقل التمثال سيرفع من مستوي معيشة المواطنين: هل سيمنع حوادث القطارات؟ هل سيمنع سقوط قتلي وجرحي علي عجلات القطار وداخل العربات؟ هل سيؤدي بنا إلي نظام حكم ديمقراطي وإلي تداول للسلطة بين القوي السياسية؟!

يبقي التمثال أو يرحل.. لا يشكل أهمية عند المواطن المصري ولا تشغل أدني مساحة من تفكيره.

والملك رمسيس - لمن يريد أن يزيف عقولنا ويزور تاريخنا - هو واحد من الملوك المصريين العظام في تزوير التاريخ، فقد نسب إلي نفسه فتوحات وانتصارات كاذبة، وسجلها باسمه علي جُدران المعابد في كل مكان.

صحيح إيه الهبل ده؟!

http://www.almasry-alyoum.com/article.aspx?ArticleID=28196

[الذهبيالفم]

معلش يا اخي الحبيب ، هذه سنة الشعب المصري الذي ينجح كل ما هو اهبل وعبيط ، أنت زعلان عشان مشيوا ورا تمثال رمسيس وهللوا له ، متشوف الي بيهللوا ورا شعبان بعد الرحيم ، ومحمد هينيدي ولعيبة الكورة ، والمغنين كلهم هو ده برضه مش هبل

[iwcab]

التمثال كان رمز لمصر الفرعونية ، ونقله هو رمز لرفض المسلمين التمائيل ورفض للهوية الفرعونية

[MySelf]

المشاركة الأصلية بواسطة iwcab

التمثال كان رمز لمصر الفرعونية ، ونقله هو رمز لرفض المسلمين التمائيل ورفض للهوية الفرعونية

إيه الحلاوه دى

بجد الكلام ده؟

[boulos]

الهبل دة هو اللى الحكومة شاطرة فيه علشان تلهى الناس عن اللى هى فيه.

[marimina]

انتوا كمان ناسين ال 6 مليـــــــــــــــــــون جنيه اللى اتصرفوا على نقل التمثال ده

مش كان اولى بيهم المصريين المطحونين

او حتى الناس اللى اتشردت فى شبرا وبيتها وقع بسبب عماره برخصه مزوره ... واديهم نايمين فى الشارع دلوقتى

للأسف التمثال عند حكومتنا اهم من الناس !!!

[elpooop]

المفروض يجيبو تمثال الحريه ويحطوه فى رمسيس

علشان ماما امريكا ..........؟

[kotomoto]

يعنى ما بقاش غير اللى اسمه مجدى مهنا ده يشتم سيده رمسيس؟؟؟؟؟

دليله ايه انه كان كذاب و نسب لنفسه فتوحات؟؟؟؟؟؟

هو فاكر ان كل الناس بتفكر بالطريقه الإسلاميه الوضيعه ولا ايه؟؟؟؟؟؟؟؟

مافيش حضاره بتتبنى بدون اخلاق , و الا تنهار, و الناس دول كان عندهم اخلاق, علشان كده حضارتهم للآن لم تنهار , و ما حدش حتى عارف عملوها ازاى

[marimina]

هى امريكا دى واجعه راسكوا كده علطوووول

بقولك فى عماره وقعت فى شبرا بسبب الفساد والتزوير وسكانها نايمين فى الشارع

واحنا حكومتنا الكريمه مشغوله بنقل حته تمثال عشان خايفه عليه من التلوث بــ 6 مليـــــــــــــــــــــــــــــــون جنيه

وحضرتك برده ترجع وتقول امريكا

[kotomoto]

المشاركة الأصلية بواسطة marimina

انتوا كمان ناسين ال 6 مليـــــــــــــــــــون جنيه اللى اتصرفوا على نقل التمثال ده

مش كان اولى بيهم المصريين المطحونين

او حتى الناس اللى اتشردت فى شبرا وبيتها وقع بسبب عماره برخصه مزوره ... واديهم نايمين فى الشارع دلوقتى

للأسف التمثال عند حكومتنا اهم من الناس !!!

الناس مهمين,

لكن برضه التمثال مهم

و التمثال عدم العافيه من العربيات و السجاير و الدخان و التراب و الأرف

شوفته لونه كان عامل ازاى و هو بيتنقل؟؟؟؟؟؟؟؟ التمثال كان اسود من كتر العفانه اللى عليه

عملية النقل عمليه مهمه جدا

و اللى حصل من الناس من هيصه و كده ده دليل على ان الناس فى كبت, حالتها ميئوس منها, ما صدقوا لقوا حاجه و قعدوا يزيطوا فيها, ده انا شوفت فى التليفزيون ناس بترقص فى الشارع, و ناس بتغنى, و ناس بتصقف, الناس مش فرحانه ولا حاجه, لكن زى ما تقول هو ده كان قمة الفرح بالنسبالهم لانهم عايشين فى كبت و أرف و هم, و ما صدقوا لقوا هيصه يزيطوا فيها, الشعب مكبوت, تعبان زهقان

[موسي الأسود]

المشاركة الأصلية بواسطة kotomoto

الناس مهمين,

لكن برضه التمثال مهم

و التمثال عدم العافيه من العربيات و السجاير و الدخان و التراب و الأرف

شوفته لونه كان عامل ازاى و هو بيتنقل؟؟؟؟؟؟؟؟ التمثال كان اسود من كتر العفانه اللى عليه

عملية النقل عمليه مهمه جدا

و اللى حصل من الناس من هيصه و كده ده دليل على ان الناس فى كبت, حالتها ميئوس منها, ما صدقوا لقوا حاجه و قعدوا يزيطوا فيها, ده انا شوفت فى التليفزيون ناس بترقص فى الشارع, و ناس بتغنى, و ناس بتصقف, الناس مش فرحانه ولا حاجه, لكن زى ما تقول هو ده كان قمة الفرح بالنسبالهم لانهم عايشين فى كبت و أرف و هم, و ما صدقوا لقوا هيصه يزيطوا فيها, الشعب مكبوت, تعبان زهقان

لا وانت الصادق الناس شافت حاكم من حكام مصر سايب مكانة ومنقول لمكان تاني فبقوا يقولوا عقبال اللي في بالنا و يزرغطوا

[marimina]

أ. كوتمتو حضرتك بتقول
و التمثال عدم العافيه من العربيات و السجاير و الدخان و التراب و الأرف


والناس اللى دلوقتى مرمين فى حاره 4 متر فى شبرا
مش برده هايتعدموا العافيه من العربيات والسجاير والدخان والتراب والأرف

يبقى مين اهم بالذمه الحجر اللى مش حاسس بحاجه ولا البنى ادم اللى من لحم ودم

وغيرهم وغيرهم كتير عايشين فى عشش وحتى مش بيعرفوا يستحموا

مين اللى يستاهل ال6 مليــــــــــــــــون دول ياجماعه

[موسي الأسود]

المشاركة الأصلية بواسطة marimina

أ. كوتمتو حضرتك بتقول
و التمثال عدم العافيه من العربيات و السجاير و الدخان و التراب و الأرف


والناس اللى دلوقتى مرمين فى حاره 4 متر فى شبرا
مش برده هايتعدموا العافيه من العربيات والسجاير والدخان والتراب والأرف

يبقى مين اهم بالذمه الحجر اللى مش حاسس بحاجه ولا البنى ادم اللى من لحم ودم

وغيرهم وغيرهم كتير عايشين فى عشش وحتى مش بيعرفوا يستحموا

مين اللى يستاهل ال6 مليــــــــــــــــون دول ياجماعه

يا حبيبي فيه كام انسان في مصر اكثر من 75 مليون نفس و فيه كام تمثال لرمسيس الثاني ست تماثيل و مسلتين

الانسان المصري منذ متي له كرامه

انت مدخلتش جيش والا ايه .. الا تعلم ان الطلقة الميري في الجيش اغلي من حياة انسان و من يفقد طلقه من سلاحة يحاكم عسكريا وكان الاولي به ان يفقد حياته اولا .

فكرتني بفيلم الغريب

حكايتة جميلة جدا واحد اسمه الغريب شغال سائق في جريدة مصرية علي عربية لتوزيع الصحف و في حرب 67 فقدت السيارة و فقد الغريب فماذا تفعل الجريدة الغراء
ارسلت لجنة من عدة موظفين لتقصي الحقائق حول اين السيارة .


علي راي عنتر معلش يا مصر

[marimina]

و فيه كام تمثال لرمسيس الثاني ست تماثيل و مسلتين
حتى لو كان تمثال واحد مش مهم .... بس ما اشوفش صوره العذراء والعشاء الربانى بين الانقاض فى عمارة شبرا ... و ما اشوفش الناس نايمه فى الشارع بعد ما عمارتها اللى ساكنه فيها من زمان وقعت بسبب التزوير والفساد اللى سمح ان عماره 13 دور تطلع فى شارع 4 متر والمثل ده بيتكرر كتيييير .... واحنا تفكيرنا فى سعاده الملك رمسيس التانى والخوف عليه من التلوث


انت مدخلتش جيش والا ايه
الحمدلله لأ ... لأنى بنت ... والا كنت هاكره سياسه مصر اكتر مانا بكراهه دلوقتى

الغريب
هو ده احساس اغلب المصريين دلوقتى ان كل واحد غريب فى بلده ........ بلده اللى تدفع بالملايين فى حاجات ثانويه وتسيب شعبها نفسه فى حته لحمه

انا لا انفى اهميه التمثال واهميه الحفاظ عليه ودوره فى الدخل من السياحه ..... لكن بصراحه دمى محروق على المصريين المشردين .... وحظ رمسيس بيه بقى ان جت معاه حادثه عماره شبرا .... واللى يحرق الدم اكتر ان
واحد من سكان العماره قال للمسئول :: انا طول عمرى متربى وساكن فى شبرا مقدرش اسكن فى المدن الجديده البعيده دى
وكان رد المسئول :::: والله الحكومه مش بتوزع شقق فى الزمالك !!!!

هما دول المسئولين عن الشعب .... منتهى الاهانه والسخريه لواحد مشرد ......... و اكيد صاحب العماره الابهه ال13 دور لو راجل مهم هيكون دلوقتى فى حمايه الحكومه وطبعا هيطلع زى الشعره من العجينه

كل ده و6 مليون جنيه لتمثال افندى ......... لأ ولسه اللى هيتصرف على ترميمه

على رأيكم هى دى مصــــــــــر ......... مصــــــــــــــر اللى بقى فيها الفساد للعنق مش للركب بس

[MySelf]

مش فاهم هى إيه نقطة الخلاف

من يعيش فى مصر يعلم أن التمثال أختفى بصوره شبه نهائية بعد كوبرى أكتوبر ففقد التمثال بنافورته الشهيرة بهائه. وسط غابات العمارات والكبارى والتلوث

فنقلوه لمنطقة الهرم .... لياخذ مكانه الطبيعى فى متحفة الجديد بجوار ابو الهول والاهرامات ومراكب الشمس. أى فى مكان سياحى مميزل يسهل الإستمتاع به وأظن أن المتحف المصرى سينقل لنفس المنطقة أيضا.

أى فى مكان يسهل الوصول إليه.

فين المشكله؟؟؟؟؟؟؟؟؟؟

الجدل لا يكون من أجل الجدل ياساده

إرحموا أنفسكم قليلا وأنظروا للأهم