خناقة بين الصياد ونفسة

[صائد الذباب]

خناقة بين صائد الذباب و نفسة
********************

الصياد: عايز اية يا نفسى؟؟

نفسة: أنت اية اللى بتعملة دة فى المنتدى؟؟

الصياد: مش فاهم ؟؟؟ يعنى اية بقى بعمل اية يعنى؟؟؟

نفسة: أنت هتستهبل ولا هتستعبط...مانت عارف كويس الزفت اللى بتسمية شعر دة

الصياد: مالة القطران الشعر....هى ناقصاك انت كمان ياواد انت؟؟؟

نفسة: يعنى مش عارف الكلام دة هيوديك فين؟؟

الصياد: لا...لا والنبى ياعبدة...لا والنبى يانفسى

نفسة: انت هتغنيلى وهترقص كمان....طب ماتجيب ساجاط....وانا اجيب طبلة ونفتحها ....مرسح منوعات احسن

الصياد: اسمها مسرح ياجاهل ...مسرح مش مرسح

نفسة: ياحبيبى الفنانين العمالقة ذى زكى طليمات ويوسف بك وهبى بيسموة مرسح ياجاهل

الصياد: اية الحلاوة دة يانفسى...طب مرسح او مسرح المهم ...الشعر او الزفت مش عاجبك

نفسة: طبعا مش عاجبنى ولا يعجب حد بتاتاً....انت فاكرهم علشان بيشوفوا الكلام دة يبقى بيعجبهم...

الصياد: طبعاً....وانا كمان مش بكتب علشان يعجب او ميعجبش المهم الكلام اللى يخاللى الناس تفووق من اللى هى شرباة

نفسة: ياحبيبى انت عامل ذى الارجوز بالضبط...بيضحكو عليك مش اكتر

الصياد: لا.....انت كاذب....لا...الجميع بيشوف الحاجات دة وبتعجبهم علشان فيها افكار مغلفة بالضحك

نفسة: طب اية رايك هم اول ما حسو ان المكان مزدحم وكمان المواضيع بقت كلها شتيمة فى الاخر اول شىء انهم ضحوا بيك يابأأف

الصياد: لا...لا....كلامك كلة غلط....الناس دة عقلها كبير ...والادمن عقلة كبببببببير جداً....

نفسة: يعنى كام كيلو كدة....خمسة...عشرة....عشرين كيلو.....انت بقى عقلك اتخن منهم كلهم انت عقلك عقل دانياصور منقرض...مش عايز تفهم

الصياد: افهم اية ...كلامك كلة تريقة ...وقلة ادب

نفسة: اية زعلت....علشان تعرف بس...كلامك اللى بتكتبة بيزعل الناس منك قد اية

الصياد: بص ...بص يانفسى....انا من الاول ميهمنيش كلام حد انا كل اللى يهمنى اوصل الرسالة بتاعة الحرية والحق المهضوم لينا....يعنى مبتسمعش المكروفونات اللى بتنزل ترخ كلام اسود وحقد ودعاء على النصارة واتباع الشيطان اللى هى امريكا والاقباط والشتائم اللى الواحد بيسمعها كل دقيقة فى الشارع والعمل وحتى فى المدارس وغيرة وغيرة...بقلك اية يانفسى

نفسة: اية عايز تقول اية؟؟

الصياد: تشرب شاى والا تتكل

نفسة: اتكل احسن

الصياد: احسن برضة