بسبيسو والانتخابات

[صائد الذباب]

يوم فى حياة الصياد
**********


{بسبيسو والانتخابات}


دخلت على بسبيسو...قطتى الشقية وهى رافعة لافتة كبيرة مكتوب عليها بالخط الكوفى وببنط عريض لونة احمر فاقع<< مهما تلف...ومهما تدور...غير بسبيسو مش هتقول>>

فضحكت بشدة وانا اقول لها: هو أنتى يا بسبيسو هتدخلى انتخابات الحيوانات والا اية الحكاية؟؟

رفعت بسبيسو شواربها وهى تضع الافتة بجوارها قائلة بكل عزة وفخار وكبرياء قططى: أنت بتتريق على يا صياد الدبان؟؟ انا فعلاً هرشح نفسى فى الانتخابات اللى جاية...بس انتخابات البنى ادمين

فزعت وانا انتفض من مكانى الجالس فوقة لدرجة اننى سقطة على ارض الحجرة وعندما تمالكت نفسى قلت لها : ماذ اتقولى ...اقصد ما هذا الذى تنونوى بة...وحياة امك عايزة تدخلى انتخابات مجلس الشعب اللى جاية؟؟

ضحكت بسبيسو ثم اقتربت منى بشدة لدرجة احسست بهواء زفيرها الساخن يحف بوجهى قائلة لى : لا يا حبيبى وروحى وصديقى الصياد....انا مش راح اخش انتخابات مجلس الشعب ....انا يانور عيونى هرشح نفسى فى انتخابات رئاسة الجمهورية

مسكت اعصابى واحسست ان يافوخى اصبح مثل بركان اقترب من الانفجار وتطاير الحمم منة ابتسمت ابتسامة بلهاء قائلاً لها: طب قولليلى يا حبيبتى ...اية اللى خاللى الفكرة دة تجيلك كدة ؟؟

نظرت القطة بسبيسو نظرة يتطاير منها الشرر وكأنها تنظر لقط جربان يطلب منها ان ترقص معة قائلة: بص يا صياد ...من ساعة ما الرئيس ادام اللة فى عمرة سمح للجميع بلا تفرقة عنصرية لاى حد يخش الانتخابات اللى جاية وانا بفكر..... بس امبارح شوفت ان اكتر من كل..ب من كلا..ب البلد هيرشحوا نفسهم ...فقلت انا احق من هؤلاء الكلا..ب فعملت اليفطة دة كتجربة ...وانضم لى قطط المنطقة وسوف اعمل برنامج انتخابى الم بية اصوات قطط البلد كلها ...بس فية مشكلة صغيرة

قلت لها وانا فى اخر درجات العقل: ما هى هذة المشكلة ...اعانك الرب على حلها؟؟

ابتسمت بسبيسو : المشكلة فى التمويل ...يعنى انا ببحث عن جهة تمويل انتخابى ...انت متعرفش جهة تمول الدعاية لى يا صياد

هرشت فى نفوخى قائلاً: ايدى على كتفك...انا لو اعرف جهة تمويل حتى لجيوبى من الفلس اللى انا عايش فية كنت سكت...بقولك اية طب ما تطلبى من قطة بوش انها تكلملك رئيس امريكا يمول الدعاية بتاعتك...مش يمكن الراجل دة يطلع كريم ويعملها ويعطيكى كام مليون دولار للتمويل وانا كمان ينوبنى من الحب كام دولار منهم

انفجرت فيى بسبيسو قائلة: غلط...الكلام اللى انت بتقولة دة اول درجات السقوط...علشان الكلا...ب بتوع البلد هيشنعوا على وهخسر قبل ما ابدء...بقولك اية

قلت وانا ماسك اعصابى بشدة : عايزة اية؟؟

بقول يعنى ...لو يعنى...تسمح يعنى...تسلفنى 150 جنية لزوم تقديم اوراق الترشيح بتاعى

وهنا....وهنا فقط انفجرت فى قطتى العزيزة بسبيسو قائلاً: 150 اية يا معفنة يا مقيحة....طظ فى الانتخابات وطظ فى الكلا..ب وطظ فيكى وطظ فى البلد كلها..يعنى يارب مش عارف القيها من الديانة والا من الاسعار اللى مولعة نار والا من قانون الطوارء الضاغط على نافوخ البلد من اكثر من 24 سنة وكمان عايزانى اشارك فى الانتخابات بفلوسى...قطيعة تقطع الانتخابات ...وسنين الانتخابات واليوم اللى شارو فية بالانتخابات....شوية شوية هتيجى كوكى بنتى تقوللى هات علشان الميس اللى فى الحضانة عايزة تعمل يافطة باسم الفصل للانتخابات
كان يوم اغبر مطلعلهوش شمس يوم ما خطبت يابتاع الانتخابات الويكا.

تمت القصة.... بعد ان هربت بسبيسو من امام القطار اللى اسمة الصياد

[Eng.Junior]

عارف يا صياد....
انت كاتب ساخر بدرجة امتياز مع مرتبة الشرف الاولى

[صائد الذباب]

أخجلتم تواضعنا

وشكراً على أهتمامك الدائم بالرد على كتاباتى ...أخى الحبيب جو