ياناصيب الجرين كارد الهجرة العشوائية .........(مدموج)

[koukikou]

اللى عايزين يقدموا للقرعة الجاية يا ريت يسألوا مرة تانية

االى مكتوب عنه فى اللنكات دى هى القرعة بتاعة 2005 لكن بتاعة 2004 على قد ما عرفت إنها مفتوحة دلوقت و لحد 6 نوفمبر فقط و عن طريق البريد كالعادة - اللى يهمه الموضوع يا ريت يحاول يتأكد علشان ما يضيعش سنة و هو مستنى على الفاضى.

اللوترى بتاعة الانترنت فقط اللى هاتتفتح اول نوفمبر و نتيجتها هاتظهر فى مارس 2004 و المقابلات بتاعتها هاتبدا فى السفارات الاميركية اول سبتمبر 2004

شكرا يابوالنسور على لفت نظرى

[Pharo Of Egypt]

http://www.arabtimes.com/visa/index.htm

حلو الموقع فتح تعالوا نتفرج عليه

متقسم هو لخمس اقسام او مراحل:
الاولى DV-2005 Instructions هى اننا نقرا التعليمات

التانية Photo Validator اننا نحط صورنا اللى المفروض اننا عملنا scaning لها بالاسكانر و نشوف متوافقة مع المقاسات اللى طالبنها ولا لأ

التالتة Begin Standard Application نملا الابليكيشن

الرابعة Begin Application
حسب اللى فهمته الابليكيشن برضو بس بطريقة متشفرة للى عاوز يبقى واثق ان بياناته هاتكون متأمنة و ماحدش هايشوفها فى اللحظة اللى بيكتبها فيها

انا لاقيت الكلمة دى فى الابليكيشن من فوق Estimated Burden: 30 minutes معناها ايه؟؟

ان المسموح بتلاتين دقيقة تواجد فى الابليكيشن؟؟؟

[LittleOne]

لا.....معناها ان دى الفترة اللى ممكن تستغرقها عشان تملى الطلب كتقدير للوقت.
ربنا يتمم مشيئته لكل واحد

شكرا يالتل

حد ياجماعة ملى الابليكيشن وواجهته مشاكل ياريت اللى قدم يفيدنا بخبراته

[peace33]

مش عارفة أظبط الصورة زي ماهما عايزين وكل ماختبرها تطلع غلط

عن طريق الacd اعملى resize او دوسى كنترول + E عشان تغيرى مقاسات الصورة

[Kyrillos]

تظبيط الصورة فعلاً غلس جداً
لكن أنا أخيراً سلكت فيه

إيه الرسالة اللى بتطلعلك يا بيس لما بتحاولى تختبرى الصورة؟
لأن كل رسالة ليها حل مختلف

[Mirage Guardian]

الصورة لابد أن تكون JPG مقاس 320 ×240 ديجيتال كاميرا
أو scan على دقة 150 DPI مقاس 5 × 5 سم (2 بوصة)
ملونة مود RGB ذو 24 bit أو تدريج رمادى Grayscale ذو 8 bit
حجم الصورة لا يجب أن يتعدى 62,5 كيلوبايت
الوجه يمثل 50% من مساحة الصورة ومواجه للكاميرا تماما.. لا يسمح بالصور الجانبية أو المنكسة أو الشامخة
الخلفية بيضاء تماما ولا يسمح بخلفيات تحتوى ألوان
لا يسمح بالتصوير باى نوع من النظارات الشمسية أو حتى الطبية
لا يسمح بالتصوير بغطاء رأس (إلا للتقاليد الدينية مثل القساوسة والشيوخ)


يا جماعة أنا مش ناوى أسافر لأنى من رافضى ترك بلدى للغريب.. لكن لو حد محتاج مساعدة فى ضبط الصورة يتصرف ويبعتهالى وأنا هاقوم باللازم فى تظبيطها

بالتوفيق لجميع المشاركين
محبة وسلام

This image must be in the Joint Photographic Experts Group (JPEG) File Interchange Format (JFIF) format. If the image is created by using a digital camera, it must have a resolution of 320 by 240 pixels, with either 24-bits of color, 8-bits of color or 8-bits of gray.
If the image is created by scanning a photographic print the original print must have been 2" by 2" (50mm x 50mm), and the scan must be performed at a resolution of 150 dots per inch (dpi); the image must have a resolution of 300 by 300 pixels, with either 24-bits of color, 8-bits of color or 8-bits of gray. The image can not exceed 62,500 bytes (62.5KB) in size.


الصورة لازم تكون الفورمات بتاعها : JPEG
اذا كانت الصورة ملقوطة بديجيتال كاميرا يبقى الريزوليوشن او الجودة يعنى تكون 320 فى 240 بكسل مع 24 او 8 بت الوان او 8 بت للرمادى
اذا كانت الصورة معمولها سكاننج تبقى الصورة اللى اتعملها سكاننج مفروض تكون 2 بوصة فى 2 بوصة او 50 مليمتر فى 50 مليمتر و الريزوليوشن تكون 150 نقطة لكل بوصة و تكون 300 فى 300 بكسل مع 24 بت او 8 بت الوان او 8 بت رمادى و يجب الا تتعدى ال 62.5 كيلو بايت فى الحجم

انا ترجمت مواصفات الصورة و كنت داخل احطها فى المنتدى لقيتك حاططها ياحارس السراب بس عشان مازعلش هاحطها انا كمان

[peace33]

متشكرة أوي يا Unbreakable وكرلس وحارس السراب علي مساعدتكم ليا
أنا قدرت أبعتها

يا جماهة فى الصفحة الاولى بخانة العنوان حاجة أسمها In care of انا مش فاهمها

و بعدين يعنى أيه Address 1 and Address 2

يجماعة ياريت اللى يقدم يعمل برنت أو برنت إسكرين علشان نفهم كل خانةبالظبت عايزة أيه

بالنسبة للصورة انا مش شايف فيها مشاكل

اتصور 5 فى 8 و إعمل إسكان على مقاس 2 انش فى 2 انش

و بدقة 150

حاجة كمان انا مش عارف أعدى للقسم التانى لانى عايز أدرس خانة خانة قبل التقديم

رجاء محبة يا جماعة حد يتتطوع من الزملاء و يتعب معانا بشرح تفصيلى لكل خانة

المسيح يعوض تعب المحبة

[peace33]

كاتب الرسالة الأصلية : jesus4all
يا جماهة فى الصفحة الاولى بخانة العنوان حاجة أسمها In care of انا مش فاهمها

و بعدين يعنى أيه Address 1 and Address 2

يجماعة ياريت اللى يقدم يعمل برنت أو برنت إسكرين علشان نفهم كل خانةبالظبت عايزة أيه

بالنسبة للصورة انا مش شايف فيها مشاكل

اتصور 5 فى 8 و إعمل إسكان على مقاس 2 انش فى 2 انش

و بدقة 150

شوف ياسيدي :
بالنسبة للجزئية اللي انت بتتكلم عليها فهي بتخص العنوان اللي هايراسلوك عليه ..
in care of يعني تكتب فيها اسمك بالكامل يعني حاجة كده زي عناية مين اللي بتتكتب علي الخطابات والفاكسات ..
Address 1 & Address 2 مش معناها انك هاتكتب عنوانين لكن المقصود بيها هاتكتب ايه في السطر الأول من عنوانك والسطر التاني ومن الطبيعي انه في السطر الاول هايكون رقم المنزل واسم الشارع وفي السطر الثاني هايكون اسم الحي او المنطقة أو لو فيه بقية لإسم الشارع بمعني انه يكون متفرع من شارع تاني رئيسي ... بمعني تاني ممكن تشيل Address 1 & Address 2 وتحط بداله Line 1 & Line 2 في العنوان بتاعك ..

أتمني اني اكون شرحتلك اللي انت عايزه .. ربنا يوفقك