|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
#1
05-03-2005
|
||||
|
||||
عندما قهقة الصياد
دق الصياد جرس باب منزل أبن خالتة القناص ...وأنتظر بضع ثوان حتى فتح لة أبن خالتة الذى ما أن راى الصياد أمامة حتى هتف فية قائلاً : أية ياعم ....عاش من شافك أنت نسيت أن ليك أبن خالة والا أية ؟؟ رد الصياد : وحياة أبوك مش عايز تاريقة ع الصبح ولا كتر أسئلة القناص : مالك ؟؟وشك قالب لحزينى لية كدة؟؟ الصياد : هو أنت يابنى غبى والا مش عايش فى البلد دة ؟؟؟والاعندك حالة أغماء دائم؟؟..الحالة بتاعة البلد كل يوم العن من اللى قبلة ...لحد ما الواحد قرب يكفر القناص : بقوللك أية الصياد : فى أية ؟؟عايز أية ؟؟ أنت أصلاً بعتاللى لية ؟؟؟؟ القناص : هعمل فيك معروف وخدمة وتجربة الصياد : مش فاهم ؟؟؟ وضح القناص : أنت عارف أنى من زمان بحب الاختراعات والحاجات الجديدة ....علشان الواحد يخش بيها التاريخ من أوسع أبوابة...وأنا بقى ياأبن خالتى العزيز . أخترعت حتة أختراع ...عجب الصياد : طب وأنا مالى...أنت بعتالى علشان توارينى الاختراع دة ؟؟ القناص : مش كدة وبس ....علشان كمان تكون أول واحد فى الارض يستعملة أرتفعت حواجب الصياد فى رعب قائلاً : وحياة أبوك ....وغلاوة أمك اللى هى خالتى ....لو بتحبنى وباقى ع القرابة اللى بيننا أبعدنى عن أختراعاتك دة....أبوس أيديك...أبوس جزمتك القناص : لية كدة بقى ياصياد يأبن خالتى الغالى...دة أختراع هيهز الاوساط العلمية وهيعمل أنقلاب فى عالم البشرية الصياد فى فزع: أيوة..أيوة...نفس الجملتين بتوع كل مرة وبعديها تجبلى سكتة قلبية ..لا..يفتح اللة ياعم القناص : متخافش كدة ...الاختراع للمخ مش للقلب الصياد : نهار أهلك أسود...أنت عاوز تجرب أختراع فى مخى...أنت يابنى كافر...حد وزك على...للدرجة دة الحقد والكرة يوصل بالانسان لكدة...عاوز تدمرنى خالص القناص: طب فكر كدة....يعنى أنا هودى نفسى فى داهية والاهعمل حاجة مش متأكد منها؟؟؟أنا القناص وأنت عارفنى كويس... الاختراع دة عبارة عن كرسى ذى مانت شايف كدة لة فكيين موصلين برأس الجالس ع الكرسي وكل عمل الفكيين هو اطلاق اشعة غير مرئية لمخ الجالس ..والاشعة دة كل عملها تنشيط خلايا محددة... قم الخلايا دة تصدر اوامرها للانسان فيشعر ان الدنيا حوالية وردى ويبقى مبسوط ومبتسم دائماً أدى كل الحكاية ...لا فيها فتح مخ ولا دم ولا حتى حقنة...بسيطة الصياد : طب ياحلو ...لو الاشعة دة ضربت المخ جامد ولخبطت تلفيف خلايا المخ .أية بقى العمل؟؟؟ القناص : متخافش وخاليك راجل ...أنا عامل حسابى ....ذى ما انت شايف كدة دة مؤشر هيعرفنى كمية الاشعة اللى عاوزها توصل لمخك الصياد : ياسلام ...هو أنت خلاص أتأكدت أنى موافق القناص :وحياة أبوك...وحياة أبوك توافق...دة وأحد غيرك يبوس أيدية وش وشعر علشان مش هاخد منة تمن الخدمة دة الصياد : كمان...كمان عاوزنى أدفعلك!!!!! القناص : لا ياعم ....أنت أبن خالتى بردك ومتهونش على ...دة حتى الاختراع دة هيحللك كل مشاكلك الصياد:أذاى كدة ؟؟؟فهمهانى القناص : طب أقعد الاول وبعد التجربة هتعرف لواحدك أنة أعظم أختراع فى كل العصور وتحت ضغط التعلب المسمى القناص جلس المخبول المدعوا الصياد...وبدء القناص العمل ...وبدء الصياد يحس فعلاً بشعور غريب ...شعور لذيذ من الصفاء العقلى والنفسى بل والارتياح الجسدى...وبدء يرى الدنيا بمنظور جديد ...منظور وردى اللون ولكن حدث ما خاف منة الصياد.....بدء مؤشر الاشعة يجرى بسرعة شديدة متجاوز كل الارقام التى أمامة...حاول القناص أيقاف الجهاز عن العمل بلا طائل حتى خرج من كابل الكهرباء شرارات مرعبة ...وأنفصل التيار الكهربائى عن الجهاز ...جرى القناص لابن خالتة الصياد فوجدة يضحك بل ويقهقة الصياد : هاهاهاهاهاها أختراعك نجح ياواد هاهاهاهخاها خوخوخوخهاهها القناص : بس أنا مش شايف كدة ...أنا كل اللى كنت عاوزة أنك تبتسم بس مش تسخسخ من الضحك الصياد : هوهوههاهاخهاهاخاخهههاهاهاها ياعم زيادة الخير .خيرين هاهاهاهاها وخرج الصياد من عند ابن خالتة القناص للشارع ولحياتة فماذا سيحدث مع الانسان الضاحك الوحيد وسط بلد كلها بؤس وأكتئاب هذا ما سنعرفة غداً أنتظرونا المخبول الصياد آخر تعديل بواسطة صائد الذباب ، 05-03-2005 الساعة 01:26 PM 
|
|
#2
05-03-2005
|
|||
|
|||
|
الله يرحمك يا صياد
ما انت كنت كويس ايه بس اللي حصل؟ عموما لا تقلق ، انا عندي اختراع هيخليك تبكي طول الوقت وتبقى حزين ومهموم ومسجل له براءة اختراع ، الظاهر ان ابن خالتك كان عايز يخترع المضاد بتاعي ، لكن الحمد لله بائت تجربته بالفشل . كده هكسب السوق لوحدي 
|
|
#3
05-03-2005
|
||||
|
||||
|
صدقنى ياسوسو ياخويا انا مش محتاج اختراع للنكد ولا للحزن
دة الحزن والنكد أصيل ويجرى فى عروقى مجرى الدم الاختراع بتاعك دة مش هينفع فى مصر هتبيع الماية فى حارة السقايين
|
|
#4
14-03-2005
|
||||
|
||||
|
الحلقة الثانية
خرج الصياد من منزل أبن عمة القناص وهو لايستطيع أن يتحكم فى طوفان الضحك والقهقة التى أصابتة....بل قلد كان يمشى بضع خطوات ويجلس على الرصيف غير قادر على المضى فى طريقة من كثرة الضحك...لدرجة جعلت الناس تلتفت الية مندهشة مبهورة بل ومأخوذة من هذا الانسان الذى يضحك فى بلد الكأبة واليأس ...
أخيراً وصل الصياد لمنزلة وجلس على سلالم الدور الثانى وهو يقهقة بصوت كأنة قنابل مدوية ففتح الجيران أبواب شققهم ...وجرى جار الصياد ..الاستاذ مدبولى ابو بوز متسئل عن ماحدث لجارة الصياد مدبولى : مالك ياأخى الصياد ...كفاللة الشر ؟...فى أية مالك بتضحك كدة...هو حصلك مكروة ؟ رد الصياد من بين شلالات ضحكة : هيهيهيهيهاهاهاهاهي...مفيش حاجة هاهاهاهاها خالص...اصلى مبسوط حبيتيين هاهاهاهاخيخيخيخيخوخوخوهاهاخا..مفيش حاجة نظر لة أبو بوز من فوق لتحت ضارباً كف بكف قائلاً فى شك : لا أكيد أنت شارب ومزود العيار حبيتيين؟ ضحك الصياد قائلاً وعيناة تدمع من كثرة الضحك: صدقنى هاهاهاها أنا مش شاربهاهاهالهاهاها..طب أنا من أمتة بشرب من أصلة..هاهاهاهاهاوحتى لو كنت هاهاهاهاها شارب هاهاهاهاها..بزمتك فية حد اليومين دوول بيشرب هاهاهاهاهاها ويضحك ذى كدة هاهاهاهاهاهاهاها دة ياراجل اللى بيشرب النهاردة هاهاهاهاهاها بيعيط ويبكى هاهاهاها مش يضحك هاهاهاهاهاها رد ابو بوز: أمال مالك كدة ...ماتمسك نفسك ياراجل شوية رد الصياد : وهاهاهاهاخاخا وامسك نفسى لية هاهاهاهاهاهاها هى نفسى هاهاهاهاهاه الا هاهاهاها نفسك هاهلاهاهاهاهتها ابو بوز : طب اطلع نام علشان الناس تعرف تنام وبلاش الضحك العالى دة احنا بالليل الصياد : واية يعنى بالليل هاهاهاهاهاها واللا بالنهار هاهاهاهاهاها هو هاهاهاهاهاها الضحك هاهاهاممنوع بالليل هاهاهاهاهاهاها ابو بوز : لا طبعاً بس الصوت بتاعك عالى ولا صوت مدفع رشاش الصياد : ياراجل هاهاهاها انا كنت فكرة هاهاهاهاهاها صوت مدفع الفطار هاهاهاهاهاهاهاها وفعلاً صعد الصياد لشقتة وفتح باب الشقة محاولاً ان يمسك فمة من الضحك حتى لا يقظ زوجتة ولا ابنتة ولا القطة بسبيسو ...وبعد مجهود اسطورى خرافى استطاع ان يخلع ملابسة وينام فوق اريكة فى صالة الشقة ************************************************** ********** وغداً مع تكملة القصة تحياتى الصياد هاهاهاهاهاها
|
|
#5
14-03-2005
|
||||
|
||||
كنا فى تانية ثانوى و كنا كلنا مع بعض بعد الدرس و كنا كلنا بنضحك بصوت عالى على مدرس الفرنساوى بعد ما طلب منا ترجمة كلمة la shoesuer و انا قلتلة الترجمة هيا la جزمة ههههه المهم كنا شلة ماشيين بنضحك و مرينا جنب السجن بتاع المحافظة و فجاة طلع صوت من باب السجن بيقول هياالساعة كام
رد ولد من الزملة و قال دى الساعة 10 يا حاجة رد الصوت وحياة امكم لا انتم مبيتين هنا الليلة دى قلوة و اية يعنى خلى السلاح صاحى و نام بقى و احنا ميتين من الضحك امهم مشينا و بصينا لاقينا المخبر ورانا و احنا بنضحك مدينا شويةو هوا يمد ورانا و بعدين قلنا نجرى جرينا كلنا كنا اقباط من كنيسة واحدة و رحنا استخبينا فى بير سلم لمدة اربع ساعت و هوا رايح جاى و يقول هعععع من هناك و احنا نضحك بصوت واطى
__________________
From all the things i have lost i miss my mind the most http://www.youtube.com/watch?v=pMePM...layer_embedded
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط الخطي
