الغش في كل مكان (( مدموج))

[princepino]

الغش في كل مكان




منقول من رساله وصلتنى عبر الايميل للاستفاده


لو كنت متفائـل أكثر من اللازم.. أنصحك بعدم قراءة الرسـالة دي

**********

بكل براءة عملت موضوع عن اللبن المغشوش المضاف إليه بودرة سيراميك و سماد اليوريا و زهرة غسيل و الخ الخ الخ.. قام واحد كتّر خيره شكله كده عالم ببواطن الأمور رد الرد التالي:

**********

هيّ المشكلة في اللبن ؟
خد عندك
- اللبن النيدو المصري مضاف اليه دقيق- عن تجربة عملية - خصوصا البتاع الصغير بتاعو ابو جنيه وربع

- عصير المانجو اللي في محلات العصير 70% منه مش ليه علاقه بالمانجو اصلا..ده قرع عسلي.. بمرأى العين.. وسلامي للحاج فرغلي

-اللانشون والبسطرمة.. اللي المفروض مكتوب عليها لحم بقري خالص حلال.. مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل وجيلاتين وعضم فراخ وبالسم الهاري.. تحياتي للحاج صلاح والمعلم عبفتاح..



- انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا ..
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه
الصحة تقفل المصنع ( او بير السلم) وصاحبه يلبس قضية غش تجاري محترم ياخد في الآخر حكم غرامة بـ 10 الاف جنيه او حبس سنة ..وغالبا بيدفع الغرامة ويخرج يأجّر بير سلم تاني وتبدأ عجلة العمل من جديد.

**********

- علب الزيت الـ1 كيلو بتاع القلي ام 2 جنيه وربع و3 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه في عربيات بتنك زي بتاعة اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها في زجاجات - مستعملة مسبقا ومعاد غسلها بالمية والصابون- وبتتعبى يدويا بقمع بلاستيك وتتبرشم بماكينة برشمة تمنها 3 الاف جنيه.. وبيع يامعلم
الزجاجة البلاستيك من الزبالين.. الدسته بجنيه.. طن زيت مستخدم الكيلو بيتاخد من المطعم بـ 25 قرش.. قمع بلاستيك قول 10 = 5 جنيه .. وماكينة برشمه بـ 3 الاف بالكتير
تكسب في الطن 2000 جنيه مستريح جدا.. ويتحرق اللي بيشتروا بجاز.. جاز مش نضيف زي الزيت اللي اشتروه

- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها
وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها.. اصل الدولار بقي غالي فالسمسم غالي والزبون عاوز الارخص مش الانضف

- فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاتر الاكتر من 3 مراحل.. سلام كبير اوي لفلاتر تانكة

**********

- سمك المزارع السمكية..بياكل دم ومخلفات عمليات الذبح عشان يكبر بسرعة

- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده
ده غير مزرعة فراخ امريكانا اللي في برج العرب اللي بتورد الفراخ لمطاعمهم ..اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح

-طلمبة البنزين الـ 92 والـ 95 في البنزينات دلوقتي.. الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز الـ 92 من الـ 95

- محلات الحلويات اللي بتبيع الحلويات للشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها ف المصانع
-الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن 6 شهور؟
بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة وطالع عين امها كمان


**********

- اكياس البلاستيك: اكياس البلاستيك اي لون (غير الشفافة المفروض انها بتتصنع من رولات بولي ايثيلين خام)
الواقع ان اغلبها عبوات بلاستيك (ميه وبيبسي) وبيتم تسيحهم في افران وسحبهم على شكل رولات تاني.. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية (حقن - سرنجات - كانيولا - فلاتر - اكياس دم مستعمله - قساطر بوليه مستعمله..)

- عبوات المياه المعدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله.. حتي مفيش عنوان للمصدر علي عبوات القزايز
دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيفعو عليها فلوس لمصلحة المياه قرروا يجمعوها في تانكات ويعبوها في قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي في الميه دي؟)

- صابون غسيل الوجه وكريمات البشرة والشعر المنتشره في السوق(من غير الانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها

**********

السادة بقي ضرّيبة المخدرات (طالما بنتكلم عن الغش التجاري باعتبارهم مستهلكين هم كمان):
- الحشيش..مش حشيش ولاحاجة ده عجينة من الحنا واللبان الدكر ونسبه بسيطة لاتتجاوز .,4 من الكميه والزيت اللي ع الحشيش ده مش زيت دخ ماكستون فورت ..
في الاخر .. كلها اعشاب طبيعيه

- البانجو..في الاغلب مش بانجو..نعناع وبذر طماطم مجروشين وعليهم شويه شاي محروق (عشان الريحة بس) ..اهي كلها نباتات

- البودرة.. مش بودرة بردو.. دي اقراص ريفو مطحونة ..كل 10 اقراص عليهم قرص رهبانول وبيتحطو في ورقه فويل وتتسخن تحتها ولاعه (عشان ياخد اللون البيج بتاع الهورايين) وقسم وبيع تذاكر يامعلم .. كلها ادوية صداع

**********
انتهى كلامه أثابه الله و انتهت معه كل ثقة لي في اي حاحة في البلد دي.. اي حاجة اي حاجة.. حتى في نفسـي


**********

[موسي الأسود]

أفادكم الله
ولا عزاء في المواطن المصري .


80 مليون ياكلوا الزلط .
احمدوا ربكم ان فيه زيت بيتبقي من الطعمجية و فيه بعض من جلود الحيوانات تتعمل حوواشي او لنشون .
الريس قالها نصحية الايام الجاية اسود من اللي عدت .

[وطنى مخلص]

حتى البانجو؟
الحشاشين كما بقى ما عندهمش اخلاق ؟أعوذ باللات من غضب اللات

[princepino]

المشاركة الأصلية بواسطة موسي الأسود

أفادكم الله
ولا عزاء في المواطن المصري .


80 مليون ياكلوا الزلط .
احمدوا ربكم ان فيه زيت بيتبقي من الطعمجية و فيه بعض من جلود الحيوانات تتعمل حوواشي او لنشون .
الريس قالها نصحية الايام الجاية اسود من اللي عدت .

حبيبى موسى الاسود انت زى العسل بجد ربنا يخليك للمنتدى ولينا ويبارك فيك وفى صحتك
وتفرحنا بتعليقاتك الجميله

[princepino]

المشاركة الأصلية بواسطة وطنى مخلص

حتى البانجو؟
الحشاشين كما بقى ما عندهمش اخلاق ؟أعوذ باللات من غضب اللات

هههههههههههه

نعمل ايه بقى حبيبى هما فى اى شى بيغشوه حتى القرأن غشوه

مع ان عندهم ايه بتقول من خشنا فليس منا



اشكرك حبيبى على ردودك الجميله وتعليقاتك المرحه الخفيفه

[koky_dipsy]

هكذا تحدث أحد خبراء الغـش التجـارى فى مصـر
هيّ المشكلة في اللبن وبس ؟

خد عندك

- اللبن النيدو المصري مضاف اليه دقيق- عن تجربة عملية - خصوصا الصغير ابو جنيه وربع

- عصير المانجو اللي في محلات العصير 70% منه مش ليه علاقه بالمانجو اصلا..ده قرع عسلي.. بمرأى العين.. وسلامي للحاج فرغلي

-اللانشون والبسطرمة.. اللي المفروض مكتوب عليها لحم بقري خالص حلال.. مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل وجيلاتين وعضم فراخ وبالسم الهاري.. تحياتي للحاج صلاح والمعلم عبد الفتاح ..

- انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا ..
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه

الصحة تقفل المصنع ( او بير السلم) وصاحبه يلبس قضية غش تجاري محترم ياخد في الآخر حكم غرامة بـ 10 الاف جنيه او حبس سنة ..وغالبا بيدفع الغرامة ويخرج يأجّر بير سلم تاني وتبدأ عجلة العمل من جديد.

**********
- علب الزيت الـ1 كيلو بتاع القلي ام 2 جنيه وربع و3 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه في عربيات بتنك زي بتاعة اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها في زجاجات - مستعملة مسبقا ومعاد غسلها بالمية والصابون- وبتتعبى يدويا بقمع بلاستيك وتتبرشم بماكينة برشمة تمنها 3 الاف جنيه.. وبيع يامعلم
الزجاجة البلاستيك من الزبالين.. الدسته بجنيه.. طن زيت مستخدم الكيلو بيتاخد من المطعم بـ 25 قرش.. قمع بلاستيك قول 10 = 5 جنيه .. وماكينة برشمه بـ 3 الاف بالكتير
تكسب في الطن 2000 جنيه مستريح جدا.. ويتحرق اللي بيشتروا بجاز.. جاز مش نضيف زي الزيت اللي اشتروه

- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها
وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها.. اصل الدولار بقي غالي فالسمسم غالي والزبون عاوز الارخص مش الانضف

- فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاتر الاكتر من 3 مراحل.. سلام كبير اوي لفلاتر تانكة

**********
- سمك المزارع السمكية..بياكل دم ومخلفات عمليات الذبح عشان يكبر بسرعة

- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده

ده غير مزرعة فراخ امريكانا اللي في برج العرب اللي بتورد الفراخ لمطاعمهم ..اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح

-طلمبة البنزين الـ 92 والـ 95 في البنزينات دلوقتي.. الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز الـ 92 من الـ 95

- محلات الحلويات اللي بتبيع الحلويات للشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها ف المصانع

-الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن 6 شهور؟
بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة وطالع عين امها كمان

**********
- اكياس البلاستيك : اكياس البلاستيك اي لون (غير الشفافة المفروض انها بتتصنع من رولات بولي ايثيلين خام)

الواقع ان اغلبها عبوات بلاستيك (ميه وبيبسي) وبيتم تسيحهم في افران وسحبهم على شكل رولات تاني .. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية (حقن - سرنجات - كانيولا - فلاتر - اكياس دم مستعمله - قساطر بوليه مستعمله..)

- عبوات المياه المعدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله.. حتي مفيش عنوان للمصدر علي عبوات القزايز
دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيفعو عليها فلوس لمصلحة المياه قرروا يجمعوها في تانكات ويعبوها في قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي في الميه دي ؟)

- صابون غسيل الوجه وكريمات البشرة والشعر المنتشره في السوق (من غير الانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها

**********
السادة بقي بتوع المخدرات (طالما بنتكلم عن الغش التجاري باعتبارهم مستهلكين هم كمان) :

- الحشيش..مش حشيش ولاحاجة ده عجينة من الحنا واللبان الدكر ونسبه بسيطة لاتتجاوز .,4 من الكميه والزيت اللي ع الحشيش ده مش زيت ده ماكستون فورت ..

في الاخر .. كلها اعشاب طبيعيه

- البانجو..في الاغلب مش بانجو..نعناع وبذر طماطم مجروشين وعليهم شويه شاي محروق (عشان الريحة بس) ..اهي كلها نباتات

- البودرة.. مش بودرة بردو.. دي اقراص ريفو مطحونة ..كل 10 اقراص عليهم قرص رهبانول وبيتحطو في ورقه فويل وتتسخن تحتها ولاعه (عشان ياخد اللون البيج بتاع الهورايين) وقسم وبيع تذاكر يامعلم .. كلها ادوية صداع

_عن : الوعي المصرى

[عمانؤيل]

كله ده على الطريقه والشريعه الاسلاميه ربنا يرحمنا منهم ومن غشهم والعمل أيه يا غالى السوق الصريه كلها كده ألامراض النتشره من كده الشعب المصرى بيتعمل كده فيه علاشان ما يفكرش فى السياسه بل يفكر فى الامراض الموجوده بداخله من كل هذا

[besoo]

البانجو..في الاغلب مش بانجو..نعناع وبذر طماطم مجروشين وعليهم شويه شاي محروق (عشان الريحة بس) ..اهي كلها نباتات

و انا بقول الباكته اللى جبتها امبارح معملتش معايا حاجه ليه
اتاريهم غشوا البانجو كمان


و النبى يا جدعان حد يعرفلى الحشيش كمان غشوه ولا لأ

[scorpion_man]

طيب ممكن حد يعلمنا ازى بتتغش الحاجات دى بالتفصيل يعنى علشان الواحد يكون نفسه

[نعناع]

قرارنا نحن جمعية سرقة المجتمع منح درجةالاستاذ الدكتور princepino
شهادة عضويه مدى الحياه عن جداره فى تحضير قمة الشطارة

[موسي الأسود]

المشاركة الأصلية بواسطة نعناع

قرارنا نحن جمعية سرقة المجتمع منح درجةالاستاذ الدكتور princepino
شهادة عضويه مدى الحياه عن جداره فى تحضير قمة الشطارة

صدقني انا خايف عليك يا نعناع ألا تدخل ضمن قائمة المغشوشات و تتحول بقدرة قادر الي كمون أو كراوية . !!!!

[نعناع]

صدقني انا خايف عليك يا نعناع ألا تدخل ضمن قائمة المغشوشات و تتحول بقدرة قادر الي كمون أو كراوية . !!!!
بعد الاستفتاء الذى حدث فى جلسه جمعية سرقة المجتمع امس قرارنا نحن بحضور كبار حراميات المجتمع و الغشاشين بمقاطعة و عزل كل من يحدث فتنه فى الغش و ارهاب فى الكباب و اظهار اى تلميحات فى الكوسه هه الكوسه ودى اهم ثغرة بينظروا اليها مجتمع جمعية سرقة المجتمع و قرارنا تطبيق جميع بنود و تحويلها الى قوانين حتى لا ينسى نفسه اى صعلوق فى المجتمع و سوف يتم تطبيقها بمجرد نشرها فى جميع المجلات الغشاشين و حراميه رفعت الجلسه هه هههههههههههههه