مبارك يطلب العفو

[TERMINATOR]

خطاب يجرى إعداده الآن وقد يسجله الرئيس السابق حسنى مبارك قريبا ليتم بثه صوتيا عبر قنوات مصرية وعربية يقدم فيه مبارك عن نفسه وعن أسرته، خاصة حرمه سوزان ثابت ــ اعتذارا عما يكون قد بدر منه من إساءة لأبناء الوطن بسبب سوء تصرف ناجم عن نصيحة بعض المستشارين أو معلومات خاطئة تم رفعها للرئيس السابق، وذلك حسب مصادر مصرية وعربية رسمية.


الخطاب يقوم على صياغته الرئيسية أحد كبار الصحفيين المصريين الذين سبق له أن شارك فى اعداد الخطاب العاطفى الذى ألقاه مبارك على مسامع الشعب المصرى مساء الثلاثاء الاول من فبراير، وهو الخطاب الذى صادف تعاطفا كبيرا لدى الشعب المصرى لساعات قبل أن ينقلب هذا التعاطف لحنق بسبب القتل والاعتداءات المرتبطة بموقعة الجمل فى صباح الاربعاء 2 فبراير عندما هاجم بلطجية من أنصار حزب «مبارك» المتظاهرين العزل فى ميدان التحرير وسط القاهرة.

الخطاب سيشمل أيضا ابداء الرئيس وزوجته الرغبة الاكيدة فى التنازل عن كل ممتلكاتهما لصالح الشعب المصرى، والرغبة فى أن يتذكر هذا الشعب «أن مبارك كان يوما جنديا محاربا فى صفوف القوات المسلحة للدفاع عن الوطن وانه لم يكن يسعى أو يتوقع منصب الرئاسة وانه سعى قدر استطاعته إلى تحمل اعباء هذا المنصب كما سعت زوجته للاسهام فى الأعمال الخيرية برغبة خدمة المواطنين المصريين».

وبحسب المصادر التى تحدثت لـ«الشروق» مشترطة عدم الافصاح عن هويتها فإن خطاب الرئيس وتنازله عما يمتلكه من أموال تم حصرها بالفعل سيكون الهدف منه التقدم للمجلس الاعلى للقوات المسلحة بطلب لكى «ينظر فى العفو» عن الرئيس وقرينته.

وقال مصدر عسكرى إن هناك جهات كثيرة بعضها مصرى وبعضها عربى يتوسط لإتمام هذا الأمر فى اطار صياغة قانونية مقبولة وفى ظل توافق شعبى، واضاف أن اى قرار من المجلس العسكرى سيأخذ بالتأكيد فى الاعتبار رأى الشارع المصرى والمصلحة المصرية فى هذه المرحلة الحرجة.

وبحسب مصادر «الشروق» فإن مبارك وزوجته ــ التى قال مصدر مطلع انها «بالفعل فى حالة صحية سيئة جدا» ــ سيكتفيان بأى معاش تقرره الدولة لهما وان طلب العفو سيشمل اسرة مبارك بكاملها ــ بما فى ذلك نجلا الرئيس علاء وجمال مبارك المحتجزان الآن فى سجن طرة قيد التحقيق فى اتهامات بالفساد المالى ــ فإنه ليس من المرجح أن يشمل العفو سوى الرئيس السابق وقرينته بالنظر إلى حالتهما الصحية والمرحلة العمرية، وسيكون على النجلين اثبات براءتهما من التهم المنسوبة إليهما أو مواجهة حكم القضاء العادل.

ويقول مصدر خليجى رسمى إن كثيرا من العواصم تلح على القاهرة للنظر فى تسوية ممكنة لأن «احدا لا يشعر بالارتياح أن يتم الزج بالرئيس (السابق) مبارك وقرينته فى السجن لأننا فى النهاية ننظر إلى مبارك بوصفه من رجال حرب اكتوبر بغض النظر عن الجدل الدائر فى مصر الآن حول اهمية «ما يعرف باسم الضربة الجوية الاولى والتى نسبت لمبارك ــ بوصفها مفتاح العبور فى 1973.

ولا ينكر المصدر العسكرى أن هناك «غضاضة لدى اوساط ليست بالقليلة» فى القوات المسلحة إزاء أن يتم سجن أحد رجال القوات المسلحة بل القائد الاعلى السابق لها ولكن القوات المسلحة، حسب المصدر نفسه، لا تريد اغضاب الشعب المصرى «خاصة أن الجميع يعلم أن الثورة المصرية (فى 25 يناير) كان لها اسبابها الوجيهة وهى الاسباب التى سبق وأن اثارتها قيادات عديدة من القوات المسلحة مع الرئيس (السابق) مبارك».

وسيتوقف أمر اتمام ترتيب تنازل مبارك وزوجته عن اموالهما والسعى لعفو عسكرى على الرأى القانونى من محامى الدفاع الذى يتولى تمثيلهما والذى يصر حسبما ينقل عنه بعض من استمعوا إليه مؤخرا، انه قادر على اثبات براءة موكليه من تهم الفساد المالى المنسوبة إليهما وان وجود حسابات لأغراض خيرية فى عهدتهما لا يعنى انهما قاما بالاستيلاء على هذه الحسابات.

[TERMINATOR]

عن برنامج " القاهرة اليوم " امس :
أكد الدكتور مصطفى الفقى الكاتب والمفكر السياسى أنه لا يميل إلى محاكمة مبارك وزوجته بالرغم من حبه وميله إلى دولة القانون، لافتا إلى أنه سافر إلى عدة دول عربية فى إطار حملته الانتخابية لمنصب جامعة الدول العربية، ووجد منهم انتقادا كبيرا بسبب الطريقة التى يتعامل بها المصريون مع ملف حبس الرئيس السابق مبارك وزوجته.

ولفت إلى أنه لا يصح حبس زوجة الرئيس السابق بهذه الطريقة.

[TERMINATOR]

سوزان مبارك «تنازلت» عن كافة ممتلكاتها «داخل مصر» لصالح الدولة

ذكر موظف بمركز التوثيق النموذجي بمدينة الطور ،اليوم الاثنين، إن سوزان مبارك زوجة الرئيس المصري السابق حسني مبارك، تنازلت عن ممتلكاتها للدولة.

وأضاف محمد أحمد حامد ان قرينة الرئيس السابق توجهت إلى مستشفى شرم الشيخ الدولي وحررت توكيلا موقعا من سوزان صالح ثابت إلى جهاز الكسب غير المشروع بالتصرف في ممتلكاتها لصالح الدولة.

وأضاف انها قامت بالتوقيع على الإقرار و كانت متعبة ومجهدة و استغرقت مهمته حوالي عشر دقائق.

ويذكر ان جهاز الكسب غير المشروع قد أمر يوم الجمعة بحبسها على ذمة التحقيق لمدة 15 يوما في اتهامات باستغلال النفوذ وتضخم الثروة بطرق غير مشروعة، ونقلت إلى العناية المركزة بالمستشفى يوم الجمعة بعد الاشتباه في إصابتها بذبحة صدرية.


وكانت تحقيقات جهاز الكسب غير المشروع مع سوزان مبارك قد كشفت عن امتلاكها داخل مصر لرصيد بالبنوك قدره 20 مليون جنيه وفيلا بمصر الجديدة بينما لم يتم حتى الآن تقدير قيمة أرصدة أسرة مبارك خارج مصر.

وكان المستشار الدكتور عبد المجيد محمود النائب العام قد وافق لسوزان مبارك على عمل هذه التوكيلات خاصة فى ظل وجود قرار سبق له إصداره بمنعها من التصرف فى أموالها وجميع ممتلكاتها.

وقالت بعض التقارير الإخبارية إن السلطات تستعد لنقل زوجة مبارك إلى سجن قريب من القاهرة، ويبدو أن تنازلها عن ممتلكاتها التي تقدر بملايين الدولارات استهدف إعفاءها من الحبس الاحتياطي أو تنفيذه إلى جوار زوجها المحبوس احتياطيا أيضا في مستشفى شرم الشيخ الدولي.

[TERMINATOR]

نشرت اليوم السابع على موقعها الإلكتروني خبرا آخر يفيد بان جهاز الكسب غير المشروع سيصدر بيانا صحفيا يعلن فيه النتيجة التي توصلت اليها اللجنة المشكلة بالجهاز للبت في الطلب المقدم من طرف سوزان مبارك ، الذى تضمن طلب الصلح مع الجهاز .
وذكر المستشار عاصم الجوهرى، مساعد وزير العدل بجهاز الكسب غير المشروع ان طلب سوزان مبارك الذي تم ايداعه لدى الجهاز من طرف المحامي فريد الديب أرفقت فيه 3 توكيلات باسم المستشار عاصم الجوهرى بالتنازل عن جميع أموالها لصالح الدولة ، وتضمنت التتنازل فيها سوزان ثابت عن مبلغ 20 مليون جنيه مودعة بالبنك الأهلى وبنك جنرال سوسيتيه، فضلا عن فيلا تمتلكها بمصر الجديدة .

[zzaghlul]

شعب عاطفي واهبل "ما عدا اضطهادهم للاقباط"
لو تم ده تبقي دي موافقة لاستمرار مسلسل اذلال وسرقة الشعب في المستقبل لان دي حا تبقي سابقة معناها لحكام المستقبل يفعلوا ما يريدون بدون اي خوف لان في النهاية لو اتحاكموا يعني يبقي عفا الله عما سلف .....اي جريمة يجب ان يتم المعاقبة عليها وبالقانون اللي لازم يتطبق علي الجميع مش نستثني كل ذي حيثية ...للاسف هو ده الاسلوب الساري في بلاد التخلف وعلي كل المستويات لاعطاء استثناءات لكل من له ظهر او قريب في مكان مهم اما تطبيق القانون علي الجميع ما عدا الكباروالمهمين ويتحرق اللي ما لوش حد وده الاغلبية الساحقة من الشعب اللي يستاهل اللي جرا له وسوف يجري له لو وافق علي هذه المسرحية العاطفية بطولة الرئيس السابق.

[el chife]

محاكمة مبارك وعائلتة مجرد مسلسل يخرجة المشير طنطاوى
وقد وضحت النهاية الآن والسناريو انتاج وتمويل سعودى

[Jene]

معلشانا ليا راي ف موضوع الثورة دي ودة راي شخصي الثورة دي ما هي الاشوية عيال فكروا نفسهم انهم عملوا حاجة ف الاول لكن دلوقت اختفوا بعد ما اتاكدوا ان مصر خربت
فين ايامك يا مبارك ؟؟ اة مكنتش حلوة قوي وكان ليها مساوئ بس كانت احسن م دلوقت طبعااااااااااااااااااااااااااااااااااا بمراحل ياريتك مكنت اتنحيت وكنت قعدت للانتخابات اللي جاية

[H_SRM]

أولا لن يرضى المصريين بعودة الخداع ولو حدث لفجرت ثورة جديدة باذن الله.

للاخ اللي بيقول ايام مبارك احسن..

مبارك ايامه احسن بأمارة ايه؟

http://www.youtube.com/watch?v=JRFZJn5jhT0

ياريت تقولي, وده ردي عالفيس بوك علشان هيعتذر!!!

سوري على إيه؟
الناس اللي جالها التهاب كبد وبائي؟ ولا اللي جالها سرطان؟ ولا اللي قاعدة مش لاقية شغل؟ ولا اللي مش لاقية سكن وعنست؟ ولا اللي ماتت من قلة العيش ولا اللي ماتت من قلة الدواء والمليارات اتسرقت؟

سوري على إيه؟
الناس اللي ياما وقفت في ط...وابير العيش وماتت؟ ولاطوابير الأنابيب واتبهدلت؟ وانت بتبيع لاسرائيل الغاز بخمس الثمن؟

سوري على إيه؟

الرز اللي بعته بنص الثمن لاسرائيل هو والقمح؟ ولا القمح اللي جبتهولنا مسرطن وقولت ياكلوا عادي؟ ولا عقولنا اللي استخفيت بيها وقولت خليهم يتسلوا؟ ولا الحياة السياسية اللي افسدتها؟ ولا أنفسنا اللي أذلتها وكرامتنا اللي بعتها لليهود؟!!!

سوري على ايه بالظبط ؟ والناس اللي ياما اتبهدلت في المعتقلات وماتت واللي اللي فقدوا عقولهم؟ ولا اللي فقدوا أرواحهم واستشهدم ولا اللي فقدوا عنيهم ؟

حرب أكتوبر حارب فيه الشرفاء, أنت يا مبارك نزعت ثوت الشرف منذ توليك الرئاسة, طمعت ونلت بالحرام وظلمت وجحدت وتكبرت وتجبرت ...

اعتقد خطابك هتقول فيه بقدم إعتذاري وإثبات حسن نوايايا لأهالي الشهداء الكرام الأعزاء لم أنسى إبناءكم يوماً فلقد كنت السبب في إستشهادهم وتعلمون قيمة الشهيد!!!!..

مبارك هو اللي ربا البلطجية على ايدين ظباط الداخلية, عمر ما هيكون ايام مبارك احسن لانه سرقنا ولغاية ايام فاتت كان بيؤكد انه شريف واهو بيحضر خطاب تاني, تفتكر مبارك اقل من القذافي او عبدالله صالح او بشار الأسد؟؟؟؟؟ شوف عاملين ايه في شعبهم.

راجل ظالم حرامي وباذن الله الثورة هتنتصر بروحها والجاي خير لنا كمصريين.

[servant4]

المشاركة الأصلية بواسطة h_srm

أولا لن يرضى المصريين بعودة الخداع ولو حدث لفجرت ثورة جديدة باذن الله.

للاخ اللي بيقول ايام مبارك احسن..

مبارك ايامه احسن بأمارة ايه؟

http://www.youtube.com/watch?v=jrfzjn5jht0

ياريت تقولي, وده ردي عالفيس بوك علشان هيعتذر!!!






مبارك هو اللي ربا البلطجية على ايدين ظباط الداخلية, عمر ما هيكون ايام مبارك احسن لانه سرقنا ولغاية ايام فاتت كان بيؤكد انه شريف واهو بيحضر خطاب تاني, تفتكر مبارك اقل من القذافي او عبدالله صالح او بشار الأسد؟؟؟؟؟ شوف عاملين ايه في شعبهم.

راجل ظالم حرامي وباذن الله الثورة هتنتصر بروحها والجاي خير لنا كمصريين.

ثورة ايه يا هصرم اللى عندك امل انها تنتصر
الثورة اللى سرقها الاخوان والسلفيين

ياهصرم انت لو مسلم معتدل هاتشوف ان الثورة سقطت فى الامتحان
لو عندك امل ان يكون فيه ملحق للثورة تبقى واهـــــــــــــــــــم

الا اذا كنت مسلم منســــــــــــــــــوخ

[H_SRM]

يا استاذ سرفانت

ثورة ايه يا هصرم اللى عندك امل انها تنتصر
الثورة اللى سرقها الاخوان والسلفيين

ياهصرم انت لو مسلم معتدل هاتشوف ان الثورة سقطت فى الامتحان
لو عندك امل ان يكون فيه ملحق للثورة تبقى واهـــــــــــــــــــم

الا اذا كنت مسلم منســــــــــــــــــوخ

اولا الثورة لسة مولودة, ومش معنى واقعة او اتنين وحصلت ايام النظام الفاشل الملعون باذن الله اللي فات اخرها القديسين.

بص يا سرفانت الثورة عاملة زي الطفل اللي لسة مولود هياخد وقت علشان يكبر وباذن الله مصر ربنا حافظها.

[Jene]

حادثة او اتنين بس دي البلد خربت
وبعدين هسالك سؤال ياتري انت بلا اخطاء؟؟ علشان تلوم اي شخص
ع الاقل كنا ف امان عن دلوقت
الشعب دة مينفعش معاة غير صدام يربية من اول وجديد لية دايما بتفتكروا للناس الوحش والسئ وبتنسوا الكويس اللي عملوة
بامانة انتوا يا مصريين شعب ما ينفع معاكم غير تدخل امريكا هي اللي هتعرف تظبطكم
طيب يا استاذ ياللي بتحيي ثورة العيال اللي حصلت ف 25 يناير عرفت ان المجلس العسكري اعلن انة ف احتمالية كبيرة انة يعلن افلاسة خلال 6 شهور ياتري فاهم معني دة اية ياللي بتقول الثورة هتنتصر

[المعلم يعقوب القبطى]

أحــــلى حاجـــــــــــه
إن ماحدش عــــــــــــــــارف
حاجه

[H_SRM]

يا أستاذ

حادثة او اتنين بس دي البلد خربت
وبعدين هسالك سؤال ياتري انت بلا اخطاء؟؟ علشان تلوم اي شخص
ع الاقل كنا ف امان عن دلوقت
الشعب دة مينفعش معاة غير صدام يربية من اول وجديد لية دايما بتفتكروا للناس الوحش والسئ وبتنسوا الكويس اللي عملوة
بامانة انتوا يا مصريين شعب ما ينفع معاكم غير تدخل امريكا هي اللي هتعرف تظبطكم
طيب يا استاذ ياللي بتحيي ثورة العيال اللي حصلت ف 25 يناير عرفت ان المجلس العسكري اعلن انة ف احتمالية كبيرة انة يعلن افلاسة خلال 6 شهور ياتري فاهم معني دة اية ياللي بتقول الثورة هتنتصر

بالله عليك يا أخي مبارك كانت أخطاءه عادية؟؟؟؟

مين قالك اننا كنا في أمان!! ماكنتش بتعرف ولا تقرأ عن اللي بيختفوا واهم لاقوا عظامهم في مقابر أمن الدولة؟
ماكنتش بتسمع على اللي بيموت بتسمم أو بالتهاب كبد وبائي أو بسرطان بسبب اكل مسرطن واخرها القمح اللي مبارك أمر أنه يدخل مصر في نفس الوقت اللي كان بيصدر فيه الأرز والدقيق لاسرائيل بنصف الثمن!!!!!

ياسيدي أنا بأخطاء بس على الاقل بتوب وبتسغفر لكن مبارك لايمكن يكون تاب في يوم لان كل يوم كان بيمر بيكون أسوأ من اللي قبله.

لو سيادتك عيشتك مرتاحة او مارحتش امن الدولة وشرفت عندهم او ما مرضتش في يوم الا مالقيت دواء او ماكنتش بتقف في طابور العيش بالساعات او في طابور الانابيب بالساعات او مافيش مرة ظابط اهانك وبهدلك او حسيت بمعاناة الناس الغلابة فليك حق تقول كدة وده مش اتهام ليك بس لانك ما عشتش الظروف الصعبة فطبيعي تحس ان مافيش فرق بل شايفه بقى أسوأ.


عايزك تقولي بالله عليك انجازات حسني مبارك في 30 سنة ايه!!

مرض سواء سرطان او التهاب كبد وبائي او سرطان دم - فقر لمعدل وصل 40% - جهل نسبة لا تعد ولا تحصى في ظل قيام مشروع القراءة للجميع اللي كانت الست الهانم بتلف فلوسه - بطالة - عنوسة - زرع الفتنة بين المسلمين والمسيحين وأخرهم القديسين اللي عملها امن الدولة بنفسه - فساد اجتماعي رشاوي واغتلاس...

ياسيدي عمرك شفت وزير المفروض نواب مجلس الشعب يستجوبوه يبقى هو النائب!!ّ يعني هيستجوب نفسه!!!

انا اسف بس مش عارف اقولك ايه والله انا زيك شاب مش عارف انت متجوز ولا لا بس انا ماتجوزتش لسة وظروفي زي اي شاب بس مبسوط باللي حاصل وباذن الله فترة وهتعدي لان مصر من اغنى دول العالم كان حرام ولادها يتشردوا بالمعنى الصحيح في كل دولة ويتبهدلوا ويكون مناهم الهجرة مع ان مصر فيها كل الموارد اللي كل دولة خليجية قايمة على مورد واحد منها.

بامانة انتوا يا مصريين شعب ما ينفع معاكم غير تدخل امريكا هي اللي هتعرف تظبطكم
طيب يا استاذ ياللي بتحيي ثورة العيال اللي حصلت ف 25 يناير عرفت ان المجلس العسكري اعلن انة ف احتمالية كبيرة انة يعلن افلاسة خلال 6 شهور ياتري فاهم معني دة اية ياللي بتقول الثورة هتنتصر

لو امريكا دخلت فهيحصلها زي اي جيش فكر يدخل مصر, وانا مستغرب انت مصري ازاي بتتكلم بالاسلوب ده!! يعني نفسك امريكا تدخل!

الظروف الاقتصادية ياباشا او اي ظروف جاية او جت مش نتاجها الثورة والله ما الثورة السبب فيها, مبارك ساب البلد مفخخة زي الصحراء الغربية كل ما تمشي تلاقي لغم, الشباب اللي سيادتك مسميهم العيال دول مارضيوش يعيشوا في مهانة لو انت كنت عايز تعيش فيها فانت حر ولو انت سنك كبير فهقولك انت قبلت تعيش كدة لكن الشباب اللي استشهد ومات مسيحي او مسلم حط كفنه على ايده تفتكر ده ليه؟؟؟؟؟؟؟

انت عارف يعني ايه انسان يضحي حتى بعمره!!! يعني القضية اللي بيضحي بيها بعمره من اجهلها هو مؤمن بيها اد ايه؟؟

للأسف ايمانهم كان اقوى ايمان في مصر لانهم أمنوا بأن الحق مهدور والشعب لازم يرجع للحق ويرجعله حقه..

والايام هتثبت ان الجاي خير بس الناس تتفاءل لان مهما كان الوضع سيئ فهو مش هيكون اسوأ من ايام مبارك والله, واي حاجة بتحصل دلوقتي ليهم يد فيها بشكل مباشر او غير مباشر, ولو فيه بلطجية فهما اللي ربوها امال كانت فين الداخلية من البلطجية؟


مصر هتكون بخير باذن الله

[abomeret]

المشاركة الأصلية بواسطة h_srm

مصر هتكون بخير باذن الله

أستاذ حسام
سلام ونعمة لحضرتك .. أتمنى ذلك .. ولكن ألا ترى مثلى إن هذة الأمنية بتبعد كل شوية .. مش شايف حضرتك أزمة السولار والبوتوجاز والبنزين ؟؟ هذة هى البداية .. ألا تفهم معى مامعنى إفلاس خلال 6 شهور .. مش عارف أن المواد التموينية غير موجودة .. ولو عرفوا يوفروها الشهر الجاى مش هيعرفوا اللى بعدة .. مش عارف أن إحتياطى القمح عندنا يكفى شهر واحد .. عارف دة معناة اية ؟؟ حتى العيش مش هنعرف نجيبة .. الغنى ولا فى بالة .. هيشترية ولو ب10 جنية الرغيف .. ولا سيبك من الشراء .. دة ممكن يسافر قبرص ولا اليونان ويعيش هناك ملك بفلوسة .. الهم والغبن هيقع علينا إحنا ( انا وانت ) والجميع ...
عارف ان ماعندناش اى نوع من الدخل .. لاسياحة ولا بترول ولا قناة السويس ولا إنتاج ولا ...... العجز اصبح مفزع ...
وفية كلمة صغيرة فى ودنك .. لو انت كبير شوية فى السن .. بزمتك .. وحكم ضميرك .. مافيش اى إنجاز لمبارك الحرامى خلا ال 30 سنة ؟؟؟ فكر شوية .. ولو صغير فى السن إسأل والدك او عمك او خالك .. وفكر معايا .. اية الحل ...

[ABDELMESSIH67]

الحل في يد المجلس العسكري الخرع أو المتواطئ يا أما تطبيق القانون بكل صرامة على البلطجية و السلفيين و نظام مبارك و عائلته لكيلا تقوم ثورة أخرى و يتوقف حال البلد مرة أخرى و تكون نهاية مصر و جوعها .
الطبطبة على السلفيين و رموز النظام السابق لا تجدي و المجلس العسكري أمامه خيارين أما التنازل عن ادارة شئون البلاد لمجلس رئاسي مدني من شخصيات عامة محترمة حسنة السمعة أو الانقلاب العسكري و الا هتحدث ثورة ثانية تأكل الاخضر و اليابس .

هل يعقل أن مدون يأخذ 3 سنين سجن لانه قال رأيه و السيدة بثينة كامل تحاكم أمام النيابة لانتقادها أداء المجلس العسكري الفاشل و اللصوص الذين نهبوا مصر و قتلوا خيرة شبابها و السلفيين الذين يريدون بيع مصر للسعودية لا أحد يجرؤ على مواجهتهم و شوية الاعلام يكذب لصالحهم , مرة السلفيين ابرياء و الفاعل مجهول و مرة أصل زكريا عزمي مريض و سوزان
عندها شبه ذبحة و الرئيس بيطلب السماح و العفو................كل هذه حجج فارغة هدفها أجهاض الثورة و الافلات من العقاب و المجلس العسكري يا أما متخاذل يا أما متواطئ