دعموا فيلم الام المسيح فى مصر

دعموا فيلم الام المسيح عيب ياجماعة لما نسرق فيلم المسيح و نهضم حق كل اللى تعبوا عشان يوصلوهولنا على الصورة الجميلة اللى استمتعنا بيها دى

الامر يشبه سرقة صليب فكون المسروق صليبا لا يبرر و يحلل سرقته

ياريت ننفض عننا الهمجية اللى اكتسبناها رغما عنا بحكم العشرة السيئة التى افسدت اخلاقنا الجيدة

اللى عاوز يدى القائمين على الفيلم حقوقهم يخش الفلم فى احدى السينمات الاتية:

هيلتون رمسيس

جالاكسى - المنيل

اوديون - القاهرة

جنينة - مدينة نصر

فندق السلام - كونكورد

جود نيوز - فندق جراند الحياة (المريديان سابقا)

و بالنسبة للى شافه خلاص من نسخ مسروقة يروح يدفع تمن التذكرة فى اى سينما من دول

[faraway5050]

انا متفق معاك 100% وسوف اذهب الي اقرب سينما

ياجدعان فضيحتنا كلنا بقت على كل لسان !!! لازم نحسن من صورتا شوفوا بعنيكم :
http://news.yahoo.com/news?tmpl=stor...ion_egypt_dc_1






http://www.hollywoodreporter.com/thr..._id=1000470463




http://www.reuters.com/newsArticle.j...7&section=news


يادى الفضايح يادى الكسوف

[knowjesus_knowlove]

مهما كانت جودة ونوعية ال CD المنسوخ فى مشاهدته على شاشة التليفزيون الصغيرة ...فأنا أعتقد أنه لايضاهى على الإطلاق مشاهدة الفيلم على شاشة السينما وبالمؤثرات الصوتية فيه....
لذلك فأنا على يقين أن الكثيرين ممن شاهدوه سيشاهدونه مرة أخرى فى السينما ...
وذلك بالطبع لمن إستطاع شراء تذاكر السينما المكلفة سبيلا...

[kermina]

بصراحه انا جالى من مصر نسختين من الفيلم ومع ذلك اول ما نزل فى السينما متفرجتش عالcd ورحت اتفرجت عليه فى السينما
بجد فى السينما ليها طعم تانى خالص

[riri]

بصراحه انامقتنع تمام الاقتناع اننا سرقنا عرق غيرنا والحل المعروض منطقى ولابد ان نتكاتف كلنا للتكفير عن خطأ سرقه الفيلم على ااسطوانات سى دى او فيديو riri

[signal_II]

اظن ان لابد ان نوقف الان سرقة الكنائس للفيلم وعرضة
اكثر من 3 كنائس قريبة من بيتى كانت تعرضة يوم الجمعة فى اجتماعات شباب
بمناسبة اسبوع الالام ..

[faraway5050]

المشاركة الأصلية بواسطة emad1045

اظن ان لابد ان نوقف الان سرقة الكنائس للفيلم وعرضة
اكثر من 3 كنائس قريبة من بيتى كانت تعرضة يوم الجمعة فى اجتماعات شباب
بمناسبة اسبوع الالام ..

الاخ عماد انا لي اعتراض صغير وبرجاء محبه ان لا تقول سرقه الكنائس لان الكنائس بتعرضه للناس اللي معندهاش تدخل السينما او للبنات اللي لاتستطيع دخول السينما بمفردها

وشكرا

اعتقد انه يجب علي الكنائس التوقف عن عرضه الان ليأخذ الفيلم حقه ووقته في دور العرض وبعدها من حق الكنائس عرضه لغير القادرين دخول السينما تحت اي ظروف .
يعني نعطي مجال للفيلم وحرام تعب اصحابه يروح وكمان كل ما ارتفعت ايرادات الفيلم كل ما كان مؤشر علي رغبة العالم في معرفة المخلص ويمكن كمان كلما ارتفعت ايراداته دا يكون حافز للشخص اللي مش مهتم بيه يخليه يروح ويشوف الفيلم اللي مكسر الدنيا ويكون الفيلم سبب في خلاصه ، اعتقد اننا تسببنا في الضرر للفيلم وصانعيه بمحاولتنا نشره الان علي CD.
الرجاء التوقف عن هذه المحاولات الأن واقناع كل من يحاول نشره بهذه الطريقه ان يتوقف.

ياجماعة احنا ماكناش نحلم ان فيلم زى ده يتعرض فى مصر قوم لما يتعرض نبوظ الدنيا كده؟؟

يااخ faraway5050 اللى حصل ده اسمه سرقة فين البابا مافهمش الكنايس اللى واضح انها مش فاهمة يعنى ايه سرقة دى ليه؟؟؟ هل ان واحد ماعاهوش فلوس يشترى تذكرة سينما ده يديله حق و تحليل لسرقة تمن التذكرة هل لمجرد ان السلعة دينية يبقى سرقتها حلال؟؟؟ بلاش هل انك ماعكش فلوس تشترى قربانة من الكنيسة يبقى تسرقها ؟؟ الواحد مش مصدق نفسه ان الكنيسة بتسرق طيب مااسرق انا كمان بقى ماهى الكنيسة بتسرق اهو بتسرق و كمان بتشوه منظر الاقباط ببراعة منقطعة النظير بصراحة بتبينهم شوية **** و همج ماشيين كده دون اى قواعد او منطق

فى نيوزلتر جالى من موقع الفلم يحث على الذهاب الى السينما فى اسبوع الالام يارب نبقى متحضرين شوية و نفهم بقى و نكف عن الاعمال الهمجية و الحمدلله المرة دى مافيش مسلمين فى الموضوع عشان نلبسهم كل ماهو متعلق بالهمجية و التخلف

[signal_II]

عزيزى faraway5050
صدقنى هى سرقة باى مقياس .. ان كنت معك فى انها لن تكون كذلك
اذا تم منع عرض الفيلم بمصر ولكن الفيلم يعرض فما الداعى لما يحدث

اما البنات والذين لايقدرون ان يدخلوا السينما فهذة فعلا مشكلة ولكن لماذا لانفكر بشكل جدى لماذا لانقوم بتنظيم رحلات للسينما كما حدث بالخارج الكنائس والمدارس تنظم رحلات وبحفلات خاصة لمشاهدة الفيلم ( كحل مثلا ) او يمكن شراء DV] بتاع الفيلم ..
او على الاقل تتوقف الكنائس عن عرضة حتى ينتهى عرضة من السينما لية التاثير السىء على الفيلم كدة


انا عن نفسى حصلت نعم على الفيلم نسخة مزورة ولكن كلمت احد الاصدقاء خارج مصر ليشترى لدى cd الخاص بالفيلم .. كنوع من التكفير او رد المعروف والامتنان لميل

[faraway5050]

علي فكره يا جماعه انا متفق معكم 100% في كل ما قلتوه بس بيصعب علي ان اقول ان الكنائس اللي هي بيت ربنا انها بتسرق ممكن نقول ان بعض الناس فيها مش بيراعو ربنا في اعمالهم

وعلي فكره اول ما طرح الموضوع وافقت علي الفكره بدون تردد

وكل سنه وانتم طيبون وربنا يعوض محبتكم وخوفكم وغيرتكم علي بيته واسمه امين

[fanous2102]

شوفوا وجهه النظر مختلفه تماما
أنا معاكم ان هناك أجحاف بحق القائمين على الفيلم لكن الكلام ده نقدر نقوله خارج مصر أو بلاد بها حريه وأمان للمسيحين يمارسون حقوقه المدنيه كأي فرد وليس فى أوضاع طارئه ويجري أختطاف البنات والاعتداء عليهن ....وكمان الكهنه والقسس والرتب الدينيه أزاي ممكن تروح السينما وتتفرج على الفيلم فى وسط غوغاء و**** الشارع
وهل هناك هدف مسيحى ومثل هذا التجمع فى الكنائس ..هل تستطيع الجهات الامنيه حمايه المتفرجين الاغلبيه منها مسيحيين
أم سيكون هناك تواطؤ أمنى مع الاخوان المعر..ين الافضل ان يتم العرض بالكنائس بتصريح من الشركه الموزعه وبمقابل يرضي الشركه
الموزعه على ان يتم تعويضهم من الكنائس التى عرضت الفيلم بالفعل

[fayoumy]

To Everyone..
Please Go And See The Film..IT Is A Great Film And It Is Our Duty To Support It.
God Bless.

لكن الكلام ده نقدر نقوله خارج مصر أو بلاد بها حريه وأمان للمسيحين يمارسون حقوقه المدنيه كأي فرد وليس فى أوضاع طارئه ويجري أختطاف البنات والاعتداء عليهن ....وكمان الكهنه والقسس والرتب الدينيه أزاي ممكن تروح السينما وتتفرج على الفيلم فى وسط غوغاء و**** الشارع

يااخ fanous2102 والله انا شايف ان الموضوع عادى ومافهاش حاجة لما الرتب الكنسية و البنات يروحوا السينما الموضوع مش بالخطورة دى فى العاصمة ممكن فى اى حتة تانية انما القاهرة لسه ماوصلتش للدرجة دى و ان كان اللى بتقوله ده مش مبرر برضو ان الكنيسة بيت ربنا يسرق حاجة مش بتاعته

عموما من يومين انا شفت عربية امن مركزى قدام سينما اوديون اللى بتعرض الفيلم انما هيلتون رمسيس ماكانش قدامها مش عارف عربية اوديون واقفة صدفة ولا ايه