خوفو ..وشجرة العيلة

[صائد الذباب]

خوفو...وشجرة العيلة:
***********



[SIZE=4]رحت ذى كل يوم حد عند ستى ام ابويا...اقعد معاها اسمع الحكايات الحلوة منها وستى دة من الناس المعمرة فعلاً ...بالعمر والعقل....لها ذاكرة جهنمية مع ان عمرها دخل لاخر احصاء..ما يقارب المائة عام ونييف...ولما رحتلها...لقت عندها امها<ام ستى>....قاعدين يتسامرو...ويتذكروا الماضى ايام الحملة الفرنسية على مصر المحروسة واذاى <ام ستى> ضربت الواد نابليون ابن الراجل بونبرتا...بالزجلة..على نافوخة<والزجلة دة هى اللى اسمها الشومة فى الوقت الحاضر>...واذاى العيال العساكر بتوع فرنسا لفوو عليها ودارو معرفوش يعترو فيها....نسيت الاول اعرفكم عليهم....ستى اسمها فى حجة الميلاد علشان ايامها مكانش فية حاجة اسمها شهايد ميلاد ولا غيرة اسمها<رتيبة> وانا بدلعها برتبة..وام ستى ربنا يطول فى عمرها ...وعلى فكرة هى متعرفش عندها كام سنة ولا فية اوراق تثبت ذلك بس ممكن نقول عمرها حوالى قرن ونصف وشوية فوق البيعة....وهى اسمها سهل وحلو خالص <جطا>.....شايفين اسم من ايام الفراعنة ويمكن من قبل الاسرات بتاعة الفراعنة ومن قبل الحفريات كمان

المهم...قعدت استمع ليهم وانا فرحان ومبتسم بعبط ...وفجاة على غير المتوقع اخرجت الست جطا ورقة قديمة..واظن انها ورق بردى من بتاع امنمحتب....وقالت بكل فخر واعتزاز....شايف يا واد يا شياد الدبان انت...دة بقى شجرة العالة بتاعتنا من ايام جدودك ...هرشت فى فروة رأسى بغباء وقلت لها....بس يا ستى دة ورقة بردى ...لو حد شفها معاكى هنروح كلنا فى ستين داهية....ردت وكان ردها الفيصل....شتين داهية لما تاخد العيفش...دة ورقة شجرة العالة بتاعتنا مين يقدر ياخدها منى؟؟؟؟
رديت عليها وقلتلها بنفس غبائى المستحكم....وجاتلك منين يا جطاجيطو....ضحكت ستى الصغيرة رتبة وقالت يجاذى شطانك يا صياد الدبان....حتى امى مش عتقها...ردت امها جطا وقالت...انت لية كدة مبتفهمش بشرعة...دة شجرة العيلة...يعنى الورقة دة بنتوارثها...ورث يا بأأف....قلت لستى جطا...اللة يكرمك ...انا بأأف ...طب عايز اطل عليها طللة...مدت ستى يدها لى بالبردية....ونظرت فيها ...فشممت رائحة وعبق الماضى الغابر القديم الضارب بجذورة ...وحاولت افهم اى شىء من الرسومات الموجودة على البردية ولكن ....لم افهم شىء ...فأرجعت البردية لها وقلت بس يا تيذا...اش عرفك ان دة فيها شجرة او حتى فرع من شجرة العيلة بتاعتنا.....فضحكت وقالت ما احنا بنورثها بالترجمة بتاعتها يا فسل...فقلت لها طب فين الترجمة....وفعلاً اخرجت جطا من تحت الغطا..ورقة قديمة اخرى صفراء واعطتهانى...فقراتها..وانا ابحث بين اسماء كثيرة ...وياللعجب لقيت اسم رمسيس ومينا وخوفو....يا حلاوة.... صلاة النبى احسن اة....على رأى توفيق الدقن....اية دة كلة ياستى هو احنا من نسل المغفور لة رمسيس ....والمرحوم عند ربة يتنعم مينا موحد القطرين....والجد الاكبر للعايلة خوفو.....ردت ستى...وقالت بكل افتخار اينعم...بش جدك الكبير مش اشمة...خوفو...دة ابنة العاشر....اول جد كان اسمة..خوخو.....[/SIZE]

التكملة غداً

صائد الذباب ....من فوق تمثال رمسيس

[صائد الذباب]

طب يا ستى أول جدودنا اللى احنا نعرفة اسمة خوخو لية متذكرش فى التاريخ ذى خوفو رمسيس ومينا...

ردت ستى ..ياواد يا شياد الدبان يا ابو مخ بلاشتك...دة خوخو كان أكبر من التاريخ نفشة

اذاى بعقلك الفشفش يكتب التاريخ حاجة عن واحد جة قبل التاريخ؟؟؟؟

ضحكت بشدة وقلت لستى جطا: حلوة وملعوبة يا جطاجيطو...

ردت جطا: بقولك ايية يا واد انت ما تيجى نزور قبر جدك خوفو..

بتقولى ايية يا ستى ...فين هو قبر خوفو دة؟؟؟؟

ابتسمت وقالت :انت متعرفش الهرم الكبير ياواد؟؟

قلتلها بكل تناحة مصرية...طبعاً ومين مننا ميعرفش الاهرام؟!!!!!

ردت وقالت...ماهو دة القبر بتاع جدودك ..يا شياد

قلتلها وانا مستعجب ...يا خرابى ؟..يعنى الهرم الكبير دة قبر جدى خوفو؟؟؟

قالت بقوة وكأنها ستنقض على:...طبعاً..طبعاً...دة انا ياما رحت وانا بصحتى ازورة

رديت عليها ...ماشى نروح نزور القبر..اقصد الهرم الكبير بتاع جدنا خوفو

****************************

وفعلاً ...الحد اللى بعدة خت جدتى جطا ..ورحنا للاهرامات...ولحد ما وصلنا لبوابة واقف

عليها رجل امن <ضابط>..وعملنا اسطب.....رفع ايدية الضابط وقال بكل برود .

انتم رايحين فين

ردت جطا: احنا يابنى..جاين نزور....رد الضابط: ممنوع يا حاجة ممنوع

رديت انا : يعنى ايية ممنوع؟؟ اذاى تمنعونا نزور الاهرام؟؟؟

قال الضابط: واللة هى دة الاوامر العلية

انفجرت جطا فى وجة الرجل::اوامر...اوامر مين يا عسكرى انت؟؟؟

دة المكان دة ملك لجدنا الكبير خوفو...واحنا الورثة

يانهار اسود ستى هتودينا ورا الشمس...حاولت انهى الموضوع قبل ما يجرجرونا من قفانا

وقلت للضابط: اذاى ممنوع يا باشا وانا شايف ناس هناك عند الاهرام

رد الضابط وقال: الناس دة اجانب...مش مصريين...هم بس المسمحلهم بالدخول لحد الاهرام

غير دوول ممنوع الدخول..

انفجرت انا التانى فى الضابط... يعنى هو احنا اييية؟؟؟ ولاد البطة السودة...**** خنازير

هكسوس....

رد الضابط...صدقنى انا متضايق اكتر منك ...بس اعمل ايية ؟؟انا عبد المأمور..وهى دة

الاوامر... ايام الاعياد ممنوع دخول المصريين للاثار المصرية...والايام العادية ممكن تدخل

بس هتلاقى فى قفاك واحد عسكرى علشان ممكن تسرق حجر من الاهرام او تكتب على الاثار اى شخبطة

ردت ستى وقالت...وايية الحل انا لازم اشوف قبر جدى قبل ما اموت ؟؟؟

انا لازم اقابل المشؤل ...ولو مرديش ...هقابل اللى اكبر منة لحد ما اوصل لجلالة الملك

قلت لجطا: يا ستى جلالة الملك اية...الموجود دلوقت ...واحد دلدول اسمة ...مبارك ابن بياعة الفول
ردت ستى وقالت....لو هتوصل وارفع قضية فى المحاكم وهعرف ارجع الهرم الكبير لينا تانى

علشان كل المصريين يقدرو يشوفوة وميمنعوش حد...اةةة يا ولاد ال...ك...ل....ب

***************************

ملحوظة......هو دة اللى بيحصل فعلاً دلوقت فى الاهرام

ممنوع دخول المصريين ؟؟؟؟وانا شفت بعينية دة ...ناس جاية من كل المحافظات ومنعوهم

واجانب دخلو بالاتوبيسات والباصات والجمال لحد الاهرام

وسلملى على الحكومة ومبارك الكداب ابن الكداب

خلاص احنا بقينا فى البلد اغراب

سلامى للاجانب

صائد الذباب....وهو يحفر نفق لحد الاهرام