الحكومة المصرية تعلن موافقة الشعب على التعديلات الدستورية

[para`o]

اللى معترض على التعديلات الدستورية من الأقباط لازم يعيد التفكير و يحسبها صح
شوف هتكسب إيه و هتخسر إيه
هتكسب المادة الاولى اللى بتنص على أن جمهورية مصر العربية نظامها جمهورى ديموقراطى يقوم على أساس المواطنة
يعنى مجرعية النظام المصرى هو المواطنة و ياريت نفرق بين النظام و الحكومة و الدولة و ده معناه انه لو فى تشريع وفقا لأحكام الشريعة الاسلامية يخل بأساس النظام المصرى القائم على المواطنة يبطل هذا التشريع بقرار من المحكمة الدستورية العليا
و الان أذا كان المصدر الرئيسى للتشريع هو الشريعة الأسلامية فالمرجعية الرئيسية لأى نظام يحكم مصر هو المواطنة و يجب ألا تتعارض مبادئ الشريعة " مادة 2" مع المواطنة " مادة1 "
و نقطة تانى هى المادة الخامسة الى بتمنع أى نشاط سياسى على أساس دينى أو بمرجعية دينية يعنى سد الباب فى وش الاخوان دلوقتى ميقدروش ينزلوا أنتخابات باسم الأخوان المسلمين و ميقدروش ينزلوا بشعار الأسلام هو الحل و لو كتبوا أيات قرآنية ممكن تطعن عليهم ...
دلوقتى فى حاجات كتير ممكن الأقباط يطعنوا عليها فى المحكمة الدستورية العليا بموجب المادة الاولى و الخامسة حتى أسم الشارع بتاعك لو كان أسم له صبغة أسلامية
دا غير المواد اللى بتلغى الأشتراكية و بتوسع هبابة من صلاحيات مجلس الشعب و الشورى
أما موضوع المادة 179 فدى اللى الأخوان ضحكوا بيها على المعارضة و المعارضة ضحكوا بيها على الناس و منهم بعض الأقباط