الحكومة المصرية تعلن موافقة الشعب على التعديلات الدستورية

[boulos]

النتيجة معروفة مسبقا. الحكومة هاتعمل اللى هى عايزاه. أنا شوفت امبارح العاشرة مساء وكانت بتناقش الموضوع وفى التغطية الناس مش عارفة ايه اللى بيحصل وكمان الحزب الوطنى ديمومة الكراسى كان جايب شوية ناس مرتزقة عشان الهتافات والذى منه ولما المذيع سأل ايه هى التعديلات الدستورية كانت النتيجة صفر زى كده الكليب بتاع عساكر الأمن المركزى اللى كان بيتسأل هى حرب 1973 كانت سنة كام؟ ولما سأله المذيع طيب ازاى أنت موافق على التعديلات وأنت مش عارف اللى فيها كان الرد سيادتك أنا مع الشعب. ده بس فكرة مصغرة عما يجرى حولنا.

[makakola]

المشاركة الأصلية بواسطة boulos

وفى التغطية الناس مش عارفة ايه اللى بيحصل

كلام رائع وصحيح

حسب الإحصائيات الحكومية سنجد التالى
20.5689% ممن لهم حق الإنتخاب قالوا نعم
6.5311% ممن لهم حق الإنتخاب قالوا لا
72.9% ممن لهم حق الإنتخاب لا يكترثون بالأمر

وحسب إحصائيات المنظمة المصرية لحقوق الإنسان
3.795% ممن لهم حق الإنتخاب قالوا نعم
1.205% ممن لهم حق الإنتخاب قالوا لا
95% ممن لهم حق الإنتخاب لا يكترثون بالأمر

وهذا معناه أن أغلب من له حق الإنتخاب لا يبالى بالأمر فعلا، وهذا مؤشر خطير جدا
قد يقول قائل أن السبب هو المنظمات المقاطعة للإستفتاء، لكن هذا غير صحيح فعدد من لهم حق الإنتخاب فى حدود 36 مليون مصرى، ومهما بلغت قوة هذه التيارت المعارضة وإن قلنا أن أعضائها يتجاوزون المليون وفى هذا مبالغة، سنجد أن الحقيقة أنهم لا يؤثرون فى النسبة التى لم تتوجه فعلا ومن تلقاء نفسها للإستفتاء

[sant1]

انا عموما سعيد مبدئيا لان انا عارف الى كان هيحصل وهو الموافقة على التعديلات .
انا عارف ان فيها نقط تمس حقوق الناس ولكن فيها نقط تحافظ على البلد منها عدم قيام احزاب دينية .
وربنا يبارك مصر ويحافظ عليها من يد الاشرار