اللجوء الدينى للاقباط

[sant1]

انا اعرف ناس من استراليا وزى ما حضرتك ا/ مينا بتقول انهم اعترفوا بالاقباط كاقليات مضهطدة ولكن بالنسبة ليا مشكلتى فى الفيزا .... حد ممكن يساعدنى فى الحصول على الفيزا الاسترالية ؟

[mina_]

المشاركة الأصلية بواسطة sant1

انا اعرف ناس من استراليا وزى ما حضرتك ا/ مينا بتقول انهم اعترفوا بالاقباط كاقليات مضهطدة ولكن بالنسبة ليا مشكلتى فى الفيزا .... حد ممكن يساعدنى فى الحصول على الفيزا الاسترالية ؟

يتم تقديم الفيزا مباشرتا الى السفارة و هى على الكورنش فى اركديا مول و فية استمارة بتملاها يتم تحميلها من السيت بتاعهم و لو استنيت لبكرة ممكن ابعتهالك على طول على الميل و تحط عليها صورتك و تدفع 730 او 750 مش فاكر الرقم بلظبط

و بيحددوا المقابلة بعد 3 او اربع اسابيع

بس لازم يكون معاك جواب من العمل انهم موافقين على الاجازة و انك بتعمل معاهم من تاريخ كذا

تقديم الاستمارات من 9 صباحا حتى 10.5 صباحا

لازم برضة يكون معاك سيولة كفاية للرحلة و حساب بنكى و لو فية شقة او عربية باسمك دة حيكون احسن

انا رحت ساءلت من اسبوعين بس لية ما قدمتش و طابع الاستمرارت و كل حاجة

بس مع الاسف معرفش حد هناك ممكن يدلنى اعمل اية اول ما اوصل او يساعدنى حتى بلمعلومات مع العلم ان معايا اسرة لو عليا انا بس ممكن اتبهدل مش حيهمنى بس و هما معايا اكيد صعب

لو تعرف حد هناك ممكن يساعدك يبقى قدم و المسيح يدبر الباقى

و ابقى قولى اية الاخبار و المقابلة و انا ححاول اكون موجود على الجروب على اد ما اقدر بشكل يومى

يا ريت لو حد قدم للسفارة الاسترالية يدخل معانا و يقولنا الاخبار اية و فية تعصب ولا لا و اية الاسئلة اللى فى المقابلة و المسيح حيعوض تعبة و يباركة

سلام المسيح

[sant1]

انا اسمع ان سفارة استراليا صعبة جدااااا جدااااااا وخايف اقدم واترفض ويأثر عليا بعد كدة ... يـاريت لو حد موجود فى المنتدى يساعدنى يبقى لة جزيل الشكر

[engmms2011]

أ/مينا أ/سانت أنا معاكوا فى فكرة فيزا سياحة لأستراليا ... بس من سنتين روحت لمستشار هجرة وكنت عايز أعمل هجرة SKILL immigrations طلب الأيلتس 6.5 ويفضل 7 والواحد حاول مرة وأثنين بس الظروف مش مساعده .. وساعتاه كان فيه واحد عايز يقدم للسفارة مباشرة فحذره أن فى حالة الرفض ... مش هايقدر يدخل أستراليا تحت أى مسمى ... على العموم أنا معاكوا طالما فيه جدية ... بس موضوع الشغل عايز حد يعملنا جوابات لأن مفيش شغل خاص أو عام هايرضى يديك الجواب ده ... كمان اللى عرفه أن فيزة السياحة بدون الأسرة ....على العموم ياريت نتكلم على الخاص... أو بلأيميل ... سلام المسيح مع الجميع

[mina_]

يا احبائى ... مع الاسف الكلام اللى بتقولوة مظبوط .. انا كنت داخل فى موضوع skilled immigration بس مع الاسف فرقت معايا على نص درجة فى الايلتس

سيبكوا من مستشارين الهجرة كلهم كلام و المهم عندهم الفلوس و بس

لو اترفضت فى اى سفارة طبعا حيقل فرص قبولك بس ممكن تبعت تظلم و ممكن يتقبل و دة حصل مع زميلة اعرفها فى سفارة امريكا و بعد التظلم اخدت الفيزا 5 سنين

بس اهم حاجة اوعى اى ورقة او معلومة تكون غلط .. دى فعلن الى مش ممكن تطلع البلد او حتى تفكر فيها . يعنى موضوع ورق الشغل دة مهم جدا و بيسالوا فى الشغل و بسالوا البنك على السيولة و بقالها قد اية

على فكرة الورقة دى بسيطة جدا .. دى بيقول ان الموضف .... شغال .... و بقالة ... و الشركة موافقة تديلة اجازة للسفر . بس كدة

الاستاذ engmms انا قاعد ادور فى موضوع اللجوء و الهجرة بشكل يومى بقالى اكتر من شهرين بس المعلومات قليلة قوى و المفروض ان السايت اللى احنا علية امريكى يعنى الموضوع امان ثم اننا ممكن من المعلومات اللى حنقولها نساعد حد يكون فعلن بيدور و محتاج يسافر و معظمنا داخل باسماء رمزية .. ثم ان البلد مفهاش حد بيدور على حد دلوقتى دول نفسهم يخلصوا مننا

انا اعرق اسرة اخدت فيزا سياحة الامريكا من اول مرة من اسبوعين و كان الباسبور فاضى يعنى الموضوع مش مستحيل هو بس محتاج تنظيم و ترتيب افكار

و انا برضوا فى انتظار حد يكون فعلن اخد الفيزا يقولنا الدنيا فيها اية ..

[sant1]

انا استطيع اجيب ورقة من الشغل بالاجازة وعندى الرصيد الكافى فى البنك المهم فى التاشيرة بتاعة استراليا صعبة جدا وانا خايف اترفض فلو فى حد يساعدنى يبقى كتر خيرة .

[mina_]

عزيزى sant

مع الاسف انا معرفش حد من سفارة استراليا ولا اى سفارة و متمشيش ورا حد يقولك اى حاجة .. صلى و قدم الورق و ان شاء اللة تاخدها

بس لما تاخدها قولنا اية اللى حصل بلتفصيل

و ان شاء اللة لما تسافر تحكلنا الدنيا هناك عاملى اية و ربنا يخليك سبب بركة و تساعد اخواتك اللى فى مصر

اندر ندر لام النور و قدم و ان شاء اللة خير .. لو فية اى عقارات باسمك برضة ادمها

و متنساش تعمل الفيش و تترجمة من وزارة العدل و لو متجوز ترجم عقد الجواز برضة فى وزارة العدل و لو مخلف ترجم شهادات الميلاد فى وزارة الصحة

و تابعنى باخبارك اول باول

سلام المسيح

[mayokoko]

سلام المسيح مع جميع المشتركين
انا متابع كتير من المواقع الخاصة بمشاكل الاقباط وانا شخص مسيحي ضمن مجموعة عمل تهدف لكسب النفوس الي المسيح ومحاولة لحل مشاكل العديد من الاقباط اللى اتحولوا للاسم بالاكراه وغيرها من المواضيع اللى تهم كل مسيحي وهيكون قريب انشاء الله موقع متكامل عن المواضيع دي واي استفسار تحبوا تسالوه عن مواضيع اللجوء او السفر لاي دولة عندنا امكانية لبلاد كتير نقدر نحصل علي الاوراق اللامة ليها
ممكن تبعتولي علي الايميل الياهو لان اكتر الوقت ممكن مقدرش ادخل على الموقع هنا كتير
وشكرا
thunder.bird53@yahoo.com