اللجوء الدينى للاقباط

[esambraveheart]

المشاركة الأصلية بواسطة bianco

لحظة من فضلكم
أولا
العمل على تهجير الاقباط معناه إننا بنساعد المتأسلمين على خطتهم فى إخلاء مصر من أهلها الأصليين و تحويلها إلى مصرستان إسلاميه .
ثانيا
فين البلد الأجنبى اللى يقدر يستضيف 12 مليون من مختلف الأعمار و الثقافات و ما بيتكلموش لغته ويقدم لهم حياة كريمة بدون إحداث خلل إجتماعى و إقتصادى داخل هذا البلد؟
ثالثا
لو قلنا تهجير الأقباط لأكتر من بلد أجنبى معناه تشتيتهم و ضياع الهوية القبطية .
رابعا
مين قال أن كل الأقباط يقبل بترك بلده ويروح بلد غريبة وخصوصا كبار السن؟
وعلى فرض قبولهم للهجرة فهل كلهم عندهم الإمكانيات المادية للسفر و الهجرة ولا هتكون فقط هجرة للقادرين و الغلابة منهم يبقوا فريسة للإرهاب الإسلامى والتاريخ يعيد نفسه مثل ما حدث عند غزو العرب لمصر :
الغنى دفع الجزية وعاش مضطهد فى بلده
الفقير المؤمن فضل الموت على الدخول فى الإسلام والتخلى عن مسيحه
أما الفقير القليل الإيمان فتحول للإسلام خوفا من الموت و حبا فى الحياه و هو فى النهاية ضحية لأن أخوه المسيحى الغنى إلى حد ما تخلى عنه و لم يساعده .
الحل فى نظرى هو فضح الارهاب و كشفه و التمسك بتراب بلدنا و هويتنا و مساعدة أقباط الداخل بكل وسيلة وعدم تركهم لوحدهم .

كلام سليم..ترك البلد مش حل ..بالعكس بيزيد الازمه لان فقراء الاقباط بس همه اللي مش هايقدروا يهاجروا و للاسف الفقراء اغلبيه و في غياب اخوتهم الاغنياء حايكونوا ضعفاء محاصرين بلا حول و لا قوة و لا سند و لا ملجاء و لا معين و حايكونوا فريسة سهلة للمسلم الانتهازى الجبان المتجبر عديم النخوة الذي لا يتجبر و لا يستاسد الا علي الضعفاء و المستضعفين و المحاصرين العزل.

الحل يكمن في بسط النفوذ المادي و السياسي للنسور القبطية القوية المهاجره ..علي الداخل.. و تكثيف الضغوط علي مضطهدينا في الداخل و محاربتهم ليس في الخارج و من الخارج فقط بل في داخل مصر و من داخل مصر .

و يكفي ان استثمارات و اموال اقباط الخارج تستطيع ان تشترى ربع اراضي مصر و مشاريعها و شركاتها و تكوين تكتل قبطي جغرافي علي ارض مصر و التحكم في عصب الاقتصاد المصرى و توفير فرص العمل و الحياة من القبطي الغني المقيم بالخارج لاخيه القبطي الفقير المحاصر في الداخل لكي يستطيع ان يثبت و يقاوم و يصير قويا هو ايضا يوما من الايام فلاتضيع هويتنا القبطية و لا يضيع وطننا منا و نحن اصحابه و لا نتركه لغرباء ليحتلوه و يجبرونا اما علي الانزواء فيه كالعبيد الاذلاء و اما علي الهجرة منه كالمطرودين

[mina_]

عزيزى الاستاذ esambraveheart

من كلام سعادتك اقدر استنتج انك من المقيمين خارج مصر

كلامك جميل و انا كنت من انصارة لمدة سنين . بس مع الاسف الكلام مستحيل تطبيقة على ارض الواقع

ممكن تقولى اية اللى حصل مع نجيب ساويرس طلعوة كافر و جاسوس و محرض على احداث ماسبيرو و من كتر القرف اللى الرجل ابتدى يحول استثماراتة برة مصر

حتى الان كل ما الناس تشوف رقم موبينيل بس بقولوا دى ارقام الكفرة

سميح ساويرس بيسحبوا الاراضى بتاعتة

كل رجال الاعمال الاقباط فى مصر بيواجهوا مصاعب فظيعة

انت مش قريت خبر انتحار عدلى ايوب المليونير من القرف اللى شافة فى البلد حتى انة اوصى يدفن برة مصر فى ايطاليا

و فية امثلة تانية كتيررررررررر لحد الاقباط اللى عندهم محلات دهب بيتم السطوا عليها

دة غير النعمة اللى الكل دلوقتى بيقولها الاقباط كفرة . دة حتى المفتى بيقول ايوة الاقباط كفرة و دة شى ما يزعلش

عزيزى .. صدقتى الموقف اسواء مما تتخيل بمراحل

هويتنا موجودة جوانا مش قى الارض محفورة جوة قلبنا ..

سلام المسيح

[mina_]

الاستاذ sant , engmms

افارم عليكم ... انتوا جبتوا اللى فيها ..

و مين قالك ان اللى معاة فلوس و عربية مبيفكرش يسافر ؟؟؟ انا اعرف ناس عندها محلات و حالتهم المالية ما شاء اللة و بياخدوا خطوات انهم يسافروا

انتوا ما قريتوش ان 30 الف من رجال الاعمال و الاطباء المشهورين الاقباط سافروا الفترة اللى فاتت ما بين استراليا و كندا و امريكا

لو الكلام اللى بتقولوة مظبوط مكانش ولا قبطى اخد فيزا لان اذا كان رجال الاعمال و المشهورين سافروا و مرجعوش يبقى احنا الغلابة حنرجع ؟؟؟

و خدوا بالكوا الحياة برة صعبة جدا .. الشغل ضعيف و لازم يكون عندك لغة كويسة يعنى لازم تنحت فى الصخر

احنا هنا بنحاول نفيد بعض و نفيد اى حد بيحاول يسافر

اعملوا اللى عليكوا و خلى عنكم الباقى على ربنا

[sant1]

ا/ مينا
زى ما حضرتك قولت ان رجال الاعمال والاطباء والصيادلة والمؤهلات العلمية العالية هى اللى بتاسافر لان الدول هى اللى هاتستفاد منهم .... مش واحد غلبان هايسافر اول ما ينزل من الطيارة يطلب لجوء ويحمل الدولة مصاريف ... مع العلم حاليا ان جميع دول العالم حتى امريكا بتطلب من حكوماتهم التقليل فى المصروفات ... وربنا بدبر الامور

[mina_]

استاذ sant

انت كدة فهمتها صح

ياما فية حد هناك يستضيفك و يتحمل مصاريفك ياما يكون معاك مبلغ تبتدى بية حياتك من غير ما تحمل عليهم

سلام المسيح

[engmms2011]

أخواتى مينا وسانت
عارف أنى كلامى ممكن يكون محبط ... لأنى بقدم على هجرة أمريكا من 10 سنييين ... وحاولت مع أستراليا ونيوزيلندا من 3 سنيين ... ومؤهلى معقول ودراستى علمية...وسنى 38 ... واللغة 70% ... ومع ذلك ربنا مش رايد ...لتكن مشيئته

ملحوظة::بالنسبة للأستاذ عصام براف هارت ... ماقبلتش أو كلمت حد من اللى فعلاً بالخارج اللى لما يقفله فى وشك ... مفيش شغل ... مش لازم تهاجر ... الحياة بره صعبه ... أكنك هاتروح وتقطع من رزقه ... ربنا موجود

[mina_]

استاذ emdmms

اجرائات الهجرة طويلة جدا ممكن توصل ل 17 سنة فى امريكا و 5 سنين فى استراليا دة لو جت اصلا اما احنا فبنتكلم عن الفيزا

فعلن الحياة برة صعبة دى حقيقة و الشغل صعب يعنى اللى يفكر انة حيروح ياكل اكلة حلوة و يتشغل شغلانة حلوة ميفكرش يسافر احسن مصر بلد الكسلانين و برة مش حتلاقى كدة برة الشغل 12 ساعة و باقى الوقت دراسة يعنى مش حتنام اكتر من 4 ساعات على اكثر تقدير
بس فى الاخر بعد 5 سنين حتكون النتائج كويسة و حتبتدى تحس انك بنى ادم مش ترس فى مكنة

انا حابب انقل الواقع علشان محدش يتخدع

لو ليك اى تجارب فى موضوع الفيزا يل ريت تشارك بيها علشان نستفيد منها

سلام الميسح

[مريم نصر]

على فكره احنا مش عايزين نهاجر عشان اضطهاد دينى بالعكس انا واثقه انا مفيش حاجه من ديه هتحصل احنا عايزين نهاجر عشان بلدنا غالب عليها التخلف والجهل والتلوث لو فضلنا من مصر هنموت من التلوث قبل ما نموت من الاضطهاد الاكل فيه كمياويات خطره مياه النيل ملوثه الهواء فيها تلوث هتعيش ازاى وللاسف الشعب مش عايز يغير من سلوكياته ومش عايز ييتطور وكل مانقول نتطور نلاقى فيه مشاكل غير فرعيه قابلتنى واتلهنيى فيها من فضلكم البلد اللى مش بترعى كرامه شعبها ما تبقيش بلدى

[مريم نصر]

احنا بناتنا واخونتا بيمشوا فى الشوارع يتبهدلوا يتف على وشهم ويتعرضوا لمعاكسه مش كويسه غير الكلام الخارج اللى احنا بنسمعه كل ده عشان فيه نظره متدنيه للاقباط فى بلدنا مفيش وعى بقيمه الانسان بغض النظر عن ديانته انا باحس انى فى معتقل نفسى مش عارفه اخرج من البلد عايزه اهاجر الواحد عند شعور الغربه فى وطنه مش بيلاقى ان ديه بلده اللى بيحبها

[merna raaft]

كلامك صحيح يا مريم الاسباب للهجرة عديدة و لكنى حتى الان لا اعلم اى خطوات او معلومات
ارجو المساعدة

[el chife]

هولندا توافق على منح اللجوء لأقباط مصر

http://www.copts.net/forum/showthread.php?t=43295

[tamer ibrahim]

كترت المشاكل ومبقتش قادر من وانا طفل وانا عايش ف اضهاد يا اسيب مسيحي يا افضل راسي ف الارض كرهت مصر وكل ما فيها كرهت هواها وشرب نيلها
تعبت خلاص ومش قادر حد يساعدني مش لاقي
دورت ف كل الدنيا مش لاقي صوتي ضعيف مش واصل هيفضل الزل لامتي واصل والمرار لحد اللسان واصل حد يساعدني يا هو حد يسمعني نفسي اسيب البلد دي حد يخلصني
نفسي اعيش حياه كريمه من غير مزله ولا قله قيمه
عايز اعيش بقي ساعدوني عشان خاطر ربنا ولا عشان مفلس هفضل كده